མངོན་པ། 1:11 - གློ་བ།

¹¹ འོ་དེ་ཡིས། ཁྱོས་གི་མཐོང་གིན་གོ་དེབ་ལ་བྲིས། དེ་ནས་དེ་ཆོས་ཚོགས་བདུན་ཀྱ་ཨེ་ཕེ་སུ་དང་། སི་མིར་ནཱ་དང་། པེར་ག་མོན་དང་། ཐི་ཡ་ཏི་རཱ་དང་། སར་དཱི་དང་། ཕི་ལ་དེལ་ཕི་ཡཱ་དང་། ལའོ་དི་ཀེ་ཡཱ་ལ་སྐུར་གསུངས་རེ་གསུངས་སོང་།

མངོན་པ། 1:11 Iomraidhean Croise

མཛད་པ། 16:14

འི་ཀི་ལབ་མཉན་མཁན་ཀྱ་ནས་ལི་དི་ཡཱ་མིང་འོད་མཁན་བུ་མོ་གཅིག་འདུག མོ་ཐི་ཡ་ཏི་རཱ་སྨྲ་གིན་ས་ཆ་ནས་འོངས་རེ། ཕི་ལི་པི་རུ་གོང་ཆེ་བྱེད་ཀྱིན་ཚོས་སྨུག་པོ་འགོ་སྣམ་གྱི་ཚོང་བརྒྱབ་བ་ལགས། ལི་དེ་ཡཱ་ཡ་ཧུ་དཱ་པ་མིན་མཁན་མི་རིགས་ཡིན་ནའང་དཀོན་མཆོག་ལ་བརྩིས་མཁན་སྐྱེས་དམན་ལགས། པའུ་ལུ་ཡིས་སྨྲ་གིན་ལབ་ལ་མཉན་ཡས་ལ་གཙོ་བོ་ཡིས་མོའི་སེམས་གྲ་སྒྲིག་བྱས་བ་ལགས།

མཛད་པ། 18:24

འོ་དེ་གུང་ལ་ཨ་ལེག་སན་དྲི་ཡཱ་ཡི་མི་ཨ་པོལ་ལོས་སྨྲ་མཁན་ཡ་ཧུ་དཱ་པ་གཅིག་ཨེ་ཕེ་སུ་རུ་སླེབས་པ་ལགས། ཁོ་དམི་ཅིག་གི་དགའ་ལབ་བཏང་ཐུབ་མཁན་དང་། ཆོས་ཁྲིམས་ཀྱི་སྐོར་ལ་དམི་ཅིག་གི་མཁས་བ་འོད་ད་ལགས།

མཛད་པ། 20:17

ད་མི་ལེ་ཏུ་རྒྱལ་ས་ནས་པའུ་ལུ་ཡིས་ཨེ་ཕེ་སུ་རྒྱལ་ས་ཡི་ཆོས་ཚོགས་ཀྱི་འགོ་ཁྲིད་ཀྱ་ལ་འབོད་རུ་བརྫངས་བ་ལགས།

༡ ཀོ་རིན་ཐུ་པ། 15:32

ད་འཇིག་རྟེན་པ་མི་ཅོག་རེ་ཨེ་ཕེ་སུ་རུ་སེམས་གཅན་ཀྱ་ཅོག་རེ་མུ་ལ་ངས་འཐབས་ཀྱིན་གོ་ནས་ང་ལ་གི་ཕན་ཐོགས་སོ་སེ། ད་འཆི་བ་ནས་གསོན་པོ་འབྱུང་ཡས་མིན་ན། འོ་རང་ཟ་འཐུང་བྱེད་དོ། གི་བྱས་རེ་སྨྲ་ན་ཉེ་དྲོ་ནི་འོ་རང་ཤི་གུ་ལགས།

