༢ ཏི་མོ་ཐེའུ། 4:7 - གློ་བ།

⁷ ངས་དམག་བཟང་ང་འཐྲབས་འོད། དེ་ནས་ངས་བང་སྡུར་གོ་བཏང་ཚར་འོད། དེ་ནས་ངས་དད་པ་སྲུངས་འོད།

༢ ཏི་མོ་ཐེའུ། 4:7 Iomraidhean Croise

ལུ་ཀ། 11:28

ཡིན་ནའང་ཁོང་པ་ཡིས་གསུངས་བ་ལགས། དཀོན་མཆོག་གི་བཀའ་མཉན་ཏེ་སྲུང་མཁན་ཀྱ་མོ་ནས་བྱིན་རླབས་ཆེ་ལགས།

ལུ་ཀ། 8:15

དེ་ནས་ས་བཟང་པོ་ལ་ཐོར་གྱིན་ཀྱ་བཀའ་ལ་མཉན་ཏེ་སེམས་དྲང་པོ་དང་བཟང་པོ་ནང་དུ་བརྟན་པོ་ཟིམ་མ་ལགས། དེ་ནས་བཟོད་པའི་ཐོག་ནས་འབྲས་བུ་སྟེར་ར་ལགས།

ཡོ་ཧ་ནན། 17:6

ཁྱེད་རང་གིས་འཇིག་རྟེན་ནང་ནས་ང་ལ་གནང་ན་མི་ཀྱ་ལ་ངས་ཁྱེད་ཀྱི་མཚན་མངོན་དུ་བཅུག་འོད། ཁོང་ཀྱ་ཁྱེད་རང་གི་ཡིན། དེ་ནས་ཁྱེད་རང་གིས་ཁོང་ཀྱ་ང་ལ་གནང་ང་མཛད་སོང་། དེ་ནས་ཁོང་ཀྱ་ཡིས་ཁྱེད་རང་གི་བཀའ་བསྲུངས་འདུག།

ཡོ་ཧ་ནན། 4:34

ཡེ་ཤུ་ཡིས་ཁོང་ཀྱ་ལ་གསུངས་བ་ལགས། ང་ལ་མངགས་མཁན་གྱི་ཐུགས་དགོངས་གོ་བྱེད་ཡས་དང་ཁོང་པ་ཡི་ཕྱག་ལས་འགྲུབ་ཡས་དེ་རང་ངའི་ཟ་མ་ལགས།

མཛད་པ། 13:25

ཁོ་རི་ལས་ཀ་སྒྲུབ་གུ་བྱེད་འདིག་གང་ལ་ཡོ་ཧ་ནན་གྱིས་སྨྲས་བ་ལགས། ཁྱེད་ཀྱ་ང་སུ་ཡིན་གྲོའི་སྨྲས་རེ་བསམས་བའི་འོད་དོ། ང་ནི་སྐྱབས་མགོན་གོ་མིན། ཡིན་ནའང་ཁོང་པ་ང་གཤམ་ནས་ཕེབས་བའི་འོད་ད་ལགས། དེ་ནས་ང་ནི་ཁོང་པ་ཡི་པོ་ལེའི་སྒྲོག་ཐག་བཀྲོལ་རིན་ཁ་ཡས་མེད།

མཛད་པ། 20:24

ཡིན་ནའང་དཀོན་མཆོག་གི་ཐུགས་རྗེའི་སྐོར་ལ་གཏམ་བཟང་གོ་བཤད་ཀྱིན་གཙོ་བོ་ཡེ་ཤུ་ནས་ང་ལ་ཐོབ་ཐ་ལས་ཀ་དེ་མ་འགྲུབ་ཀྱིན་ཐུག་པའི། ང་ང་རི་མི་ཚེ་འདིའི་དོན་གིན་ད་མི་བརྩིས་འོད།

ག་ལ་ཏི་ཡཱ་པ། 2:2

དཀོན་མཆོག་གིས་ང་ལ་སྟོན་ད་མཛད་དེ་ང་འོ་དུ་རུ་སོང་བའི། དེ་ནས་ངས་བྱས་བྱ་དང་བྱེད་ཀྱིན་ལས་ཀ་ཀྱ། དོན་མེད་ཀྱིན་མ་བྱུང་བར་ཤོག་སྨྲས་རེ་ང་འོ་དུ་རུ་འོད་དེ་གང་ལ། ངས་ཡ་ཧུ་དཱ་པ་མིན་མཁན་མི་རིགས་ཀྱ་མུ་ལ་བཤད་ཀྱིན་གཏམ་བཟང་གི་སྐོར་ལ། ཆོས་ཚོགས་ཀྱི་འགོ་ཁྲིད་ཀྱ་ལ་ཟུར་ལ་ཐུག་སྟེ་བཤད་པའི།

ཕི་ལིབ་པཱི་པ། 1:30

དེ་ནས་ཁྱེད་ཀྱ་ཡིས་ངས་མྱངས་ཀྱིན་སྡུག་པོ་གོ་མཐོང་མྱོང་ང་ལགས། དེ་ནས་ད་ལྟ་ངས་མྱངས་ཀྱིན་གོ་ཁྱེད་ཀྱིས་གོ་ར་ལགས། འདི་སྡུག་པོ་དེ་རང་ཁྱེད་ཀྱའང་མྱངས་བའི་འོད་ད་ལགས།།

