༢ ཏི་མོ་ཐེའུ། 1:14 - གློ་བ།

¹⁴ ཁྱོད་ལ་བཅོལ་ཅ་འགན་བཟང་པོ་གོ་འོ་རི་ནང་བཞུགས་ཀྱིན་དམ་པའི་ཐུགས་ཉིད་ཀྱི་སྒོ་ནས་སྲུང་།

༢ ཏི་མོ་ཐེའུ། 1:14 Iomraidhean Croise

ལུ་ཀ། 16:11

འོ་བྱས་རེ་ཁྱེད་ཀྱ་འཇིག་རྟེན་གྱི་རྒྱུ་ལ་མེད་དྲང་ང་འོད་ན། ཁྱེད་ཀྱ་ལ་རྒྱུ་ནོར་དངོས་གནས་ཀྱི་དབང་ཆ་སུས་སྟེར་གྱི་ལགས་སེ།

ཡོ་ཧ་ནན། 14:17

འདི་ནི་བདེན་པ་སྟོན་མཁན་དམ་པའི་ཐུགས་ཉིད་ལགས། འཇིག་རྟེན་གྱི་མི་ཀྱ་ཡིས་ཁོང་པ་ལ་སུས་མི་ཐུག་གི་ལགས། གི་བྱས་རེ་སྨྲ་ན་ཁོང་ཀྱ་ཡིས་ཁོང་པ་ལ་མེད་མཐོང་ང་ལགས། དེ་ནས་ངོ་མེད་ཤེས་ལ་ལགས། ཁོང་པ་ཁྱེད་ཀྱ་མུ་ལ་གནས་ལ་ལགས། དེ་ནས་ཁྱེད་ཀྱི་ནང་གནས་ཀྱི་ལགས། འོ་བྱས་རེ་ཁྱེད་ཀྱ་ཡིས་ཁོང་ལ་ངོ་ཤེས་ལ་ལགས།

རོ་མཱ་པ། 3:2

ཕྱོགས་གི་རི་ནས་ཕན་ཐོགས་ཆེ་འོད་ད་ལགས། དང་པོ་གོ་ལ་དཀོན་མཆོག་གི་བཀའ་ཡ་ཧུ་དཱ་པ་ཀྱ་ལ་བཅོལ་བ་ལགས།

རོ་མཱ་པ། 8:11

དེ་ནས་ཡེ་ཤུ་ལ་འཆི་བ་ནས་སྐུ་གསོན་པོ་མཛད་མཁན་གྱི་ཐུགས་ཉིད་ཁྱེད་ཀྱ་ཡི་ནང་བཞུགས་འོད་ན། མཱ་ཤི་ཀ་ཡེ་ཤུ་ལ་འཆི་བ་ནས་སྐུ་གསོན་པོ་མཛད་མཁན་གྱིས་ཁྱེད་ཀྱ་ཡིས་ནང་བཞུགས་ཀྱིན་དམ་པའི་ཐུགས་ཉིད་ཀྱི་ཐོག་ནས། ཁྱེད་ཀྱི་འཆི་བའི་ལུས་ལའང་ཚེ་སྲོག་གནང་གི་ལགས།

རོ་མཱ་པ། 8:13

གི་བྱས་རེ་སྨྲ་ན་སྡིག་པའི་རང་གཤིས་ལ་བརྟེན་ཏེ་འཚོ་བ་བསྐྱལ་ན། ཁྱེད་ཀྱ་ཤི་གི་ལགས། ཡིན་ནའང་དམ་པའི་ཐུགས་ཉིད་ཀྱི་སྒོ་ནས་སྡིག་པའི་ལས་ཀ་ཀྱ་ཤི་རུ་བཅུག་ན། ཁྱེད་ཀྱ་གསོན་པོ་གནས་ཀྱི་ལགས།