༡ ཀོ་རིན་ཐུ་པ། 16:8

ཡིན་ནའང་ཉིན་མ་ལྔ་བཅུའི་དུས་ཆེན་ཐུག་པའི་ང་ཨེ་ཕེ་སུ་རུ་རང་བསྡད་ཡས་ཡིན།

ཨེ་ཕེ་སུ་པ། 1:1

དཀོན་མཆོག་གི་ཐུགས་དགོངས་ཐོག་ནས་མཱ་ཤི་ཀ་ཡེ་ཤུའི་སྐུ་ཚབ་ང་པའུ་ལུ་ནས། ཡེ་ཤུ་མཱ་ཤི་ཀ་ལ་དད་པ་བྱེད་ཀྱིན་ཨེ་ཕེ་སུ་རྒྱལ་ས་རུ་འོད་མཁན་དམ་པའི་མི་ཀྱ་ལ།

ཀོ་ལོ་སཱེ་པ། 2:1

ཁྱེད་ཀྱ་དང་། ལའོ་དི་ཀེ་ཡཱ་ཡི་མི་ཀྱ་དང་། ངའི་ངོ་རོང་མཐོང་མ་མྱོང་གིན་གཞན་མ་མི་གི་རིའི་ཆེད་དུ། ངས་བརྒྱབ་གྱ་དཀའ་ལས་ཆེ་གོ་ཁྱེད་ཀྱ་ཡིས་ཤེས་ལ་བྱེད་སྨྲས་རེ་ང་འདོད་འདིག་འོད།

༡ ཏི་མོ་ཐེའུ། 1:3

ང་མ་ཀེ་དོན་ཡཱ་ཡུལ་དུ་འགྲོའི་གང་ལ། ངས་ཁྱོད་ལ་ཞུ་གིན་ཅོག་རེ་འོ་དུ་རུ་འོད་ཀྱིན་ལྟ་བ་ཟོག་པོའི་ཆོས་བསླབས་མཁན་ཀྱ་ལ་ཉེན་བརྡ་བཏང་ཡས་ལ། ཁྱོད་ཨེ་ཕེ་སུ་རྒྱལ་ས་རུ་རང་སྡོད།

མངོན་པ། 1:17

ངས་ཁོང་པ་ལ་མཇལ་ལི་གང་ལ་ང་ཁོང་པ་ཡི་ཞབས་དྲུང་དུ་མི་ཤི་ཤ་ཅོག་རེ་འགྱེལ་བའི། ཡིན་ནའང་ཁོང་པ་ཡིས་རང་གི་ཕྱག་གཡས་ངའི་ཁར་ལ་བཞག་མཛད་དེ་གསུངས་བ་ལགས། ཁྱོད་མ་འཇིགས། ང་ནི་ཐོག་མ་དང་མཐའ་མ་གོ་ཡིན།

མངོན་པ། 1:19

འོ་བྱས་རེ་ཁྱོས་མཐོང་ཐ་དང་། ད་ལྟ་འོད་ཀྱིན་དང་། མ་འོང་པར་ལ་འབྱུང་ཡས་ཡིན་གྱིན་གོ་བྲིས།

མངོན་པ། 1:2

དེ་ནས་ཡོ་ཧ་ནན་གྱིས་དཀོན་མཆོག་གི་བཀའ་དང་ཡེ་ཤུ་མཱ་ཤི་ཀའི་དཔང་པོ་བྱས་རེ། རང་གི་མཐོང་ཐ་གི་རི་ལ་བདེན་དཔང་བྱས་བ་ལགས།

མངོན་པ། 1:20

ད་ཁྱོས་ངའི་ལག་པ་གཡས་ཕྱོགས་ལ་མཐོང་གིན་སྐར་མ་བདུན་དང་། གསེར་གྱི་ཀྱུང་བདུན་གྱི་གསང་བ་གོ་ནི་དེ་ལགས། སྐར་མ་བདུན་ཀྱ་ཆོས་ཚོགས་བདུན་གྱི་བང་ཆེན་ཀྱ་ལགས། དེ་ནས་ཀྱུང་བདུན་གོ་ཆོས་ཚོགས་བདུན་པོ་གོ་ལགས།།

