ཕི་ལིབ་པཱི་པ། 2:5 - གློ་བ།

⁵ ཁྱེད་ཀྱ་ཡི་བསམ་བློ་གོའང་མཱ་ཤི་ཀ་ཡེ་ཤུའི་ནང་འོད་ཀྱིན་ཅོག་རེ་འབྱུང་དགོས།

ཕི་ལིབ་པཱི་པ། 2:5 Iomraidhean Croise

མད་ཐཱ། 11:29

ངའི་གཉའ་ཤིང་འཁུར། དེ་ནས་ང་ནས་སྦྱོང་། གི་བྱས་རེ་སྨྲ་ན་ང་སེམས་ལ་བཟང་ང་དང་ཉམ་ཆུང་འོད། དེ་ནས་ཁྱེད་ཀྱ་ཡི་སེམས་ཀྱ་ལ་ངལ་གསོ་འཐོབ་ཀྱི་ལགས།

ལུ་ཀ། 22:27

ཟ་མ་ཟ་མཁན་དང་ཞབས་ཕྱི་ཞུ་མཁན་གོ་ནས་སུ་ཆེ་ལེ། ཟ་མ་ཟ་མཁན་གོ་མ་ལེ། ཡིན་ནའང་ལྟོས། ང་ཁྱེད་ཀྱ་ཡི་གུང་དུ་ཞབས་ཕྱི་ཞུ་མཁན་ཅོག་རེ་ཡིན།

མཛད་པ། 10:38

དེ་ནས་ན་ཙ་རེད་ཀྱི་ཡེ་ཤུ་ལ་དཀོན་མཆོག་གི་དམ་པའི་ཐུགས་ཉིད་དང་ནུས་པ་ཡིས་བདམས་མ་མཛད་ཛ་གོ་ཁྱེད་ཀྱ་ལ་ཤེས་ཡས་འོད་ད་ལགས། དེ་ནས་དཀོན་མཆོག་ཁོང་མུ་ལ་བྱས་རེ་ཡེ་ཤུ་ཕེབས་ས་གི་རི་ལ། ལས་བཟང་དང་བདུད་ཀྱི་དབང་ཆ་ལ་བསྣེམས་ན་གི་རི་ལ་བཅོས་ག་བྱས་རེ་ཕེབས་པ་ལགས།

མཛད་པ། 20:35

དེ་རེ་བྱས་རེ་ལེན་མཁན་ཀྱ་ནས་སྟེར་མཁན་ཀྱ་ལ་མང་ང་བྱིན་རླབས་འོད་ད་ལགས་སྨྲས་རེ་གཙོ་བོ་ཡེ་ཤུ་ཁོང་པ་རང་གིས་གསུངས་ས་ལབ་དེ་ལ་དྲན་གསོ་བྱས་རེ། མི་སྐྱོ་བ་ཀྱ་ལ་དཀའ་ལས་བྱས་རེ་རོགས་བ་བྱེད་ཐུབ་ཀྱིན་གོ་བྱེད་དགོས་ཡས་ལབ་དེ། ངས་ལས་ཀ་གི་རི་ལ་སྟོན་འོད།

རོ་མཱ་པ། 14:15

ད་ཁྱོས་གི་ཟ་གིན་གྱིས་ཁྱོའི་སྤུན་གྱི་སེམས་འཁྲུགས་དུ་བཙུགས་ན། ཁྱོས་དེ་བྱམས་པའི་ཐོག་ནས་མི་བྱེད་ད་ལགས། སྤུན་འདིའི་ཆེད་དུ་མཱ་ཤི་ཀ་གྲོངས་གྲ་བྱས་རེ་ཁྱེད་ཀྱ་ཡིས་ཟ་གིན་གྱིས་ཁོ་ལ་མེད་ད་ལ་འགྲོ་རུ་མ་ཆུག།

