མངོན་པ། 14:3 - གློ་བ།

³ དེ་ནས་དཀོན་མཆོག་གི་བཞུགས་ཁྲི་དང་། འོ་དེ་སེམས་ཅན་བཞི་དང་། སློབ་དཔོན་ཀྱ་ཡི་གདོང་དུ་ཁོང་ཀྱ་ཡིས་གླུ་གསར་པ་གཅིག་ཕུལ་བ་ལགས། དེ་ནས་ས་གཞི་ནས་རིན་སྟེར་ཏེ་བླུས་ལ་མི་འབུམ་གཅིག་དང་བཞི་བཅུ་ཞེ་བཞི་ཀྱ་མ་ན། གཞན་མ་སུས་འང་འོ་དེ་གླུ་གོ་སྦྱངས་མ་ཐུབ་པ་ལགས།

མངོན་པ། 14:3 Iomraidhean Croise

༡ ཀོ་རིན་ཐུ་པ། 1:18

གི་བྱས་རེ་སྨྲ་ན་མེད་ད་ལ་འགྲོ་ཡས་ཡིན་གྱིན་ཀྱ་ཡི་ཆེད་དུ། རྒྱང་ཤིང་གི་གཏམ་ནི་ཆོ་མེད་ཀྱིན་ལགས། ཡིན་ནའང་འོ་རང་ཐར་པ་ཐོབ་བའི་འོད་ཀྱིན་ཀྱ་ཡི་ཆེད་དུ། འོ་དེ་དཀོན་མཆོག་གི་ནུས་མཐུ་ལགས།

༡ ཀོ་རིན་ཐུ་པ། 2:14

དམ་པའི་ཐུགས་ཉིད་ལ་མེད་བརྟེན་གྱིན་མི་ཀྱ་ཡིས་དཀོན་མཆོག་གི་ཐུགས་ཉིད་ཀྱི་ལབ་ཀྱ་ལ་ཁས་ལེན་མི་བྱེད་ད་ལགས། གི་བྱས་རེ་སྨྲ་ན་འོ་དེ་ལབ་ཀྱ་ཁོང་ཀྱ་ཡི་ཆེད་དུ་ཆོ་མེད་ཀྱིན་ལགས། དེ་ནས་ཁོང་ཀྱ་ཡིས་འོ་དེ་ཧ་གོ་མི་ཐུབ་བ་ལགས། གི་བྱས་རེ་སྨྲ་ན་འོ་རེ་ལབ་ཀྱ་དམ་པའི་ཐུགས་ཉིད་ཀྱི་སྒོ་ནས་གཅིག་ཀ་ཤེས་ལ་ལགས།

མངོན་པ། 14:1

ད་ངས་བལྟས་བའི། དེ་ནས་ལུག་ཕྲུག་གོ་སི་ཡོན་གྱི་རི་ལ་བཞེངས་ཏེ་བཞུགས་ཀྱིན་དང་། ཁོང་མུ་ལ་མི་འབུམ་གཅིག་དང་སྟོང་བཞི་བཅུ་ཞེ་བཞི་གོ་མཐོང་སོང་། ཁོང་ཀྱ་ཡི་དཔྲལ་ལེ་ལ་ཁོང་པ་ཡི་མཚན་དང་ཁོང་པ་ཡི་ཡབ་ཀྱིན་མཚན་བྲིས་འདུག།

མངོན་པ། 15:3

དེ་ནས་ཁོང་ཀྱ་ཡིས་དཀོན་མཆོག་གི་ཞབས་ཕྱི་མོ་ཤེ་དང་ལུག་ཕྲུག་གི་མགུར་གླུ་དེ་ལེན་པ་ལགས། ཀྱེ་གཙོ་བོ་ཀུན་དབང་དཀོན་མཆོག་ལགས། ཁྱེད་རང་གི་ཕྱག་ལས་ནི་ཆེ་དང་ཧ་ལས་ཀྱིན་འདུག། ཀྱེ་མི་རིགས་ཀྱ་ཡི་རྒྱལ་བོ། ཁྱེད་རང་གི་ལམ་ནི་དྲང་པོ་དང་བདེན་པ་འདུག།

མངོན་པ། 2:17

ཨམ་མཆོག་འོད་མཁན་ཀྱ་ཡིས་དམ་པའི་ཐུགས་ཉིད་ཀྱིས་ཆོས་ཚོགས་ཀྱ་ལ་གི་གསུངས་ཀྱིན་གོ་ཉན་ད་ཤོག། དེ་ནས་སུ་རྒྱལ་ལི། འོ་དེ་གོ་ལ་ང་སྦས་རེ་བཞག་ཞ་མཱན་ནཱ་གོ་སྟེར་ཡས་ཡིན། དེ་ནས་འོ་དེ་ལ་ང་མིང་གསར་པ་བྲིས་བྲ་རྡོ་དཀར་བོ་གཅིག་སྟེར་ཡས་ཡིན། འོ་དེ་འཐོབ་མཁན་གྱིས་གཅིག་ཀ་འོ་དེ་མིང་ཤེས་ཀྱི་ལགས།

མངོན་པ། 5:9

དེ་ནས་ཁོང་ཀྱ་ཡིས་བསྟོད་གླུ་གསར་པ་གཅིག་ལེན་ཏེ་སྨྲས་བ་ལགས། ཁྱེད་རང་ལ་ཤོག་སྒྲིལ་འདི་བསྣུམ་ཡས་དང་འོ་དེའི་ཐེལ་ཙེ་ཀྱ་བཀོག་ཐུབ་ཀྱིན་དབང་ཆ་འོད་ད་ལགས། གི་བྱས་རེ་སྨྲ་ན་ཁྱེད་རང་ལ་བསད་པ་ལགས། དེ་ནས་ཁྱེད་རང་གི་སྐུ་ཁྲག་གིས་དཀོན་མཆོག་གི་ཆེད་དུ། རྒྱུད་པ་དང་སྐད་རིགས་དང་མི་དང་མི་རིགས་ཀྱ་ནས་མི་ཀྱ་ཉོས་བ་ལགས།

མངོན་པ། 7:4

དེ་ནས་ངས་ཐེལ་ཙེ་བརྒྱབ་ཚར་ས་ཀྱ་ཡི་གྲངས་ཀ་གོ་གོ་སོང་། ཁོང་ཀྱ་འབུམ་གཅིག་དང་སྟོང་བཞི་བཅུ་ཞེ་བཞི་འདུག། དེ་ནས་ཁོང་ཀྱ་ཡིས་ར་ཨེལ་པ་བུ་ཕྲུག་ཀྱ་ཡི་བརྒྱུད་པ་འོད་ལེ་ནས་འདུག།