༢ ཏི་མོ་ཐེའུ། 2:10 - གློ་བ།

¹⁰ འོ་བྱས་རེ་བདམས་ད་མི་ཀྱ་ཡི་དོན་ལ་ང་གི་རི་བཟོད་པ་སྒོམ་མའི་འོད། དེ་རེ་བྱས་རེ་ཁོང་ཀྱ་ལ་མཐའ་མེད་པའི་གཟི་བརྗིད་མུ་ལ་མཱ་ཤི་ཀ་ཡེ་ཤུ་ནས་ཐར་པ་ཐོབ་ཀྱི་ལགས།

༢ ཏི་མོ་ཐེའུ། 2:10 Iomraidhean Croise

མད་ཐཱ། 24:22

དེ་ནས་འོ་དེ་དུས་ཚོད་ཀྱི་ཉིན་མ་གོ་ཉུང་ང་མ་མཛད་འོད་ན། མི་སུའང་འཐར་ཡས་མེད། ཡིན་ནའང་བདམས་ད་མི་ཀྱ་ཡི་ཕྱིར་ལ་ཉིན་མ་དེ་ཀྱ་ཉུང་དུ་མཛད་ཀྱི་ལགས།

མད་ཐཱ། 24:24

གི་བྱས་རེ་སྨྲ་ན་མཱ་ཤི་ཀ་ཟོག་པོ་ཀྱ་དང་མངོན་ཤེས་མཁན་ཟོག་པོ་ཀྱ་མང་ང་འཐོན་གྱི་ལགས། དེ་ནས་ཁོང་ཀྱ་ཡིས་དམི་ཅིག་གི་ཧ་ལས་ཀྱིན་རྟགས་ཀྱ་དང་ལས་ཀ་ཀྱ་སྟོན་ཏེ་མགོ་སྐོར་བཏང་གི་ལགས། དེ་ནས་བྱུང་ན་བདམས་ད་ཀྱ་ལ་མགོ་སྐོར་གྱི་ལགས།

མད་ཐཱ། 24:31

དེ་ནས་ཁོང་གིས་རང་གི་བང་ཆེན་ཀྱ་ལ་དུང་སྐད་ཆེ་མུ་ལ་བརྫངས་ཀྱི་ལགས། དེ་ནས་ཁོང་ཀྱ་ཡིས་ཕྱོགས་བཞི་ནས་ནམ་མཁའི་མཐའ་ནས་མཐའ་རུ་ཁོང་གི་བདམས་ད་ཀྱ་ལ་སྡུད་ཀྱི་ལགས།

ལུ་ཀ། 18:7

དེ་ནས་དཀོན་མཆོག་གིས་རང་གི་བདམས་ད་མི་ཀྱ་ཡིས་ཉིན་གང་མཚན་གང་གསོལ་བ་བརྒྱབ་ན། ཁོང་ཀྱ་ལ་ཁྲིམས་དྲང་པོ་བཅད་ད་མཛད་ཀྱི་མ་ལགས་སེ། ཁོང་པ་ཡིས་ཁོང་ཀྱ་ལ་རོགས་བ་བྱེད་ཡས་ལ་དལ་ལ་མཛད་ཀྱི་ལགས་སེ།

ལུ་ཀ། 22:57

ཡིན་ནའང་པེ་ཏྲོ་ཡིས་དེ་རེ་སྨྲས་བ་ལགས། བུ་མོ། ང་ཁོང་ལ་ངོ་མེད་ཤེས་འོད།

ཡོ་ཧ་ནན། 11:52

དེ་ནས་ཡ་ཧུ་དཱ་པའི་མི་རིགས་ཕྱིར་ལ་གཅིག་ཀ་མིན་ད་འཐོར་ཏེ་བསྡད་ད་དཀོན་མཆོག་གི་སྲས་དང་སྲས་མོ་ཀྱ་གཅིག་ཏུ་སྡུད་ཡས་ཀྱི་ཕྱིར་ལའང་བཤད་པ་ལགས།

ཡོ་ཧ་ནན། 17:24

ཀྱེ་ཡབ། ཁྱེད་རང་གིས་ང་ལ་གནང་ན་གི་རི་ང་ག་རུ་འོད་ས་རུ་ངའི་མུ་ལ་འོད་མཁན་དང་། ངས་གཟི་བརྗིད་མཐོང་གི་གོ་ང་འདོད་འདིག་འོད། འདི་གཟི་བརྗིད་དེ་འཇིག་རྟེན་མ་བཀོད་ཨེན་ལ་ཁྱེད་རང་གིས་ང་ལ་བྱམས་པ་མཛད་དེ་གནང་བ་ཡིན།

