ཨེ་ཕེ་སུ་པ། 4:5 - གློ་བ།

⁵ གཙོ་བོ་གཅིག་དང་། དད་པ་གཅིག་དང་། ཁྲུས་གསོལ་གཅིག།

ཨེ་ཕེ་སུ་པ། 4:5 Iomraidhean Croise

མད་ཐཱ། 28:19

འོ་བྱས་རེ་སོང་། དེ་ནས་མི་རིགས་གི་རི་ལ་ཉེ་གནས་བཟོས། དེ་ནས་ཡབ་དང་། སྲས་དང་། དམ་པའི་ཐུགས་ཉིད་ཀྱི་མཚན་ནས་ཁོང་ཀྱ་ལ་ཁྲུས་གསོལ་སྟེར།

མཛད་པ། 10:36

ཡེ་ཤུ་མཱ་ཤི་ཀའི་ཐོག་ནས་དཀོན་མཆོག་མུ་ལ་ཞི་བདེ་འོད་ཀྱིན་གཏམ་བཟང་དེ། དཀོན་མཆོག་གིས་ཡིས་ར་ཨེལ་པ་ཀྱ་ལ་གནང་ན་བཀའ་དེ་ཁྱེད་རང་ཀྱ་ལ་ཆ་འོད་ད་ལགས། དེ་ནས་ཡེ་ཤུ་མཱ་ཤི་ཀ་གི་རིའི་གཙོ་བོ་ལགས།

མཛད་པ། 2:36

འོ་བྱས་རེ་ད་ཡིས་ར་ཨེལ་གྱི་མི་གི་རི་ཡིས་དེ་ལབ་ཧ་གོ་དགོས་གུ་ལགས། ཁྱེད་རང་ཀྱ་ཡིས་རྒྱང་ཤིང་དུ་བསད་ས་ཡེ་ཤུ་ལ་རང་། དཀོན་མཆོག་གིས་གཙོ་བོ་དང་མཱ་ཤི་ཀ་གཉིས་ཀ་ར་བསྐོས་མཛད་འོད་ད་ལགས།

རོ་མཱ་པ། 3:30

དེ་ནས་དཀོན་མཆོག་ནི་གཅིག་རང་འོད་ད་ལགས། དེ་ནས་ཁོང་པ་ཡིས་ལྤགས་བོ་བཅད་ཅ་ཀྱ་ལ་དད་པའི་ཐོག་ནས་དང་། ལྤགས་བོ་མ་བཅད་ཅ་ཀྱ་ལའང་དད་པའི་ཐོག་ནས་དྲང་པོ་མཛད་ཀྱི་ལགས།

༡ ཀོ་རིན་ཐུ་པ། 1:13

མཱ་ཤི་ཀ་བགོས་འོད་ད་ལགས་སེ། པའུ་ལུ་ཁྱེད་ཀྱི་ཕྱིར་ལ་རྒྱང་ཤིང་ཁར་ལ་བརྐྱངས་པ་ལགས་སེ། དེ་ནས་པའུ་ལུའི་མིང་ནས་ཁྱེད་ཀྱ་ཡིས་ཁྲུས་གསོལ་ལེན་པ་ལགས་སེ།

༡ ཀོ་རིན་ཐུ་པ། 1:2

ཀོ་རིན་ཐུ་རུ་འོད་ཀྱིན་དཀོན་མཆོག་གི་ཆོས་ཚོགས་དང་། མཱ་ཤི་ཀ་ཡེ་ཤུའི་ཐོག་ནས་དཀོན་མཆོག་གི་དམ་པ་མཛད་ཛ་དང་། དམ་པའི་མི་འབྱུང་ཡས་ལ་བོས་པ་ཀྱ་མུ་ལ། ས་ཆ་འོད་ལེ་ནས་ཁོང་ཀྱ་དང་། འོ་རི་གཙོ་བོ་ཡིན་གྱིན་འོ་རི་གཙོ་བོ་ཡེ་ཤུ་མཱ་ཤི་ཀའི་མཚན་འབོད་མཁན་གི་རི་ལ།

