༢ ཏི་མོ་ཐེའུ། 1:4 - གློ་བ།

⁴ ཁྱོའི་མཆི་མ་དྲན་ཏེ་གང་ལ། ང་དགའ་སྤྲོ་ཡིས་ཁངས་ཡས་ཀྱི་ཕྱིར་ལ། ང་ཁྱོད་ལ་ཐུག་ཡས་ལ་དམི་ཅིག་གི་འདོད་འདིག་འོད།

༢ ཏི་མོ་ཐེའུ། 1:4 Iomraidhean Croise

ཡོ་ཧ་ནན། 16:22

དེ་རེ་བྱས་རེ་རང་ད་ལྟ་ཁྱེད་ཀྱ་ལ་སྡུང་ང་འོད་ད་ལགས། ཡིན་ནའང་ང་ཁྱེད་ཀྱ་ལ་ལྡབ་ལེ་ཐུག་ཡས་ཡིན། དེ་ནས་ཁྱེད་ཀྱི་སེམས་དགའ་སྤྲོ་ཡིས་ཁངས་ཀྱི་ལགས། དེ་ནས་ཁྱེད་ཀྱི་དགའ་སྤྲོ་གོ་སུས་འང་འཕྲོག་ཐུབ་ཀྱི་མ་ལགས།

ཡོ་ཧ་ནན། 16:24

ད་ལྟ་ཐུག་པའི་ཁྱེད་ཀྱི་ངའི་མིང་གི་ཐིག་ནས་མ་ཞུས་འོད་ད་ལགས། ད་ཁྱེད་ཀྱི་དགའ་སྤྲོ་ཁངས་ཡས་ཀྱི་ཕྱིར་ལ་ཞུས། དེ་ནས་ཁྱེད་ཀྱ་ལ་འཐོབ་ཀྱི་ལགས།

མཛད་པ། 20:19

ཡ་ཧུ་དཱ་པ་ཀྱ་ཡིས་ང་ལ་ཁོག་པ་བྱེད་ཡས་ལ་གྲོས་སྣ་མང་ང་བྱེད་འོད་ན། ངས་དམི་ཅིག་གི་ཉམ་ཆུང་བ་བྱུང་རེ་མཆི་མ་བཏང་རེ་གཙོ་བོའི་ཞབས་ཏོག་ཞུས་བའི།

མཛད་པ། 20:31

འོ་བྱས་རེ་སྤྱང་རྫེ་བྱས་རེ་སྡོད། དེ་ནས་ངས་ལོ་གསུམ་ཐུག་པའི་ཉིན་མཚན་མིག་ཆུ་བཏང་རེ་གཙོ་བོའི་ཉེ་གནས་རེ་རེས་ལ་བསླབས་ལ་བསླབ་བྱ་ཀྱ་ལ་མ་བརྗེད་ད་སྡོད།

རོ་མཱ་པ། 1:11

གི་བྱས་རེ་སྨྲ་ན་ཁྱེད་ཀྱ་ལ་ཤུགས་ཆེ་རུ་བཏང་ཡས་ལ། ང་ཁྱེད་ཀྱ་ལ་སེམས་ཉིད་ཀྱི་བྱིན་རླབས་རེས་སྟེར་ཡས་རག་བར་ཤོག་སྨྲས་རེ་ང་ཁྱེད་ཀྱ་ལ་མཐོང་ཉིད་འདོད་འདིག།

ཕི་ལིབ་པཱི་པ། 1:8

མཱ་ཤི་ཀ་ཡེ་ཤུའི་བྱམས་པའི་ཐོག་ནས་ང་ཁྱེད་ཀྱ་ལ་དམི་ཅིག་གི་ཐུག་ཉིད་འདོད་འདིག། དེ་ནས་འདི་ལ་དཀོན་མཆོག་གི་ང་ལ་བདེན་དཔང་མཛད་ད་ལགས།

