མངོན་པ། 13:16 - གློ་བ།

¹⁶ དེ་ནས་འོ་དེ་ཡིས་ཆུང་ང་དང་ཆེ། དེ་ནས་ཕྱུག་པོ་དང་དབུལ་སྤྲེ། དེ་ནས་རང་དབང་འོད་ཀྱིན་དང་བྲན་གཡོག་གི་རི་ལ་ཁོང་ཀྱ་ཡི་ལག་པ་གཡས། ཡང་ན་དཔྲལ་ལེ་ལ་རྟགས་བརྒྱབ་ཏུ་བཅུག་པ་ལགས།

མངོན་པ། 13:16 Iomraidhean Croise

མཛད་པ། 26:22

ཡིན་ནའང་དི་རིང་འདི་ཉིན་མ་ཐུག་པའི་ང་ལ་དཀོན་མཆོག་ནས་རང་རོགས་རམ་འབྱོར་སོང་། འོ་བྱས་རེ་ང་དུ་རུ་འོད་མཁན་ཆེ་ཆུང་གི་རི་ལ་དཔང་པོ་སྟེར་ཏེ་ལངས་རེ་བསྡད་འོད། ངས་མངོན་ཤེས་མཁན་ཀྱ་དང་མོ་ཤེ་ཡིས་མངོན་བཤད་ཤ་མ་འོངས་པ་ཡི་ལབ་དེ་ཀྱ་མ་ན་གཞན་མ་གིན་ད་བསླབ་བྱ་མ་བསླབས་འོད།

༡ ཀོ་རིན་ཐུ་པ། 12:13

གི་བྱས་རེ་སྨྲ་ན་འོ་རང་ཡ་ཧུ་དཱ་པ་ཡིན་ན། གྷི་རིག་ཡིན་ན། ཡང་ན་བྲན་གཡོག་ཡིན་ན། རང་དབང་གི་མི་ཡིན་ན། འོ་རང་གི་རི་ལུས་གཅིག་ལ་འགྱུར་ཡས་ལ་དམ་པའི་ཐུགས་ཉིད་གཅིག་ཀ་ར་ཡི་ཐོག་ནས་ཁྲུས་གསོལ་ཐོབ་པ་ལགས། དེ་ནས་འོ་རང་གི་རིའི་ནང་དམ་པའི་ཐུགས་ཉིད་གཅིག་པ་རང་གནང་འོད་ད་ལགས།

ག་ལ་ཏི་ཡཱ་པ། 3:28

ད་དེ་ནས་ཧ་ལ་ཁྱེད་ཀྱ་ཡ་ཧུ་དཱ་པ་དང་གྷི་རིག།བྲན་གཡོག་དང་རང་དབང་འོད་མཁན། དེ་ནས་ཕོ་དང་མོ་སྨྲས་རེ་དབྱེ་བ་མིན་ད། མཱ་ཤི་ཀ་ཡེ་ཤུ་ཡི་ཐོག་ནས་གི་རི་གཅིག་པ་ལགས།

ག་ལ་ཏི་ཡཱ་པ། 6:17

ངའི་གཟུགས་ལ་ཡེ་ཤུ་ཡིས་རྨ་ཡི་རྟགས་ཀྱ་འོད་ཀྱིན་བྱས་རེ། ད་དེ་ནས་ཧ་ལ་སུས་འང་ང་ལ་སྡུག་པོ་མ་བཏང་བར་ཤོག།

ཨེ་ཕེ་སུ་པ། 6:8

བྲན་གཡོག་ཡིན་ན་ཡང་ན་རང་དབང་གི་མི་ཡིན་ན། གཙོ་བོ་ཡིས་འོ་རང་རེ་རེ་ལ་འོ་རི་བྱས་ཀྱིན་ལས་བཟང་ང་ལ་གཟིགས་ཏེ་བྱ་དགའ་གནང་གི་ལགས།

ཀོ་ལོ་སཱེ་པ། 3:11

དུ་རུ་གྷི་རིག་དང་ཡ་ཧུ་དཱ་པ། དེ་ནས་ལྤགས་བོ་བཅད་ཅ་དང་མ་བཅད་ཅ། དེ་ནས་ཕྱི་རྒྱལ་དང་ཡར་རྒྱས་མེད་ཀྱིན། དེ་ནས་བྲན་གཡོག་དང་རང་དབང་གི་མི་སྨྲས་རེ་དབྱེ་བ་མེད་ད་ལགས། ཡིན་ནའང་མཱ་ཤི་ཀ་ནི་གི་རི་ལགས། དེ་ནས་གི་རིའི་ནང་བཞུགས་འོད་ད་ལགས།

