ཨེ་ཕེ་སུ་པ། 3:2 - གློ་བ།

² ཁྱེད་ཀྱ་ཡི་ཕྱིར་ལ་དཀོན་མཆོག་གི་ཐུགས་རྗེའི་ལས་འགན་གོ་ང་ལ་གནང་འོད་ཀྱིན་གྱི་སྐོར་ལ་ཁྱེད་ཀྱ་ཡིས་གོ་འོད་ད་ལགས་སྨྲས་རེ་ངས་བསམས་བའི་འོད།

ཨེ་ཕེ་སུ་པ། 3:2 Iomraidhean Croise

མཛད་པ། 13:2

ཁོང་ཀྱ་སྨྱུང་གནས་ལ་བཞུགས་ཏེ་གཙོ་བོ་ལ་བསྟོད་པ་ཕུལ་རེ་བསྡད་དེ་གང་ལ། དམ་པའི་ཐུགས་ཉིད་ཀྱིས་འོ་དེ་ཀྱ་ལ་གསུངས་བ་ལགས། བར་ན་བཱ་དང་ཤ་ཨུལ་ལ་ངས་ཁོང་ཀྱ་ལ་འབོད་པ་ལས་ཀའི་ཆེད་དུ་པད་རེ་ཞོག།

མཛད་པ། 13:46

ཡིན་ནའང་པའུ་ལུ་དང་བར་ན་བཱ་ཡིས་ཡོལ་ལེ་འཇིགས་སྐྲག་མི་བྱེད་ད་སྨྲས་བ་ལགས། ཁྱེད་ཀྱ་རྩ་རུ་ཨེན་ལ་དཀོན་མཆོག་གི་བཀའ་བཤད་དགོས་ཡས་འོད། ཡིན་ནའང་ཁྱེད་རང་ཀྱ་ཡིས་མ་མཉན་པ་ལགས། ཁྱེད་རང་ཀྱ་རང་ལ་མཐའ་མེད་ཀྱིན་ཚེ་སྲོག་གོ་འཐོབ་ཡས་མེད་ཀྱིན་བཟོས་བ་ལགས། འོ་བྱས་རེ་འེ་ཀྱ་གཞན་མ་མི་རིགས་ཀྱི་མི་ཀྱ་རྩ་རུ་འགྲོ་བ་ལགས།

མཛད་པ། 22:21

ཡིན་ནའང་གཙོ་བོ་ཡིས་ང་ལ་གསུངས་སོང་། ཁྱོད་སོང་། ང་ཁྱེད་ལ་དམི་ཅིག་གི་ཐག་རིང་ང་ཡ་ཧུ་དཱ་པ་མིན་མཁན་མི་རིགས་ཀྱ་རྩ་རུ་བརྫངས་ཡས་ཡིན།

མཛད་པ། 9:15

དེ་ནས་གཙོ་བོ་ཡིས་ཁོ་ལ་གསུངས་བ་ལགས། སོང་། གི་བྱས་རེ་སྨྲ་ན་ཡ་ཧུ་དཱ་པ་མིན་མཁན་མི་རིགས་ཀྱ་དང་། རྒྱལ་བོ་ཀྱ་དང་། ཡིས་ར་ཨེལ་པ་ཀྱ་རྩ་རུ་ངའི་སྐོར་ལ་བཤད་ཡས་ལ་ཁོ་ནི་ངས་བདམས་ད་ལག་ཆ་ཡིན།

རོ་མཱ་པ། 1:5

དེ་ནས་ཁོང་གི་མཚན་གྱི་ཆེད་དུ་ཡ་ཧུ་དཱ་པ་མིན་མཁན་གི་རི་ཡིས་དད་པ་བྱེད་ཡས་དང་། ཁོང་གི་བཀའ་ལ་ཉན་ཡས་ཀྱི་ཕྱིར་ལ། ཁོང་གི་ཐོག་ནས་འེ་ཀྱ་ལ་དཀོན་མཆོག་གི་ཐུགས་རྗེ་དང་སྐུ་ཚབ་ཀྱི་ལས་འགན་གོ་ཐོབ་འོད་ད་ལགས།

