མངོན་པ། 1:2 - གློ་བ།

² དེ་ནས་ཡོ་ཧ་ནན་གྱིས་དཀོན་མཆོག་གི་བཀའ་དང་ཡེ་ཤུ་མཱ་ཤི་ཀའི་དཔང་པོ་བྱས་རེ། རང་གི་མཐོང་ཐ་གི་རི་ལ་བདེན་དཔང་བྱས་བ་ལགས།

མངོན་པ། 1:2 Iomraidhean Croise

ཡོ་ཧ་ནན། 1:32

ཡོ་ཧ་ནན་གྱིས་དེ་རེ་བདེན་དཔང་བྱས་བ་ལགས། ངས་ནམ་མཁའ་ནས་ཐུགས་ཉིད་གོ་ཕུག་རོན་ཅོག་རེ་བབ་སྟེ་ཁོང་པ་ཁར་ལ་བཞུགས་ཀྱིན་གོ་མཇལ་སོང་།

ཡོ་ཧ་ནན། 12:17

ཡེ་ཤུ་ཡིས་ལཱ་ཟར་ལ་དུར་ཁྲོད་ནས་བོས་རེ་འཆི་བ་ནས་གསོན་པོ་མཛད་དེ་གང་ལ། ཁོང་པ་མུ་ལ་འོད་མཁན་མི་ཚོགས་ཀྱིས་ཁོང་པ་ཡི་སྐོར་ལ་དཔང་པོ་སྟེར་ཇིག་བྱས་བ་ལགས།

ཡོ་ཧ་ནན། 19:35

འོ་དེ་མཐོང་ཐ་མིས་འདིའི་སྐོར་ལ་དཔང་པོ་བྱས་བ་ལགས། དེ་ནས་ཁོའི་དཔང་པོ་གོ་བདེན་པ་ལགས། དེ་ནས་མི་འདི་ཁོ་རི་བཤད་ཀྱིན་གོ་བདེན་པ་ལགས་སྨྲས་རེ་ཁོ་ལ་ཤེས་ཡས་འོད་ད་ལགས།

ཡོ་ཧ་ནན། 21:24

དོན་དེ་ཀྱ་ལ་དཔང་པོ་བྱེད་ཀྱིན་དང་ཡིག་དེ་ཀྱ་འབྲི་མཁན་ཉེ་གནས་གོ་ཁོ་རང་ལགས། དེ་ནས་ཁོས་དཔང་པོ་བྱས་ཀྱིན་གོ་བདེན་པ་ལགས་སྨྲས་རེ་འེ་ཀྱ་ལ་ཤེས་ཡས་འོད།

ཡོ་ཧ་ནན། 3:11

ང་ཁྱོད་ལ་བདེན་པ་བདེན་ཀྱང་སྨྲ་ཡིན། འི་ཀིས་གི་ཤེས་ཀྱིན་གོ་འེ་ཀྱ་སྨྲ་ལགས། དེ་ནས་འི་ཀིས་གི་མཐོང་གིན་གོ་འེ་ཀྱ་དཔང་པོ་བྱེད་ད་ལགས། ཡིན་ནའང་ཁྱེད་ཀྱ་འི་ཀི་བདེན་དཔང་ལ་ཁས་མེད་ལེན་ད་ལགས།

མཛད་པ། 22:15

གི་བྱས་རེ་སྨྲ་ན་ཁོང་པ་ཡི་ཕྱིར་ལ་ཁྱེད་རང་གིས་མཐོང་གིན་དང་། མཉན་གྱིན་གྱི་དཔང་པོ་བྱུང་རེ་མི་གི་རི་ལ་བཤད་ཀྱིན་ཁྱོད་འབྱུང་གི་ལགས།

མཛད་པ། 26:16

ད་ལོངས། ང་ཁྱོད་ལ་ངའི་ཞབས་ཕྱི་པ་དང་ངའི་དཔང་པོ་སྟེར་མཁན་མི་བཟོ་ཡས་ལ་དུ་རུ་འོངས་བ་ཡིན། ཁྱོས་ངའི་སྐོར་ལ་ད་ལྟ་མཐོང་ཐ་དང་མ་འོངས་པ་ལ་མཐོང་གིན་ལབ་ཀྱ་གི་རི་ལ་བཤད་དགོས་ཀྱི་ལགས།