རོ་མཱ་པ། 8:9

ད་དངོས་གནས་དཀོན་མཆོག་གིས་ཐུགས་ཉིད་ཁྱེད་ཀྱ་ཡི་ནང་བཞུགས་འོད་ན། ཁྱེད་ཀྱ་སྡིག་པའི་རང་གཤིས་གི་ནང་མེད་ཡོང་ང་ལགས། ཡིན་ནའང་དམ་པའི་ཐུགས་ཉིད་ཀྱི་ནང་འོང་ང་ལགས། དེ་ནས་མཱ་ཤི་ཀའི་ཐུགས་ཉིད་མེད་ཀྱིན་ཀྱ་སུའང་ཁོང་པ་ཡིས་མ་ལགས།

༡ ཀོ་རིན་ཐུ་པ། 3:16

ཁྱེད་ཀྱ་ནི་དཀོན་མཆོག་གི་མཆོད་ཁང་ཡིན་གྱིན་དང་། དཀོན་མཆོག་གི་ཐུགས་ཉིད་ཁྱེད་ཀྱི་ནང་བཞུགས་ཀྱིན་གོ་ཁྱེད་ཀྱ་ལ་ཤེས་ཡས་མེད་དེ།

༡ ཀོ་རིན་ཐུ་པ། 6:19

ཁྱེད་ཀྱི་ནང་བཞུགས་མཁན་དང་། དཀོན་མཆོག་ནས་ཁྱེད་ཀྱ་ལ་ཐོབ་ཐ་དམ་པའི་ཐུགས་ཉིད་ཀྱི་མཆོད་ཁང་ནི། ཁྱེད་ཀྱི་ལུས་ཡིན་གྱིན་གོ་ཁྱེད་ཀྱ་ལ་ཤེས་ཡས་མེད་དེ། ཁྱེད་ཀྱ་ཁྱེད་རི་རང་གི་མ་ལགས།

༡ ཀོ་རིན་ཐུ་པ། 9:17

གི་བྱས་རེ་སྨྲ་ན་ང་ང་རི་འཐད་དེ་གཏམ་བཟང་བཤད་ན། ང་ལ་བྱ་དགའ་འོད། ཡིན་ནའང་ངས་ང་རི་འཐད་དེ་མིན་ནའང་། གཏམ་བཟང་བཤད་ཡས་ཀྱི་འགན་དེ་ང་ལ་བཅོལ་བ་ལགས།

༢ ཀོ་རིན་ཐུ་པ། 5:16

འོ་བྱས་རེ་དེ་ནས་ཧ་ལ་འེ་ཀྱ་སུ་ལའང་མི་ཡིས་ལྟ་སྟངས་ནས་མེད་ལྟ། ཨེན་མ་མཱ་ཤི་ཀ་ལ་འེ་ཀྱ་ཡིས་མིའི་ལྟ་སྟངས་ནས་བལྟས་བ་ལགས། ད་དེ་ནས་ཧ་ལ་འེ་ཀྱ་ཁོང་ལ་འོ་རེ་བྱས་རེ་མེད་ལྟ།

ག་ལ་ཏི་ཡཱ་པ། 2:7

ད་པེ་ཏྲོ་ལ་ཡ་ཧུ་དཱ་པ་ཀྱ་ལ་གཏམ་བཟང་བཤད་ཡས་འགན་གནང་གིན་ཅོག་རེ། ང་ལའང་ཡ་ཧུ་དཱ་པ་མིན་མཁན་མི་རིགས་ཀྱ་ལ་གཏམ་བཟང་བཤད་ཡས་འགན་གནང་ན་གོ་ཁོང་ཀྱ་ཡིས་མཐོང་སོང་།

ཨེ་ཕེ་སུ་པ། 2:22

དེ་ནས་དམ་པའི་ཐུགས་ཉིད་ཀྱི་ཐོག་ནས་དཀོན་མཆོག་གི་བཞུགས་ས་འབྱུང་ཡས་ལ་ཁྱེད་ཀྱའང་ཁོང་མུ་ལ་བརྩིགས་ཏེ་འགྲོ་བ་ལགས།།