རོ་མཱ་པ། 11:13

ད་ང་ཁྱེད་ཡ་ཧུ་དཱ་པ་མིན་མཁན་ཀྱ་ལ་དེ་ཀྱ་སྨྲ་ཡིན། ཡ་ཧུ་དཱ་པ་མིན་མཁན་ཀྱ་ཡི་ཆེད་དུ་ང་སྐུ་ཚབ་གཅིག་བྱས་རེ། ང་ང་རི་ཞབས་ཕྱི་ལ་མཐོང་ཆེ་རྩི་ལི་འོད།

རོ་མཱ་པ། 12:3

ང་ལ་གནང་ན་ཐུགས་རྗེའི་ལས་འགན་གྱི་སྒོ་ནས་ང་ཁྱེད་ཀྱ་རེ་རེ་ལ་སྨྲ་ཡིན། རང་ག་རེ་འོད་ཀྱིན་ནས་འང་ལྷག་མཐོ་བ་རང་ལ་མ་བསམ། ཡིན་ནའང་དཀོན་མཆོག་གིས་ཁྱེད་ཀྱ་ལ་གནང་ན་དད་པའི་ཚད་ལ་བརྟེན་དེ་བསམ་བློ་དྲང་པོ་གཏོང་།

༡ ཀོ་རིན་ཐུ་པ། 4:1

མི་ཀྱ་ཡིས་འེ་ཀྱ་ལ་མཱ་ཤི་ཀའི་ཞབས་ཕྱི་པ་དང་། དཀོན་མཆོག་གི་གསང་བའི་དོན་ཀྱ་ཡི་གཉེར་པ་ཅོག་རེ་རྩི་དགོས།

ག་ལ་ཏི་ཡཱ་པ། 1:13

ཨེན་མ་ང་ཡ་ཧུ་དཱ་པ་ཆོས་ལུགས་བརྩིས་ལི་གང་ལ། ངས་དཀོན་མཆོག་གི་ཆོས་ཚོགས་ལ་དམི་ཅིག་གི་འཇིགས་སྐྲག་ཆེ་སྡུག་པོ་སྟེར་གྱིན་དང་། འོ་དེ་ལ་མེད་ད་ལ་བཏང་ཡས་ལ་ཐབས་ཤེས་བྱས་ཀྱིན་གོ་ཁྱེད་ཀྱ་ཡིས་གོ་འོད་ད་ལགས།

ཨེ་ཕེ་སུ་པ། 1:10

དེ་ནས་ཁོང་པ་ཡི་ཐུགས་དགོངས་ཀྱི་དུས་ཏིག་ཏིག་གོ་བབ་བའི་གང་ལ། གནམ་ས་གཉིས་ལ་འོད་ཀྱིན་གི་རི་གཅིག་ཏུ་མཱ་ཤི་ཀའི་དབང་ལ་འདུ་ཡས་ལགས།

ཨེ་ཕེ་སུ་པ། 3:7

དཀོན་མཆོག་གི་ནུས་མཐུའི་ཕྱག་ལས་ཐོག་ནས་ང་ལ་གནང་གིན་ཁོང་པ་ཡི་ཐུགས་རྗེའི་གནང་སྦྱིན་ལ་བརྟེན་ཏེ་ང་ལ་གཏམ་བཟང་གི་ཞབས་ཏོག་པ་བསྐོས་བ་ལགས།

ཨེ་ཕེ་སུ་པ། 3:8

ང་དཀོན་མཆོག་གི་དམ་པ་མི་ཀྱ་ནས་དམའ་ཤོས་གོ་ཡིན་ནའང་། མཱ་ཤི་ཀའི་གྲངས་མེད་ཀྱི་གཟི་བརྗིད་ཀྱི་གཏམ་བཟང་གོ་ཡ་ཧུ་དཱ་པ་མིན་གྱིན་ཀྱ་ལ་བཤད་ཡས་དང་། དེ་ནས་གི་རི་བཀོད་གནང་མཁན་དཀོན་མཆོག་གིས་ཨེན་མ་དུས་རབས་ནས་སྦས་རེ་བཞག་མཛད་ཛ་གསང་བ་དེ། མི་གི་རི་ལ་མངོན་དུ་བཅུག་ཡས་ཀྱི་འདི་ཐུགས་རྗེ་དེ་ང་ལ་གནང་བ་ལགས།