མཛད་པ། 4:20

གི་བྱས་རེ་སྨྲ་ན་འེ་ཀྱ་ཡིས་མཐོང་ཐ་དང་ཧ་གོ་ག་ལབ་ཀྱ་མེད་སྨྲ་བསྡད་ཐུབ་ཡས་མིན་འདུག

༡ ཀོ་རིན་ཐུ་པ། 1:6

དེ་ནས་འདི་རང་གི་ཁྱེད་ཀྱ་ལ་མཱ་ཤི་ཀའི་སྐོར་ལ་འི་ཀིས་བཤད་ཀྱིན་གོ་བདེན་པ་ལགས་སྨྲས་རེ་ཐག་བཅད་ད་ལགས།

༡ ཀོ་རིན་ཐུ་པ། 2:1

སྤུན་ཀྱ་བོ། ང་ཁྱེད་ཀྱ་རྩ་རུ་འོང་བ་རང་དཀོན་མཆོག་གི་གསང་བ་གོ་དམི་ཅིག་གི་ལབ་མཁས་བ་ཀྱ་དང་། ཤེས་རབ་ཀྱི་སྒོ་ནས་གསལ་བསྒྲགས་བྱས་རེ་མ་ཡོང་།

༡ ཡོ་ཧ་ནན། 1:1

ཐོག་མ་ནས་འོད་ཀྱིན་དང་འི་ཀིས་གོ་མྱོང་གིན་དང་། འི་ཀི་མིག་གིས་མཐོང་མྱོང་གིན་དང་། འི་ཀིས་བལྟས་ཏ་གོ་དང་། འི་ཀི་ལག་པས་འཇུས་མྱངས་ཀྱིན་ཚེ་སྲོག་གི་བཀའི་སྐོར་ལ་འེ་ཀྱ་གསལ་བསྒྲགས་བྱེད་ད་ཡིན།

༡ ཡོ་ཧ་ནན། 4:14

དེ་ནས་ཡབ་ཀྱིས་རང་གི་སྲས་འཇིག་རྟེན་གྱི་སྐྱབས་མགོན་འབྱུང་ཡས་ཀྱི་ཆེད་དུ། མངགས་ཀྱིན་གོ་འི་ཀིས་མཐོང་བ་ལགས། དེ་ནས་དཔང་པོ་བྱེད་ད་ཡིན།

༣ ཡོ་ཧ་ནན། 1:12

དེ་མེ་ཏྲི་ཡུའི་སྐོར་ལ་མི་གི་རི་ཡིས་ལབ་དགའ་བཏང་བའི། དེ་ནས་བདེན་པ་ཡིས་འང་འདི་ལ་དཔང་པོ་བྱེད་འདིག། འེ་ཀྱའང་དཔང་པོ་སྟེར་ར་ཡིན། དེ་ནས་འི་ཀི་དཔང་པོ་བདེན་པ་ལགས་སྨྲས་རེ་ཁྱོས་ཤེས་ལ་ལགས།

མངོན་པ། 1:11

འོ་དེ་ཡིས། ཁྱོས་གི་མཐོང་གིན་གོ་དེབ་ལ་བྲིས། དེ་ནས་དེ་ཆོས་ཚོགས་བདུན་ཀྱ་ཨེ་ཕེ་སུ་དང་། སི་མིར་ནཱ་དང་། པེར་ག་མོན་དང་། ཐི་ཡ་ཏི་རཱ་དང་། སར་དཱི་དང་། ཕི་ལ་དེལ་ཕི་ཡཱ་དང་། ལའོ་དི་ཀེ་ཡཱ་ལ་སྐུར་གསུངས་རེ་གསུངས་སོང་།

མངོན་པ། 1:19

འོ་བྱས་རེ་ཁྱོས་མཐོང་ཐ་དང་། ད་ལྟ་འོད་ཀྱིན་དང་། མ་འོང་པར་ལ་འབྱུང་ཡས་ཡིན་གྱིན་གོ་བྲིས།