ཡོ་ཧ་ནན། 17:9

ང་ཁོང་ཀྱ་ཡི་ཕྱིར་ལ་གསོལ་བ་བརྒྱབ་བའི་འོད། ངས་འཇིག་རྟེན་གྱི་མི་ཀྱ་ཡི་ཕྱིར་དུ་གསོལ་བ་བརྒྱབ་བ་མིན། ཡིན་ནའང་ཁྱེད་རང་གིས་ང་ལ་གནང་ན་མི་ཀྱ་ཡིས་ཕྱིར་ལ་ང་གསོལ་བ་བརྒྱབ་བ་ཡིན། གི་བྱས་རེ་སྨྲ་ན་ཁོང་ཀྱ་ཁྱེད་རང་གི་ཡིན།

རོ་མཱ་པ། 2:7

དེ་ནས་བཟོད་པའི་སྒོ་ནས་ལས་བཟང་ང་བྱས་རེ་གཟི་བརྗིད་དང་། བཀུར་སྟི་དང་། འཆི་བ་མེད་ཀྱིན་ཚེ་བཙལ་མཁན་མི་ཀྱ་ལ་ཁོང་གིས་མཐའ་མེད་པའི་ཚེ་སྲོག་གནང་གི་ལགས།

རོ་མཱ་པ། 9:23

དེ་ནི་ཨེན་མ་ནས་གཟི་བརྗིད་ཀྱི་ཕྱིར་ལ་དཀོན་མཆོག་གིས་གྲ་སྒྲིག་མཛད་ཛ། ཁོང་གི་སྙིང་རྗེ་སྟོན་ས་མི་ཀྱ་ཁར་ལ་ཁོང་གི་བླ་ན་མེད་པའི་གཟི་བརྗིད་ཡོལ་ལེ། ཕྲ་ཆག་བའི་བྱས་རེ་མངོན་ཡས་ཀྱི་ཆེད་དུ་ཁོང་པ་ཡིས་མཛད་པ་ལགས།

༡ ཀོ་རིན་ཐུ་པ། 1:21

དཀོན་མཆོག་གི་ཤེས་རབ་ཀྱི་ནང་འདི་འཇིག་རྟེན་གྱི་མི་ཀྱ་ཡིས་རང་གི་ཤེས་རབ་ཀྱི་སྒོ་ནས། དཀོན་མཆོག་ལ་ངོ་མེད་ཤེས་ཀྱིན་བྱས་རེ། འོ་རི་གཏམ་བཟང་བཤད་ཀྱིན་ཆོ་མེད་ཀྱིན་ལས་ཀའི་ཐོག་ནས། དད་པ་བྱེད་མཁན་ཀྱ་ལ་སྐྱོབ་ཡས་ལ་དཀོན་མཆོག་ཐུགས་དགྱེས་བ་ལགས།

༡ ཀོ་རིན་ཐུ་པ། 9:22

དད་པ་ལ་སྐྱོ་བ་འོད་མཁན་ཀྱ་ཡི་སེམས་སྐྱོབ་ཡས་ཀྱི་ཆེད་དུ། ང་དད་པ་ལ་སྐྱོ་བ་འོད་མཁན་ཀྱ་མུ་ལ་དད་པ་སྐྱོ་བ་ཅོག་རེ་བྱུང་བའི། ཐབས་ཤེས་གི་རིའི་ཐོག་ནས་མི་རིང་འགའ་ཡི་སེམས་སྐྱོབ་ཡས་ཀྱི་ཆེད་དུ། ང་མི་གི་རི་ཆེད་དུ་དེ་གི་རི་བྱུང་བའི།

༢ ཀོ་རིན་ཐུ་པ། 1:6

འེ་ཀྱ་ལ་སྡུག་པོ་འབྱུང་ན། འོ་དེ་གོ་ཁྱེད་ཀྱ་ལ་སེམས་གསོ་དང་ཐར་པ་འཐོབ་ཡས་ཀྱི་ཆེད་དུ་ལགས། དེ་ནས་འེ་ཀྱ་ལ་སེམས་གསོ་ཐོབ་འོད་ན། ཁྱེད་ཀྱ་ལ་སེམས་གསོ་འཐོབ་ཀྱི་ལགས། དེ་ནས་འི་ཀིས་མྱངས་མྱ་སྡུག་པོ་ཅོག་རེ། ཁྱེད་ཀྱ་ཡིས་འོ་དེ་སྡུག་པོ་གོ་བཟོད་པ་བྱས་རེ་འགོ་མ་རང་ཁྱེད་ཀྱ་ཡིས་འང་། འོ་དེ་རང་སེམས་གསོ་ཉམས་མྱོང་བྱེད་ཀྱི་ལགས།

