༢ པེ་ཏྲོ། 2:4 - གློ་བ།

⁴ གི་བྱས་རེ་སྨྲ་ན་ནམ་མཁའི་བང་ཆེན་ཀྱ་ཡིས་སྡིག་པ་བྱེད་འདིག་གང་ལ། དཀོན་མཆོག་གིས་ཁོང་ཀྱ་ལ་བློས་བཏང་ང་མ་མཛད་པ་ལགས། ཡིན་ནའང་ཁོང་ཀྱ་ལ་དམྱལ་བ་དུ་གཡུགས་མཛད་པ་ལགས། དེ་ནས་ཁྲིམས་གཅོད་ཀྱི་ཉིན་མ་ཐུག་པའི་ཡི་ཕྱིར་ལ་ལྕགས་ཐག་གིས་བསྡམས་ཏེ། མུན་ནག་གི་ནང་ལ་བཞག་མཛད་འོད་ད་ལགས།

༢ པེ་ཏྲོ། 2:4 Iomraidhean Croise

མད་ཐཱ། 25:41

དེ་ནས་རྒྱལ་བོ་ཡིས་ཁོ་རི་གཡོན་ཕྱོགས་ཀྱི་མི་ཀྱ་ལ་དེ་རེ་གསུངས་ཀྱི་ལགས། དམོད་མོ་ཕོག་པ་ཁྱེད་ཀྱ། བདུད་དང་ཁོའི་བང་ཆེན་ཀྱ་ཡི་ཕྱིར་ལ་བཤམས་ཏེ་བཞག་ཞ་མཐའ་མེད་ཀྱིན་མེ་ལ་ང་ནས་འབྲལ་རེ་སོང་།

མད་ཐཱ། 8:29

དེ་ནས་འོ་དེ་གཉིས་བོ་ཡིས་སྐད་བརྒྱབ་སྟེ་སྨྲས་བ་ལགས། དཀོན་མཆོག་གི་སྲས། འི་ཀི་མུ་ལ་ཁྱེད་རང་གི་གི་འབྲེལ་བ་འོད་ད་ལེ། དུས་ཚོད་མ་སླེབ་ཨེན་ལ་རང་ཁྱེད་རང་འེ་ལ་སྡུག་པོ་བཏང་དུ་ཕེབས་བ་ཡིན་ནེ།

མར་ཀུ། 5:7

དེ་ནས་སྐད་བརྒྱབ་སྟེ་ཁོས་སྨྲས་བ་ལགས། བླ་ན་མེད་པའི་དཀོན་མཆོག་གི་སྲས་ཡེ་ཤུ། ང་ལ་ཁྱེད་ཀྱི་འབྲེལ་བ་གི་འོད་ད་ལེ། ང་དཀོན་མཆོག་ལ་མནའ་བསྐྱལ་རེ་ཞུ་བ་འབུལ་ལ་ཡིན། ང་ལ་སྡུག་པོ་བཏང་ང་མ་མཛད།

ལུ་ཀ། 10:18

ཡེ་ཤུ་ཡིས་འོ་དེ་ཀྱ་ལ་གསུངས་བ་ལགས། ངས་ནམ་མཁའི་ཞིང་ཁམས་ནས་གློག་འཁྱུག་གི་འོད་བརྒྱབ་ཀྱིན་ཅོག་རེ་སཱ་ཏན་ལྷིམ་ཏེ་འོང་གིན་གོ་མཐོང་སོང་།

ལུ་ཀ། 8:31

དེ་ཀྱ་ས་གཏིང་དུ་འགྲོ་ཡས་ལ་བཀའ་གནང་ང་མ་མཛད་སྨྲས་རེ་ཁོང་པ་ལ་ཞུ་བ་ཕུལ་བ་ལགས།

ཡོ་ཧ་ནན། 8:44

ཁྱེད་ཀྱ་ཁྱེད་རི་ཡབ་བདུད་ཀྱི་ལགས། དེ་ནས་ཁྱེད་ཀྱི་ཡབ་ཀྱི་འདོད་པ་བྱེད་ཡས་ལ་ཁྱེད་ཀྱ་འདོད་ད་ལགས། བདུད་ནི་ཐོག་མ་ནས་རང་སྲོག་བཅད་མཁན་དང་བདེན་པ་ལ་འབྲལ་བ་གིའང་མེད་ད་ལགས། གི་བྱས་རེ་སྨྲ་ན་ཁོའི་ནང་བདེན་པ་མེད་ད་ལགས། དེ་ནས་ཁོ་ཟོག་བཤད་མཁན་དང་ཟོག་གི་ཡབ་བྱས་རེ། ཁོས་ཟོག་བཤད་དེ་གང་ལ་རང་གི་གཤིས་ཀ་ལ་བརྟེན་ཏེ་བཤད་ད་ལགས།

རོ་མཱ་པ། 11:21

གི་བྱས་རེ་སྨྲ་ན་དཀོན་མཆོག་གིས་ཡལ་ག་དངོས་མ་ཀྱ་ལ་བློས་བཏང་ང་མ་མཛད་འོད་ན། ཁྱེད་ཀྱ་ལའང་བློས་བཏང་ང་མཛད་ཀྱི་མ་ལགས།