༡ ཀོ་རིན་ཐུ་པ། 12:13

གི་བྱས་རེ་སྨྲ་ན་འོ་རང་ཡ་ཧུ་དཱ་པ་ཡིན་ན། གྷི་རིག་ཡིན་ན། ཡང་ན་བྲན་གཡོག་ཡིན་ན། རང་དབང་གི་མི་ཡིན་ན། འོ་རང་གི་རི་ལུས་གཅིག་ལ་འགྱུར་ཡས་ལ་དམ་པའི་ཐུགས་ཉིད་གཅིག་ཀ་ར་ཡི་ཐོག་ནས་ཁྲུས་གསོལ་ཐོབ་པ་ལགས། དེ་ནས་འོ་རང་གི་རིའི་ནང་དམ་པའི་ཐུགས་ཉིད་གཅིག་པ་རང་གནང་འོད་ད་ལགས།

༡ ཀོ་རིན་ཐུ་པ། 12:5

དེ་ནས་ཞབས་ཕྱི་ཞུ་ཡས་ཀྱ་སྣ་མང་ང་འོད་ད་ལགས། ཡིན་ནའང་གཙོ་བོ་ནི་གཅིག་པ་རང་ལགས།

༡ ཀོ་རིན་ཐུ་པ། 8:6

ཡིན་ནའང་འོ་རི་ཆེད་དུ་ཡབ་དཀོན་མཆོག་གཅིག་ཀ་འོད་ད་ལགས། ཁོང་ནས་རང་དངོས་པོ་གི་རི་བྱུང་བ་ལགས། དེ་ནས་ཁོང་གི་ཆེད་དུ་རང་འོ་རང་འཚོ་བ་བསྐྱལ་ལ་ལགས། དེ་ནས་གཙོ་བོ་གཅིག་ནི་ཡེ་ཤུ་མཱ་ཤི་ཀ་ལགས། དེ་ནས་ཁོང་གི་ཐོག་ནས་དངོས་པོ་གི་རི་བྱུང་བ་ལགས། དེ་ནས་ཁོང་ནས་འོ་རང་འཚོ་བ་བསྐྱལ་ལ་ལགས།

༢ ཀོ་རིན་ཐུ་པ། 11:4

གི་བྱས་རེ་སྨྲ་ན་མི་རིང་འགའ་འོངས་རེ་འི་ཀིས་གསལ་བསྒྲགས་བྱས་བྱ་ཡེ་ཤུ་མིན་ད། གཞན་མ་གཅིག་གསལ་བསྒྲགས་བྱེད་ན། ཡང་ན་ཁྱེད་ཀྱ་ཡི་ཐོབ་ཐ་ཐུགས་ཉིད་མིིན་ད། སེམས་ཉིད་གཞན་མ་ཁྱེད་ཀྱ་ཡིས་ཁས་ལེན་ན། ཡང་ན་ཁྱེད་ཀྱ་ལ་ཐོབ་ཐ་གཏམ་བཟང་ནས་གཞན་མ་གཏམ་བཟང་ཁྱེད་ཀྱ་ཡིས་ཁས་ལེན་ན། ཁྱེད་ཀྱ་དེ་གི་རིའི་འོག་ལ་ལས་སླ་མོ་མ་ཆུད་ད་ལགས།

ག་ལ་ཏི་ཡཱ་པ། 5:6

གི་བྱས་རེ་སྨྲ་ན་མཱ་ཤི་ཀ་ཡེ་ཤུའི་གདོང་དུ་ལྤགས་བོ་བཅད་ཀྱིན་སྲོལ་བརྩིས་མཁན་ཡིན་ན་ལགས། མི་བརྩིས་མཁན་ཡིན་ན་གིའང་ཕན་མེད་ད་ལགས། ཡིན་ནའང་བྱམས་པ་ཡི་ཐོག་ནས་ལས་ཀ་བྱེད་ཀྱིན་དད་པ་གཅིག་ཀ་ཕན་ཐོགས་བ་ལགས།

