༢ པེ་ཏྲོ། 1:3 - གློ་བ།

³ དཀོན་མཆོག་གིས་རང་གི་ནུས་མཐུ་ཡི་སྒོ་ནས་མི་ཚེ་དང་། ཆོས་སེམས་ཀྱི་ཕྱིར་ལ་དགོས་ཀྱིན་གི་རི་ཁོང་གིས་འོ་རང་ལ་གནང་འོད་ད་ལགས། དེ་ནི་ཁོང་པ་རང་གི་གཟི་བརྗིད་དང་ཐུགས་བཟང་པོ་ཡི་སྒོ་ནས། འོ་རང་ལ་འབོད་མཛད་མཁན་ཁོང་པ་ལ་འོ་རི་ངོ་ཤེས་ཤ་བྱས་རེ་དེ་གི་རི་ཐོབ་པ་ལགས།

༢ པེ་ཏྲོ། 1:3 Iomraidhean Croise

མད་ཐཱ། 28:18

དེ་ནས་ཡེ་ཤུ་ཁོང་ཀྱ་རྩ་རུ་ཕེབས་ཏེ་གསུངས་བ་ལགས། གནམ་ས་གཉིས་ཀྱི་དབང་གི་རི་ང་ལ་གནང་འོད་ད་ལགས།

རོ་མཱ་པ། 8:32

དཀོན་མཆོག་གིས་རང་གི་སྲས་ལ་ཕངས་ང་མ་མཛད་ད། འོ་རང་གི་རིའི་ཆེད་དུ་བློས་བཏང་མཛད་པ་ལགས། ད་དེ་རེ་ཡིན་ན་ཁོང་པ་ཡིས་འོ་རང་ལ་རང་གི་སྲས་མུ་ལ་གཞན་མ་དོན་གི་རིའང་གནང་གི་མ་ལགས་སེ།

རོ་མཱ་པ། 9:24

དེ་ནས་འོ་རང་ཀྱ་ལའང་བོས་མཛད་པ་ལགས། དེ་ནས་ཡ་ཧུ་དཱ་པ་ཀྱ་ལ་གཅིག་ཀ་མིན་ད། ཡ་ཧུ་དཱ་པ་མིན་མཁན་ཀྱ་ལའང་བོས་མཛད་པ་ལགས།

༡ ཀོ་རིན་ཐུ་པ། 1:9

དཀོན་མཆོག་ནི་བློ་གཏད་ཆོག་པ་འོད་ད་ལགས། དེ་ནས་ཁོང་གིས་རང་ཁྱེད་ཀྱ་ལ་རང་གི་སྲས་འོ་རི་གཙོ་བོ་ཡེ་ཤུ་མཱ་ཤི་ཀ་མུ་ལ། མཉམ་འབྲེལ་མཛད་ཡས་ཀྱི་ཕྱིར་ལ་བོས་མཛད་པ་ལགས།

༢ ཀོ་རིན་ཐུ་པ། 12:9

ཡིན་ནའང་ཁོང་པ་ཡིས་ང་ལ་གསུངས་སོང་། ངའི་ཐུགས་རྗེ་ཁྱོའི་ཆེད་དུ་ཚང་ཡས་འོད། གི་བྱས་རེ་སྨྲ་ན་ངའི་ནུས་མཐུ་ནི་སྐྱོ་བའི་ནང་ལ་ཚང་གོ་བྱུང་ང་ལགས། འོ་བྱས་རེ་མཱ་ཤི་ཀའི་ནུས་མཐུ་ངའི་ནང་དུ་གནས་ལ་ཤོག་སྨྲས་རེ། ང་ང་རི་ཐབས་སྐྱོ་བ་གོ་ལ་ཡོལ་ལེ་དགའ་སྤྲོ་བྱས་རེ་ངོམ་གསོ་བྱེད་ཡས་ཡིན།

ཨེ་ཕེ་སུ་པ། 4:1

འོ་བྱས་རེ་གཙོ་བོའི་བཙོན་པ་ང་པའུ་ལུ་ཁྱེད་ཀྱ་ལ་ཞུ་བ་དེ་ཀྱ་འབུལ་ལ་ཡིན། ཁྱེད་ཀྱ་ལ་དཀོན་མཆོག་གིས་བོས་མཛད་ཛ་གོ་ལ་རྟེན་ཐུབ་ཀྱིན་མི་ཚེ་སྐྱོལ།

ཨེ་ཕེ་སུ་པ། 4:4

དཀོན་མཆོག་གིས་ཁྱེད་ཀྱ་ལ་བོས་ལི་གང་ལ་རེ་བ་གཅིག་ལ་བོས་པ་ཅོག་རེ། ལུས་གཅིག་དང་། ཐུགས་ཉིད་གཅིག།