ཕི་ལིབ་པཱི་པ། 2:26

གི་བྱས་རེ་སྨྲ་ན་ཁོ་ཁྱེད་ཀྱ་གི་རི་ལ་དམི་ཅིག་གི་དྲན་ད་ལགས། དེ་ནས་ཁོ་རང་སྨྲ་གིན་གྱི་སྐོར་ལ་ཁྱེད་ཀྱ་ཡིས་གོ་སྟེ་ཁོ་སེམས་ཁྲལ་བྱེད་ད་ལགས།

༡ ཐེ་ས་ལོ་ནི་ཀེ་པ། 2:17

ཡིན་ནའང་སྤུན་ཟླ་ཀྱ་བོ། འེ་ཀྱ་ཡུན་འཐུང་བ་ཡི་ཕྱིར་ལ་ལུས་ཀྱི་ཐོག་ནས་ཁྱེད་ཀྱ་ནས་བྲལ་ན། སེམས་ཉིད་ནས་མ་བྲལ་འོད། ཁྱེད་ཀྱ་དམི་ཅིག་གི་དྲན་ཏེ་ཁྱེད་ཀྱ་ལ་མངོན་སུམ་མཐོང་ཡས་ལ་འི་ཀི་འདོད་པ་ཆེ་འོད།

༢ ཏི་མོ་ཐེའུ། 4:21

དགུན་ཁ་ཤར་ཡས་ཨེན་ལ་རང་ངའི་ཙ་རུ་འོང་ཡས་ཐབས་ཤེས་བྱེད། དེ་ནས་ཨེའུ་བུ་ལུ་ཡིས་ཁྱོད་ལ་འཚམས་འདྲི་ཞུའི། དེ་ནས་པུ་དེན་དང་། ལི་ནུ་དང་། ཀ་ལོ་དི་ཡཱ་དང་། སྤུན་གི་རི་ཡིས་འང་ཁྱོད་ལ་འཚམས་འདྲི་ཞུའི།

༢ ཏི་མོ་ཐེའུ། 4:9

ང་ཙ་རུ་མགྱོགས་སེ་འོངས་ཡས་ལ་གི་ཐུབ་ཏུ་ཐབས་ཤེས་བྱེད།

༡ ཡོ་ཧ་ནན། 1:4

འི་ཀི་དགའ་སྤྲོ་གོ་ཁང་ཡས་ཀྱི་ཆེད་དུ་འེ་ཀྱ་འདི་བྲིས་བ་ཡིན།

མངོན་པ། 21:4

ཁོང་པ་ཡིས་ཁོང་ཀྱ་ཡི་མིག་ནས་མཆི་མ་གི་རི་ཕི་ལ་མཛད་ཀྱི་ལགས། དེ་ནས་འོ་དུ་རུ་འཆི་བ། ཡང་ན་སྡུང་ང་། ཡང་ན་ངུ་བརྡ་བརྒྱབ་ཡས། ཡང་ན་ཟུག་གིའང་འབྱུང་གི་མ་ལགས། གི་བྱས་རེ་སྨྲ་ན་ཨེན་མའི་དོན་ཀྱ་རྫོགས་ཚར་ར་ལགས།

མངོན་པ། 7:17

གི་བྱས་རེ་སྨྲ་ན་བཞུགས་ཁྲིའི་གུང་དུ་བཞུགས་མཁན་ལུག་ཕྲུག་གོ། ཁོང་ཀྱ་ཡི་ལུག་རྫི་འབྱུང་གི་ལགས། དེ་ནས་ཁོང་པ་ཡིས་ཁོང་ཀྱ་ལ་ཚེ་སྲོག་གི་ཆུ་མིག་འགྲམ་དུ་འཁྲིད་བ་མཛད་ཀྱི་ལགས། དེ་ནས་དཀོན་མཆོག་གིས་ཁོང་ཀྱ་ཡི་མིག་གི་མཆི་མ་གི་རི་ཕི་བ་མཛད་ཀྱི་ལགས།།