མངོན་པ། 1:4

ང་ཡོ་ཧ་ནན་ནས་ཨེ་ཞི་ཡཱ་རུ་འོད་ཀྱིན་ཆོས་ཚོགས་བདུན་ལ་ཡིག་འདི་འབུལ་ལ་ཡིན། ད་ལྟ་བཞུགས་འོད་ཀྱིན་དང་། ཨེན་མ་བཞུགས་མྱོང་འོད་ཀྱིན་དང་། གཤམ་ལ་ཕེབས་ཡས་ཡིན་གྱིན་དཀོན་མཆོག་ནས། དེ་ནས་ཁོང་གི་བཞུགས་ཁྲི་གདོང་དུ་འོད་ཀྱིན་ཐུགས་ཉིད་བདུན་དང་། བདེན་པའི་དཔང་པོ་མཛད་ཀྱིན་གཤིན་པོ་ཀྱ་ནས་དང་པོ་གསོན་པོ་བཞེངས་ང་མཛད་ཛ་དང་། འཛམ་བུ་གླིང་གི་རྒྱལ་བོ་ཀྱ་ཡི་ཁར་ལ་དབང་མཛད་ཀྱིན་ཁོང་ཡེ་ཤུ་མཱ་ཤི་ཀའི་ཐོག་ནས་ཐུགས་རྗེ་དང་ཞི་བདེ་ཁྱེད་ཀྱ་ལ་འཐོབ་པར་ཤོག འོ་རང་ཀྱ་ལ་བྱམས་པ་མཛད་ཀྱིན་དང་རང་གི་སྐུ་ཁྲག་གི་ཐོག་ནས་འོ་རི་སྡིག་པ་ཀྱ་ནས་འོ་རང་ལ་ཐར་པ་མཛད་ཀྱིན།

མངོན་པ། 1:8

ང་ནི་ཨལ་ཕཱ་དང་ཨོ་མེ་གཱ་གོ་ཡིན། གསུངས་རེ་གཙོ་བོ་དཀོན་མཆོག་གསུངས་ང་ལགས། ཁོང་པ་བཞུགས་འོད་ཀྱིན་དང་། ཨེན་མ་བཞུགས་མྱོང་འོད་ཀྱིན་དང་། གཤམ་ལ་ཕེབས་ཡས་ཡིན་གྱིན་བླ་ན་མེད་པའི་དཀོན་མཆོག་ལགས།

མངོན་པ། 10:4

དེ་ནས་འོ་དེ་འབྲུག་སྐད་བདུན་གྱིས་སྐད་བརྒྱབ་བ་རང་། ངས་འོ་དེ་འབྲི་གུ་བྱས་བའི། ཡིན་ནའང་ནམ་མཁའི་ཞིང་ཁམས་ནས་དེ་རེ་གསུངས་ཀྱིན་གསུང་སྐད་གཅིག་ངས་གོ་སོང་། འོ་དེ་འབྲུག་སྐད་བདུན་གྱི་གསུང་སྐད་གོ་ཁྱོས་མ་འབྲི་བ་གསང་བ་ཤོག།

མངོན་པ། 14:13

དེ་ནས་ནམ་མཁའི་ཞིང་ཁམས་ནས་དེ་རེ་གསུང་སྐད་གཅིག་ངས་གོ་སོང་། དེ་རེ་བྲིས། ད་དེ་ནས་ཧ་ལ་གཙོ་བོ་ལ་དད་པ་བྱས་རེ་གྲོངས་མཁན་ཀྱ་བྱིན་རླབས་ཆེ་ལགས། དེ་ནས་དམ་པའི་ཐུགས་ཉིད་ཀྱིས་གསུངས་ང་ལགས། ལགས། ཁོང་ཀྱ་རང་གི་དཀའ་ལས་ནས་ངལ་གསོ་གི་ལགས། གི་བྱས་རེ་སྨྲ་ན་ཁོང་ཀྱ་ཡི་ལས་ཀའི་བྱ་དགའ་ཁོང་ཀྱ་ལ་གནང་གི་ལགས།

