མངོན་པ། 1:9 - གློ་བ།

⁹ ཡེ་ཤུའི་ཐོག་ནས་སྡུག་པོ་དང་། དཀོན་མཆོག་གི་རྒྱལ་སྲིད་དང་། བཟོད་པའི་ནང་ལ་ཁྱེད་ཀྱ་ཡི་རོགས་བ་དང་སྤུན་ང་ཡོ་ཧ་ནན་ཡིན། ང་ནི་དཀོན་མཆོག་གི་བཀའ་དང་། ཡེ་ཤུ་ལ་དཔང་པོ་བྱས་བྱ་ཡི་རྐྱེན་གྱིས་པད་མོ་ཟེར་སྨྲ་གིན་གླིང་ཕྲན་དུ་འོད་ད་ལགས།

མངོན་པ། 1:9 Iomraidhean Croise

མད་ཐཱ། 20:23

ཁོང་པ་ཡིས་ཁོང་ཀྱ་ལ་གསུངས་བ་ལགས། ངའི་ཕོར་ར་ནས་ཁྱེད་ཀྱ་ཡིས་འཐུང་གི་ལགས། ཡིན་ནའང་ངའི་གཡས་དང་གཡོན་ལ་བསྡད་དུ་བཅུག་གིན་གྱི་དབང་ཆ་ང་ལ་མེད། འོ་དེ་ནི་ངའི་ཡབ་ཀྱིས་སུའི་ཕྱིར་ལ་བཤམས་འདུག་འོ་དེའི་ཕྱིར་ལ་རང་ལགས།

མར་ཀུ། 10:39

ཁོང་གཉིས་བོ་ཡིས་བྱེད་ཐུབ་ཡས་འོད་སྨྲས་རེ་ལན་ཞུས་བ་ལགས། དེ་ནས་ཡེ་ཤུ་ཡིས་གསུངས་བ་ལགས། ངས་འཐུང་གིན་ཕོ་ར་འདི་ནི་ཁྱེད་གཉིས་བོ་ཡིས་འཐུང་གི་ལགས། དེ་ནས་ངས་ལན་གྱིན་ཁྲུས་གསོལ་ཁྱེད་གཉིས་བོ་ཡིས་ལན་གྱི་ལགས།

ཡོ་ཧ་ནན། 16:33

ང་ནས་ཁྱེད་ཀྱ་ལ་ཞི་བདེ་ཐོབ་ཡས་ཀྱི་ཕྱིར་ལ་ངས་ཁྱེད་ཀྱ་ལ་དེ་ཀྱ་བཤད་པའི། འཇིག་རྟེན་དུ་ཁྱེད་ཀྱ་ལ་སྡུག་པོ་མྱངས་ཀྱི་ལགས། ཡིན་ནའང་སེམས་ལྷོད་བྱེད། ངའི་འཇིག་རྟེན་ལ་རྒྱལ་འོད།།

མཛད་པ། 1:15

ཞག་མོ་ཏི་ཏེ་གཤམ་ནས་ཡེ་ཤུ་ལ་དད་པ་བྱེད་མཁན་མི་བརྒྱ་དང་ཉི་ཤུ་ཚོད་ཀྱི་ཁོག་ཏུ་པེ་ཏྲོ་ལངས་རེ་དེ་རེ་སྨྲས་བ་ལགས།

མཛད་པ། 14:22

ཁོང་ཀྱ་ཡིས་འོ་དེ་ས་ཆ་ཀྱ་ལ་འོད་མཁན་གཙོ་བོའི་ཉེ་གནས་ཀྱ་ལ་ཤུགས་ཆེ་བཟོས་རེ། དད་པ་ལ་བསྡད་ཡས་ལ་སེམས་ཤུགས་སྟེར་པ་ལགས། དཀོན་མཆོག་གི་རྒྱལ་ཁབ་ལ་སླེབ་ཡས་ཨེན་ལ་འོ་རང་གིས་དམི་ཅིག་གི་མང་ང་སྡུག་པོ་ཟོད་པ་བྱས་རེ་བསྡད་དགོས་ཀྱི་ལགས་སྨྲ་གིན་ལབ་བསླབས་པ་ལགས།

