༢ ཏི་མོ་ཐེའུ། 1:5 - གློ་བ།

⁵ ཁྱོའི་དད་པ་དྲང་པོའི་དྲན་གསོ་ང་ལ་བྱུང་སོང་། དད་པ་འདི་ཨེན་མ་ཁྱོའི་ཨི་བི་ལོ་ཨིས། དེ་ནས་ཁྱོའི་ཨ་མ་ཨིའུ་ནི་ཀེའི་ནང་དུ་འོད་ཀྱིན་གོ་ཁྱོའི་ནང་དུའང་འདུག་སྨྲས་རེ་ང་ལ་ཡིད་ཆེས་བརྟན་པོ་འོད།

༢ ཏི་མོ་ཐེའུ། 1:5 Iomraidhean Croise

ཡོ་ཧ་ནན། 1:47

ཡེ་ཤུ་ཡིས་ན་ཐན་ཨེལ་ལ་རང་རྩ་རུ་འོང་གིན་གོ་གཟིགས་ཏེ་ཁོ་ལ་གསུངས་བ་ལགས། ལྟོས་དང་། ཁོ་ནི་གཡོ་སྒྱུ་མེད་ཀྱིན་ཡིས་ར་ཨེལ་པ་དངོས་གནས་གཅིག་ལགས།

མཛད་པ། 16:1

པའུ་ལུ་དེར་བེ་དང་ལུས་ཏྲ་རུ་ཕེབས་ཏེ་འོ་དུ་རུ་ཏི་མོ་ཐེའུ་སྨྲ་མཁན་ཉེ་གནས་གཅིག་འོད་ད་ལགས། ཁོའི་ཨ་མ་གོ་གཙོ་བོ་ཡེ་ཤུ་ལ་དད་པ་བྱེད་མཁན་ཡ་ཧུ་དཱ་པ་ལགས། དེ་ནས་ཨ་རྒས་གོ་གྷི་རིག་ལགས།

མཛད་པ། 26:26

དེ་ནས་རྒྱལ་བོ་ཨག་རི་པཱ་ལ་དེ་ལབ་ཀྱ་གི་རི་ཆ་འོད་ད་ལགས། དེ་ནས་ང་ཁོང་པ་ལ་དེ་ལབ་ཀྱ་མི་འཇིགས་བ་སྨྲ་ཐུབ་ཡས་འོད། ཁོང་པ་ལ་དེ་ལབ་ཀྱ་གསར་པ་མ་ལགས། གི་བྱས་རེ་སྨྲ་ན་དེ་གི་རི་ཟུར་ལ་མ་བྱུང་བ་ལགས།

རོ་མཱ་པ། 14:14

དངོས་པོ་གིའང་རང་གི་ནང་མེད་གཙང་ང་མེད་ཡོང་ང་ལགས། ཡིན་ནའང་མེད་གཙང་ང་བསམས་ཀྱིན་གྱི་ཆེད་དུ། འོ་དེ་གོ་མེད་གཙང་ང་རང་འོང་ང་ལགས་སྨྲས་རེ་ང་ལ་ཤེས་ཡས་འོད། དེ་ནས་གཙོ་བོ་ཡེ་ཤུའི་ནང་ང་བརྟན་བརྟན་འོད།

རོ་མཱ་པ། 14:5

དེ་ནས་མི་རིང་འགའ་ཡིས་ཉིན་མ་གཞན་མ་ཀྱ་ནས་འང་། ཉིན་མ་གཅིག་ལ་དམིགས་བསལ་གྱི་དམ་པ་རྩི་ལ་ལགས། དེ་ནས་མི་གཞན་མ་ཀྱ་ཡིས་ཉིན་མ་གི་རི་ལ་གཅིག་པ་རྩི་ལ་ལགས། ད་མི་འོད་ལེ་རང་གི་སེམས་ནང་བརྟན་པོ་འོང་དགོས།

རོ་མཱ་པ། 15:14

ངའི་སྤུན་ཀྱ་བོ། ཁྱེད་ཀྱ་བཟང་ང་དང་། ཤོས་ཡོན་གྱིས་ཁང་ཁ་དང་། གཅིག་གིས་གཅིག་ལ་སློབ་སྟོན་བྱེད་ཐུབ་ཀྱིན་འདུག་སྨྲས་རེ་ང་ལ་ཡིད་ཆེས་བརྟན་པོ་འོད།

རོ་མཱ་པ། 4:21

དེ་ནས་དཀོན་མཆོག་གིས་མཛད་ཛ་དམ་བཅའ་གོ་མཛད་ཐུབ་ཀྱིན་ནུས་མཐུ་ཁོང་པ་ལ་འོད་ད་ལགས་སྨྲས་རེ། ཨབ་ར་ཧམ་བརྟན་ཏེན་འོད་ད་ལགས།

