༡ ཏི་མོ་ཐེའུ། 6:3 - གློ་བ།

³ འོ་རི་གཙོ་བོ་ཡེ་ཤུ་མཱ་ཤི་ཀའི་སྐྱོན་མེད་ཀྱིན་གསུང་དང་། ཆོས་སེམས་ལ་མཐུན་གྱིན་བསླབ་བྱ་ཀྱ་ལ་ཁས་མེད་ལེན་ད་ལྟ་བ་གཞན་མ་ཀྱ་བསླབས་ན།

༡ ཏི་མོ་ཐེའུ། 6:3 Iomraidhean Croise

མད་ཐཱ། 22:21

ཁོང་ཀྱ་ཡིས་སྨྲས་བ་ལགས། ཀེ་སར་གྱི་འདུག། དེ་ནས་ཁོང་པ་ཡིས་ཁོང་ཀྱ་ལ་གསུངས་བ་ལགས། དེ་རེ་ཡིན་ན་ཀེ་སར་གྱི་ཡིན་གྱིན་གོ་ཀེ་སར་ལ་སྟེར། དེ་ནས་དཀོན་མཆོག་གི་ཡིན་ན་གོ་དཀོན་མཆོག་ལ་ཕུལ།

མད་ཐཱ། 28:20

དེ་ནས་ངས་ཁྱེད་ཀྱ་ལ་བསླབས་ཀྱིན་བཀའ་གི་རི་སྲུང་ཡས་ལ་ཁོང་ཀྱ་ལ་སློབས། དེ་ནས་མཐའ་ཡི་དུས་ཐུག་པའི་ནམ་ཡིན་ན། ང་ཁྱེད་ཀྱ་མུ་ལ་འོད་སྨྲས་རེ་ཧ་གོ་ར་བྱེད།།

རོ་མཱ་པ། 16:17

སྤུན་ཀྱ་བོ། ཁྱེད་ཀྱ་ལ་བསླབས་ལ་ཆོས་ཀྱི་ལྟ་བ་ནས་གཞན་མ་བསླབས་ཏེ་ཁྱེད་ཀྱ་གུང་དུ་དཀྲུག་གིན་དང་། དཀའ་ལས་གག་བ་ཟོ་གིན་མི་ཀྱ་ནས་གཟབ་གཟབ་བྱེད། དེ་ནས་ཁོང་ཀྱ་ནས་བྲལ་རེ་སྡོད་སྨྲས་རེ་ང་ཁྱེད་ཀྱ་ལ་ཞུ་བ་འབུལ་ལ་ཡིན།

༡ ཐེ་ས་ལོ་ནི་ཀེ་པ། 4:8

འོ་བྱས་རེ་དེ་ལབ་ལ་མི་བརྩིས་མཁན་ཀྱ་མིའི་བསླབ་བྱ་ལ་མིན་ད། དམ་པའི་ཐུགས་ཉིད་གནང་མཁན་དཀོན་མཆོག་ལ་ངོ་ལོག་བྱེད་ད་ལགས།

༡ ཏི་མོ་ཐེའུ། 1:10

ལོག་གཡེམ་པ་ཀྱ་དང་། ཕོ་ལ་སྤྱོད་མཁན། དེ་ནས་མི་བྲན་གཡོག་ལ་བཙོངས་མཁན་དང་། ཟོག་བཤད་མཁན་ཀྱ། དེ་ནས་མནའ་མི་རྩི་མཁན་དང་། བྱིན་རླབས་ཅན་གྱི་དཀོན་མཆོག་གིས་ང་ལ་གནང་གིན་གཟི་བརྗིད་ཅན་གྱི་གཏམ་བཟང་གི་ལྟ་བ་དྲང་པོ་ལ་མི་མཐུན་གྱིན་གི་རིའི་ཕྱིར་ལ་ལགས།

