༢ ཐེ་ས་ལོ་ནི་ཀེ་པ། 2:2 - གློ་བ།

² གཙོ་བོའི་ཉིན་མ་སླེབས་འདུག་སྨྲས་རེ་སྨྲ་གིན་མངོན་ཤེས་དང་། གཏམ་དང་། འི་ཀི་ཕྱོགས་ནས་ཡིན་གྲོ་སྨྲས་རེ་ཡིག་རེ་འོང་ན། ལས་སླ་མོ་མ་ལ་ཁྱེད་ཀྱ་ཡི་སེམས་འཁྲུག་སྟེ་མ་འཇིགས།

༢ ཐེ་ས་ལོ་ནི་ཀེ་པ། 2:2 Iomraidhean Croise

མད་ཐཱ། 24:24

གི་བྱས་རེ་སྨྲ་ན་མཱ་ཤི་ཀ་ཟོག་པོ་ཀྱ་དང་མངོན་ཤེས་མཁན་ཟོག་པོ་ཀྱ་མང་ང་འཐོན་གྱི་ལགས། དེ་ནས་ཁོང་ཀྱ་ཡིས་དམི་ཅིག་གི་ཧ་ལས་ཀྱིན་རྟགས་ཀྱ་དང་ལས་ཀ་ཀྱ་སྟོན་ཏེ་མགོ་སྐོར་བཏང་གི་ལགས། དེ་ནས་བྱུང་ན་བདམས་ད་ཀྱ་ལ་མགོ་སྐོར་གྱི་ལགས།

མར་ཀུ། 13:7

དེ་ནས་དམག་འཁྲུག་དང་དམག་གི་ལབ་ཀྱ་ཁྱེད་ཀྱ་ཡིས་གོ་གི་ལགས། ཡིན་ནའང་མ་འཇིགས། འདི་ལབ་ཀྱ་འབྱུང་དགོས་ཀྱི་ལགས། ཡིན་ནའང་འོ་དེ་མཐའ་འི་དུས་ཚོད་འགོ་མ་ལགས།

ལུ་ཀ། 21:19

དེ་ནས་ཁྱིད་ཀྱི་བཟོད་པ་ཡིས་བྱས་རེ་ཁྱེད་རི་མི་ཚེ་སྐྱོབ་ཀྱི་ལགས།

ལུ་ཀ། 21:9

དེ་ནས་ཁྱེད་ཀྱ་ཡིས་དམག་འཁྲུག་དང་ཟིང་འཁྲུག་གི་ལབ་ཀྱ་གོ་གི་ལགས། འོ་དེ་གང་ལ་འཇིགས་སྐྲག་མ་བྱེད། དེ་གི་རི་ཨེན་ལ་འབྱུང་དགོས་ཀྱི་ལགས། ཡིན་ནའང་མཐའ་གོ་ལམ་སང་འབྱུང་གི་མ་ལགས།

ཡོ་ཧ་ནན། 14:1

ཡེ་ཤུ་ཡིས་ཉེ་གནས་ཀྱ་ལ་གསུངས་བ་ལགས ཁྱེད་ཀྱ་སེམས་ཕམ་པ་མ་བྱེད། དཀོན་མཆོག་ལ་བློ་བཀོལ། དེ་ནས་ང་ལའང་བློ་བཀོལ།

ཡོ་ཧ་ནན། 14:27

ཞི་བདེ་དེ་ང་ཁྱེད་ཀྱ་ལ་འབོར་ར་ཡིན། འོ་དེ་ངའི་ཞི་བདེ་གོ་ཁྱེད་ཀྱ་ལ་སྟེར་ར་ཡིན། འཇིག་རྟེན་གྱི་སྟེར་གྱིན་ཅོག་རེ་ངས་ཁྱེད་ཀྱ་ལ་སྟེར་ར་མིན། ཁྱེད་ཀྱ་རང་གི་སེམས་འཁྲུགས་དུ་མ་ཆུག།དེ་ནས་དེ་ལ་འཇིགས་སྣང་སྐྱེས་རུ་མ་ཆུག།

༡ ཀོ་རིན་ཐུ་པ། 1:8

དེ་ནས་འོ་རི་གཙོ་བོ་ཡེ་ཤུ་མཱ་ཤི་ཀ་ལྡབ་ལེ་ཕེབས་ཡས་ཡིན་གྱིན་ཉིན་མ་གོ་ལ། ཁྱེད་ཀྱ་སྐྱོན་མེད་ཀྱིན་འབྱུང་ཡས་ཀྱི་ཕྱིར་ལ། ཁོང་པ་ཡིས་ཁྱེད་ཀྱ་ལ་མཐའ་ཐུབ་པ་བརྟན་པོ་མཛད་ཀྱི་ལགས།

