༡ ཏི་མོ་ཐེའུ། 5:22 - གློ་བ།

²² ཆོས་ཚོགས་ཀྱི་འགོ་ཁྲིད་བསྐོ་ཡས་ལ་ཚ་དྲག་མ་བྱེད། དེ་ནས་གཞན་མ་ཡི་སྡིག་པ་ལ་མ་འབྲེལ། རང་གཙང་མ་སྡོད།

༡ ཏི་མོ་ཐེའུ། 5:22 Iomraidhean Croise

མཛད་པ། 13:3

འོ་བྱས་རེ་ཁོང་ཀྱ་ཡིས་སྨྱུང་གནས་དང་སྨོན་ལམ་གོ་སྒྲུབ་ཚར་ཏེ་ཁོང་གཉིས་བོ་ཁར་ལ་ལག་པ་བཞག་སྟེ་དབང་གནང་བ་ལགས། དེ་ནས་ཁོང་ཀྱ་ལ་བརྫངས་བ་ལགས།

མཛད་པ། 18:6

ཡིན་ནའང་ཁོང་ཀྱ་ཡིས་པའུ་ལུ་ལ་ཁས་མེད་ལེན་ད་སྨད་སྤྲ་བཏང་བ་ལགས། དེ་ནས་པའུ་ལུ་ཡིས་ཁོ་རི་གོས་བུད་དེ་འོ་དེའི་ཐལ་ལ་སྤྲུགས་ཏེ་སྨྲས་བ་ལགས། ཁྱེད་ཀྱ་ལ་ཆད་པ་ཕོག་ན་ཁྱེད་རི་མགོ་བ་ལ་རང་ཕོག་གི་ལགས། ངའི་སྐྱོན་གིའང་མེད། ད་དེ་ནས་ཧ་ལ་ང་ཡ་ཧུ་དཱ་པ་མིན་མཁན་མི་རིགས་ཀྱ་རྩ་རུ་འགྲོ་ཡས་ཡིན།

མཛད་པ། 20:26

འོ་བྱས་རེ་དི་རིང་ང་ཁྱེད་རང་ཀྱ་ལ་སྨྲ་ཡིན། ཁྱེད་རང་ཀྱ་ནས་མི་སུ་ལའང་ཉེས་པ་ཕོག་ན་འོ་འདིའི་ཁས་ང་ལ་མེད།

མཛད་པ། 6:6

དེ་ནས་ཁོང་ཀྱ་ཡིས་འོ་དེ་མི་ཀྱ་ལ་སྐུ་ཚབ་ཀྱ་ཡི་གདོང་ལ་འཁྱེར་ཏེ་འོངས་བ་ལགས། དེ་ནས་སྐུ་ཚབ་ཀྱ་ཡིས་ཁོང་ཀྱ་ལ་སྨོན་ལམ་བརྒྱབ་སྟེ་རང་གི་ལག་པ་ཁོང་ཀྱ་ཁར་ལ་བཞག་པ་ལགས།

ཨེ་ཕེ་སུ་པ། 5:11

ཕན་ཐོགས་མེད་ཀྱིན་མུན་ནག་གི་ལས་ཀ་ཀྱ་ལ་མ་འདྲེ། ཡིན་ནའང་འོ་དེ་རེ་ལས་ཀ་ཀྱ་འོད་ལ་སྟོན།

༡ ཏི་མོ་ཐེའུ། 3:10

ཨེན་ལ་འོ་དེ་ཀྱ་ཡི་ཚོད་ལྟ་བྱེད། དེ་ནས་སྐྱོན་མ་ཕོག་པ་ཐོན་ན། ཁོང་ཀྱ་ལ་ཆོས་ཚོགས་ཀྱི་ཞབས་ཏོག་པ་བྱས་རེ་ལས་ཀ་བྱེད་དུ་ཆུག།

༡ ཏི་མོ་ཐེའུ། 3:2

འོ་བྱས་རེ་ཆོས་ཚོགས་ཀྱི་ལྟ་རྟོག་པ་གོ་སྐྱོན་འཛུགས་གིའང་མེད་ཀྱིན་དང་། སྐྱེས་དམན་གཅིག་གི་ཁྱོ་ག། བསམ་བློ་མཐོང་ང་། ཚོད་ཟིམ་གྱིན་དང་། ཡ་རབས་བཟང་ང་དང་། མགྲོན་པོ་བསུ་ཡས་ལ་དགའ་གིན། དེ་ནས་སློབ་དཔོན་བྱེད་ཡས་ལ་མཁས་བ་འོད་ཀྱིན།