༢ ཀོ་རིན་ཐུ་པ། 12:15

དེ་ནས་ང་ཁྱེད་ཀྱ་ཡི་ཆེད་དུ་དགའ་སྤྲོ་ཀྱི་སྒོ་ནས་ང་ལ་འོད་ཀྱིན་གི་རི་དང་། ང་རང་རང་ལ་འབུལ་ཡས་ཡིན། ངས་ཁྱེད་ཀྱ་ལ་བརྩེ་བ་མང་ང་བྱེད་ན། ང་ལ་བརྩེ་བ་ཉུང་ང་ཐོབ་གུ་ལགས་སེ།

༢ ཀོ་རིན་ཐུ་པ། 4:15

གི་བྱས་རེ་སྨྲ་ན་དེ་ཀྱ་གི་རི་ཁྱེད་ཀྱ་ལ་ཕན་ཡས་ཀྱི་ཆེད་དུ་ལགས། དེ་ནས་དེ་ནི་ཐུགས་རྗེ་གོ་མི་མང་ང་རྩ་རུ་འཕེལ་རེ་འགྲོ་བ་རང་། དཀོན་མཆོག་གི་གཟི་བརྗིད་འོངས་ཡས་ལ་བཀའ་དྲིན་ཆེ་ཞུ་ཡས་གོའང་འཕེལ་ཡས་ཀྱི་ཆེད་དུ་ལགས།

༢ ཀོ་རིན་ཐུ་པ། 4:17

གི་བྱས་རེ་སྨྲ་ན་ཡུན་ཐུང་ང་ཡི་སྡུག་པོ་ཡང་ང་འདིའི། འེ་ཀྱ་ཡི་ཆེད་དུ་སྡུར་ཡས་མེད་ཀྱིན་མཐའ་མེད་པའི་གཟི་བརྗིད་གོ་གྲ་སྒྲིག་བྱེད་འདིག་འོད་ད་ལགས།

ཨེ་ཕེ་སུ་པ། 3:13

ཁྱེད་ཀྱི་ཕྱིར་ལ་ངས་མྱངས་ཀྱིན་སྡུག་པོ་དེ་ཁྱེད་ཀྱ་ལ་ཕན་ཡས་ལ་ལགས། འོ་བྱས་རེ་ཁྱེད་ཀྱ་སེམས་ཤུགས་མ་ཆགས་སྨྲས་རེ་ང་ཞུ་བ་འབུལ་ལ་ཡིན།

ཀོ་ལོ་སཱེ་པ། 1:24

ད་ངས་ཁྱེད་ཀྱ་ཡི་དོན་ལ་མྱངས་ཀྱིན་དཀའ་བསྔལ་ལ་ང་དགའ་སྤྲོ་བྱེད་འདིག་འོད། མཱ་ཤི་ཀའི་སྐུ་སྲོག་ཡིན་གྱིན་ཆོས་ཚོགས་ཀྱི་ཆེད་དུ་ཁོང་གི་སྡུག་བསྔལ་ལྷག་མ་དེ་ངའི་ལུས་ལ་རྫོགས་བ་བྱེད་ད་ཡིན།

ཀོ་ལོ་སཱེ་པ། 1:27

དཀོན་མཆོག་གི་གྲངས་མེད་ཀྱི་གཟི་བརྗིད་ཀྱི་གསང་བ་དེ། ཡ་ཧུ་དཱ་པ་མིན་མཁན་མི་རིགས་ཀྱི་ཕྱིར་ལ་དམི་ཅིག་གི་རྩ་ཆེ་ཡིན་གྱིན་གོ། རང་གི་དམ་པའི་མི་ཀྱ་ལ་མངོན་དུ་མཛད་ཡས་གོ། དཀོན་མཆོག་གི་ཐུགས་དགྱེས་བ་ལགས། གསང་བ་དེ་ནི་མཱ་ཤི་ཀ་ཁྱེད་ཀྱ་ཡི་ནང་འོད་ད་ལགས། དེ་ནས་ཁོང་ནི་གཟི་བརྗིད་ཀྱི་རེ་བ་གོ་ལགས།