རོ་མཱ་པ། 8:17

དེ་ནས་འོ་རང་སྲས་དང་སྲས་མོ་ཡིན་ན། འོ་རང་བརྒྱུད་འཛིན་གོའང་ལགས། འོ་རང་དཀོན་མཆོག་གི་བརྒྱུད་འཛིན་དང་། མཱ་ཤི་ཀ་མུ་ལ་བརྒྱུད་འཛིན་གྱི་རོགས་བ་ལགས། དེ་ནས་འོ་རང་མཱ་ཤི་ཀ་མུ་ལ་སྡུག་པོ་མྱངས་ན། ཁོང་གི་གཟི་བརྗིད་གོའང་མུ་ལ་བགོ་ཡས་རག་གི་ལགས།

རོ་མཱ་པ། 8:25

ཡིན་ནའང་མིག་གིས་མེད་མཐོང་གིན་ལ་འོ་རིས་རེ་བ་བྱེད་ན། འོ་དེ་ལ་འོ་རང་བཟོད་པ་བྱས་རེ་སྒུག་བ་ལགས།

༢ ཀོ་རིན་ཐུ་པ། 1:7

དེ་ནས་ཁྱེད་ཀྱ་ཡི་ཆེད་དུ་འི་ཀི་རེ་བ་བརྟན་པོ་འོད། གི་བྱས་རེ་སྨྲ་ན་ཁྱེད་ཀྱ་འི་ཀི་སྡུག་པོ་མུ་ལ་མྱངས་ཀྱིན་ཅོག་རེ་རང་། འེ་ཀྱ་ལ་ཐོབ་ཐ་སེམས་གསོ་གོ་ཁྱེད་ཀྱ་ལ་འཐོབ་ཀྱི་ལགས་སྨྲས་རེ་འེ་ཀྱ་ལ་ཤེས་ཡས་འོད།

ཕི་ལིབ་པཱི་པ། 1:7

ཁྱེད་ཀྱ་ངའི་སེམས་ནང་དུ་བྱས་རེ་ཁྱེད་ཀྱ་གི་རིའི་སྐོར་ལ། དེ་རེ་ཚོར་སྣང་སྐྱེས་ཡས་དེ་ངའི་ཆེད་དུ་བདེན་པ་འདུག། ང་བཙོན་ཁང་དུ་འོད་དེ་གང་ལ་ཡང་ན་གཏམ་བཟང་ལ་སྲུང་སྐྱོབ་དང་བདེན་དཔང་བྱེད་འདིག་གང་ལ། ཁྱེད་ཀྱ་གི་རི་ངའི་མུ་ལ་དཀོན་མཆོག་གི་ཐུགས་རྗེ་འཐོབ་འོད་ད་ལགས།

ཕི་ལིབ་པཱི་པ། 4:14

གི་ཡིན་ན་ངའི་སྡུག་བསྔལ་ལ་ཁྱེད་ཀྱི་རོགས་བ་བྱས་རེ་དགའ་བྱས་སོང་།

༢ ཐེ་ས་ལོ་ནི་ཀེ་པ། 3:5

དཀོན་མཆོག་གི་བྱམས་པ་དང་མཱ་ཤི་ཀ་ལ་བརྟན་པོ་ཆགས་ཡས་ལ། གཙོ་བོ་ཡིས་ཁྱེད་ཀྱ་ཡི་སེམས་ལ་འགོ་འཁྲིད་གནང་བར་ཤོག

༢ ཏི་མོ་ཐེའུ། 1:8

འོ་བྱས་རེ་འོ་རི་གཙོ་བོའི་དཔང་པོ་སྟེར་ཡས་དང་། ཁོང་པ་ཡི་བཙོན་པ་ངའི་ཕྱིར་ལ་ངོ་ཚ་མ་བྱེད། ཡིན་ནའང་དཀོན་མཆོག་གི་ནུས་མཐུ་གི་ཐོག་ནས་གཏམ་བཟང་གི་ཕྱིར་ལ། ངའི་མུ་ལ་སྡུག་བསྔལ་གྱི་འགན་གོ་ཁུར།