ཕི་ལིབ་པཱི་པ། 3:8

དེ་ཚོད་གཅིག་ཀ་མིན་ད། མཱ་ཤི་ཀ་ཡེ་ཤུ་ལ་ངའི་གཙོ་བོ་ཡིན་སྨྲས་རེ་ངོ་ཤེས་ཡས་ཀྱི་དེ་རེ་རྩ་ཆེ་ལབ་ཀྱི་གདོང་དུ། གཞན་མ་གི་རི་ང་གྱོང་རྩི་ལ་ཡིན། ཁོང་གི་ཆེད་དུ་ངས་གི་རི་བློས་བཏང་བའི། དེ་ནས་འོ་དེ་གི་རི་ངས་ཛོར་ར་བརྩིས་ལི་འོད། དེ་ནི་ང་མཱ་ཤི་ཀའི་འབྱུང་བར་ཤོག་སྨྲས་རེ་ལགས།

ཕི་ལིབ་པཱི་པ། 4:8

མཐའ་ལ་སྤུན་ཀྱ་བོ། ཁྱེད་ཀྱ་བདེན་པ་གི་ཡིན་གྱིན་དང་། བཀུར་སྟི་གི་ཡིན་གྱིན་དང་། དྲང་པོ་གི་ཡིན་གྱིན་དང་། གཙང་མ་གི་ཡིན་གྱིན་དང་། གཅེས་བ་ཐོབ་དགོས་ཀྱིན་གི་ཡིན་གྱིན་དང་། གུས་ཞབས་ཆེ་གི་ཡིན་གྱིན། དེ་ནས་བཟང་ང་དང་བསྟོད་པ་ཐོབ་དགོས་ཀྱིན་རེས་འོད་ཀྱིན་དོན་ཀྱ་ལ་བསམ་བློ་གཏོང་།

ཀོ་ལོ་སཱེ་པ། 1:16

གི་བྱས་རེ་སྨྲ་ན་ཁོང་པ་ཡི་སྒོ་ནས་རང་གི་རི་བཀོད་བ་ལགས། ནམ་མཁའི་ཞིང་ཁམས་དང་ས་གཞི་དུ་འོད་མཁན་མིག་གིས་མཐོང་ཐུབ་ཀྱིན་དང་མཐོང་མི་ཐུབ་ཀྱིན་རྒྱལ་སྲིད་ཀྱ། ཡང་ན་ནུས་མཐུ་ཀྱ། ཡང་ན་དཔོན་པོ་ཀྱ། ཡང་ན་དབང་བསྒྱུར་བྱེད་མཁན་ཀྱ། གི་རི་ཁོང་པ་ཡི་ཐོག་ནས་དང་ཁོང་གི་ཕྱིར་ལ་བཀོད་བ་ལགས།

༡ ཐེ་ས་ལོ་ནི་ཀེ་པ། 4:7

དཀོན་མཆོག་གིས་འོ་རང་ལ་མེད་གཙང་ང་འགྱུར་དུ་མ་བོས་བ། དམ་པ་འགྱུར་དུ་བོས་མཛད་པ་ལགས།

༢ ཐེ་ས་ལོ་ནི་ཀེ་པ། 2:14

འོ་རི་གཙོ་བོ་ཡེ་ཤུ་མཱ་ཤི་ཀའི་གཟི་བརྗིད་འཐོབ་ཡས་ལ། འི་ཀི་གཏམ་བཟང་གི་ཐོག་ནས་དཀོན་མཆོག་གིས་ཁྱེད་ཀྱ་ལ་དོན་འདིའི་ཕྱིར་ལ་བོས་མཛད་པ་ལགས།

༡ ཏི་མོ་ཐེའུ། 4:8

གི་བྱས་རེ་སྨྲ་ན་ལུས་ཀྱི་ལུས་རྩལ་སྦྱོང་བརྡར་གྱི་ཏི་ཏེ་གཅིག་ཀ་ཕན་ཐོགས་བ་ལགས། ཡིན་ནའང་ཆོས་སེམས་འདི་གི་རིའི་ཐོག་ལ་ཕན་ཐོགས་བ་ལགས། གི་བྱས་རེ་སྨྲ་ན་འདིའི་ད་ལྟ་ཡི་ཚེ་དང་ཕྱི་མ་ཡི་ཚེ་གཉིས་འགའ་ར་ལ་ཕན་ཐོགས་ཀྱི་དམ་བཅའ་གནང་ང་ལགས།

