༢ པེ་ཏྲོ། 2:6 - གློ་བ།

⁶ དེ་ནས་ཁོང་པ་ཡིས་སཱ་དོམ་དང་གཱོ་མོ་རཱ་རྒྱལ་ས་ཀྱ་ལ་མེ་ཡིས་བསྲགས་ཏེ་རྩ་མེད་དུ་བཏང་ང་མཛད་པ་ལགས། དེ་རེ་མཛད་དེ་ཁོང་པ་ཡི་ཆོས་ལ་མི་རྩི་མཁན་མི་ཀྱ་ལ་གི་འབྱུང་ཡས་ཡིན་གྱིན་གྱི་དཔེ་གཅིག་གནང་ང་མཛད་པ་ལགས།

༢ པེ་ཏྲོ། 2:6 Iomraidhean Croise

མད་ཐཱ། 10:15

ང་ཁྱེད་ཀྱ་ལ་བདེན་པ་རང་སྨྲ་ཡིན། ཁྲིམས་བཅད་ཀྱིན་ཉིན་མ་གོ་ལ་འོ་དེ་རྒྱལ་ས་ལ་སཱ་དོམ་དང་གཱོ་མོ་རཱ་རྒྱལ་ས་ཀྱ་ནས་ལྷག་ཁྲིམས་ཕོག་གི་ལགས།

མད་ཐཱ། 11:23

དེ་ནས་ཁྱེད་ཀཱ་ཕར་ན་ཧུམ་གྱི་མི་ཀྱ་རང་རང་ལ་ནམ་མཁའི་ཞིང་ཁམས་དུ་བཏག་གྲོ་སྨྲས་རེ་བསམས་བའི་འོད་དེ། ཁྱེད་ཀྱ་དམྱལ་བའི་གཏིང་ལ་པབ་ཀྱི་ལགས། གི་བྱས་རེ་སྨྲ་ན་ཁྱེད་ཀྱ་ཡི་ཁོག་ཏུ་བྱས་བྱ་ཧང་སང་གིན་ཕྱག་ལས་ཀྱ་སཱ་དོམ་དུ་བྱུང་འོད་ན། དི་རིང་ཐུག་པའི་འོ་དེ་རྒྱལ་ས་གོ་གནས་འོད་གྲོ།

རོ་མཱ་པ། 9:29

འདིའི་སྐོར་ལ་མངོན་ཤེས་མཁན་ཡེ་ཤ་ཡཱ་ཡིས་ཨེན་མ་དེ་རེ་མངོན་མཛད་འོད་ད་ལགས། བླ་ན་མེད་པའི་དཀོན་མཆོག་གིས་འོ་རི་ཕྱིར་ལ་བུ་རྒྱུད་བཞག་མ་མཛད་འོད་ན། འོ་རང་སཱ་དོམ་ཅོག་རེ་འོང་ཡས་འོད། དེ་ནས་འོ་རང་གཱོ་མོ་རཱ་ཅོག་རེ་བྱུང་ཡས་འོད།

༡ ཀོ་རིན་ཐུ་པ། 10:11

ཁོང་ཀྱ་ཁར་ལ་བྱུང་བྱ་དེ་གི་རི་འོ་རི་ཆེད་དུ་དཔེ་འབྱུང་ཡས་ལ་ལགས། དེ་ནས་འོ་རང་དུས་ཀྱི་མཐའ་ལ་སླེབས་འོད་མཁན་ཀྱ་ལ། ཉེན་བརྡ་འབྱུང་ཡས་ལ་དེ་ཀྱ་བྲིས་ཏེ་བཞག་འོད་ད་ལགས།

ཨིབ་རི་པ། 4:11

འོ་བྱས་རེ་ཁོང་ཀྱ་ཡིས་དཀོན་མཆོག་གི་བཀའ་ལ་མ་ཉན་པ་ནོར་གྱིན་ཅོག་རེ་སུས་འང་མ་ནོར་བ་ཤོག་སྨྲས་རེ། འོ་རང་འོ་དེ་ངལ་གསོ་ནང་འཛུལ་ཡས་ལ་ཐབས་ཤེས་འོད་ལེ་བྱེད་དགོས།

ཡུ་དཱ། 1:15

དེ་ནས་གི་རི་ལ་ཁྲིམས་གཅོད་མཛད་ཡས་དང་། ཆོས་མེད་ཀྱིན་མི་གི་རི་ཡིས་བྱས་བྱ་ཆོས་ལ་མི་མཐུན་གྱིན་ལས་ཀ་གི་རི་དང་། ཆོས་མེད་ཀྱིན་མི་ཀྱ་ཡིས་ཁོང་པ་ཡི་སྐོར་ལ་ཚིག་རྩུབ་བ་སྨྲ་གིན་གི་རིའི་ཕྱིར་ལ་ཆད་པ་མཛད་ཡས་ལ་ཁོང་པ་ཕེབས་ཀྱི་ལགས།

ཡུ་དཱ། 1:7

དེ་རེ་བྱས་རེ་རང་སཱ་དོམ་དང་གཱོ་མོ་རཱ་དང་མཐའ་འཁོར་གྱི་གྲོང་ཁྱེར་གྱི་མི་ཀྱ་ལོག་གཡེམ་དང་ལུས་ཀྱི་འདོད་ཆགས་ལ་ཆུད་པ་ལགས། དེ་ནས་ཁོང་ཀྱ་ལ་མཐའ་མེད་ཀྱིན་མེའི་ཆད་པ་ཕོག་སྟེ་དཔེ་གཅིག་བྱུང་འོད་ད་ལགས།