༡ ཏི་མོ་ཐེའུ། 3:8 - གློ་བ།

⁸ ཆོས་ཚོགས་ཀྱི་ཞབས་ཏོག་པ་ཀྱ་ཡ་རབས་དང་། ཁ་གཉིས་མེད་ཀྱིན་དང་། ཆང་མང་ང་འཐུང་ཉིད་མེད་འདོད་ཀྱིན་དང་། དངུལ་ལ་ཧམ་པ་མི་བྱེད་ཀྱིན་འོང་དགོས་ཀྱི་ལགས།

༡ ཏི་མོ་ཐེའུ། 3:8 Iomraidhean Croise

རོ་མཱ་པ། 3:13

ཁོང་ཀྱ་ཡི་མིག་པ་ནི་ཁ་གདངས་ད་དུར་ཁང་ལགས། ཁོང་ཀྱ་ཡི་ལྕེ་མོ་ཡིས་གཡོ་སྒྱུ་བཤད་འདིག སྦྲུལ་གྱི་དུག་གོ་ཁོང་ཀྱ་ཡི་ཁ་ལ་འདུག

ཕི་ལིབ་པཱི་པ། 1:1

མཱ་ཤི་ཀ་ཡེ་ཤུའི་བྲན་གཡོག་པའུ་ལུ་དང་ཏི་མོ་ཐེའུ་ནས། ཕི་ལིབ་པཱི་རུ་འོད་མཁན་མཱ་ཤི་ཀ་ཡེ་ཤུའི་ནང་དམ་པའི་མི་ཀྱ་དང་། ཆོས་ཚོགས་ཀྱི་ལྟ་རྟོག་པ་ཀྱ་དང་། ཞབས་ཏོག་པ་ཀྱ་མུ་ལ་གི་རི་ལ།

༡ ཏི་མོ་ཐེའུ། 3:12

ཆོས་ཚོགས་ཀྱི་ཞབས་ཏོག་པ་གོ་སྐྱེས་དམན་གཅིག་གི་ཁྱོ་ག་འོང་དགོས་ཀྱི་ལགས། དེ་ནས་རང་གི་ཕྲུ་བ་ཀྱ་དང་ནང་མི་ཀྱ་ལ་ག་མོ་མ་སྐྱོང་གིན་འོང་དགོས་ཀྱི་ལགས།

༡ ཏི་མོ་ཐེའུ། 3:2

འོ་བྱས་རེ་ཆོས་ཚོགས་ཀྱི་ལྟ་རྟོག་པ་གོ་སྐྱོན་འཛུགས་གིའང་མེད་ཀྱིན་དང་། སྐྱེས་དམན་གཅིག་གི་ཁྱོ་ག། བསམ་བློ་མཐོང་ང་། ཚོད་ཟིམ་གྱིན་དང་། ཡ་རབས་བཟང་ང་དང་། མགྲོན་པོ་བསུ་ཡས་ལ་དགའ་གིན། དེ་ནས་སློབ་དཔོན་བྱེད་ཡས་ལ་མཁས་བ་འོད་ཀྱིན།

༡ ཏི་མོ་ཐེའུ། 3:3

དེ་ནས་ཆང་འཐུང་བ་མེད་ཀྱིན། རྩུབ་བ་མེད་ཀྱིན། ཡིན་ནའང་ཞི་བ་འོད་ཀྱིན། དེ་ནས་རྩོད་པ་མེད་བརྒྱབ་ཀྱིན་དང་། དངུལ་ལ་མེད་ཆགས་ཀྱིན་འོང་དགོས་གུ་ལགས།

༡ ཏི་མོ་ཐེའུ། 5:23

ཁྱོད་ཐེངས་མང་ང་ན་གིན་བྱས་རེ་ཁྱོའི་ཕོ་བ་ཕན་ཡས་ཀྱི་ཕྱིར་ལ་ཆུ་གཅིག་ཀ་མིན་ད་རྒུན་ཆང་ཏི་ཏེ་འཐུང་།

ཏི་ཏོས། 1:7

ཆོས་ཚོགས་ཀྱི་འགོ་ཁྲིད་གོ་དཀོན་མཆོག་གི་ཞབས་ཕྱི་བྱས་རེ་སྐྱོན་མེད་ཀྱིན་འོང་དགོས་ཀྱི་ལགས། ཁོ་འདོད་པ་ཆེ་དང་། སྣ་ཐུང་བ་དང་། ཆང་དུ་བ་དང་། འཁྲུག་ཙ་ར་དང་། ཨ་ལེ་ལ་མེད་དྲང་ང་འོང་ཡས་མེད་ད་ལགས།

ཏི་ཏོས། 2:3

འོ་དེ་ཅོག་རེ་རྒན་མོ་ཀྱ་ལ་དམ་པའི་མི་ཚེ་པུད། དེ་ནས་ཕྲ་མ་མ་བཤད། དེ་ནས་ཆང་འདོད་མ་མ་འབྱུང་། དེ་ནས་མི་གཞན་མ་ཀྱ་ལ་བསླབ་བྱ་བཟང་པོ་སྟེར་སྨྲས་རེ་ཤོད།

ཡ་ཀོབ། 3:10

ཁ་གཅིག་ནས་རང་བསྟོད་པ་དང་དམོད་མོ་གཉིས་ཀ་ར་འཐོན་ད་ལགས། ངའི་སྤུན་ཀྱ་བོ། དེ་རེ་ནི་འོང་ཡས་མེད་ཀྱིན་རྩི་ལགས།

༡ པེ་ཏྲོ། 5:2

ཁྱེད་ཀྱ་ཡི་ལས་འགན་ལ་གནང་ན་དཀོན་མཆོག་གི་ལུག་ཁྱུ་ལ་འཚོ་སྐྱོང་བྱེད། མིས་ཨུ་ཚུགས་བྱས་རེ་མིན་ད་ཡིན་ནའང་དཀོན་མཆོག་གི་ཐུགས་དགོངས་ལ་རྟེན་ཏེ་རང་གི་འཐད་དེ་བྱེད། དེ་ནས་རྒྱུ་ནོར་ལ་བརྔམས་ཏེ་མིན་ད། ཡིན་ནའང་ཞབས་ཏོག་འབུལ་ཡས་ལ་འདོད་པ་བྱས་རེ་འཚོ་སྐྱོང་བྱེད།