༡ ཐེ་ས་ལོ་ནི་ཀེ་པ། 3:12 - གློ་བ།

¹² དེ་ནས་འི་ཀིས་ཁྱེད་ཀྱ་ལ་བརྩེ་བ་བྱེད་ཀྱིན་ཅོག་རེ། གཙོ་བོས་ཁྱེད་ཀྱ་ལ་གཅིག་གིས་གཅིག་ལ་བརྩེ་བ་དང་། མི་གི་རི་མུ་ལ་བརྩེ་བ་འཕེལ་རེ་མོད་ཆོ་ལི་མཛད་ད་ཤོག

༡ ཐེ་ས་ལོ་ནི་ཀེ་པ། 3:12 Iomraidhean Croise

མད་ཐཱ། 22:39

དེ་ནས་གཉིས་བ་གོའང་འདི་ཅོག་རེ་གཅིག་ལགས། ཁྱོས་རང་གི་ཁྱིམ་མཚེས་ལ་རང་ལ་ཅོག་རེ་བརྩེ་བ་བྱེད།

མད་ཐཱ། 7:12

འོ་བྱས་རེ་མི་གཞན་མ་གྱིས་ཁྱེད་ཀྱ་ལ་ག་རེ་བྱེད་ཀྱིན་གོ་འདོད་འདིག། འོ་དེ་རེ་རང་གཞན་མ་ཀྱ་ལ་བྱེད། དེ་རང་ཆོས་ཁྲིམས་དང་མངོན་ཤེས་མཁན་ཀྱ་ཡིས་སྟོན་གྱིན་གྱི་དོན་མདོར་བསྡུས་གོ་ལགས།

ལུ་ཀ། 17:5

དེ་ནས་སྐུ་ཚབ་ཀྱ་ཡིས་གཙོ་བོ་ལ་ཞུས་བ་ལགས། འི་ཀིས་དད་པ་དེ་འཕེལ་རུ་བཅུག་བ་མཛད།

རོ་མཱ་པ། 13:8

གཅིག་གིས་གཅིག་ལ་བྱམས་པ་བྱེད་ཡས་མ་ན། གཞན་མ་དོན་གིན་གིའང་བུ་ལོན་འོག་ལ་ཆུད་དེ་མ་བསྡད། གི་བྱས་རེ་སྨྲ་ན་རང་གི་ཁྱིམ་མཚེས་ལ་བྱམས་པ་བྱེད་ཀྱིན་གྱིས་ཆོས་ཁྲིམས་གོ་བསྒྲུབས་པ་ལགས།

༢ ཀོ་རིན་ཐུ་པ། 9:10

ས་ང་འདེབས་མཁན་ལ་ས་ང་དང་། ཟ་ཡས་ལ་ཟ་མ་གནང་ང་མཛད་ཀྱིན་ཁོང་གིས་ཁྱེད་ཀྱ་ལ་འདེབས་ཡས་ལ་ས་ང་གནང་ང་མཛད་དེ། འོ་དེ་ལ་འཕེལ་རུ་བཅུག་བ་མཛད་ཀྱི་ལགས། དེ་ནས་ཁྱེད་ཀྱི་དྲང་བདེན་གྱི་ལོ་ཐོག་གོ་མང་ང་མཛད་ཀྱི་ལགས།

ག་ལ་ཏི་ཡཱ་པ། 5:22

ཡིན་ནའང་དམ་པའི་ཐུགས་ཉིད་ཀྱི་འབྲས་བུ་ཀྱ་བྱམས་པ་དང་། དགའ་སྤྲོ་དང་། ཞི་བདེ་དང་། བཟོད་པ་དང་། སྙིང་རྗེ་དང་། བཟང་པོ་དང་། བློ་བཀལ་ཐུབ་ཀྱིན་དང་།

ག་ལ་ཏི་ཡཱ་པ། 5:6

གི་བྱས་རེ་སྨྲ་ན་མཱ་ཤི་ཀ་ཡེ་ཤུའི་གདོང་དུ་ལྤགས་བོ་བཅད་ཀྱིན་སྲོལ་བརྩིས་མཁན་ཡིན་ན་ལགས། མི་བརྩིས་མཁན་ཡིན་ན་གིའང་ཕན་མེད་ད་ལགས། ཡིན་ནའང་བྱམས་པ་ཡི་ཐོག་ནས་ལས་ཀ་བྱེད་ཀྱིན་དད་པ་གཅིག་ཀ་ཕན་ཐོགས་བ་ལགས།

ཕི་ལིབ་པཱི་པ། 1:9

ངས་སྨོན་ལམ་བརྒྱབ་ཀྱིན་གྱི་དོན་ནི་ཁྱེད་ཀྱ་ཡི་བྱམས་པ་ནི་ཤེས་རབ་དང་། ཤེས་ཡོན་གི་རིའི་ཐོག་ནས་མང་དུ་མང་དུ་ཕེལ་རེ།