མངོན་པ། 19:9

དེ་ནས་འོ་དེ་ནམ་མཁའི་བང་ཆེན་གྱིས་ང་ལ་གསུངས་སོང་། འདི་བྲིས། ལུག་ཕྲུག་ཡིས་མནའ་མ་ལེན་ས་རུ་མགྲོན་ལ་བོས་པ་ཀྱ་བྱིན་རླབས་ཆེ་ལགས། དེ་ནས་ཡང་ཁོང་པ་ཡིས་ང་ལ་གསུངས་སོང་། དེ་ཀྱ་ནི་དཀོན་མཆོག་གི་གསུང་ལ་བདེན་པ་ཀྱ་ལགས།

མངོན་པ། 2:1

ཨེ་ཕེ་སུའི་ཆོས་ཚོགས་ཀྱི་བང་ཆེན་ལ་དེ་རེ་བྲིས། རང་གི་ཕྱག་གཡས་ལ་སྐར་མ་བདུན་ཟིམ་གྱིན་དང་གསེར་གྱི་ཀྱུང་བདུན་གྱི་གུང་ལ་ཞབས་འཆག་མཛད་མཁན་ཁོང་པ་ཡིས་དེ་བཀའ་ཀྱ་གསུངས་བའི།

མངོན་པ། 2:12

དེ་ནས་པེར་ག་མོན་གྱི་ཆོས་ཚོགས་ཀྱི་བང་ཆེན་ལ་དེ་རེ་བྲིས། ཁ་གཉིས་ཀ་ར་རྣོ་བ་བྱས་བྱ་རལ་གྲི་འོད་ཀྱིན་ཁོང་པ་ཡིས་དེ་བཀའ་ཀྱ་གསུངས་བའི།

མངོན་པ། 2:18

དེ་ནས་ཐི་ཡ་ཏི་རཱའི་ཆོས་ཚོགས་ཀྱི་བང་ཆེན་ལ་དེ་རེ་བྲིས། སྤྱན་གོ་མེ་ལྕེ་ཅོག་རེ་དང་། ཞབས་གོ་མེ་ཐབ་ནང་ལ་འོད་སྟོན་ཏེ་བཞག་ཞ་ལི་དིང་ཅོག་རེ་འོད་ཀྱིན་ཁོང་དཀོན་མཆོག་གི་སྲས་ཀྱིས་དེ་བཀའ་ཀྱ་གསུངས་བའི།

མངོན་པ། 2:24

ཡིན་ནའང་འདི་ཆོས་ལ་མི་བརྩིས་ཀྱིན་དང་བདུད་སཱ་ཏན་གྱི་གསང་བ་གཏིང་རིང་ང་ཀྱ་མེད་སྦྱངས་ཀྱིན། ཁྱེད་ཐི་ཡ་ཏི་རཱ་རུ་འོད་མཁན་ཁྱེད་ཀྱ་ལ་སྨྲ་ཡིན། ང་ཁྱེད་ཀྱ་ལ་ཁུར་གཞན་མ་གིའང་བཀལ་ཡས་མིན།

མངོན་པ། 2:8

དེ་ནས་སི་མིར་ནཱའི་ཆོས་ཚོགས་ཀྱི་བང་ཆེན་ལ་དེ་རེ་བྲིས། ཨེན་མ་གྲོངས་ང་མཛད་དེ་ཡང་སྐུ་གསོན་པོ་བཞེངས་ང་མཛད་ཛ་ཁོང་པ་ཐོག་མ་དང་མཐའ་མ་ཡིན་གྱིན་གྱིས་དེ་བཀའ་ཀྱ་གསུངས་བའི།

མངོན་པ། 21:5

བཞུགས་ཁྲི་རུ་བཞུགས་བ་མཛད་མཁན་གྱིས་ང་ལ་གསུངས་སོང་། ལྟོས་དང་། ངས་དོན་གི་རི་གསར་པ་བཟོའི་འོད། དེ་ནས་ཁོང་པ་ཡིས་དེ་གསུངས་སོང་། དེ་ལབ་ཀྱ་བྲིས། གི་བྱས་རེ་སྨྲ་ན་དེ་ལབ་ཀྱ་བློ་བཀལ་ཐུབ་བ་དང་བདེན་པ་འདུག།