༡ ཏི་མོ་ཐེའུ། 1:3

ང་མ་ཀེ་དོན་ཡཱ་ཡུལ་དུ་འགྲོའི་གང་ལ། ངས་ཁྱོད་ལ་ཞུ་གིན་ཅོག་རེ་འོ་དུ་རུ་འོད་ཀྱིན་ལྟ་བ་ཟོག་པོའི་ཆོས་བསླབས་མཁན་ཀྱ་ལ་ཉེན་བརྡ་བཏང་ཡས་ལ། ཁྱོད་ཨེ་ཕེ་སུ་རྒྱལ་ས་རུ་རང་སྡོད།

༡ ཏི་མོ་ཐེའུ། 1:6

མི་རིང་འགའ་དེ་ཀྱ་སྤངས་རེ་དོན་དག་མེད་ཀྱིན་བགྲོ་གླེང་ལ་མགོ་འཁོར་སྟེ་བསྡད་འདུག།

༢ ཏི་མོ་ཐེའུ། 1:13

མཱ་ཤི་ཀ་ཡེ་ཤུ་ཡིས་གནང་འོད་ཀྱིན་དད་པ་དང་བྱམས་པ་ཡི་སྒོ་ནས། ཁྱོས་ང་ནས་གོ་གིན་བསླབ་བྱ་བདེན་པ་ཀྱ་བརྟན་པོ་སྲུང་ཞིག།

༢ ཏི་མོ་ཐེའུ། 4:3

གི་བྱས་རེ་སྨྲ་ན་མི་ཀྱ་ཡི་ལྟ་བ་དྲང་བདེན་གྱི་བསླབ་བྱ་ལ་ཉན་ཉིད་མེད་འདོད་ད། རང་གིས་ཉན་ཉིད་འདོད་ཀྱིན་ལབ་ཀྱ་དང་རང་གི་འཐད་ཀྱིན་སློབ་དཔོན་ཀྱ་བཙལ་ཡས་ཀྱི་དུས་ཤར་གྱི་ལགས།

ཏི་ཏོས། 1:1

དཀོན་མཆོག་གི་གཡོག་པོ་དང་ཡེ་ཤུ་མཱ་ཤི་ཀའི་སྐུ་ཚབ་ང་པའུ་ལུ། དཀོན་མཆོག་གིས་བདམས་ད་ཀྱ་ཡི་དད་པའི་ཕྱིར་ལ་དང་། དཀོན་མཆོག་ལ་ཐུགས་མཉེས་བོ་མི་ཚེ་པུད་ཡས་ལ། དེ་ནས་ལབ་བདེན་པ་ཧ་གོ་ཏུ་བཅུག་ཡས་ལ་ང་ལ་བསྐོས་བ་ལགས།

ཏི་ཏོས། 1:9

མི་གཞན་མ་ཀྱ་ལ་ལྟ་བ་དངོས་གནས་ལ་སློབ་སྦྱོང་བརྒྱབ་ཡས་དང་། རྒྱབ་འགལ་བྱེད་མཁན་ཀྱ་ལ་བསླབ་བྱ་སྟེར་ཡས་ལ། ཁོ་རང་ལ་བསླབས་ལ་བཀའ་བདེན་པ་གོ་ལ་ཁོ་བརྟན་པོ་བསྡད་དགོས་ཀྱི་ལགས།

ཏི་ཏོས། 3:8

འདི་ལབ་དེ་བདེན་པ་ལགས། དེ་ནས་དཀོན་མཆོག་ལ་དད་པ་བྱེད་མཁན་མི་ཀྱ་ལས་བཟང་ང་བྱེད་ཡས་ལ་འདོད་པ་འོང་བར་ཤོག་སྨྲས་རེ་དེ་བསླབ་བྱ་ཀྱ་ལ། ཁྱོད་ཤུགས་བརྒྱབ་ཡས་ལ་ངས་འདོད་པ་འོད། དེ་ཀྱ་མི་ཀྱ་ལ་བཟང་པོ་དང་ཕན་ཐོགས་བ་འདུག