༡ ཐེ་ས་ལོ་ནི་ཀེ་པ། 4:9 - གློ་བ།

⁹ ད་སྤུན་ཟླ་གཅིག་གིས་གཅིག་ལ་བྱམས་པ་བྱེད་ཡས་ཀྱི་སྐོར་ལ་སུས་འང་ཁྱེད་ཀྱ་ལ་འབྲི་དགོས་གུ་མ་ལགས། གི་བྱས་རེ་སྨྲ་ན་གཅིག་གིས་གཅིག་ལ་བྱམས་པ་བྱེད་ཡས་ལ་དཀོན་མཆོག་གིས་བསླབས་གནང་བ་ལགས།

༡ ཐེ་ས་ལོ་ནི་ཀེ་པ། 4:9 Iomraidhean Croise

མད་ཐཱ། 22:39

དེ་ནས་གཉིས་བ་གོའང་འདི་ཅོག་རེ་གཅིག་ལགས། ཁྱོས་རང་གི་ཁྱིམ་མཚེས་ལ་རང་ལ་ཅོག་རེ་བརྩེ་བ་བྱེད།

ཡོ་ཧ་ནན། 14:26

ཡིན་ནའང་ངའི་མིང་ཐོག་ནས་ཡབ་ཀྱིས་གནང་གིན་རོགས་བ་མཛད་མཁན་དམ་པའི་ཐུགས་ཉིད་ཀྱིས་ཁྱེད་ཀྱ་ལ་ལབ་གི་རི་བསླབ་བ་མཛད་ཀྱི་ལགས། དེ་ནས་ངས་ཁྱེད་ཀྱ་ལ་བཤད་ཀྱིན་གི་རི་དྲན་གསོ་གནང་གི་ལགས།

མཛད་པ། 4:32

དད་པ་བྱེད་མཁན་མི་ཀྱ་སེམས་དང་བསམ་བློ་གཅིག་བྱུང་རེ་མཐུན་ཏེ་བསྡད་པ་ལགས། ཁོང་ཀྱ་ཡི་རང་གི་རྒྱུ་ནོར་ཀྱ་ངའི་ཡིན་སྨྲས་རེ་སྨྲ་གིན་གཅིག་འང་མེད་ད་ལགས། རྒྱུ་ནོར་འོད་ཀྱིན་གི་རི་བགོས་རེ་པི་མ་བརྩིས་ལ་ལགས།

རོ་མཱ་པ། 12:10

སྤུན་གྱི་བརྩེ་གདུང་ཅོག་རེ་གཅིག་གིས་གཅིག་ལ་བྱམས་པ་བྱེད། རང་ནས་ལྷག་གཞན་མ་ལ་གུས་ཞབས་བྱེད།

༢ ཀོ་རིན་ཐུ་པ། 9:1

དམ་པའི་མི་ཀྱ་ཡི་ཆེད་དུ་ཁྱེད་ཀྱ་ཡི་ཞལ་འདེབས་འབུལ་གྱིན་གྱི་སྐོར་ལ། ངས་ཁྱེད་ཀྱ་ལ་འབྲི་དགོས་ཡས་མིན་འདུག།

ཕི་ལིབ་པཱི་པ། 3:15

ད་འོ་རང་སེམས་ཉིད་ནས་ནར་འགྲོ་ཉིད་ཉ་ཀྱ་ཡི་སེམས་པ་གཅིག་འབྱུང་བོ། དེ་ནས་དོན་རིང་འགའ་ལ་ཁྱེད་ཀྱ་ཡི་བསམ་བློ་གཞན་མ་འོད་ན། དཀོན་མཆོག་གིས་འོ་དེ་གོའང་ཁྱེད་ཀྱ་ལ་གསལ་བོ་སྟོན་མཛད་ཀྱི་ལགས།

