༡ ཏི་མོ་ཐེའུ། 2:5 - གློ་བ།

⁵ གི་བྱས་རེ་སྨྲ་ན་དཀོན་མཆོག་གཅིག་འོད་ད་ལགས། དེ་ནས་དཀོན་མཆོག་དང་མིའི་གུང་ལ་བར་འདུམ་བཏང་མཁན་གཅིག་འོད་ད་ལགས། ཁོང་ནི་མཱ་ཤི་ཀ་ཡེ་ཤུ།

༡ ཏི་མོ་ཐེའུ། 2:5 Iomraidhean Croise

མད་ཐཱ། 1:1

ཨབ་ར་ཧམ་གྱི་བརྒྱུད་པ་རྒྱལ་བོ་དཱ་བིད་ཀྱི་བརྒྱུད་པ་ཡེ་ཤུ་མཱ་ཤི་ཀའི་གདུང་རྒྱུད་ནི།

མད་ཐཱ། 1:23

ལྟོས་དང་། ན་ཆུང་གཙང་མ་གཅིག་ལ་ཕྲུ་ཆགས་ཏེ། མོ་ནས་སྲས་གཅིག་འཁྲུང་གི་ལགས། དེ་ནས་ཁོང་པ་ཡི་མཚན་ཨིམ་མ་ནུ་ཨེལ་སྨྲས་རེ་འབོད་ཀྱི་ལགས། (འདིའི་དོན་གོ་དཀོན་མཆོག་འོ་རང་མུ་ལ།)

ལུ་ཀ། 14:22

དེ་ནས་གཡོག་པོ་ཡིས་སྨྲས་བ་ལགས། ཁྱེད་རང་གིས་བཀའ་གནང་གིན་ཅོག་རེ་བྱུང་སོང་། ཡིན་ནའང་དོ་རང་འང་ས་ཆ་མང་ང་ཤོང་ཡས་འདུག།

ཡོ་ཧ་ནན། 1:14

དེ་ནས་བཀའ་གོ་ལུས་ལ་གྱུར། དེ་ནས་འོ་རང་མུ་ལ་བཞུགས། ཁོང་ནི་ཐུགས་རྗེ་དང་བདེན་པ་ཡིས་ཁངས་འོད་ད་ལགས། ཁང་གི་གཟི་བརྗིད་ཡབ་དཀོན་མཆོག་ནས་ཡིན་གྱིན་སྲས་གཅིག་པོའི་གཟི་བརྗིད་འོ་རི་མཇལ་བ་ལགས།

ཡོ་ཧ་ནན། 17:3

ད་མཐའ་མེད་པའི་ཚེ་སྲོག་སྨྲ་ན་ཁྱེད་རང་དཀོན་མཆོག་བདེན་པ་ལ་ངོ་ཤེས་ཡས་དང་། ཁྱེད་རང་གིས་མངགས་པའི་ཡེ་ཤུ་མཱ་ཤི་ཀ་ལ་ངོ་ཤེས་ཡས་གོ་ལགས།

མཛད་པ། 4:12

གཞན་མ་སུ་ནས་འང་ཐར་པ་མེད་འཐོབ་ཀྱི་ལགས། གི་བྱས་རེ་སྨྲ་ན་འོ་རི་ཐར་པ་ཡི་ཕྱིར་ལ་ཡེ་ཤུ་ཡི་མཚན་མ་ན། དཀོན་མཆོག་གིས་གཞན་མ་མིང་ནམ་མཁའི་ཞིང་ཁམས་འོག་ཏུ་མ་གནང་བ་ལགས།

རོ་མཱ་པ། 1:3

གཏམ་བཟང་འདི་ནི་དཀོན་མཆོག་གི་སྲས་ཀྱི་སྐོར་ལ་ལགས། ཁོང་ནི་ལུས་ལ་རྒྱལ་པོ་དཱ་བིད་ཀྱི་གདུང་རྒྱུད་ནས་འཁྲུངས་བ་ལགས།