ཨིབ་རི་པ། 10:36

ཁྱེད་ཀྱ་ཡིས་དཀོན་མཆོག་གི་ཐུགས་དགོངས་བསྒྲུབས་ཡས་དང་། ཁོང་གི་དམ་བཅའ་མཛད་ཛ་གོ་འཐོབ་ཡས་ཀྱི་ཆེད་དུ་བཟོད་པ་བྱེད་དགོས།

༡ པེ་ཏྲོ། 5:1

ང་རང་ཆོས་ཚོགས་ཀྱི་འགོ་ཁྲིད་གཅིག་ཡིན་གྱིན་བྱས་རེ། དེ་ནས་མཱ་ཤི་ཀའི་སྡུག་པོ་མྱངས་ཀྱིན་གྱི་དཔང་པོ་དང་། གཤམ་ལ་མངོན་ཡས་ཡིན་གྱིན་གཟི་བརྗིད་ལ་མུ་ལ་ཐེ་ཡས་ཡིན་གྱིན་གཅིག་བྱས་རེ། ང་ཁྱེད་ཀྱ་ནང་ནས་འགོ་ཁྲིད་ཀྱ་ལ་ཞུ་བ་འབུལ་ལ་ཡིན།

མངོན་པ། 1:1

མགྱོགས་སེེ་འགྲུབ་དགོས་ཡས་ཡིན་གྱིན་གནས་ཚུལ་ཀྱ་རང་གི་ཞབས་ཕྱི་པ་ཀྱ་ལ་སྟོན་ཡས་ཀྱི་ཆེད་དུ། དཀོན་མཆོག་གིས་ཡེ་ཤུ་མཱ་ཤི་ཀ་ལ་གནང་ང་མཛད་ཛ་མངོན་པ་གོ་དེ་ལགས། དེ་ནི་ཁོང་པ་ཡིས་རང་གི་བང་ཆེན་ལ་རང་གི་ཞབས་ཕྱི་ཡོ་ཧ་ནན་རྩ་རུ་བརྫངས་ང་མཛད་དེ་མངོན་མཛད་པ་ལགས།

མངོན་པ། 1:2

དེ་ནས་ཡོ་ཧ་ནན་གྱིས་དཀོན་མཆོག་གི་བཀའ་དང་ཡེ་ཤུ་མཱ་ཤི་ཀའི་དཔང་པོ་བྱས་རེ། རང་གི་མཐོང་ཐ་གི་རི་ལ་བདེན་དཔང་བྱས་བ་ལགས།

མངོན་པ། 1:4

ང་ཡོ་ཧ་ནན་ནས་ཨེ་ཞི་ཡཱ་རུ་འོད་ཀྱིན་ཆོས་ཚོགས་བདུན་ལ་ཡིག་འདི་འབུལ་ལ་ཡིན། ད་ལྟ་བཞུགས་འོད་ཀྱིན་དང་། ཨེན་མ་བཞུགས་མྱོང་འོད་ཀྱིན་དང་། གཤམ་ལ་ཕེབས་ཡས་ཡིན་གྱིན་དཀོན་མཆོག་ནས། དེ་ནས་ཁོང་གི་བཞུགས་ཁྲི་གདོང་དུ་འོད་ཀྱིན་ཐུགས་ཉིད་བདུན་དང་། བདེན་པའི་དཔང་པོ་མཛད་ཀྱིན་གཤིན་པོ་ཀྱ་ནས་དང་པོ་གསོན་པོ་བཞེངས་ང་མཛད་ཛ་དང་། འཛམ་བུ་གླིང་གི་རྒྱལ་བོ་ཀྱ་ཡི་ཁར་ལ་དབང་མཛད་ཀྱིན་ཁོང་ཡེ་ཤུ་མཱ་ཤི་ཀའི་ཐོག་ནས་ཐུགས་རྗེ་དང་ཞི་བདེ་ཁྱེད་ཀྱ་ལ་འཐོབ་པར་ཤོག འོ་རང་ཀྱ་ལ་བྱམས་པ་མཛད་ཀྱིན་དང་རང་གི་སྐུ་ཁྲག་གི་ཐོག་ནས་འོ་རི་སྡིག་པ་ཀྱ་ནས་འོ་རང་ལ་ཐར་པ་མཛད་ཀྱིན།