༢ ཏི་མོ་ཐེའུ། 3:8

ཡཱན་ནེ་དང་ཡཱམ་བ་རེ་གཉིས་བོས་མོ་ཤེ་ལ་ངོ་ལོག་བྱས་ཀྱིན་ཅོག་རེ། ཀླད་པ་རུལ་ར་དང་དད་པ་ཟོག་པོ་འོད་ཀྱིན་འདི་མི་ཀྱ་ཡིས་འང་བདེན་པ་ལ་ངོ་ལོག་བྱེད་ད་ལགས།

མངོན་པ། 11:18

མི་རིགས་ཀྱ་ཁོང་ཁྲོ་ལངས་བ་ལགས། ཡིན་ནའང་ཁྱེད་རང་གི་ཐུགས་ཁྲོ་ཕོག་ཡས་ཀྱི་དུས་གོ་སླེབས་འདུག། གཤིན་པོ་ཀྱ་ལ་ཁྲིམས་བཅད་མཛད་ཡས། དང་ཁྱེད་རང་གི་ཞབས་ཕྱི་མངོན་ཤེས་མཁན་ཀྱ་དང་དམ་པའི་མི་ཀྱ། དེ་ནས་ཁྱེད་རང་གི་མཚན་ལ་འཇིགས་སྣང་བྱེད་མཁན་ཆེ་ཆུང་གི་རི་ལ། བྱ་དགའ་གནང་ཡས་ཀྱི་དུས་གོ་སླེབས་འདུག། དེ་ནས་འཇིག་རྟེན་ལ་གཏོར་བཤིག་བཏང་མཁན་ཀྱ་ལ་མེད་ད་ལ་བཏང་ཡས་ཀྱི་དུས་གོ་སླེབས་འདུག།

མངོན་པ། 15:2

དེ་ནས་མེ་མུ་ལ་འདྲེས་དྲ་ཤེལ་གྱི་རྒྱ་མཚོ་ཅོག་རེ་གཅིག་ངས་མཐོང་སོང་། དེ་ནས་རྒྱ་མཚོའི་འགྲམ་དུ་སེམས་ཅན་དང་འོ་དེའི་སྐུ་དང་། འོ་དེའི་མིང་གི་གྲངས་ཀ་ཁར་ལ་རྒྱལ་ཁ་ཐོབ་ཐ་ཀྱ་རང་གི་ལག་པ་ལ་དཀོན་མཆོག་གི་གནང་ན་པི་ཝང་འཁྱེར་ཏེ་ལངས་རེ་བསྡད་འདུག།

མངོན་པ། 19:18

དེ་ནས་རྒྱལ་བོ་ཀྱ་དང་། དམག་དཔོན་ཀྱ་དང་། སྟོབས་ཅན་ཀྱ་དང་། རྟ་ཀྱ་དང་། འོ་དེའི་ཁར་ལ་ཞོན་མཁན་ཀྱ་དང་། རང་དབང་འོད་ཀྱིན་དང་། བྲན་གཡོག་ཀྱ་དང་། ཆེ་དང་ཆུང་ང་གི་རི་ཡིས་ཤ་ཟ་རུ་ཤོག།

མངོན་པ། 19:20

དེ་ནས་འོ་དེ་སེམས་ཅན་དང་འོ་དེའི་ཚབ་ལ་ཧང་སང་གིན་ལས་ཀ་སྟོན་གྱིན། མངོན་ཤེས་མཁན་ཟོག་པོ་གཉིས་ཀ་ར་ལ་ཟིམ་པ་ལགས། དེ་ནས་འོ་དེ་མངོན་ཤེས་མཁན་ཟོག་པོ་ཡིས་རང་གི་ཧང་སང་གིན་ལས་ཀ་ཀྱ་ཡི་ཐོག་ནས། འོ་དེ་སེམས་ཅན་གྱི་རྟགས་ལེན་ལ་དང་། འོ་དེའི་སྐུ་ལ་ཕྱག་མཆོད་པ་འབུལ་མཁན་ཀྱ་ལ་བསླུ་འོད་ད་ལགས། དེ་གཉིས་ཀ་ར་ལ་མེ་འབར་ཏེ་བསྡད་ད་མུ་ཟིའི་མཚོ་ལ་གསོན་པོ་གཡུགས་པ་ལགས།