རོ་མཱ་པ། 10:12

གི་བྱས་རེ་སྨྲ་ན་ཡ་ཧུ་དཱ་པ་དང་ཡ་ཧུ་དཱ་པ་མིན་མཁན་ཀྱ་ཡི་ནང་དབྱེ་བ་མེད་ད་ལགས། གི་རིའི་གཙོ་བོ་ནི་གཅིག་རང་ལགས། དེ་ནས་ཁོང་གི་མཚན་འབོད་མཁན་གི་རི་ལ་བྱིན་རླབས་མོད་ཆོ་ལི་གནང་ང་ལགས།

༡ ཀོ་རིན་ཐུ་པ། 8:4

ད་ཧ་ན་ལྷ་སྐུ་འདྲ་ལ་ཕུལ་པ་ཟ་མའི་སྐོར་ལ་སྨྲ་ན། ལྷ་སྐུ་འདྲ་ནི་འོད་འང་མེད་ད་ལགས། དེ་ནས་དཀོན་མཆོག་གཅིག་མ་ན་གཞན་མ་མེད་ད་ལགས་སྨྲས་རེ་འོ་རང་ལ་ཤེས་ཡས་འོད་ད་ལགས།

༡ ཀོ་རིན་ཐུ་པ། 8:6

ཡིན་ནའང་འོ་རི་ཆེད་དུ་ཡབ་དཀོན་མཆོག་གཅིག་ཀ་འོད་ད་ལགས། ཁོང་ནས་རང་དངོས་པོ་གི་རི་བྱུང་བ་ལགས། དེ་ནས་ཁོང་གི་ཆེད་དུ་རང་འོ་རང་འཚོ་བ་བསྐྱལ་ལ་ལགས། དེ་ནས་གཙོ་བོ་གཅིག་ནི་ཡེ་ཤུ་མཱ་ཤི་ཀ་ལགས། དེ་ནས་ཁོང་གི་ཐོག་ནས་དངོས་པོ་གི་རི་བྱུང་བ་ལགས། དེ་ནས་ཁོང་ནས་འོ་རང་འཚོ་བ་བསྐྱལ་ལ་ལགས།

ག་ལ་ཏི་ཡཱ་པ། 3:20

ཕྱོགས་གཅིག་གཅིག་ཀ་འོད་ན་བར་མི་མེད་དགོས་ལ་ལགས། དེ་ནས་དཀོན་མཆོག་གཅིག་རང་ཡིན།

ཨེ་ཕེ་སུ་པ། 4:6

དང་དཀོན་མཆོག་གཅིག་འོད་ད་ལགས། དེ་ནས་ཁོང་གི་རིའི་ཡབ་ལགས། དེ་ནས་ཁོང་པ་གི་རིའི་ཐོག་ལ། དེ་ནས་གི་རིའི་ཐོག་ནས་དང་། གི་རིའི་ནང་བཞུགས་འོད་ད་ལགས།

༡ ཏི་མོ་ཐེའུ། 6:13

དངོས་པོ་གི་རི་ལ་ཚེ་གནང་གིན་དཀོན་མཆོག་དང་། པོན་ཏིའུ་པི་ལ་ཏུའི་གདོང་དུ་དཔང་པོ་བཟང་པོ་མཛད་ཛ་མཱ་ཤི་ཀ་ཡེ་ཤུའི་དྲུང་དུ།

ཨིབ་རི་པ། 12:24

དེ་ནས་དམ་བཅའ་གསར་པ་ཡི་བར་མི་མཛད་ཀྱིན་ཡེ་ཤུའི་དྲུང་དུ། དེ་ནས་ཧ་བེལ་གྱི་ཁྲག་ནས་བཀའ་བཟང་ང་གསུངས་ཀྱིན་སྐུ་ཁྲག་གཏོར་གྱིན་གྱི་གདོང་དུ། ཁྱེད་ཀྱ་འོངས་འོད་ད་ལགས།