རོ་མཱ་པ། 8:38

གི་བྱས་རེ་སྨྲ་ན་འཆི་བ་ཡང་ན་ཚེ། དེ་ནས་ནམ་མཁའི་བང་ཆེན་ཀྱ། ཡང་ན་གཞན་མ་དབང་འཛིན་མཁན་ཀྱ། དེ་ནས་ད་ལྟའི་དོན། ཡང་ན་མ་འོངས་པར་གྱི་དོན། དེ་ནས་དབང་ཀྱ། དེ་ནས་མཐོ་བ་ཡང་ན་དམའ་བ། ཡང་ན་བཀོད་པ་གི་རིའི་ནང་ནས་གིན་གྱིས་འང་། མཱ་ཤི་ཀ་ཡེ་ཤུའི་ནང་འོད་ཀྱིན་དཀོན་མཆོག་གི་བྱམས་པ་ནས་འོ་རང་ལ་ཁ་ཕྲལ་མི་ཐུབ་ཀྱི་ལགས་སྨྲས་རེ་ང་ལ་ཡིད་ཆེས་བརྟན་པོ་འོད།།

༢ ཀོ་རིན་ཐུ་པ། 6:6

དེ་ནས་སེམས་གཙང་མ་དང་། ཤེས་ཡོན་དང་། བཟོད་པ་དང་། སྙིང་རྗེ་དང་། དམ་པའི་ཐུགས་ཉིད་དང་། བརྩེ་བ་དངོས་གནས་གོ།

༡ ཏི་མོ་ཐེའུ། 1:5

འོ་རི་བསླབ་བྱ་ཡི་དམིགས་ཡུལ་ནི་སེམས་གཙང་མ་དང་། ཤེས་རབ་བཟང་པོ་དང་། བདེན་པའི་དད་པ་ནས་འབྱུང་གིན་བྱམས་པ་ལགས།

༡ ཏི་མོ་ཐེའུ། 4:6

བསླབ་བྱ་དེ་ཀྱ་ཁྱོས་ཁྱེད་རི་སྤུན་ཀྱ་ཡི་གདོང་དུ་སྟོན་ན། ཁྱོད་དད་པ་ཡི་བཀའ་སྦྱངས་རེ་འོངས་བ་དང་། ལྟ་བ་བཟང་པོ་ལ་བརྩིས་རེ་འོངས་བ། མཱ་ཤི་ཀ་ཡེ་ཤུ་ཡི་ཞབས་ཏོག་པ་བཟང་པོ་གཅིག་འབྱུང་གི་ལགས།

༢ ཏི་མོ་ཐེའུ། 1:12

འདིའི་བྱས་རེ་ང་འོ་རེ་སྡུག་པོ་མྱངས་ང་ཡིན། ཡིན་ནའང་ངས་སུའི་ཁར་ལ་དད་པ་བྱེད་ཀྱིན་གོ་ང་ལ་ཤེས་ཡས་བྱས་རེ་ང་ངོ་མེད་ཚ། ཡང་ང་ལ་བཅོལ་གྱིན་གོ་འོ་དེ་ཉིན་མ་ཐུག་པའི་ཁོང་པ་རང་གིས་སྲུང་གི་ལགས་སྨྲས་རེ་ང་ལ་སྡུག་ང་གིའང་མིན་འདུག།

༢ ཏི་མོ་ཐེའུ། 3:15

མཱ་ཤི་ཀ་ཡེ་ཤུའི་ཁར་ལ་དད་པ་ཡི་སྒོ་ནས་ཐར་པ་ཡི་ཤེས་རབ་གནང་གིན་དམ་པའི་གསུང་རབ་གོ། ཁྱོས་ཅི་མེ་ནས་ཧ་ལ་རང་ཤེས་འོད་ད་ལགས།

ཨིབ་རི་པ། 11:13

དམ་བཅའ་མཛད་ཛ་གོ་མ་ཐོབ་པ་ལ་རང་ཁོང་ཀྱ་གི་རི་དད་པ་བྱས་རེ་གྲོངས་བ་ལགས། དེ་ནས་ཁོང་ཀྱ་ཡིས་རང་ལ་འདི་འཇིག་རྟེན་དུ་ཕྱི་རྒྱལ་དང་འཁྱམ་པོ་ཡིན་གྱིན་གོ་ཁས་ལེན་ཏེ། འོ་དེ་དམ་བཅའ་མཛད་ཛ་གོ་ཐག་རིང་ནས་རང་མཐོང་རེ་ཕེབས་བསུ་ཞུས་བ་ལགས།

ཨིབ་རི་པ། 6:9

གཅེས་བའི་ཀྱ་བོ། འེ་ཀྱ་ཡིས་དེ་རེ་ལབ་བཏང་ནའང་། ཁྱེད་ཀྱ་ལ་ཐར་པ་ལ་འཐུན་གྱིན་དོན་བཟང་ང་ཀྱ་འཐོབ་འོད་ད་ལགས་སྨྲས་རེ་འེ་ཀྱ་ལ་ཡིད་ཆེས་བརྟན་པོ་འོད།

༡ པེ་ཏྲོ། 1:22

དཀོན་མཆོག་གི་བདེན་པའི་བཀའ་ལ་རྩི་གིན་གྱི་སྒོ་ནས། ཁྱེད་ཀྱ་ཡིས་རང་གི་སེམས་གཙང་མ་བཟོས་འོད་ད་ལགས། འོ་བྱས་རེ་སྤུན་ཀྱ་ལ་ནམ་པ་དག་པོ་བརྩེ་བ་བྱེད། དེ་ནས་གཅིག་གིས་གཅིག་ལ་སེམས་གཏིང་ནས་རང་བརྩེ་བ་བྱེད།