མངོན་པ། 19:5

དེ་ནས་བཞུགས་ཁྲི་ནས་དེ་རེ་གསུངས་ཀྱིན་གསུང་སྐད་གཅིག་ཐོན་པ་ལགས། ཁྱེད་དཀོན་མཆོག་གི་ཞབས་ཕྱི་པ་ཀྱ་བོ། ཁོང་པ་ལ་འཇིགས་སྣང་བྱེད་ཀྱིན་ཁྱེད་ཆེ་དང་ཆུང་ང་གི་རི། འོ་རི་དཀོན་མཆོག་ལ་བསྟོད་པ་ཕུལ།

མངོན་པ། 20:12

དེ་ནས་ངས་ཆེ་དང་ཆུང་ང་གཤིན་པོ་གི་རི་ལ་བཞུགས་ཁྲིའི་གདོང་དུ་ལངས་རེ་བསྡད་ཀྱིན་གོ་མཐོང་སོང་། དེ་ནས་དེབ་ཀྱ་ཁ་པེ་བ་ལགས། དེ་ནས་ཚེ་སྲོག་གི་དེབ་ཡིན་གྱིན་དེབ་གཞན་མ་གཅིག་འང་ཁ་པེ་བ་ལགས། དེ་ནས་འོ་དེ་དེབ་ཀྱ་ནང་ལ་བྲིས་འོད་ཀྱིན་ཁོང་ཀྱ་ཡིས་བྱས་བྱ་ལ་རྟེན་ཏེ་ཁོང་ཀྱ་ལ་ཁྲིམས་གཅོད་བྱུང་བ་ལགས།

མངོན་པ། 20:4

དེ་ནས་ངས་བཞུགས་ཁྲི་ཀྱ་དང་ཁྲིམས་བཅད་མཛད་ཡས་ལ་དབང་ཆ་ཐོབ་ཐ་འོ་དེ་བཞུགས་ཁྲི་ཁར་ལ་བཞུགས་མཁན་ཀྱ་མཐོང་སོང་། དེ་ནས་ཡེ་ཤུ་ལ་བདེན་དཔང་བྱས་བྱ་དང་། དཀོན་མཆོག་གི་བཀའི་དོན་དུ་མགོ་བ་བཅད་ཅ་ཀྱ་ཡི་སེམས་ཉིད་ཀྱ་ངས་མཐོང་སོང་། ཁོང་ཀྱ་ཡིས་འོ་དེ་སེམས་ཅན་དང་འོ་དེའི་སྐུ་ལ་ཕྱག་མཆོད་པ་མ་ཕུལ་བ་ལགས། དེ་ནས་འོ་དེའི་རྟགས་དཔྲལ་ལེ་ཡང་ན་ལག་པ་ལ་མ་བརྒྱབ་པ་ལགས། ཁོང་ཀྱ་གསོན་པོ་བྱུང་བ་ལགས། དེ་ནས་མཱ་ཤི་ཀ་མུ་ལ་ཁོང་ཀྱ་ཡིས་ལོ་གཅིག་སྟོང་ཐུག་པའི་དབང་བསྒྱུར་བྱས་བ་ལགས།

མངོན་པ། 6:15

དེ་ནས་འཇིག་རྟེན་གྱི་རྒྱལ་བོ་ཀྱ་དང་། དཔོན་པོ་ཀྱ་དང་། དམག་དཔོན་ཀྱ་དང་། ཕྱུག་པོ་ཀྱ་དང་། དབང་ཆེ་ཀྱ་དང་། བྲན་གཡོག་དང་། རང་དབང་འོད་ཀྱིན་མི་གི་རི་བྲག་ཕུག་ཀྱ་དང་བྲག་ཀྱ་ཡི་ཁོག་ཏུ་ཡིབས་པ་ལགས།

མངོན་པ། 7:3

འེ་ཀྱ་ཡིས་འི་ཀི་དཀོན་མཆོག་གི་ཞབས་ཕྱི་ཀྱ་ཡི་དཔྲལ་ལེ་ཁར་ལ་ཐེལ་ཙེ་མ་བརྒྱབ་ཐུག་པའི། ས་གཞི། ཡང་ན་རྒྱ་མཚོ། ཡང་ན་སྡོང་པོ་ཀྱ་ལ་གནོད་གིའང་མ་བསྐྱལ།