རོ་མཱ་པ། 15:3

གི་བྱས་རེ་སྨྲ་ན་མཱ་ཤི་ཀ་ཡིས་འང་རང་གི་ཐུགས་དགྱེས་རུ་བཅུག་བ་མ་མཛད་པ་ལགས། འདིའི་སྐོར་ལ་གསུང་རབ་ལ་དེ་རེ་བྲིས་འོད་ད་ལགས། ཁྱེད་རང་ལ་སྨད་སྤྲ་བཏང་མཁན་གྱིས་སྨད་སྤྲ་ངའི་ཁར་ལ་ཕོག་འདུག

རོ་མཱ་པ། 15:5

དེ་ནས་བཟོད་པ་དང་སེམས་ཤུགས་གནང་གིན་དཀོན་མཆོག་གིས་ཁྱེད་ཀྱ་ལ་མཱ་ཤི་ཀ་ཡེ་ཤུ་མུ་ལ་གཅིག་བྱུང་རེ། ཕན་ཚུན་ཀྱ་གུང་དུ་སེམས་པ་གཅིག་པ་མཛད་དེ་འཚོ་བ་བསྐྱལ་རུ་བཅུག་བ་མཛད་ད་ཤོག།

ཨེ་ཕེ་སུ་པ། 5:2

དེ་ནས་མཱ་ཤི་ཀ་ཡིས་འོ་རང་ལ་བྱམས་པ་མཛད་དེ། རང་གི་སྲོག་འོ་རི་ཕྱིར་ལ་དཀོན་མཆོག་གི་དྲུང་དུ་དྲི་ཞིམ་གྱི་མཆོད་པ་དང་། དམར་མཆོད་ཅོག་རེ་བྱུང་རེ་བློས་བཏང་མཛད་ཀྱིན་ཅོག་རེ། ཁྱེད་ཀྱ་བྱམས་པའི་ནང་ནས་མི་ཚེ་སྐྱོལ།

ཕི་ལིབ་པཱི་པ། 1:1

མཱ་ཤི་ཀ་ཡེ་ཤུའི་བྲན་གཡོག་པའུ་ལུ་དང་ཏི་མོ་ཐེའུ་ནས། ཕི་ལིབ་པཱི་རུ་འོད་མཁན་མཱ་ཤི་ཀ་ཡེ་ཤུའི་ནང་དམ་པའི་མི་ཀྱ་དང་། ཆོས་ཚོགས་ཀྱི་ལྟ་རྟོག་པ་ཀྱ་དང་། ཞབས་ཏོག་པ་ཀྱ་མུ་ལ་གི་རི་ལ།

༡ པེ་ཏྲོ། 2:21

ཁྱེད་ཀྱ་དོན་འདིའི་ཕྱིར་ལ་རང་བོས་བ་ལགས། གི་བྱས་རེ་སྨྲ་ན་མཱ་ཤི་ཀའི་གཤམ་ལ་འབྲང་ཡས་ཀྱི་ཕྱིར་ལ། མཱ་ཤི་ཀ་ཁྱེད་ཀྱི་དོན་དུ་སྡུག་པོ་མྱངས་རེ་ཁོང་གིས་ཁྱེད་ཀྱ་ཡི་ཕྱིར་ལ་དཔེ་གཅིག་བཞག་མཛད་པ་ལགས།

༡ པེ་ཏྲོ། 4:1

འོ་བྱས་རེ་མཱ་ཤི་ཀ་ཡིས་འང་སྐུ་ལུས་ལ་སྡུག་པོ་མྱངས་ཀྱིན་ཅོག་རེ། ཁྱེད་ཀྱའང་དེ་རེ་རང་བསམ་བློ་ཁྱེར་ཏེ་རང་ལ་ཤུགས་ཆེ་བཟོས། གི་བྱས་རེ་སྨྲ་ན་ལུས་ལ་སྡུག་པོ་མྱངས་མཁན་གྱིས་སྡིག་པ་སྤོང་ང་ལགས།

༡ ཡོ་ཧ་ནན། 2:6

ཁོང་པ་ཡི་ནང་གནས་འོད་མཁན་གྱིས་ཡེ་ཤུའི་སྤྱོད་ལམ་ཅོག་རེ་སྤྱོད་ལམ་བྱེད་དགོས།