༢ ཏི་མོ་ཐེའུ། 1:9

ཁོང་པ་ཡིས་འོ་རང་ལ་ཐར་པ་མཛད་དེ། དེ་ནས་དམ་པ་འབྱུང་ཡས་ལ་འོ་རི་ལས་ཀ་ཡིས་མིན་ད། ཁོང་པ་རང་གི་ཐུགས་དགོངས་དང་ཐུགས་རྗེ་ཡིས་ཐོག་ནས་འོ་རང་ལ་བོས་མཛད་པ་ལགས། ཐུགས་རྗེ་འདི་ནི་ཨེན་མ་ཀ་བ་མ་ཚུགས་ཨེན་ལ་རང་མཱ་ཤི་ཀ་ཡེ་ཤུའི་སྒོ་ནས་འོ་རང་ལ་གནང་བ་ལགས།

ཨིབ་རི་པ། 1:3

ཁོང་གིས་དཀོན་མཆོག་གི་གཟི་བརྗིད་མངོན་མཛད་ད་ལགས། དེ་ནས་ཁོང་ནི་དཀོན་མཆོག་གི་གཤིས་ཀ་དངོས་མ་གོ་ལགས། དེ་ནས་ཁོང་གིས་བཀའ་དབང་ཆེའི་ཐོག་ནས་འཇིག་རྟེན་ཁམས་གི་རི་སྐྱོང་ང་མཛད་ད་ལགས། དེ་ནས་ཁོང་པ་ཡིས་སྡིག་པ་གི་རི་དག་མཛད་དེ། ཁོང་པ་ནམ་མཁའི་ཞིང་ཁམས་དུ་གཟི་བརྗིད་ཅན་དཀོན་མཆོག་གི་ཕྱག་གཡས་ཕྱོགས་ལ་བཞུགས་བ་མཛད་ད་ལགས།

༡ པེ་ཏྲོ། 1:15

ཡིན་ནའང་ཁྱེད་ཀྱ་ལ་བོས་གནང་མཁན་གོ་དམ་པ་ཡིན་གྱིན་ཅོག་རེ། ཁྱེད་ཀྱ་རང་གི་སྤྱོད་ལམ་གི་རི་ལ་དམ་པ་འབྱུང་།

༡ པེ་ཏྲོ། 1:5

དེ་ནས་ཁྱེད་ཀྱི་དད་པའི་སྒོ་ནས་དཀོན་མཆོག་གི་ནུས་མཐུ་ཡིས། ཁྱེད་ཀྱ་ལ་མཐའ་མའི་དུས་ལ་མངོན་ཡས་ཡིན་གྱིན་ཐར་པའི་ཆེད་དུ་སྲུང་རེ་བཞག་འོད་ད་ལགས།

༡ པེ་ཏྲོ། 2:21

ཁྱེད་ཀྱ་དོན་འདིའི་ཕྱིར་ལ་རང་བོས་བ་ལགས། གི་བྱས་རེ་སྨྲ་ན་མཱ་ཤི་ཀའི་གཤམ་ལ་འབྲང་ཡས་ཀྱི་ཕྱིར་ལ། མཱ་ཤི་ཀ་ཁྱེད་ཀྱི་དོན་དུ་སྡུག་པོ་མྱངས་རེ་ཁོང་གིས་ཁྱེད་ཀྱ་ཡི་ཕྱིར་ལ་དཔེ་གཅིག་བཞག་མཛད་པ་ལགས།

༡ པེ་ཏྲོ། 2:9

ཡིན་ནའང་ཁྱེད་ཀྱ་ནི་བདམས་ད་བརྒྱུད་པ་དང་། རྒྱལ་བོ་རིགས་ཀྱི་མཆོད་དཔོན་དང་། མི་རིགས་དམ་པ་དང་། དཀོན་མཆོག་གི་རང་གི་མི་ཀྱ་ལགས། དེ་ནས་ཁོང་པ་ཡི་ཧང་སང་གིན་གྱི་ཕྱག་ལས་ཀྱ་གསལ་བསྒྲགས་བྱེད་ཡས་ལ། མུན་ནག་ནས་ཁོང་གི་ཧང་སང་གིན་གྱི་འོད་ནང་ལ་ཁྱེད་ཀྱ་བོས་བ་ལགས།

༡ པེ་ཏྲོ། 3:9

ངན་པ་ལ་ངན་པ་ཡང་ན་དམའ་འབེབས་ཚབ་ལ་དམའ་འབེབས་ཀྱི་ལན་མ་སློག། ཡིན་ནའང་འདི་ཚབ་ལ་བྱིན་རླབས་སྟེར། གི་བྱས་རེ་སྨྲ་ན་ཁྱེད་ཀྱ་ལ་བྱིན་རླབས་འཐོབ་ཡས་ཀྱི་ཕྱིར་ལ་རང་ཁྱེད་ཀྱ་བོས་བ་ལགས།