༡ ཐེ་ས་ལོ་ནི་ཀེ་པ། 5:9

གི་བྱས་རེ་སྨྲ་ན་དཀོན་མཆོག་གིས་འོ་རང་ལ་ཁོང་པ་ཡི་ཐུགས་ཁྲོ་མྱངས་ཡས་ལ་བདམས་མ་མ་མཛད་པ་ལགས། ཡིན་ནའང་གཙོ་བོ་ཡེ་ཤུ་མཱ་ཤི་ཀ་ནས་ཐར་པ་འཐོབ་ཡས་ཀྱི་ཕྱིར་ལ་བདམས་མ་མཛད་པ་ལགས།

༢ ཐེ་ས་ལོ་ནི་ཀེ་པ། 2:14

འོ་རི་གཙོ་བོ་ཡེ་ཤུ་མཱ་ཤི་ཀའི་གཟི་བརྗིད་འཐོབ་ཡས་ལ། འི་ཀི་གཏམ་བཟང་གི་ཐོག་ནས་དཀོན་མཆོག་གིས་ཁྱེད་ཀྱ་ལ་དོན་འདིའི་ཕྱིར་ལ་བོས་མཛད་པ་ལགས།

༢ ཏི་མོ་ཐེའུ། 1:1

མཱ་ཤི་ཀ་ཡེ་ཤུའི་ནང་འོད་ཀྱིན་ཚེའི་དམ་བཅའ་ཅོག་རེ་དཀོན་མཆོག་གི་ཐུགས་དགོངས་ཐོག་ནས་མཱ་ཤི་ཀ་ཡེ་ཤུ་ཡི་སྐུ་ཚབ་ང་པའུ་ལུ་ནས།

༢ ཏི་མོ་ཐེའུ། 2:1

ངའི་བུ་ཁྱོད། མཱ་ཤི་ཀ་ཡེ་ཤུ་ཡི་ཐུགས་རྗེ་ནང་དུ་སྙིང་ཆེ་འབྱུང་ཞིག།

༢ ཏི་མོ་ཐེའུ། 2:3

མཱ་ཤི་ཀ་ཡེ་ཤུའི་དམག་མི་དྲང་པོ་གཅིག་ཅོག་རེ་ངའི་མུ་ལ་སྡུག་བསྔལ་གྱི་འགན་ཁུར།

ཏི་ཏོས། 1:1

དཀོན་མཆོག་གི་གཡོག་པོ་དང་ཡེ་ཤུ་མཱ་ཤི་ཀའི་སྐུ་ཚབ་ང་པའུ་ལུ། དཀོན་མཆོག་གིས་བདམས་ད་ཀྱ་ཡི་དད་པའི་ཕྱིར་ལ་དང་། དཀོན་མཆོག་ལ་ཐུགས་མཉེས་བོ་མི་ཚེ་པུད་ཡས་ལ། དེ་ནས་ལབ་བདེན་པ་ཧ་གོ་ཏུ་བཅུག་ཡས་ལ་ང་ལ་བསྐོས་བ་ལགས།

༡ པེ་ཏྲོ། 2:10

དུས་གཅིག་ལ་ཁྱེད་ཀྱ་དཀོན་མཆོག་གི་མི་མ་ལགས། ཡིན་ནའང་ད་ལྟ་ཁྱེད་ཀྱ་དཀོན་མཆོག་གི་མི་ལགས། དེ་ནས་དུས་གཅིག་ལ་ཁྱེད་ཀྱ་ལ་སྙིང་རྗེ་མ་ཐོབ་འོད་ད་ལགས། ཡིན་ནའང་ད་ལྟ་ཁྱེད་ཀྱ་ལ་སྙིང་རྗེ་ཐོབ་འོད་ད་ལགས།

༡ པེ་ཏྲོ། 5:10

དེ་ནས་ཁྱེད་ཀྱ་ཡིས་དུས་ཏི་ཏེ་གཅིག་སྡུག་པོ་མྱངས་ཀྱིན་གཤམ་ལ། མཱ་ཤི་ཀའི་ནང་མཐའ་མེད་པའི་གཟི་བརྗིད་ལ་ཁྱེད་ཀྱ་ལ་འབོད་གནང་མཁན་དང་། ཐུགས་རྗེ་ཆེན་པོ་དཀོན་མཆོག་གིས་རང་ཁྱེད་ཀྱ་ལ་སླར་གསོ་ཡས་དང་། བརྟན་པོ་མཛད་ཡས་དང་། སྟོབས་ཤུགས་གནང་ཡས་དང་། ཡིད་ཆེས་ཀྱི་རྨང་གཞི་བརྟན་པོ་མཛད་ཀྱི་ལགས།