༢ ཏི་མོ་ཐེའུ། 2:22 - གློ་བ།

²² འོ་བྱས་རེ་གཞོན་ནུའི་འདོད་ཆགས་ཀྱ་སྤོངས། དེ་ནས་སེམས་གཙང་མ་ཡི་ཐོག་ནས་གཙོ་བོའི་མཚན་བརྗོད་མཁན་ཀྱ་མུ་ལ། དྲང་བདེན་གྱི་མི་ཚེ་དང་། དད་པ་དང་། བྱམས་པ་དང་། ཞི་བདེའི་དམིགས་ཡུལ་འཚོལ།

༢ ཏི་མོ་ཐེའུ། 2:22 Iomraidhean Croise

མཛད་པ། 7:59

ཁོང་ཀྱ་ཡིས་སེ་ཏེ་ཕཱན་ལ་རྡོ་གོང་བཞུས་རི་གང་ལ་ཁོས་སྨོན་ལམ་བརྒྱབ་པ་ལགས། གཙོ་བོ་ཡེ་ཤུ། ངའི་སེམས་ཉིད་སྣུམ་མ་མཛད།

མཛད་པ། 9:14

དེ་ནས་ཁོ་མཆོད་དཔོན་ཆེ་ཀྱ་ཡི་དབང་ཆ་ནས་ཁྱེད་རང་གི་མཚན་འབོད་མཁན་གི་རི་ལ་ཟིམ་དུ་དུ་རུ་འོངས་འདུག

རོ་མཱ་པ། 14:17

གི་བྱས་རེ་སྨྲ་ན་དཀོན་མཆོག་གི་རྒྱལ་སྲིད་ནི་ཟ་ཡས་དང་འཐུང་ཡས་མ་ལགས། ཡིན་ནའང་དམ་པའི་ཐུགས་ཉིད་ཀྱི་ནང་དྲང་བདེན་དང་། ཞི་བདེ་དང་། དགའ་སྤྲོ་ལགས།

རོ་མཱ་པ། 14:19

འོ་བྱས་རེ་འོ་རང་ཀྱ་ཞི་བདེ་ཁྱེར་ཏེ་འོང་གིན་དང་། གཅིག་གིས་གཅིག་ལ་ཡར་རྒྱས་བཏང་གིན་དོན་ཀྱ་ལ་དོ་སྣང་བྱེད་དོ།

༡ ཀོ་རིན་ཐུ་པ། 1:10

ད་སྤུན་ཀྱ་བོ། ཁྱེད་ཀྱ་གི་རི་ཁྱེད་རི་ནང་དུ་མཐུན་ཏེ། དེ་ནས་ཁྱེད་རི་ནང་དུ་གཡས་བ་བས་རེ་མིན་ད། ཡིན་ནའང་སེམས་པ་གཅིག་པ་དང་བསམ་བློ་གཅིག་པ་བྱས་རེ་སྡོད་སྨྲས་རེ། ང་འོ་རི་གཙོ་བོ་ཡེ་ཤུ་མཱ་ཤི་ཀའི་མཚན་ནས་ཁྱེད་ཀྱ་ལ་ཞུ་བ་འབུལ་ལ་ཡིན།

༡ ཀོ་རིན་ཐུ་པ། 1:2

ཀོ་རིན་ཐུ་རུ་འོད་ཀྱིན་དཀོན་མཆོག་གི་ཆོས་ཚོགས་དང་། མཱ་ཤི་ཀ་ཡེ་ཤུའི་ཐོག་ནས་དཀོན་མཆོག་གི་དམ་པ་མཛད་ཛ་དང་། དམ་པའི་མི་འབྱུང་ཡས་ལ་བོས་པ་ཀྱ་མུ་ལ། ས་ཆ་འོད་ལེ་ནས་ཁོང་ཀྱ་དང་། འོ་རི་གཙོ་བོ་ཡིན་གྱིན་འོ་རི་གཙོ་བོ་ཡེ་ཤུ་མཱ་ཤི་ཀའི་མཚན་འབོད་མཁན་གི་རི་ལ།

༡ ཀོ་རིན་ཐུ་པ། 10:14

འོ་བྱས་རེ་ངའི་གཅེས་བའི་རོགས་བ་ཀྱ་བོ། ལྷ་སྐུ་འདྲ་ལ་མཆོད་ཡས་ནས་འཛེམ་ཏེ་སྡོད།

༡ ཀོ་རིན་ཐུ་པ། 14:1

ཁྱེད་ཀྱ་ཡི་དམིགས་ཡུལ་གོ་བྱམས་པ་འོང་དགོས། དེ་ནས་དམ་པའི་ཐུགས་ཉིད་ཀྱི་གནང་སྦྱིན་ཀྱ་ཡི་འདོོད་པ་ཆེ་ཞོག། དམིགས་བསལ་དུ་མངོན་བཤད་ཡས་ཀྱི་གནང་སྦྱིན་ལ་འདོད་པ་བྱེད།