རོ་མཱ་པ། 8:32

དཀོན་མཆོག་གིས་རང་གི་སྲས་ལ་ཕངས་ང་མ་མཛད་ད། འོ་རང་གི་རིའི་ཆེད་དུ་བློས་བཏང་མཛད་པ་ལགས། ད་དེ་རེ་ཡིན་ན་ཁོང་པ་ཡིས་འོ་རང་ལ་རང་གི་སྲས་མུ་ལ་གཞན་མ་དོན་གི་རིའང་གནང་གི་མ་ལགས་སེ།

༢ པེ་ཏྲོ། 2:11

ཡིན་ནའང་ནམ་མཁའི་བང་ཆེན་ཀྱ་དབང་དང་ནུས་མཐུ་ལ་དེ་ཀྱ་ནས་ཆེ་འོད་ནའང་། གཙོ་བོའི་དྲུང་དུ་འོ་དེ་གཟི་བརྗིད་ཅན་ཀྱ་ལ་སྨད་སྤྲ་པབ་སྟེ་སྐྱོན་མི་བཅུག་བ་ལགས།

༢ པེ་ཏྲོ། 2:5

དེ་ནས་ཆོས་ལ་མི་རྩི་མཁན་ཀྱ་ཡི་ཁར་ལ་དཀོན་མཆོག་གིས་ཆུ་ལོག་བཏང་ང་མཛད་དེ་གང་ལ། ཁོང་པ་ཡིས་ཨེན་མའི་འཇིག་རྟེན་ལ་བློས་བཏང་ང་མ་མཛད་པ་ལགས། ཡིན་ནའང་དྲང་བདེན་གྱི་ཆོས་བཤད་མཁན་ནོ་ཨ་དང་། ཁོའི་ནང་མི་གཞན་མ་བདུན་ལ་གཅིག་ཀ་སྐྱོབ་མཛད་པ་ལགས།

༢ པེ་ཏྲོ། 2:9

ད་དེ་རེ་བྱས་རེ་ཆོས་སེམས་ཀྱི་མི་ལ་ཚོད་ལྟ་ནང་ནས་སྐྱོབ་ཡས་དང་། ཆོས་མི་རྩི་མཁན་ཀྱ་ལ་ཁྲིམས་གཅོད་ཀྱི་ཉིན་མ་ཐུག་པའི་ཆད་པ་འོག་ཏུ་བཞག་ཡས་ལ་གཙོ་བོ་ཡིས་མཁྱེན་ད་ལགས།

༡ ཡོ་ཧ་ནན། 3:8

སྡིག་པ་བྱས་རེ་བསྡད་མཁན་ནི་བདུད་ཀྱི་ལགས། གི་བྱས་རེ་སྨྲ་ན་བདུད་ཀྱིས་ཐོག་མ་ནས་རང་སྡིག་པ་བྱས་རེ་འོང་འོད་ད་ལགས། དེ་ནས་བདུད་ཀྱི་ལས་ཀ་ཀྱ་མེད་ད་ལ་བཏང་ཡས་ཀྱི་ཆེད་དུ་རང་། དཀོན་མཆོག་གི་སྲས་མངོན་ད་མཛད་པ་ལགས།

ཡུ་དཱ། 1:13

དེ་ནས་དེ་ཀྱ་རང་གི་ངོ་ཚའི་ལྦུ་བ་སྟོན་གྱིན་རྒྱ་མཚོའི་རྦ་རླབས་སྨྱོན་པ་ཀྱ་ཅོག་རེ་ལགས། དེ་ནས་དེ་ཀྱ་དུས་རྟག་ཏུ་འཇིགས་སྐྲག་ཆེ་མུན་ནག་གི་ཕྱིར་ལ་གྲ་སྒྲིག་བྱས་བྱ་སྐར་མ་འཁྱམ་པོ་ཀྱ་ཅོག་རེ་ལགས།

ཡུ་དཱ། 1:6

དེ་ནས་རང་གི་འགན་གྱི་གོ་ས་མ་སྲུང་ང་རང་གི་བསྡད་ས་ངོ་མ་གོ་སྤངས་པ་ནམ་མཁའི་བང་ཆེན་ཀྱ་ལ་དཀོན་མཆོག་གི་མུན་ནག་གི་ནང་ལ་མཐའ་མེད་ཀྱིན་ལྕགས་སྒྲོག་བརྒྱབ་ཏེ། ཁྲིམས་གཅོད་ཀྱི་ཉིན་མ་ཆེ་ཐུག་པའི་བཞག་མཛད་འོད་ད་ལགས།

མངོན་པ། 20:10

དེ་ནས་ཁོང་ཀྱ་ལ་བསླུ་གིན་འོ་དེ་འདྲེ་གོ་སེམས་ཅན་དང་མངོན་ཤེས་མཁན་ཟོག་པོ་གོའང་། འོད་ས་མེ་དང་མུ་ཟིའི་མཚོ་ནང་དུ་གཡུགས་པ་ལགས། འོ་དུ་རུ་ཁོང་ཀྱ་རྒྱུན་ནས་རྒྱུན་དུ་ཉིན་མཚན་སྡུག་པོ་མྱངས་ཀྱི་ལགས།