ཕི་ལིབ་པཱི་པ། 3:17 - གློ་བ།

¹⁷ སྤུན་ཀྱ་བོ། ང་ལ་དཔེ་བཞག་སྟེ་མི་ཚེ་པུད། དེ་ནས་འི་ཀི་མི་ཚེ་ལ་ཁྱེད་ཀྱ་ཡིས་མཐོང་ཐ་དཔེ་ཅོག་རེ་མི་ཚེ་པུད་མཁན་ཀྱ་ལ་ཞིབ་ལྟ་བྱེད།

ཕི་ལིབ་པཱི་པ། 3:17 Iomraidhean Croise

རོ་མཱ་པ། 16:17

སྤུན་ཀྱ་བོ། ཁྱེད་ཀྱ་ལ་བསླབས་ལ་ཆོས་ཀྱི་ལྟ་བ་ནས་གཞན་མ་བསླབས་ཏེ་ཁྱེད་ཀྱ་གུང་དུ་དཀྲུག་གིན་དང་། དཀའ་ལས་གག་བ་ཟོ་གིན་མི་ཀྱ་ནས་གཟབ་གཟབ་བྱེད། དེ་ནས་ཁོང་ཀྱ་ནས་བྲལ་རེ་སྡོད་སྨྲས་རེ་ང་ཁྱེད་ཀྱ་ལ་ཞུ་བ་འབུལ་ལ་ཡིན།

༡ ཀོ་རིན་ཐུ་པ། 10:32

ངས་མི་གི་རི་ལ་དོན་གི་རིའི་ཐོག་ནས་དགའ་རུ་བཅུག་ཡས་ཀྱི་ཐབས་ཤེས་བྱེད་ཀྱིན་ཅོག་རེ། ཁྱེད་ཀྱ་ཡ་ཧུ་དཱ་པ་ཡིན་ན། གྷི་རིག་ཡིན་ན། ཡང་ན་དཀོན་མཆོག་གི་ཆོས་ཚོགས་ཀྱི་ཡིན་ན། ཁོང་ཀྱ་ཡི་ཆེད་དུ་བཀག་རྡོ་བྱུང་གིན་ལས་ཀ་གིའང་མ་བྱེད། གི་བྱས་རེ་སྨྲ་ན་ཁོང་ཀྱ་ལ་ཐར་པ་འཐོབ་ཡས་ཀྱི་ཆེད་དུ་ང་རང་གི་ཕན་ཐོགས་མིན་ད། མི་མང་ང་ཡི་ཕན་ཐོགས་བཙལ་ལི་འོད།།

༡ ཀོ་རིན་ཐུ་པ། 11:1

ངས་མཱ་ཤི་ཀ་ལད་མོ་བྱེད་ཀྱིན་ཅོག་རེ་ཁྱེད་ཀྱ་ཡིས་འང་ངའི་ལད་མོ་བྱེད།

༡ ཀོ་རིན་ཐུ་པ། 4:16

འོ་བྱས་རེ་ང་ཁྱེད་ཀྱ་ལ་ངའི་ལད་མོ་བྱེད་སྨྲས་རེ་སྐུལ་ལ་ཡིན།

ཕི་ལིབ་པཱི་པ། 4:9

ཁྱེད་ཀྱ་ཡིས་ང་ནས་གི་སྦྱངས་ཀྱིན་དང་། ཁས་ལེན་བྱས་ཀྱིན་དང་། ཉན་གྱིན་དང་། མཐོང་གིན་ལབ་ཀྱ་རང་གི་མི་ཚེ་ལ་ལག་ལེན་བྱེད། དེ་ནས་ཞི་བདེའི་དཀོན་མཆོག་ཁྱེད་ཀྱ་མུ་ལ་བཞུགས་བ་མཛད་ཀྱི་ལགས།

༡ ཐེ་ས་ལོ་ནི་ཀེ་པ། 1:6

དམི་ཅིག་གི་སྡུག་ང་ཆེའི་ཁོག་ལའང་ཁྱེད་ཀྱ་དམ་པའི་ཐུགས་ཉིད་དགའ་སྤྲོ་ཀྱི་ཐོག་ནས། གཏམ་བཟང་གོ་ཁས་ལེན་ཏེ་ཁྱེད་ཀྱ་འེ་དང་གཙོ་བོའི་ལད་མོ་བྱེད་ཀྱིན་བྱུང་བ་ལགས།

༢ ཐེ་ས་ལོ་ནི་ཀེ་པ། 3:14

སུ་གཅིག་གིས་འི་ཀི་ཡིག་འདིའི་བསླབ་བྱ་ལ་དོ་སྣང་མེད་སྟེར་ན། འོ་དེ་མི་ལ་ངོ་ཤེས་ལ་བྱེད། དེ་ནས་ཁོ་ལ་ངོ་ཚ་རུ་བཅུག་ཡས་ལ་ཁོའི་མུ་ལ་འབྲེལ་བ་གིན་ད་མ་བྱེད།

༢ ཐེ་ས་ལོ་ནི་ཀེ་པ། 3:7

འི་ཀི་ལད་མོ་བྱེད་དགོས་ཀྱི་ལགས་སྨྲས་རེ་ཁྱེད་ཀྱ་ལ་ཤེས་ཡས་འོད་ད་ལགས། ཁྱེད་ཀྱི་མུ་ལ་འོད་དེ་གང་ལ། འེ་ཀྱ་ལས་མེད་ལམ་གྱིན་མེད་དོ།

༢ ཐེ་ས་ལོ་ནི་ཀེ་པ། 3:9

འེ་ཀྱ་འོ་རེ་བྱེད་ཆོག་ཡས་ལ་དབང་ཆ་མེད་ཀྱིན་མ་ལགས། ཡིན་ནའང་ཁྱེད་ཀྱ་འི་ཀི་ལད་མོ་བྱེད་ཡས་ལ་དཔེ་སྟོན་ཡས་ལ་བྱས་བའི།

༡ ཏི་མོ་ཐེའུ། 4:12

ཁྱོད་གཞོན་པ་བྱས་རེ་སུས་འང་ཁྱོད་ལ་མཐོང་ཆུང་བྱེད་དུ་མ་ཆུག། ཡིན་ནའང་དད་པ་བྱེད་མཁན་ཀྱ་ཡི་གདོང་དུ་ཁྱོའི་ངག་དང་། སྤྱོད་པ་དང་། བྱམས་པ་དང་། དད་པ་དང་། གཙང་མའི་སྒོ་ནས་རང་ལ་དཔང་པོ་གཅིག་སྟོན།

ཨིབ་རི་པ། 13:7

ཁྱེད་ཀྱ་ལ་དཀོན་མཆོག་གི་བཀའ་བཤད་ཀྱིན་ཁྱེད་རི་འགོ་ཁྲིད་ཀྱ་ལ་དྲན་པ་མ་བརྗེད། ཁོང་ཀྱ་ཡི་མི་ཚེའི་འབྲས་བུ་ལ་བསམ་བློ་གཏོང་། དེ་ནས་ཁོང་ཀྱ་ཡི་དད་པའི་དཔེ་ལེན།

༡ པེ་ཏྲོ། 5:3

ཁྱེད་ཀྱ་ཡི་ལས་འགན་ལ་འོད་མཁན་ཀྱ་ཁར་ལ་དབང་ཆ་བྱས་རེ་མིན་ད། ཡིན་ནའང་ལུག་ཁྱུ་ཀྱ་ཡི་ཕྱིར་ལ་དཔེ་འབྱུང་རེ་འཚོ་སྐྱོང་བྱེད།