༡ ཀོ་རིན་ཐུ་པ། 6:18

ལོག་གཡེམ་ནས་འཛེམ་ཏེ་སྡོད། མི་ཡིས་བྱེད་ཀྱིན་སྡིག་པ་གཞན་མ་གི་རི་ལུས་ཀྱི་ཕི་ལ་འོང་ང་ལགས། ཡིན་ནའང་ལོག་གཡེམ་བྱེད་ཀྱིན་གྱིས་རང་གི་ལུས་ལ་རང་སྡིག་པ་བྱེད་ད་ལགས།

༡ ཏི་མོ་ཐེའུ། 1:14

འོ་རི་གཙོ་བོ་ཡེ་ཤུའི་ཐུགས་རྗེ་མཱ་ཤི་ཀ་ཡེ་ཤུ་ནས་འབྱུང་གིན་དད་པ་དང་། བྱམས་པ་མུ་ལ་ང་ལ་མོད་ཆོད་ལི་གནང་ང་མཛད་སོང་།

༡ ཏི་མོ་ཐེའུ། 1:5

འོ་རི་བསླབ་བྱ་ཡི་དམིགས་ཡུལ་ནི་སེམས་གཙང་མ་དང་། ཤེས་རབ་བཟང་པོ་དང་། བདེན་པའི་དད་པ་ནས་འབྱུང་གིན་བྱམས་པ་ལགས།

༡ ཏི་མོ་ཐེའུ། 2:8

ས་ཆ་གི་རི་རུ་སྐྱེས་བའི་ཕོ་ཀྱ་ཡི་ཞེ་སྡང་དང་། རྩོད་པ་མ་བསླངས་ང་ལག་པ་གཙང་མ་ཡར་ལ་བརྐྱངས་རེ་སྨོན་ལམ་འདེབས་ཡས་ལ་ང་འདོད་འདིག་འོད།

༡ ཏི་མོ་ཐེའུ། 4:12

ཁྱོད་གཞོན་པ་བྱས་རེ་སུས་འང་ཁྱོད་ལ་མཐོང་ཆུང་བྱེད་དུ་མ་ཆུག། ཡིན་ནའང་དད་པ་བྱེད་མཁན་ཀྱ་ཡི་གདོང་དུ་ཁྱོའི་ངག་དང་། སྤྱོད་པ་དང་། བྱམས་པ་དང་། དད་པ་དང་། གཙང་མའི་སྒོ་ནས་རང་ལ་དཔང་པོ་གཅིག་སྟོན།

༡ ཏི་མོ་ཐེའུ། 6:11

ཡིན་ནའང་དཀོན་མཆོག་གི་སྐྱེས་བུ་ཁྱོད། དེ་གི་རི་ནས་འཛེམ་ཏེ། དྲང་བདེན་དང་། ཆོས་སེམས་དང་། དད་པ་དང་། བྱམས་པ་དང་། བཟོད་སྒོམ་དང་། འཇམ་པོ་འབྱུང་ཡས་ལ་འཚོལ།

ཨིབ་རི་པ། 12:14

མི་གི་རི་མུ་ལ་མཐུན་ཏེ་བསྡད་ཡས་དང་དམ་པ་འབྱུང་ཡས་ལ་ཐབས་ཤེས་བྱེད། དེ་ནས་དམ་པ་མེད་ན་མི་སུས་འང་གཙོ་བོ་ལ་མཇལ་མི་ཐུབ་ཀྱི་ལགས།

༡ པེ་ཏྲོ། 2:11

གཅེས་བའི་རོགས་བ་ཀྱ་བོ། ང་ཁྱེད་ཀྱ་ལ་ཞུ་བ་འབུལ་ལ་ཡིན། ཁྱེད་ཀྱ་གནས་ཚང་གཡར་ཏེ་བསྡད་ཀྱིན་དང་ངོ་མེད་ཤེས་ཀྱི་མི་ཀྱ་བྱས་རེ། རང་གི་སེམས་ཉིད་ཀྱི་དགྲ་ལ་འོད་ཀྱིན་ལུས་ཀྱི་འདོད་ཆགས་ཀྱ་སྤོངས།

༡ པེ་ཏྲོ། 3:11

ངན་པ་སྤངས་ཏེ་བཟང་ང་བྱེད་དགོས། དེ་ནས་ཞི་བདེ་བཙལ་རེ་འོ་དེ་གཤམ་ལ་འབྲང་དགོས།

༣ ཡོ་ཧ་ནན། 1:11

གཅེས་བའི་རོགས་བོ། ངན་པའི་དཔེ་མ་ཟིམ། ཡིན་ནའང་བཟང་ང་ཡིན་གྱིན་གྱི་དཔེ་གོ་ལེན། བཟང་ང་བྱེད་མཁན་གོ་ནི་དཀོན་མཆོག་གི་མི་ལགས། དེ་ནས་ངན་པ་བྱེད་མཁན་གྱིས་དཀོན་མཆོག་ལ་མཇལ་མྱོང་མེད་ད་ལགས།