མངོན་པ། 1:6

དེ་ནས་འོ་རང་ལ་ཁོང་གི་ཡབ་དཀོན་མཆོག་ལ་ཞབས་ཕྱི་ཞུ་ཡས་ལ་རྒྱལ་སྲིད་དང་། མཆོད་དཔོན་མཛད་ཀྱིན་ཁོང་པ་ལ་གཟི་བརྗིད་དང་། དབང་རྒྱུན་ནས་རྒྱུན་དུ་འོང་བར་ཤོག། ཨ་མེན།

མངོན་པ། 11:7

དེ་ནས་ཁོང་ཀྱ་ཡིས་རང་གི་བདེན་དཔང་གོ་བྱས་ཚར་ཏེ་མཐིལ་མེད་ཀྱིན་དོང་དོང་ནས་ཐོན་ཏེ་འོང་གིན་སེམས་ཅན་གོ་ཁོང་ཀྱ་མུ་ལ་འཐབ་ཀྱི་ལགས། དེ་ནས་ཁོང་ཀྱ་ཁར་ལ་རྒྱལ་རེ་ཁོང་ཀྱ་ལ་བསད་ཀྱི་ལགས།

མངོན་པ། 12:11

འོ་རི་སྤུན་ཀྱ་ཡི་ལུག་ཕྲུག་གི་ཁྲག་དང་། རང་གི་བདེན་དཔང་གི་ཚིག་གིས་བྱས་རེ། འོ་དེ་སྐྱོན་འཛུགས་མཁན་གྱི་ཁར་ལ་རྒྱལ་བ་ལགས། དེ་ནས་འཆི་བའི་ཁ་ཐུག་པའི་སླེབས་དགོས་ན། ཁོང་ཀྱ་ཡིས་རང་གི་སྲོག་ལ་མ་བལྟས་བ་ལགས།

མངོན་པ། 12:17

དེ་ནས་འོ་དེ་འབྲུག་གོ་འོ་དེ་བུ་མོ་མུ་ལ་ཁོང་ཁྲོ་ལངས་བ་ལགས། དེ་ནས་མོའི་ཕྲུ་བ་གཞན་མ་ཀྱ་མུ་ལ་འཐྲབ་ཏུ་སོང་བ་ལགས། ཡང་ན་དཀོན་མཆོག་གི་བཀའ་སྲུང་མཁན་ཀྱ་དང་ཡེ་ཤུའི་དཔང་པོ་བྱེད་མཁན་ཀྱ་མུ་ལ་འཐྲབ་ཏུ་སོང་བ་ལགས།

མངོན་པ། 13:10

བཙོན་དུ་འགྲོ་དགོས་མཁན་ཀྱ་བཙོན་དུ་རང་འགྲོ་གི་ལགས། དེ་ནས་རལ་གྲི་ཡིས་བསད་ཡས་ཡིན་མཁན་ཀྱ་རལ་གྲི་ནས་རང་བསད་ཀྱི་ལགས། དེ་ནི་དཀོན་མཆོག་གི་མི་ཀྱ་ཡི་ཆེད་དུ་བཟོད་པ་དང་དད་པའི་འབོད་བསྒྲགས་གཅིག་ལགས།

མངོན་པ། 14:12

དེ་ནི་དཀོན་མཆོག་གི་བཀའ་སྲུང་གིན་དང་། ཡེ་ཤུ་ལ་དད་པ་བྱེད་ཀྱིན་དམ་པའི་མི་ཀྱ་ཡི་ཆེད་དུ་བཟོད་པ་ཡི་འབོད་བསྒྲགས་ལགས།