མངོན་པ། 22:10

ཡང་ཁོང་པ་ཡིས་ང་ལ་དེ་རེ་གསུངས་སོང་། དེ་དེབ་ཀྱི་མངོན་ཤེས་ཀྱི་བཀའ་ལ་ཐེལ་ཙེ་མ་བརྒྱབ། གི་བྱས་རེ་སྨྲ་ན་དུས་གོ་ཉེ་འདུག།

མངོན་པ། 22:16

ཆོས་ཚོགས་ཀྱ་ལ་དེ་དཔང་པོ་ཀྱ་བྱེད་ཡས་ལ་ང་ཡེ་ཤུའི་རང་གི་བང་ཆེན་ཁྱོད་རྩ་རུ་བརྫངས་འོད། ང་ནི་དཱ་བིད་ཀྱི་རྩ་བ་དང་བརྒྱུད་པ་ཡིན། དེ་ནས་ཐོ་རེངས་ཀྱི་སྐར་ཆེན་གོ་ང་ཡིན།

མངོན་པ། 3:1

སར་དཱིའི་ཆོས་ཚོགས་ཀྱི་བང་ཆེན་ལ་དེ་རེ་བྲིས། དཀོན་མཆོག་གི་ཐུགས་ཉིད་བདུན་དང་སྐར་མ་བདུན་འོད་ཀྱིན་གྱིས་དེ་བཀའ་ཀྱ་གསུངས་བའི། ཁྱོའི་ལས་ཀ་ཀྱ་ང་ལ་ཤེས་ཡས་འོད། དེ་ནས་མིང་གི་ཆ་ནས་ཁྱེད་ཀྱ་གསོན་པོ་འོད་ན་ཁྱེད་ཀྱ་ཤི་འོད་ད་ལགས།

མངོན་པ། 3:14

ལའོ་དི་ཀེ་ཡཱའི་ཆོས་ཚོགས་ཀྱི་བང་ཆེན་ལ་དེ་རེ་བྲིས། ཨ་མེན་དང་། བློ་གཏད་ཆོག་པ་དང་། དཔང་པོ་བདེན་པ་དང་། དཀོན་མཆོག་གིས་བཀོད་པའི་དཔོན་པོ་ཡིས་དེ་བཀའ་ཀྱ་གསུངས་བའི།

མངོན་པ། 3:4

ཡིན་ནའང་སར་དཱི་རུ་རང་གི་གོས་ལག་མེད་གཙང་ང་མ་བཟོས་ཟ་མི་ཏི་ཏེ་རེ་འདུག། ཁོང་ཀྱ་ངའི་མུ་ལ་གོས་དཀར་བོ་གོན་ཏེ་བརྒྱུག་གི་ལགས། གི་བྱས་རེ་སྨྲ་ན་ཁོང་ཀྱ་ལ་དེ་རེ་བྱེད་ཡས་ཁ་ཡས་འདུག།

མངོན་པ། 3:7

ཕི་ལ་དེལ་ཕི་ཡཱ་ཡི་ཆོས་ཚོགས་ཀྱི་བང་ཆེན་ལ་དེ་རེ་བྲིས། དམ་པ་དང་བདེན་པ། དེ་ནས་དཱ་བིད་ཀྱི་ལྡེ་མིག་འོད་ཀྱིན་ཁོང་པ་ཡིས་དེ་བཀའ་ཀྱ་གསུངས་བའི། ཁོང་པ་ཡིས་པེ་ཀྱིན་སྒོ་གོ་སུས་འང་བརྒྱབ་མི་ཐུབ་ཀྱི་ལགས། དེ་ནས་ཁོང་པ་ཡིས་བརྒྱབ་ཀྱིན་སྒོ་གོ་སུས་འང་པེ་མི་ཐུབ་ཀྱི་ལགས།