༡ ཏི་མོ་ཐེའུ། 1:18

ངའི་བི་ཛ་ཏི་མོ་ཐེའུ། ཁྱོའི་སྐོར་ལ་ཨེན་མ་མངོན་ཤེས་ཀྱིན་ཚིག་ཀྱ་ལ་བལྟས་རེ། ང་ཁྱོད་ལ་བཀའ་འདི་བློ་བཀལ་རེ་སྐུལ་ལ་ཡིན། འོ་དེ་ཚིག་ཀྱ་ལ་ཁ་ལ་མཉན་ཏེ་དང་། རང་གི་དད་པ་དང་། ཤེས་རབ་བཟང་པོ་ལ་རྟེན་ཏེ་དམག་བཟང་པོ་ཐྲོབ།

༡ ཏི་མོ་ཐེའུ། 6:12

འོ་རི་དད་པ་ཡི་དམག་བཟང་པོ་གོ་ཐོབ། དེ་ནས་དཔང་པོ་མང་ང་ཡི་གདོང་དུ་ཁྱོས་ཁས་ལེན་བཟང་པོ་ལེན་ལ་བྱས་རེ། མཐའ་མེད་པའི་ཚེ་སྲོག་གི་ཕྱིར་ལ་ཁྱོད་བོས་བ་ལགས། དེ་ནས་འདི་ལ་ཟིམ་ཏེ་སྡོད།

༡ ཏི་མོ་ཐེའུ། 6:20

ཏི་མོ་ཐེའུ་བོ། ཁྱོད་ལ་བཅོལ་གྱིན་གོ་སྲུངས་ཤིག། དེ་ནས་མི་ཀྱ་ཡིས་ཟོག་པོ་སྨྲས་རེ་ཤེས་རབ་བསམས་ཀྱིན་ཆོས་ལ་མི་མཐུན་གྱིན་ལབ་དང་ཆོ་མེད་ཀྱིན་རྩོད་པ་ཀྱ་ནས་འཛེམ།

༢ ཏི་མོ་ཐེའུ། 1:14

ཁྱོད་ལ་བཅོལ་ཅ་འགན་བཟང་པོ་གོ་འོ་རི་ནང་བཞུགས་ཀྱིན་དམ་པའི་ཐུགས་ཉིད་ཀྱི་སྒོ་ནས་སྲུང་།

༢ ཏི་མོ་ཐེའུ། 3:10

ཡིན་ནའང་ཁྱོས་ངས་ཆོས་སྟོན་གྱིན་དང་། ངའི་སྤྱོད་ལམ་དང་། ངའི་མི་ཚེའི་དམིགས་ཡུལ་དང་། དད་པ་དང་། ངའི་བཟོད་པ་དང་། ངའི་བྱམས་པ་དང་། ང་བརྟན་པོ་འོད་ཀྱིན།

མངོན་པ། 3:10

ཁྱེད་ཀྱ་ཡིས་བཟོད་པ་བྱེད་དགོས་ཀྱིན་ངའི་བཀའ་གོ་བསྲུངས་སྲ་བྱས་རེ། ང་ཁྱོད་ལ་ས་གཞི་རུ་འོད་ཀྱིན་མི་གི་རི་ལ་ཚོད་ལྟ་བྱེད་ཡས་ལ། འཛམ་བུ་གླིང་དུ་འོང་ཡས་ཡིན་གྱིན་འོ་དེ་ཚོད་ལྟའི་དུས་ཚོད་ནས་སྐྱོབ་ཡས་ཡིན།

མངོན་པ། 3:8

ཁྱོའི་ལས་ཀ་ཀྱ་ང་ལ་ཤེས་ཡས་འོད། ལྟོས་དང་། ཁྱོའི་གདོང་དུ་སུས་འང་བརྒྱབ་མི་ཐུབ་ཀྱིན་སྒོ་ངས་པེ་རེ་བཞག་འོད། དེ་ནས་ཁྱོད་ལ་སྟོབས་ཤུགས་ཅི་མེ་འོད་ཀྱིན་གོ་ང་ལ་ཤེས་ཡས་འོད། གི་ཡིན་ན་ཁྱོས་ངའི་བཀའ་གོ་བསྲུངས་འདུག། དེ་ནས་ངའི་མིང་མ་སྤངས་འདུག།

མངོན་པ། 6:11

ཁོང་ཀྱ་གི་རི་ལ་གོས་དཀར་བོ་གནང་བ་ལགས། དེ་ནས་ཁོང་ཀྱ་ཡི་ལས་རོགས་དང་། སྤུན་ཀྱའང་ཁོང་ཀྱ་ལ་ཅོག་རེ་བསད་དེ་གྲངས་ཀ་མ་ཚང་གིན་ཐུག་པའི། དོ་རང་འང་ཅེ་གཅིག་ངལ་གསོས་རེ་སྡོད་སྨྲས་རེ་གསུངས་བ་ལགས།