མངོན་པ། 19:10

དེ་ནས་ཁོང་པ་ལ་ཕྱག་མཆོད་པ་འབུལ་ཡས་ལ་ངས་ཁོང་པ་ཡི་ཞབས་ལ་ཕྱག་འཚལ་བའི། ཡིན་ནའང་ཁོང་པ་ཡིས་ང་ལ་གསུངས་སོང་། དེ་རེ་མ་བྱེད། ང་ནི་ཁྱོད་དང་ཁྱོའི་སྤུན་ཀྱ་ཅོག་རེ་ཡེ་ཤུའི་བདེན་དཔང་བྱེད་ཀྱིན་ལས་རོགས་གཅིག་ཀ་ཡིན། དཀོན་མཆོག་ལ་ཕྱག་མཆོད་པ་ཕུལ། གི་བྱས་རེ་སྨྲ་ན་ཡེ་ཤུ་ལ་བདེན་དཔང་བྱེད་ཀྱིན་ནི་མངོན་ཤེས་ཀྱི་སེམས་ཉིད་ལགས།

མངོན་པ། 20:4

དེ་ནས་ངས་བཞུགས་ཁྲི་ཀྱ་དང་ཁྲིམས་བཅད་མཛད་ཡས་ལ་དབང་ཆ་ཐོབ་ཐ་འོ་དེ་བཞུགས་ཁྲི་ཁར་ལ་བཞུགས་མཁན་ཀྱ་མཐོང་སོང་། དེ་ནས་ཡེ་ཤུ་ལ་བདེན་དཔང་བྱས་བྱ་དང་། དཀོན་མཆོག་གི་བཀའི་དོན་དུ་མགོ་བ་བཅད་ཅ་ཀྱ་ཡི་སེམས་ཉིད་ཀྱ་ངས་མཐོང་སོང་། ཁོང་ཀྱ་ཡིས་འོ་དེ་སེམས་ཅན་དང་འོ་དེའི་སྐུ་ལ་ཕྱག་མཆོད་པ་མ་ཕུལ་བ་ལགས། དེ་ནས་འོ་དེའི་རྟགས་དཔྲལ་ལེ་ཡང་ན་ལག་པ་ལ་མ་བརྒྱབ་པ་ལགས། ཁོང་ཀྱ་གསོན་པོ་བྱུང་བ་ལགས། དེ་ནས་མཱ་ཤི་ཀ་མུ་ལ་ཁོང་ཀྱ་ཡིས་ལོ་གཅིག་སྟོང་ཐུག་པའི་དབང་བསྒྱུར་བྱས་བ་ལགས།

མངོན་པ། 3:10

ཁྱེད་ཀྱ་ཡིས་བཟོད་པ་བྱེད་དགོས་ཀྱིན་ངའི་བཀའ་གོ་བསྲུངས་སྲ་བྱས་རེ། ང་ཁྱོད་ལ་ས་གཞི་རུ་འོད་ཀྱིན་མི་གི་རི་ལ་ཚོད་ལྟ་བྱེད་ཡས་ལ། འཛམ་བུ་གླིང་དུ་འོང་ཡས་ཡིན་གྱིན་འོ་དེ་ཚོད་ལྟའི་དུས་ཚོད་ནས་སྐྱོབ་ཡས་ཡིན།

མངོན་པ། 6:9

དེ་ནས་ལུག་ཕྲུག་གིས་ཐེལ་ཙེ་ལྔ་བ་གོ་བཤིག་བ་རང་མཆོད་ཁྲིའི་འོག་ཏུ་དཀོན་མཆོག་གི་བཀའ་དང་། ཁོང་ལ་བདེན་དཔང་བྱས་བྱ་ཡི་ཕྱིར་ལ་བསད་ས་མི་ཀྱ་ཡི་སེམས་ཉིད་ཀྱ་ངས་མཐོང་སོང་།

མངོན་པ། 7:14

ངས་ཁོང་ལ་སྨྲས་བའི། སློབ་དཔོན་ལགས། ཁྱེད་རང་རང་མཁྱེན་ད་ལགས། དེ་ནས་ཁོང་གིས་ང་ལ་གསུངས་སོང་། དེ་ཀྱ་ནི་སྡུག་པོ་ཆེ་ནས་ཐོན་ཏེ་འོངས་བ་ཀྱ་ལགས། དེ་ནས་ཁོང་ཀྱ་ཡིས་རང་གི་གོས་ལུག་ཕྲུག་གི་ཁྲག་ལ་འཁྲུད་རེ་དཀར་བོ་བཟོས་འོད་ད་ལགས།