ཨེ་ཕེ་སུ་པ། 4:13

དེ་ནས་འོ་རང་གི་རི་དད་པ་ལ་གཅིག་མ་འབྱུང་གིན་ཐུག་པའི་དང་། དཀོན་མཆོག་གི་སྲས་ཀྱི་ཤེས་ཡོན་ལ་ནར་འགྲོ་ཉིད་རེ་མཱ་ཤི་ཀའི་ཕུན་སུམ་ཚོགས་པའི་ཚད་ཅོག་རེ་མ་འབྱུང་གིིན་ཐུག་པའི་འདི་ནི་འབྱུང་གི་ལགས།

ཕི་ལིབ་པཱི་པ། 2:11

དེ་ནས་ཡབ་དཀོན་མཆོག་ལ་གཟི་བརྗིད་འོང་ཡས་ཀྱི་ཆེད་དུ། ཡེ་ཤུ་མཱ་ཤི་ཀ་རང་གཙོ་བོ་ཡིན་སྨྲས་རེ་ལྕེ་མོ་འོད་ལེ་ཡིས་ཁས་ལེན་བྱེད་ཀྱི་ལགས།

ཕི་ལིབ་པཱི་པ། 3:8

དེ་ཚོད་གཅིག་ཀ་མིན་ད། མཱ་ཤི་ཀ་ཡེ་ཤུ་ལ་ངའི་གཙོ་བོ་ཡིན་སྨྲས་རེ་ངོ་ཤེས་ཡས་ཀྱི་དེ་རེ་རྩ་ཆེ་ལབ་ཀྱི་གདོང་དུ། གཞན་མ་གི་རི་ང་གྱོང་རྩི་ལ་ཡིན། ཁོང་གི་ཆེད་དུ་ངས་གི་རི་བློས་བཏང་བའི། དེ་ནས་འོ་དེ་གི་རི་ངས་ཛོར་ར་བརྩིས་ལི་འོད། དེ་ནི་ང་མཱ་ཤི་ཀའི་འབྱུང་བར་ཤོག་སྨྲས་རེ་ལགས།

ཏི་ཏོས། 1:1

དཀོན་མཆོག་གི་གཡོག་པོ་དང་ཡེ་ཤུ་མཱ་ཤི་ཀའི་སྐུ་ཚབ་ང་པའུ་ལུ། དཀོན་མཆོག་གིས་བདམས་ད་ཀྱ་ཡི་དད་པའི་ཕྱིར་ལ་དང་། དཀོན་མཆོག་ལ་ཐུགས་མཉེས་བོ་མི་ཚེ་པུད་ཡས་ལ། དེ་ནས་ལབ་བདེན་པ་ཧ་གོ་ཏུ་བཅུག་ཡས་ལ་ང་ལ་བསྐོས་བ་ལགས།

ཏི་ཏོས། 1:4

ངའི་མུ་ལ་དད་པ་གཅིག་པ་འོད་མཁན་ངའི་དངོས་གནས་ཀྱིས་བི་ཛ་ཏི་ཏོས་ལ། འདི་ཡིག་བྲིས་བ་ཡིན། ཡབ་དཀོན་མཆོག་དང་འོ་རང་ལ་ཐར་པ་གནང་མཁན་ཡེ་ཤུ་མཱ་ཤི་ཀ་ཡིས་ཁྱོད་ལ་ཐུགས་རྗེ་དང་ཞི་བདེ་གནང་བར་ཤོག

ཨིབ་རི་པ། 13:7

ཁྱེད་ཀྱ་ལ་དཀོན་མཆོག་གི་བཀའ་བཤད་ཀྱིན་ཁྱེད་རི་འགོ་ཁྲིད་ཀྱ་ལ་དྲན་པ་མ་བརྗེད། ཁོང་ཀྱ་ཡི་མི་ཚེའི་འབྲས་བུ་ལ་བསམ་བློ་གཏོང་། དེ་ནས་ཁོང་ཀྱ་ཡི་དད་པའི་དཔེ་ལེན།

