༡ ཐེ་ས་ལོ་ནི་ཀེ་པ། 4:7 - གློ་བ།

⁷ དཀོན་མཆོག་གིས་འོ་རང་ལ་མེད་གཙང་ང་འགྱུར་དུ་མ་བོས་བ། དམ་པ་འགྱུར་དུ་བོས་མཛད་པ་ལགས།

༡ ཐེ་ས་ལོ་ནི་ཀེ་པ། 4:7 Iomraidhean Croise

རོ་མཱ་པ། 1:7

ཁྱེད་རོམ་གྲོང་ཁྱེར་དུ་འོད་མཁན་དཀོན་མཆོག་གིས་བྱམས་པ་མཛད་ཛ་ཀྱ་དང་། དཀོན་མཆོག་གི་མི་འབྱུང་ཡས་ལ་བོས་པ་གི་རི་ལ། འོ་རི་ཡབ་དཀོན་མཆོག་དང་གཙོ་བོ་ཡེ་ཤུ་མཱ་ཤི་ཀ་ནས་ཁྱེད་ཀྱ་ལ་ཐུགས་རྗེ་དང་ཞི་བདེ་འཐོབ་པར་ཤོག།

༡ ཀོ་རིན་ཐུ་པ། 1:2

ཀོ་རིན་ཐུ་རུ་འོད་ཀྱིན་དཀོན་མཆོག་གི་ཆོས་ཚོགས་དང་། མཱ་ཤི་ཀ་ཡེ་ཤུའི་ཐོག་ནས་དཀོན་མཆོག་གི་དམ་པ་མཛད་ཛ་དང་། དམ་པའི་མི་འབྱུང་ཡས་ལ་བོས་པ་ཀྱ་མུ་ལ། ས་ཆ་འོད་ལེ་ནས་ཁོང་ཀྱ་དང་། འོ་རི་གཙོ་བོ་ཡིན་གྱིན་འོ་རི་གཙོ་བོ་ཡེ་ཤུ་མཱ་ཤི་ཀའི་མཚན་འབོད་མཁན་གི་རི་ལ།

ག་ལ་ཏི་ཡཱ་པ། 5:19

ད་སྡིག་ཅན་རང་གཤིས་ཀྱི་ལས་ཀ་ཀྱ་གསལ་བོ་འོད་ད་ལགས། དེ་ཀྱ་ལོག་གཡེམ་དང་། འདོད་ཆགས་ཀྱི་ལས་ཀ་དང་། འདོད་ཆགས་དགའ་གིན་དང་།

ཨེ་ཕེ་སུ་པ། 1:4

དཀོན་མཆོག་གི་དྲུང་དུ་འོ་རང་དམ་པ་དང་སྐྱོན་མེད་ཀྱིན་འོང་ཡས་ཀྱི་ཕྱིར་ལ། འཇིག་རྟེན་མ་བཀོད་ཨེན་ལ་རང་མཱ་ཤི་ཀའི་ཐོག་ནས་ཁོང་པ་ཡིས་འོ་རང་ལ་བདམས་མ་མཛད་པ་ལགས།

ཨེ་ཕེ་སུ་པ། 2:10

གི་བྱས་རེ་སྨྲ་ན་འོ་རང་ལས་བཟང་ང་ཀྱ་ཡི་ཕྱིར་ལ་མཱ་ཤི་ཀ་ཡེ་ཤུ་ནང་བཀོད་ཀ་དཀོན་མཆོག་གི་ཕྱག་བཟོ་ལགས། དེ་ནས་དེ་རེ་བྱེད་ཡས་ལ་ཁོང་པ་ཡིས་འོ་རང་ལ་ཨེན་མ་ནས་རང་གྲ་སྒྲིག་མཛད་པ་ལགས།

ཨེ་ཕེ་སུ་པ། 4:1

འོ་བྱས་རེ་གཙོ་བོའི་བཙོན་པ་ང་པའུ་ལུ་ཁྱེད་ཀྱ་ལ་ཞུ་བ་དེ་ཀྱ་འབུལ་ལ་ཡིན། ཁྱེད་ཀྱ་ལ་དཀོན་མཆོག་གིས་བོས་མཛད་ཛ་གོ་ལ་རྟེན་ཐུབ་ཀྱིན་མི་ཚེ་སྐྱོལ།

ཨེ་ཕེ་སུ་པ། 4:19

ཁོང་ཀྱ་ཡིས་ངོ་ཚ་གི་རི་སྤངས་རེ་འདོད་ཆགས་ལ་ཆུད་འདུག། དེ་ནས་ལས་མེད་གཙང་ང་སྣ་ཚོགས་བྱེད་ཡས་ལ་ཁོང་ཀྱ་འདོད་པ་ཆེ་བྱུང་འདུག།

༡ ཐེ་ས་ལོ་ནི་ཀེ་པ། 2:3

འི་ཀིས་བཤད་ཀྱིན་གཏམ་བཟང་འདི་ནོར་འཁྲུལ་ཡང་མིན་ན། བསམ་བློ་མེད་གཙང་ང་དང་མི་ལ་མགོ་སྐོར་ཡས་ལ་མ་ལགས།

༢ ཏི་མོ་ཐེའུ། 1:9

ཁོང་པ་ཡིས་འོ་རང་ལ་ཐར་པ་མཛད་དེ། དེ་ནས་དམ་པ་འབྱུང་ཡས་ལ་འོ་རི་ལས་ཀ་ཡིས་མིན་ད། ཁོང་པ་རང་གི་ཐུགས་དགོངས་དང་ཐུགས་རྗེ་ཡིས་ཐོག་ནས་འོ་རང་ལ་བོས་མཛད་པ་ལགས། ཐུགས་རྗེ་འདི་ནི་ཨེན་མ་ཀ་བ་མ་ཚུགས་ཨེན་ལ་རང་མཱ་ཤི་ཀ་ཡེ་ཤུའི་སྒོ་ནས་འོ་རང་ལ་གནང་བ་ལགས།

ཨིབ་རི་པ། 12:14

མི་གི་རི་མུ་ལ་མཐུན་ཏེ་བསྡད་ཡས་དང་དམ་པ་འབྱུང་ཡས་ལ་ཐབས་ཤེས་བྱེད། དེ་ནས་དམ་པ་མེད་ན་མི་སུས་འང་གཙོ་བོ་ལ་མཇལ་མི་ཐུབ་ཀྱི་ལགས།

༢ པེ་ཏྲོ། 2:10

དེ་ནས་དམིགས་བསལ་དུ་མི་ལ་གནོད་ཀྱིན་འདོད་ཆགས་ལ་ཆགས་ཀྱིན་དང་། དབང་ཆ་ལ་མཐོང་ཆུང་བྱེད་མཁན་ཀྱ་ལ་གཙོ་བོའི་ཁྲིམས་གཅོད་ཀྱི་ཉིན་མ་ཐུག་པའི་ཆད་པ་འོག་ཏུ་བཞག་མཛད་ཀྱི་ལགས། དེ་ཀྱ་ནི་སྤོབས་པ་ཆེ་དང་གྱོང་ང་བྱས་རེ་གཟི་བརྗིད་ཅན་ཀྱ་ལ་སྨད་སྤྲ་བཏང་ཡས་ལ་ཁོང་ཀྱ་འཇིགས་སྐྲག་མི་བྱེད་ད་ལགས།