༡ ཐེ་ས་ལོ་ནི་ཀེ་པ། 5:1

སྤུན་ཟླ་ཀྱ་བོ། དུས་དང་ནམ་དུས་ཀྱི་སྐོར་ལ་ཁྱེད་ཀྱ་ལ་འབྲི་དགོས་ཡས་མེད།

ཨིབ་རི་པ། 10:16

གཙོ་བོ་གསུངས་ང་ལགས། འོ་དེ་ཉིན་མ་ཀྱ་ཡི་གཤམ་ནས། ཁོང་ཀྱ་མུ་ལ་བཞག་ཡས་ཡིན་གྱིན་ངའི་དམ་བཅའ་གོ་དེ་ལགས། ངའི་ཆོས་ཁྲིམས་གོ་ཁོང་ཀྱ་ཡི་སེམས་ལ་བཞག་ཡས་ཡིན། དེ་ནས་འོ་དེ་གོ་ཁོང་ཀྱ་ཡི་བློ་ལ་བྲིས་ཡས་ཡིན།

ཨིབ་རི་པ། 13:1

ཁྱེད་ཀྱ་གཅིག་གིས་གཅིག་ལ་སྤུན་ཟླ་ཅོག་རེ་ཙོག་བའི་བྱམས་པ་བྱེད་དགོས།

༡ པེ་ཏྲོ། 3:8

མཐའ་མ་ལ་ཁྱེད་ཀྱ་གི་རི་སེམས་མཐུན་པ་དང་། སྙིང་རྗེ་དང་། ཕན་ཚུན་ལ་བྱམས་པ་དང་། བརྩེ་སེམས་དང་། ཉམ་ཆུང་འབྱུང་དགོས།

༡ པེ་ཏྲོ། 4:8

དེ་གི་རི་ནས་གལ་ཆེ་ཤོས་གོ་ཁྱེད་ཀྱ་གཅིག་གིས་གཅིག་ལ་སེམས་གཏིང་ནས་བྱམས་པ་བྱེད། གི་བྱས་རེ་སྨྲ་ན་བྱམས་པ་ཡིས་སྡིག་པ་མང་ང་ལ་བཀབ་ཐུབ་བ་ལགས།

༢ པེ་ཏྲོ། 1:7

དེ་ནས་ཆོས་སེམས་ལ་སྤུན་ཀྱ་ལ་བྱེད་ཀྱིན་བྱམས་པ། དེ་ནས་སྤུན་ཀྱ་ལ་བྱེད་ཀྱིན་བྱམས་པ་ཁར་ལ་གི་རི་ལ་བྱེད་ཀྱིན་བྱམས་པ་གོ་སྣོན་ག་རྒྱོབ།

༡ ཡོ་ཧ་ནན། 2:10

ཡང་རང་གི་སྤུན་ཀྱ་ལ་བརྩེ་བ་བྱེད་མཁན་གོ། འོད་ནང་ལ་གནས་ལ་ལགས། དེ་ནས་ཁོའི་ནང་ལ་ཕུ་སྡུག་ཤོར་དུ་བཅུག་ཡས་སྐྱོན་གིའང་མེད་ད་ལགས།

༡ ཡོ་ཧ་ནན། 3:11

འོ་རང་གཅིག་གིས་གཅིག་ལ་བྱམས་པ་བྱེད་དགོས། སྨྲ་གིན་ཁྱེད་ཀྱ་ཡིས་ཨེན་མ་ནས་གོ་གིན་བཀའ་སློབ་གོ་འདི་ལགས།

༡ ཡོ་ཧ་ནན། 3:23

དེ་ནས་དཀོན་མཆོག་གི་བཀའ་ནི་ཁོང་གི་སྲས་ཡེ་ཤུ་མཱ་ཤི་ཀའི་མཚན་ལ་འོ་རིས་དད་པ་བྱེད་དགོས་ཡས་དང་། ཁོང་གིས་འོ་རང་ལ་གནང་ན་བཀའ་ཁྲིམས་ཅོག་རེ། འོ་རང་གཅིག་གིས་གཅིག་ལ་བྱམས་པ་བྱེད་དགོས་ཡས་ལགས།

༡ ཡོ་ཧ་ནན། 4:21

དཀོན་མཆོག་ལ་བརྩེ་བ་བྱེད་མཁན་གྱིས་རང་གི་སྤུན་ལ་བྱམས་པ་བྱེད་དགོས། འདི་ནི་ཁོང་པ་ཡིས་འོ་རང་ལ་གནང་ན་བཀའ་ལགས།།