ཨིབ་རི་པ། 6:6

དད་པ་ནས་ལོག་ན། ཡང་ད་སེམས་བསྒྱུར་ཏེ་འགྱོད་པ་བྱེད་རུ་བཅུག་ཡས་དེ་འོང་ཐུབ་ཡས་རང་མེད་ད་ལགས། གི་བྱས་རེ་སྨྲ་ན་འོ་རེ་མི་ཀྱ་ཡིས་དཀོན་མཆོག་གི་སྲས་ལ་ལྡབ་ལེ་རྒྱང་ཤིང་ཁར་ལ་བརྐྱངས་ཀྱིན་ཅོག་རེ་ལགས། དེ་ནས་གི་རིའི་གདོང་དུ་ཁོང་པ་ཡི་ངོ་ཚ་པབ་བ་ལགས།

ཡ་ཀོབ། 2:18

ཡིན་ནའང་མི་ཞིག་གིས་ཁྱོད་ལ་དད་པ་འོད་ད་ལགས། དེ་ནས་ང་ལ་ལས་ཀ་ཀྱ་འོད་སྨྲས་རེ་སྨྲ་ན་ལས་ཀ་མེད་ཀྱིན་ཁྱོའི་དད་པ་དེ་ང་ལ་སྟོན། དེ་ནས་ངས་ང་རི་ལས་ཀ་ཡི་ཐོག་ནས་ངའི་དད་པ་ཁྱོད་ལ་སྟོན་དོ་སྨྲས་རེ་ང་སྨྲ་ཡས་ཡིན།

༡ པེ་ཏྲོ། 3:21

ཆུ་འདི་ནི་ཁྱེད་ཀྱ་ལ་ད་ལྟ་སྐྱོབ་ཀྱིན་ཁྲུས་གསོལ་གྱི་རྟགས་ལགས། འདི་ནི་ལུས་ཀྱི་དྲི་མ་འཁྲུད་ཀྱིན་ཅོག་རེ་མ་ལགས། ཡིན་ནའང་བསམ་བློ་ནམ་པ་དག་པ་ཡི་ཕྱིར་ལ་དཀོན་མཆོག་གི་དྲུང་དུ་དམ་བཅའ་གཅིག་ལགས། ཡེ་ཤུ་མཱ་ཤི་ཀ་འཆི་བ་ནས་སྐུ་གསོན་པོ་འགྱུར་གྱིན་གྱི་ཐོག་ནས་ཁྲུས་གསོལ་གྱིས་ཁྱེད་ཀྱ་ལ་སྐྱོབ་ཀྱི་ལགས།

༢ པེ་ཏྲོ། 1:1

ཡེ་ཤུ་མཱ་ཤི་ཀའི་བྲན་གཡོག་དང་སྐུ་ཚབ་སི་མོ་ཡོན་པེ་ཏྲོ་ནས། འོ་རི་དཀོན་མཆོག་དང་སྐྱབས་མགོན་ཡེ་ཤུ་མཱ་ཤི་ཀའི་དྲང་བདེན་ལ་འེ་ཀྱ་ལ་ཅོག་རེ་རྩ་ཆེ་དད་པ་ཐོབ་ཐ་ཀྱ་ལ།

ཡུ་དཱ། 1:20

ཡིན་ནའང་གཅེས་བའི་སྤུན་ཀྱ་བོ། ཁྱེད་ཀྱ་གོ་རང་གི་དམི་ཅིག་གི་དམ་པའི་དད་པ་ལ་ཡར་རྒྱས་བཏང་རེ་སོང་། དེ་ནས་དམ་པའི་ཐུགས་ཉིད་ཀྱི་སྒོ་ནས་སྨོན་ལམ་རྒྱོབ།

ཡུ་དཱ། 1:3

གཅེས་བའི་སྤུན་ཀྱ་བོ། འོ་རང་གི་རི་ལ་ཐོབ་ཐ་ཐར་པའི་སྐོར་ལ་ངས་ཁྱེད་ཀྱ་ལ་འབྲི་ཡས་དམི་ཅིག་གི་འཐད་འོད་ནའང་། དཀོན་མཆོག་གི་རང་གི་དམ་པའི་མི་ཀྱ་ལ་ལན་གཅིག་ཏུ་གནང་ན་དད་པ་གོ་སྲུང་སྐྱོབ་བྱེད་སྨྲས་རེ་ཞུ་བ་འབུལ་ཡས་ལ། ངས་ཁྱེད་ཀྱ་ལ་འདི་ཡིག་དེ་འབྲི་དགོས་སོང་།