ཨེ་ཕེ་སུ་པ། 5:18

དེ་ནས་མི་ཚེ་འཕྲོ་བརླག་བཏང་གིན། རྒུན་ཆང་གིས་བཟི་རེ་མ་རྒྱུགས། ཡིན་ནའང་དམ་པའི་ཐུགས་ཉིད་ཀྱིས་ཁངས་རེ།

ཀོ་ལོ་སཱེ་པ། 4:11

ཡུ་སི་ཏོ་སྨྲ་མཁན་ཡེ་ཤུ་ཡིས་འང་ཁྱེད་ཀྱ་ལ་འཚམས་འདྲི་ཞུའི། དཀོན་མཆོག་གི་རྒྱལ་སྲིད་ཆེད་དུ་ངའི་ལས་རོགས་ཀྱ་ནས་ཁོང་ཀྱ་གཅིག་ཀ་ཡ་ཧུ་དཱ་པ་ལགས། དེ་ནས་ཁོང་ཀྱ་ནས་ང་ལ་སེམས་གསོ་ཐོབ་བའི།

༡ ཐེ་ས་ལོ་ནི་ཀེ་པ། 5:19

དམ་པའི་ཐུགས་ཉིད་ལ་མ་བསད།

༡ ཏི་མོ་ཐེའུ། 6:20

ཏི་མོ་ཐེའུ་བོ། ཁྱོད་ལ་བཅོལ་གྱིན་གོ་སྲུངས་ཤིག། དེ་ནས་མི་ཀྱ་ཡིས་ཟོག་པོ་སྨྲས་རེ་ཤེས་རབ་བསམས་ཀྱིན་ཆོས་ལ་མི་མཐུན་གྱིན་ལབ་དང་ཆོ་མེད་ཀྱིན་རྩོད་པ་ཀྱ་ནས་འཛེམ།

༢ ཏི་མོ་ཐེའུ། 1:12

འདིའི་བྱས་རེ་ང་འོ་རེ་སྡུག་པོ་མྱངས་ང་ཡིན། ཡིན་ནའང་ངས་སུའི་ཁར་ལ་དད་པ་བྱེད་ཀྱིན་གོ་ང་ལ་ཤེས་ཡས་བྱས་རེ་ང་ངོ་མེད་ཚ། ཡང་ང་ལ་བཅོལ་གྱིན་གོ་འོ་དེ་ཉིན་མ་ཐུག་པའི་ཁོང་པ་རང་གིས་སྲུང་གི་ལགས་སྨྲས་རེ་ང་ལ་སྡུག་ང་གིའང་མིན་འདུག།

༢ ཏི་མོ་ཐེའུ། 2:2

དེ་ནས་དཔང་པོ་མང་ང་ཡི་གདོང་དུ། ང་ནས་གོ་གིན་ངས་བསླབས་ལ་ལབ་ཀྱ་གཞན་མ་ཀྱ་ལ་བསླབས་ཐུབ་ཀྱིན། བློ་བཀལ་ཐུབ་ཀྱིན་སྐྱེས་བའི་བུ་ཀྱ་ལ་འཚོལ།

༡ པེ་ཏྲོ། 1:22

དཀོན་མཆོག་གི་བདེན་པའི་བཀའ་ལ་རྩི་གིན་གྱི་སྒོ་ནས། ཁྱེད་ཀྱ་ཡིས་རང་གི་སེམས་གཙང་མ་བཟོས་འོད་ད་ལགས། འོ་བྱས་རེ་སྤུན་ཀྱ་ལ་ནམ་པ་དག་པོ་བརྩེ་བ་བྱེད། དེ་ནས་གཅིག་གིས་གཅིག་ལ་སེམས་གཏིང་ནས་རང་བརྩེ་བ་བྱེད།