མངོན་པ། 15:4 - གློ་བ།

⁴ ཀྱེ་གཙོ་བོ། ཁྱེད་རང་ལ་འཇིགས་སྐྲག་སུས་མི་བྱེད་ཀྱི་ལགས་སེ། དེ་ནས་ཁྱེད་རང་གི་མཚན་ལ་སུས་བསྟོད་པ་མི་འབུལ་གྱི་ལགས་སེ། གི་བྱས་རེ་སྨྲ་ན་ཁྱེད་རང་གཅིག་ཀ་དམ་པ་འོད་ད་ལགས། དེ་ནས་མི་རིགས་གི་རི་འོངས་རེ་ཁྱེད་རང་ལ་ཕྱག་མཆོད་པ་འབུལ་གྱི་ལགས། གི་བྱས་རེ་སྨྲ་ན་ཁྱེད་རང་གི་དྲང་བདེན་གྱི་ཕྱག་ལས་ཀྱ་མངོན་འདུག།

མངོན་པ། 15:4 Iomraidhean Croise

༡ པེ་ཏྲོ། 1:16

གི་བྱས་རེ་སྨྲ་ན་དེ་རེ་བྲིས་འོད་ད་ལགས། ཁྱེད་ཀྱ་དམ་པ་འབྱུང་། གི་བྱས་རེ་སྨྲ་ན་ང་དམ་པ་འོད།

མངོན་པ། 11:15

དེ་ནས་ནམ་མཁའི་བང་ཆེན་བདུན་པ་ཡིས་རང་གི་དུང་ཆེན་གོ་བུས་བ་ལགས། དེ་ནས་འོ་དེ་གཤམ་ནས་ནམ་མཁའི་ཞིང་ཁམས་དུ་གསུང་སྐད་ཆེ་ཀྱ་ཡིས་དེ་རེ་གསུངས་བ་ལགས། འཇིག་རྟེན་གྱི་རྒྱལ་སྲིད་འོ་རི་གཙོ་བོ་དང་ཁོང་པ་ཡི་མཱ་ཤི་ཀའི་རྒྱལ་སྲིད་བྱུང་འདུག། དེ་ནས་ཁོང་པ་ཡིས་རྒྱུན་ནས་རྒྱུན་དུ་དབང་འགྱུར་མཛད་ཀྱི་ལགས།

མངོན་པ། 14:7

ཁོང་པ་ཡིས་གསུང་སྐད་ཆེ་ལ་གསུངས་བ་ལགས། དཀོན་མཆོག་ལ་འཇིགས་སྣང་བྱེད། དེ་ནས་བསྟོད་པ་ཕུལ། གི་བྱས་རེ་སྨྲ་ན་ཁོང་པ་ཡི་ཁྲིམས་གཅོད་ཀྱི་དུས་ཚོད་གོ་སླེབས་འདུག། ནམ་མཁའི་ཞིང་ཁམས་དང་། ས་གཞི་དང་། རྒྱ་མཚོ་དང་། ཆུ་ཆུ་མིག་ཀྱ་བཀོད་མཛད་ཀྱིན་ཁོང་པ་ལ་ཕྱག་མཆོད་པ་ཕུལ།

མངོན་པ། 16:5

དེ་ནས་ཆུ་ཀྱ་ཡི་ཁར་ལ་དབང་ཆ་བྱེད་ཀྱིན་ནམ་མཁའི་བང་ཆེན་གྱིས་དེ་རེ་གསུངས་ཀྱིན་གོ་ངས་གོ་སོང་། ཀྱེ་དམ་པ་དཀོན་མཆོག། ད་ལྟ་བཞུགས་གནང་གིན་དང་ཨེན་མ་བཞུགས་མྱོང་འོད་ཀྱིན། ཁྱེད་རང་རང་གི་ཁྲིམས་གཅོད་ལ་དྲང་པོ་འདུག།

མངོན་པ། 16:7

དེ་ནས་མཆོད་ཁྲི་ནས་དེ་རེ་གསུངས་ཀྱིན་གོ་ངས་གོ་སོང་། ལགས། ཀྱེ་གཙོ་བོ་ཀུན་དབང་དཀོན་མཆོག། ཁྱེད་རང་གི་ཁྲིམས་གཅོད་ནི་བདེན་པ་དང་དྲང་པོ་འདུག།