༡ པེ་ཏྲོ། 5:10

དེ་ནས་ཁྱེད་ཀྱ་ཡིས་དུས་ཏི་ཏེ་གཅིག་སྡུག་པོ་མྱངས་ཀྱིན་གཤམ་ལ། མཱ་ཤི་ཀའི་ནང་མཐའ་མེད་པའི་གཟི་བརྗིད་ལ་ཁྱེད་ཀྱ་ལ་འབོད་གནང་མཁན་དང་། ཐུགས་རྗེ་ཆེན་པོ་དཀོན་མཆོག་གིས་རང་ཁྱེད་ཀྱ་ལ་སླར་གསོ་ཡས་དང་། བརྟན་པོ་མཛད་ཡས་དང་། སྟོབས་ཤུགས་གནང་ཡས་དང་། ཡིད་ཆེས་ཀྱི་རྨང་གཞི་བརྟན་པོ་མཛད་ཀྱི་ལགས།

༢ པེ་ཏྲོ། 1:10

འོ་བྱས་རེ་སྤུན་ཀྱ་བོ། ཁྱེད་ཀྱ་ལ་དཀོན་མཆོག་གིས་བོས་པ་དང་བདམས་ད་གོ་ལ། དངོས་གནས་ཡིན་གྱིན་གོ་སྟོན་ཡས་ཆེད་དུ་དོ་རང་འང་བརྩོན་འགྲུས་བྱེད། གི་བྱས་རེ་སྨྲ་ན་དེ་རེ་བྱེད་ན། ཁྱེད་ཀྱ་ཁྱེད་རི་དད་པ་ནས་ལྷིམ་གྱི་མ་ལགས།

༢ པེ་ཏྲོ། 1:2

དཀོན་མཆོག་དང་འོ་རི་གཙོ་བོ་ཡེ་ཤུའི་ཤེས་རབ་ཀྱི་ནང་ཐུགས་རྗེ་དང་ཞི་བདེ་ཁྱེད་ཀྱ་ལ་མོད་ཆོ་ལི་འཐོབ་པར་ཤོག།

༢ པེ་ཏྲོ། 1:5

འོ་བྱས་རེ་གི་བྱེད་ཐུབ་ཐུབ་ཁྱེད་ཀྱ་ཡིས་དད་པ་ལ་སྤྱོད་ལམ་བཟང་པོ། དེ་ནས་སྤྱོད་ལམ་བཟང་པོ་ལ་ཤེས་ཡོན།

༢ པེ་ཏྲོ། 1:6

དེ་ནས་ཤེས་ཡོན་ལ་རང་ཚོད་ཟིམ་གྱིན། དེ་ནས་རང་ཚོད་ཟིམ་གྱིན་ལ་བཟོད་པ། དེ་ནས་བཟོད་པ་ལ་ཆོས་སེམས།

༢ པེ་ཏྲོ། 1:8

གི་བྱས་རེ་སྨྲ་ན་དོན་དེ་ཀྱ་ཁྱེད་ཀྱི་ནང་འོད་ན། དེ་ནས་འཕེལ་རེ་འགྲོ་ན། ཁྱེད་ཀྱ་འོ་རི་གཙོ་བོ་ཡེ་ཤུ་མཱ་ཤི་ཀའི་ཤེས་ཡོན་ལ་ཕན་མེད་ཀྱིན་དང་། འབྲས་བུ་མེད་ཀྱིན་འབྱུང་ཡས་ནས་དེ་ཀྱ་ཡིས་སྐྱོབ་ཀྱི་ལགས།

༢ པེ་ཏྲོ། 2:20

འོ་རི་གཙོ་བོ་དང་སྐྱབས་མགོན་ཡེ་ཤུ་མཱ་ཤི་ཀ་ལ་ངོ་ཤེས་རེ། འདི་འཇིག་རྟེན་གྱི་ངན་པ་ཀྱ་ནས་ཐར་ཚར་ཏེའང་། ཡང་ལྡབ་ལེ་འོ་དེའི་དབང་འོག་ཏུ་ཆུད་ན། འོ་རེ་མི་ཀྱ་ཡི་གནས་ཚུལ་གོ་ཨེན་མ་ལས་ཞུག་ལ་སྡུག་བ་འབྱུང་གི་ལགས།

༢ པེ་ཏྲོ། 3:18

ཡིན་ནའང་འོ་རི་གཙོ་བོ་དང་སྐྱབས་མགོན་ཡེ་ཤུ་མཱ་ཤི་ཀའི་ཐུགས་རྗེ་དང་ཤེས་ཡོན་ལ་འཚར་ལོངས་བྱས་རེ་སོང་། ཁོང་ལ་རང་ད་ལྟ་དང་མཐའ་མའི་ཉིན་མ་ཐུག་པའི་གཟི་བརྗིད་འོང་བར་ཤོག། ཨ་མེན།།