ཨེ་ཕེ་སུ་པ། 4:21

ཡེ་ཤུ་ནང་འོད་ཀྱིན་བདེན་པ་ལ་བརྟེན་ཏེ་ཁྱེད་ཀྱ་ཡིས་ཁོང་པ་ཡི་སྐོར་ལ་མཉན་འོད་ད་ལགས། དེ་ནས་བསླབས་འོད་ད་ལགས།

ཨེ་ཕེ་སུ་པ། 4:7

ཡིན་ནའང་ཐུགས་རྗེ་གོ་འོ་རང་རེ་རེ་ལ་མཱ་ཤི་ཀའི་གནང་སྦྱིན་གྱི་ཚད་ལ་བརྟེན་ཏེ་གནང་འོད་ད་ལགས།

ཀོ་ལོ་སཱེ་པ། 1:4

གི་བྱས་རེ་སྨྲ་ན་མཱ་ཤི་ཀ་ཡེ་ཤུའི་ཁར་ལ་ཁྱེད་ཀྱི་དད་པ་དང་། དམ་པའི་མི་ཀྱ་གི་རི་ལ་ཁྱེད་ཀྱི་བརྩེ་བའི་སྐོར་ལ་འི་ཀིས་གོ་འོད།

ཀོ་ལོ་སཱེ་པ། 1:6

གཏམ་བཟང་དེ་ཁྱེད་ཀྱི་གུང་དུ་སླེབས་ས་ལགས། དེ་ནས་འཇིག་རྟེན་གི་རི་རུ་འབྲས་བུ་སྐྱེས་རེ་འཕེལ་ལི། འོ་བྱས་རེ་རང་ཁྱེད་ཀྱི་གུང་དུའང་ཁྱེད་ཀྱ་ཡི་གཏམ་བཟང་གོ་གིན་དང་། དཀོན་མཆོག་གི་ཐུགས་རྗེའི་སྐོར་ལ་དངོས་གནས་ཧ་གོ་གིན་ཉིན་མ་ནས་རང་དེ་འཕེལ་རེ་འགྲོའི།

༡ ཏི་མོ་ཐེའུ། 1:4

དེ་ནས་ཁུངས་ལུང་མེད་ཀྱིན་གཏམ་ཀྱ་དང་། རྫོགས་ཡས་མེད་ཀྱིན་རིགས་རྒྱུད་ཀྱ་ཡི་གཤམ་ལ་ཁོང་ཀྱ་ལ་འབྲང་དུ་མ་ཆུག། དེ་རེ་ཀྱ་ཡི་དད་པ་ནས་རག་ལུས་ཀྱིན་དཀོན་མཆོག་གི་ཕྱག་ལས་ཀྱ་སྒྲུབ་ཏུ་མི་བཅུག་བ་ལགས།

༡ ཏི་མོ་ཐེའུ། 2:7

འདི་ཡི་ཕྱིར་ལ་རང་ང་དད་པ་དང་བདེན་པ་ལ་ཡ་ཧུ་དཱ་པ་མིན་མཁན་མི་རིགས་ཀྱ་ཡི་བློ་བཀལ་ཐུབ་ཀྱིན་སློབ་དཔོན། དེ་ནས་ཆོས་བཤད་མཁན་གཅིག་དང་སྐུ་ཚབ་སྨྲས་རེ་བསྐོས་བ་ལགས། (ང་ཟོག་མེད་བཤད་ད་བདེན་པ་རང་སྨྲ་ཡིན།)

༢ ཏི་མོ་ཐེའུ། 1:11

འདི་གཏམ་བཟང་གི་ཕྱིར་ལ་རང་ང་ཆོས་གསལ་བསྒྲགས་བྱེད་ཀྱིན་དང་། སྐུ་ཚབ་དང་། སློབ་དཔོན་གཅིག་བསྐོས་བ་ཡིན།