༡ ཀོ་རིན་ཐུ་པ། 14:32

མངོན་ཤེས་མཁན་ཀྱ་ཡི་སེམས་ཉིད་ནི་མངོན་ཤེས་མཁན་ཀྱ་ཡི་རང་དབང་འོག་ཏུ་འོང་ང་ལགས།

༡ ཀོ་རིན་ཐུ་པ། 7:26

དེ་སང་གི་སྡུག་ང་ལ་ལྟ་ཡས་ཡིན་ན། ཁྱེད་ཀྱ་ད་ལྟ་ག་རེ་འདུག་བའི། འོ་དེ་རང་ལ་གནས་རེ་བསྡད་ན་དགའ་འོང་གུ་ལགས་སྨྲས་རེ་ང་བསམས་མའི་འོད།

ཨེ་ཕེ་སུ་པ། 5:6

ཁྱེད་ཀྱ་ལ་སུས་འང་ཁུངས་མེད་ཀྱིན་ལབ་ཀྱ་བཏང་རེ་མ་བསླུས་བར་ཤོག། གི་བྱས་རེ་སྨྲ་ན་དེ་རེ་ཀྱ་ཡིས་བྱས་རེ་དཀོན་མཆོག་གི་ཐུགས་ཁྲོ་བཀའ་ལ་མེད་ཉན་གྱིན་ཀྱ་ཡི་ཁ་ལ་འཕོག་བ་ལགས།

༡ ཐེ་ས་ལོ་ནི་ཀེ་པ། 3:3

སྡུང་ང་དེ་ཡིས་ཁྱེད་ཀྱ་ཡི་དད་པ་ཉམས་དུ་མ་བཅུག་བར་ཤོག། སྡུག་པོ་མྱངས་དགོས་ཀྱི་ལགས་སྨྲས་རེ་ཁྱེད་ཀྱ་ལ་ཤེས་ཡས་འོད་ད་ལགས།

༡ ཐེ་ས་ལོ་ནི་ཀེ་པ། 4:15

འེ་ཀྱ་ཁྱེད་ཀྱ་ལ་གཙོ་བོའི་བཀའ་ནས་དེ་རེ་སྨྲ་ཡིན། གཙོ་བོ་ཕེབས་བའི་གང་ལ། གསོན་པོ་འོད་མཁན་ཀྱ་གྲོངས་ཚར་མཁན་ཀྱ་ལས་ཨེན་ལ་དཀོན་མཆོག་གི་དྲུང་དུ་མེད་འགྲོ་གི་ལགས།

༡ ཐེ་ས་ལོ་ནི་ཀེ་པ། 5:2

གི་བྱས་རེ་སྨྲ་ན་མཚན་མོ་རྐུན་མ་འོང་གིན་ཅོག་རེ། གཙོ་བོའི་ཉིན་མ་འོང་གི་ལགས་སྨྲས་རེ་ཁྱེད་ཀྱ་ག་མོ་མ་ཤེས་ལ་ལགས།

༢ ཐེ་ས་ལོ་ནི་ཀེ་པ། 2:15

འོ་བྱས་རེ་སྤུན་ཟླ་ཀྱ་བོ། བརྟན་པོ་བྱས་རེ་སྡོད། དེ་ནས་འི་ཀི་ཁ་ནས་སྨྲས་ན་གཏམ་ཀྱ། ཡང་མེད་ན་བྲིས་བྲ་ཡིག་ཀྱ་ནས་ཁྱེད་ཀྱ་ལ་སྟེར་ད་བསླབ་བྱ་ཀྱ་བརྟན་པོ་བྱས་རེ་སྲུངས།

༢ ཐེ་ས་ལོ་ནི་ཀེ་པ། 3:17

ང་པའུ་ལུ་རང་གི་ལག་པ་ཡིས་འཚམས་འདྲི་འདི་བྲིས་བ་ཡིན། དེ་ནི་ངའི་བྲིས་སྟངས་ཡིན། དེ་ནས་ངའི་ཡིག་གི་རིའི་རྟགས་དེ་རང་ཡིན།

མངོན་པ། 19:20

དེ་ནས་འོ་དེ་སེམས་ཅན་དང་འོ་དེའི་ཚབ་ལ་ཧང་སང་གིན་ལས་ཀ་སྟོན་གྱིན། མངོན་ཤེས་མཁན་ཟོག་པོ་གཉིས་ཀ་ར་ལ་ཟིམ་པ་ལགས། དེ་ནས་འོ་དེ་མངོན་ཤེས་མཁན་ཟོག་པོ་ཡིས་རང་གི་ཧང་སང་གིན་ལས་ཀ་ཀྱ་ཡི་ཐོག་ནས། འོ་དེ་སེམས་ཅན་གྱི་རྟགས་ལེན་ལ་དང་། འོ་དེའི་སྐུ་ལ་ཕྱག་མཆོད་པ་འབུལ་མཁན་ཀྱ་ལ་བསླུ་འོད་ད་ལགས། དེ་གཉིས་ཀ་ར་ལ་མེ་འབར་ཏེ་བསྡད་ད་མུ་ཟིའི་མཚོ་ལ་གསོན་པོ་གཡུགས་པ་ལགས།