༡ ཐེ་ས་ལོ་ནི་ཀེ་པ། 2:8

འེ་ཀྱ་ཡིས་ཁྱེད་ཀྱ་ལ་དམི་ཅིག་གི་བརྩེ་བ་བྱས་རེ། ཁྱེད་ཀྱ་ལ་དཀོན་མཆོག་གི་གཏམ་བཟང་གཅིག་ཀ་མིན་ད། རང་གི་སྲོག་གོའང་སྦྱིན་པ་བཏང་ཡས་ལ་གྲ་སྒྲིག་བྱུང་བའི། གི་བྱས་རེ་སྨྲ་ན་ཁྱེད་ཀྱ་འི་ཀི་གཅེས་བའི་སྤུན་བྱུང་བ་ལགས།

༡ ཐེ་ས་ལོ་ནི་ཀེ་པ། 4:1

སྤུན་ཟླ་ཀྱ་བོ། དཀོན་མཆོག་ལ་ཐུགས་མཉེས་བོ་མི་ཚེ་པུད་ཡས་ལ། འི་ཀིས་ཁྱེད་ཀྱ་ལ་བསླབ་བྱ་བརྒྱབ་པའི། དེ་ནས་ཁྱེད་ཀྱ་འོ་དེ་ཅོག་རེ་མི་ཚེ་བསྐྱལ་ལི། ད་དེ་ལ་ལྷག་བྱེད་རོགས་བྱེད་སྨྲས་རེ་གཙོ་བོ་ཡེ་ཤུ་ཡི་ཕྱོགས་ནས་འེ་ཀྱ་ཁྱེད་ཀྱ་ལ་ཞུ་བ་འབུལ་ལི་འོད།

༡ ཐེ་ས་ལོ་ནི་ཀེ་པ། 5:15

སུས་འང་ངན་པའི་ཚབ་ལ་ངན་པ་མ་བྱེད། ཡིན་ནའང་གཅིག་གིས་གཅིག་དང་གི་རི་མུ་ལ་ནམ་ཡིན་ན་བཟང་པོ་བྱེད་ཡས་ལ་ཐབས་ཤེས་བྱེད།

༢ ཐེ་ས་ལོ་ནི་ཀེ་པ། 1:3

སྤུན་ཟླ་ཀྱ་བོ། ཁྱེད་ཀྱ་ཡི་ཕྱིར་ལ་འེ་ཀྱ་ཙོག་བའི་དཀོན་མཆོག་ལ་བཀའ་དྲིན་ཆེ་ཞུ་དགོས་ལི། དེ་ནས་འདི་ཞུ་དགོས་ཡས་འདུག གི་བྱས་རེ་སྨྲ་ན་ཁྱེད་ཀྱ་ཡི་དད་པ་དམི་ཅིག་གི་འཕེལ་འདུག དེ་ནས་ཕན་ཚུན་ཀྱ་ནང་དུའང་བརྩེ་བ་ཆེ་རུ་འགྲོའི།

ཡ་ཀོབ། 1:17

གནང་སྦྱིན་བཟང་པོ་དང་ཡང་དག་པ་གི་རི་སྟོད་ནས་ནམ་མཁའི་འོད་ཀྱ་བཀོད་མཛད་མཁན་ཡབ་ནས་བབ་བ་ལགས། སྤོ་རེ་འགྲོ་གིན་གྲིབ་ཇག་ཅོག་རེ་ཁོང་པ་ལ་འགྱུར་བ་གིའང་མེད་ད་ལགས།

༢ པེ་ཏྲོ། 1:7

དེ་ནས་ཆོས་སེམས་ལ་སྤུན་ཀྱ་ལ་བྱེད་ཀྱིན་བྱམས་པ། དེ་ནས་སྤུན་ཀྱ་ལ་བྱེད་ཀྱིན་བྱམས་པ་ཁར་ལ་གི་རི་ལ་བྱེད་ཀྱིན་བྱམས་པ་གོ་སྣོན་ག་རྒྱོབ།

༢ པེ་ཏྲོ། 3:18

ཡིན་ནའང་འོ་རི་གཙོ་བོ་དང་སྐྱབས་མགོན་ཡེ་ཤུ་མཱ་ཤི་ཀའི་ཐུགས་རྗེ་དང་ཤེས་ཡོན་ལ་འཚར་ལོངས་བྱས་རེ་སོང་། ཁོང་ལ་རང་ད་ལྟ་དང་མཐའ་མའི་ཉིན་མ་ཐུག་པའི་གཟི་བརྗིད་འོང་བར་ཤོག། ཨ་མེན།།