མངོན་པ། 19:2

གི་བྱས་རེ་སྨྲ་ན་ཁོང་པ་ཡི་ཁྲིམས་གཅོད་བདེན་པ་དང་དྲང་པོ་འདུག། དེ་ནས་ས་གཞི་འོད་ལེ་ལ་རང་གི་འདོད་ཆགས་ཀྱིས་ལས་ངན་པ་བྱེད་དུ་བཅུག་གིན། འོ་དེ་སྐད་གྲགས་ཆེ་གཞང་འཚོང་མ་གོ་ལ་ཁོང་པ་ཡིས་ཁྲིམས་གཅོད་མཛད་འདུག། དེ་ནས་ཁོང་པ་ཡིས་ཞབས་ཕྱི་ཀྱ་ཡི་ཁྲག་གི་ཚབ་གོ་མོ་ལ་ལེན་མཛད་འདུག།

མངོན་པ། 19:8

གོས་སྤུས་མ་དང་ཕྲ་ཆག་བའི་དང་གཙང་མ་གཅིག་མོ་ལ་གོན་ཡས་ལ་གནང་བ་ལགས། རས་སྤུས་མ་དེ་ནི་དམ་པའི་མི་ཀྱ་ཡི་ལས་བཟང་པོ་ཀྱ་ལ་སྟོན་ད་ལགས།

མངོན་པ། 3:7

ཕི་ལ་དེལ་ཕི་ཡཱ་ཡི་ཆོས་ཚོགས་ཀྱི་བང་ཆེན་ལ་དེ་རེ་བྲིས། དམ་པ་དང་བདེན་པ། དེ་ནས་དཱ་བིད་ཀྱི་ལྡེ་མིག་འོད་ཀྱིན་ཁོང་པ་ཡིས་དེ་བཀའ་ཀྱ་གསུངས་བའི། ཁོང་པ་ཡིས་པེ་ཀྱིན་སྒོ་གོ་སུས་འང་བརྒྱབ་མི་ཐུབ་ཀྱི་ལགས། དེ་ནས་ཁོང་པ་ཡིས་བརྒྱབ་ཀྱིན་སྒོ་གོ་སུས་འང་པེ་མི་ཐུབ་ཀྱི་ལགས།

མངོན་པ། 4:8

འོ་དེ་སེམས་ཅན་བཞི་ཀ་ར་ལ་གཤོག་པ་དྲུག་དྲུག་འོད་ད་ལགས། དེ་ནས་འོ་དེའི་ཕྱོགས་གི་རི་དང་གཤོག་པའི་ནང་ཕྱོགས་ལ་མིག་ཀྱ་ཡིས་ཁངས་རེ་བསྡད་འོད་ད་ལགས། དེ་ནས་ཉིན་མཚན་ཁོང་ཀྱ་མཚམས་མི་བཞག་བ་དེ་རེ་སྨྲས་རེ་གླུ་བཏང་བའི། དམ་པ་དམ་པ་དམ་པ། གཙོ་བོ་ཀུན་དབང་དཀོན་མཆོག་འདུག། ཁོང་ཨེན་མ་བཞུགས་མྱོང་འོད། དེ་ནས་ད་ལྟ་བཞུགས་འདུག། དེ་ནས་གཤམ་ལ་ཕེབས་ཡས་ཡིན་གྱིན་གོ་ལགས།

མངོན་པ། 6:10

ཁོང་ཀྱ་ཡིས་སྐད་བརྒྱབ་སྟེ་དེ་རེ་སྨྲས་བ་ལགས། ཀྱེ་ཀུན་དབང་དཀོན་མཆོག། དམ་པ་དང་བདེན་པ་ལ་ཁྱེད་རང་གིས་འཇིག་རྟེན་དུ་འོད་ཀྱིན་མི་ཀྱ་ལ་ནམ་ཁྲིམས་བཅད་མཛད་ཡས། དེ་ནས་འི་ཀི་སྲོག་ལེན་མཁན་ཀྱ་ལ་ནམ་དགྲ་ཤ་ལེན་ད་མཛད་ཡས།