ཨིབ་རི་པ། 7:25

འོ་བྱས་རེ་ཡེ་ཤུའི་ཐོག་ནས་དཀོན་མཆོག་གི་དྲུང་དུ་འོང་གིན་ཀྱ་ལ་ཁོང་པ་ཡིས་དུས་གཏན་གྱི་ཆེད་དུ་ཐར་པ་མཛད་ཐུབ་བ་ལགས། གི་བྱས་རེ་སྨྲ་ན་ཁོང་པ་ཁོང་ཀྱ་ཡི་དོན་དུ་ཞུ་བ་འབུལ་ཡས་ལ་ཙོག་བའི་གསོན་པོ་གནས་ལ་ལགས།

ཨིབ་རི་པ། 8:6

ཡིན་ནའང་ད་འོ་རི་གཙོ་མཆོད་དཔོན་ཡེ་ཤུ་ལ་ད་ལྟ་མཆོད་དཔོན་རྙིང་པའི་ལས་འགན་ནས་ལྷག་ཞབས་ཕྱི་བཟང་ང་ཐོབ་འོད་ད་ལགས། གི་བྱས་རེ་སྨྲ་ན་ཁོང་པ་འོ་རི་ཆེད་དུ་དཀོན་མཆོག་མུ་ལ་དམ་བཅའ་བཟང་ང་ཡི་བར་མི་མཛད་ད་ལགས། འདི་དམ་བཅའ་གོ་ཆོད་དམ་བཟང་ང་ཀྱ་ལ་རྟེན་ད་ལགས།

ཨིབ་རི་པ། 9:15

དཀོན་མཆོག་གིས་ཁོང་ཀྱ་ལ་དབུ་མནའ་བཞེས་ཞ་མཐའ་མེད་པའི་རྒྱུ་འཛིན་གོ་བོས་པ་གི་རི་ལ་འཐོབ་ཡས་ཀྱི་ཆེད་དུ། ཁོང་པ་ནི་དཀོན་མཆོག་དང་མིའི་གུང་དུ་དམ་བཅའ་གསར་པའི་བར་མི་མཛད་ཀྱིན་གོ་ལགས། འོ་དེ་དམ་བཅའ་དང་པོའི་དུས་ལ་མི་ཀྱ་ཡིས་བྱས་བྱ་སྡིག་པ་ཀྱའི་ཆད་པ་ནས། ཁོང་ཀྱ་ལ་ཐར་པ་གནང་ཡས་ལ་མཱ་ཤི་ཀ་གྲོངས་བ་མཛད་པ་ལགས།

༡ ཡོ་ཧ་ནན། 2:1

ངའི་གཅེས་བའི་ཕྲུ་བ་ཀྱ་བོ། ཁྱེད་ཀྱ་ཡིས་སྡིག་པ་མི་བྱེད་ད་ཤོག་སྨྲས་རེ་ང་ཁྱེད་ཀྱ་ལ་འདི་ལབ་ཀྱ་བྲིས་བ་ཡིན། ཡིན་ནའང་ཁྱེད་ཀྱ་ནས་གཅིག་གིས་སྡིག་པ་བྱེད་ན། ཡབ་ཀྱི་དྲུང་དུ་འོ་རི་ཕྱིར་ལ་ཞུ་བ་འབུལ་མཁན་གཅིག་འོད་ད་ལགས། ཁོང་ནི་དྲང་བདེན་པ་ཡེ་ཤུ་མཱ་ཤི་ཀ་ལགས།

མངོན་པ། 1:13

དང་། འོ་དེ་ཀྱུང་ཀྱ་ཡི་ཁོག་ལ་མིའི་བུ་ཅོག་རེ་མི་གཅིག་ཞབས་ཐུག་པའི་ན་བཟའ་བསྣུམས་ན་དང་། སྐུ་བྲང་ལ་གསེར་གྱི་སྐུ་རགས་བསྣུམས་ན་གཅིག་ངས་མཇལ་བྱུང་།