༡ ཏི་མོ་ཐེའུ། 3:6

ཁོ་དད་པ་ལ་གསར་པ་འགྱུར་བ་མི་འོང་ཡས་མེད་ད་ལགས། གི་བྱས་རེ་སྨྲ་ན་ཁོ་སྤོབས་བ་སྐྱེས་རེ་བདུད་ཀྱི་ཆད་པ་ནང་ལ་ལྷིམ་ཐུབ་ཀྱི་ལགས།

༡ ཏི་མོ་ཐེའུ། 4:12

ཁྱོད་གཞོན་པ་བྱས་རེ་སུས་འང་ཁྱོད་ལ་མཐོང་ཆུང་བྱེད་དུ་མ་ཆུག། ཡིན་ནའང་དད་པ་བྱེད་མཁན་ཀྱ་ཡི་གདོང་དུ་ཁྱོའི་ངག་དང་། སྤྱོད་པ་དང་། བྱམས་པ་དང་། དད་པ་དང་། གཙང་མའི་སྒོ་ནས་རང་ལ་དཔང་པོ་གཅིག་སྟོན།

༡ ཏི་མོ་ཐེའུ། 4:14

ཆོས་ཚོགས་ཀྱི་རྒན་པ་ཀྱ་ཡིས་ཁྱོའི་ཁར་ལ་ལག་པ་བཞག་སྟེ། མངོན་ཤེས་མཁན་གྱི་ཐོག་ནས་ཁྱོད་ལ་ཐོབ་ཐ་གནང་སྦྱིན་གོ་ལ་ཁྱོད་སྣང་མེད་མ་བྱེད།

༢ ཏི་མོ་ཐེའུ། 1:6

འོ་བྱས་རེ་ངས་ཁྱོའི་ཁར་ལ་ལག་པ་བཞག་སྟེ་དཀོན་མཆོག་ནས་ཁྱོད་ལ་ཐོབ་ཐ་གནང་སྦྱིན་གྱི་མེ་འདི་གསོ་རེ་བཞག་ཡས་ལ་ང་ཁྱོད་ལ་དྲན་གསོ་བསླངས་ང་ཡིན།

༢ ཏི་མོ་ཐེའུ། 2:2

དེ་ནས་དཔང་པོ་མང་ང་ཡི་གདོང་དུ། ང་ནས་གོ་གིན་ངས་བསླབས་ལ་ལབ་ཀྱ་གཞན་མ་ཀྱ་ལ་བསླབས་ཐུབ་ཀྱིན། བློ་བཀལ་ཐུབ་ཀྱིན་སྐྱེས་བའི་བུ་ཀྱ་ལ་འཚོལ།

ཨིབ་རི་པ། 6:2

དེ་ནས་ཁྲུས་གསོལ་དང་། ལག་པ་བཞག་ཡས་དང་། འཆི་བ་ནས་སླར་གསོན་ཡས་དང་། མཐའ་མེད་པའི་ཁྲིམས་གཅོད་ཀྱ་ཡི་སྐོར་ལ་བསླབ་བྱ་ཀྱ་ལྡབ་ལེ་བསླབས་དགོས་ཡས་མེད་ད་ལགས།

༢ ཡོ་ཧ་ནན། 1:11

གི་བྱས་རེ་སྨྲ་ན་དེ་རེ་ཀྱ་ལ་འཚམས་འདྲི་ཞུ་མཁན་གོ་ཁོང་ཀྱ་ཡི་ལས་ངན་ལ་འབྲེལ་ལ་ལགས།

མངོན་པ། 18:4

དེ་ནས་ངས་ནམ་མཁའི་ཞིང་ཁམས་ནས་དེ་རེ་གསུངས་ཀྱིན་གསུང་སྐད་གཞན་མ་གཅིག་གོ་སོང་། ངའི་མི་ཀྱ་བོ། ཁྱེད་ཀྱ་མོའི་སྡིག་པ་མུ་ལ་མེད་འདྲེ་ཡས་དང་། མོའི་ཆད་པ་ཀྱ་མེད་འཕོག་ཡས་ཀྱི་ཕྱིར་ལ། ཁྱེད་ཀྱ་མོའི་ནང་ནས་ཐོན་ཏེ་ཤོག།