མངོན་པ། 1:9

ཡེ་ཤུའི་ཐོག་ནས་སྡུག་པོ་དང་། དཀོན་མཆོག་གི་རྒྱལ་སྲིད་དང་། བཟོད་པའི་ནང་ལ་ཁྱེད་ཀྱ་ཡི་རོགས་བ་དང་སྤུན་ང་ཡོ་ཧ་ནན་ཡིན། ང་ནི་དཀོན་མཆོག་གི་བཀའ་དང་། ཡེ་ཤུ་ལ་དཔང་པོ་བྱས་བྱ་ཡི་རྐྱེན་གྱིས་པད་མོ་ཟེར་སྨྲ་གིན་གླིང་ཕྲན་དུ་འོད་ད་ལགས།

མངོན་པ། 12:11

འོ་རི་སྤུན་ཀྱ་ཡི་ལུག་ཕྲུག་གི་ཁྲག་དང་། རང་གི་བདེན་དཔང་གི་ཚིག་གིས་བྱས་རེ། འོ་དེ་སྐྱོན་འཛུགས་མཁན་གྱི་ཁར་ལ་རྒྱལ་བ་ལགས། དེ་ནས་འཆི་བའི་ཁ་ཐུག་པའི་སླེབས་དགོས་ན། ཁོང་ཀྱ་ཡིས་རང་གི་སྲོག་ལ་མ་བལྟས་བ་ལགས།

མངོན་པ། 12:17

དེ་ནས་འོ་དེ་འབྲུག་གོ་འོ་དེ་བུ་མོ་མུ་ལ་ཁོང་ཁྲོ་ལངས་བ་ལགས། དེ་ནས་མོའི་ཕྲུ་བ་གཞན་མ་ཀྱ་མུ་ལ་འཐྲབ་ཏུ་སོང་བ་ལགས། ཡང་ན་དཀོན་མཆོག་གི་བཀའ་སྲུང་མཁན་ཀྱ་དང་ཡེ་ཤུའི་དཔང་པོ་བྱེད་མཁན་ཀྱ་མུ་ལ་འཐྲབ་ཏུ་སོང་བ་ལགས།

མངོན་པ། 20:4

དེ་ནས་ངས་བཞུགས་ཁྲི་ཀྱ་དང་ཁྲིམས་བཅད་མཛད་ཡས་ལ་དབང་ཆ་ཐོབ་ཐ་འོ་དེ་བཞུགས་ཁྲི་ཁར་ལ་བཞུགས་མཁན་ཀྱ་མཐོང་སོང་། དེ་ནས་ཡེ་ཤུ་ལ་བདེན་དཔང་བྱས་བྱ་དང་། དཀོན་མཆོག་གི་བཀའི་དོན་དུ་མགོ་བ་བཅད་ཅ་ཀྱ་ཡི་སེམས་ཉིད་ཀྱ་ངས་མཐོང་སོང་། ཁོང་ཀྱ་ཡིས་འོ་དེ་སེམས་ཅན་དང་འོ་དེའི་སྐུ་ལ་ཕྱག་མཆོད་པ་མ་ཕུལ་བ་ལགས། དེ་ནས་འོ་དེའི་རྟགས་དཔྲལ་ལེ་ཡང་ན་ལག་པ་ལ་མ་བརྒྱབ་པ་ལགས། ཁོང་ཀྱ་གསོན་པོ་བྱུང་བ་ལགས། དེ་ནས་མཱ་ཤི་ཀ་མུ་ལ་ཁོང་ཀྱ་ཡིས་ལོ་གཅིག་སྟོང་ཐུག་པའི་དབང་བསྒྱུར་བྱས་བ་ལགས།

མངོན་པ། 22:21

གཙོ་བོ་ཡེ་ཤུའི་ཐུགས་རྗེ་མི་གི་རི་མུ་ལ་གནས་བར་ཤོག། ཨ་མེན།།

མངོན་པ། 6:9

དེ་ནས་ལུག་ཕྲུག་གིས་ཐེལ་ཙེ་ལྔ་བ་གོ་བཤིག་བ་རང་མཆོད་ཁྲིའི་འོག་ཏུ་དཀོན་མཆོག་གི་བཀའ་དང་། ཁོང་ལ་བདེན་དཔང་བྱས་བྱ་ཡི་ཕྱིར་ལ་བསད་ས་མི་ཀྱ་ཡི་སེམས་ཉིད་ཀྱ་ངས་མཐོང་སོང་།