༡ པེ་ཏྲོ། 5:3 - གློ་བ།

³ ཁྱེད་ཀྱ་ཡི་ལས་འགན་ལ་འོད་མཁན་ཀྱ་ཁར་ལ་དབང་ཆ་བྱས་རེ་མིན་ད། ཡིན་ནའང་ལུག་ཁྱུ་ཀྱ་ཡི་ཕྱིར་ལ་དཔེ་འབྱུང་རེ་འཚོ་སྐྱོང་བྱེད།

༡ པེ་ཏྲོ། 5:3 Iomraidhean Croise

ཡོ་ཧ་ནན། 13:15

གི་བྱས་རེ་སྨྲ་ན་ངས་ཁྱེད་ཀྱ་ལ་བྱེད་ཀྱིན་ཅོག་རེ་ཁྱེད་ཀྱའང་འོ་དེ་རེ་རང་བྱེད་དགོས་ཡས་ཀྱི་ཕྱིར་ལ་ངས་ཁྱེད་ཀྱ་ལ་དཔེ་གཅིག་སྟོན་འོད།

མཛད་པ། 20:28

ད་ཁྱེད་རང་ཀྱ་རང་སྤྱང་རྫེ་བྱས་རེ་སྡོད། དེ་ནས་དམ་པའི་ཐུགས་ཉིད་ཀྱིས་ཁྱེད་ཀྱ་ལ་རྩིས་བརྒྱབ་སྟེ་བཞག་ཞ་ལུག་ཀྱ་ལ་ག་མོ་མ་སྲུངས། དཀོན་མཆོག་གི་ཆོས་ཚོགས་ཀྱི་ལུག་རྫི་བཟང་པོ་གཅིག་འབྱུང་རེ་སྡོད། གི་བྱས་རེ་སྨྲ་ན་འོ་དེ་མི་ཀྱ་གཙོ་བོ་ཡེ་ཤུ་ཡི་སྐུ་ཁྲག་གིས་བླུས་རེ་ཉོས་མཛད་པ་ལགས།

༡ ཀོ་རིན་ཐུ་པ། 11:11

གི་ཡིན་ན་གཙོ་བོའི་ནང་སྐྱེས་བའི་བུ་མོ་ནི་སྐྱེས་བའི་བུ་ལ་རགས་མི་ལུས་ཀྱིན་དང་། སྐྱེས་བའི་བུ་ནི་སྐྱེས་བའི་བུ་མོ་ལ་རགས་མི་ལུས་ཀྱིན་མེད་ཡོང་ང་ལགས།

༡ ཀོ་རིན་ཐུ་པ། 3:5

ད་ཧ་ན་ཨ་པོལ་ལོས་སུ་ལེ། དེ་ནས་པའུ་ལུ་སུ་ལེ། ཁོང་ཀྱ་ནི་གཙོ་བོ་ཡིས་རེ་རེ་ལ་བཀོད་གནང་ན་དང་། ཁོང་ཀྱ་ཡི་ཐོག་ནས་ཁྱེད་ཀྱ་ཡི་དད་པ་བྱས་བྱ་ཞབས་ཕྱི་པ་གཅིག་ཀ་ལགས།

༡ ཀོ་རིན་ཐུ་པ། 3:9

གི་བྱས་རེ་སྨྲ་ན་འེ་ཀྱ་ནི་དཀོན་མཆོག་གི་ལས་རོགས་ཀྱ་ཡིན། དེ་ནས་ཁྱེད་ཀྱ་གོ་དཀོན་མཆོག་གི་ཞིང་དང་བཞུགས་ཁང་ལགས།

༢ ཀོ་རིན་ཐུ་པ། 1:24

ཁྱེད་ཀྱི་དད་པའི་ཁར་ལ་འི་ཀིས་དབང་བྱེད་ཡས་ཀྱི་འདོད་པ་མེད། ཡིན་ནའང་ཁྱེད་ཀྱ་ཡི་དགའ་སྤྲོ་ཡི་ཆེད་དུ་འེ་ཀྱ་ཁྱེད་ཀྱི་མུ་ལ་ལས་ཀ་བྱེད་ད་ལགས། གི་བྱས་རེ་སྨྲ་ན་ཁྱེད་ཀྱ་ཁྱེད་རི་དད་པ་ལ་བརྟན་པོ་འདུག།།།

༢ ཀོ་རིན་ཐུ་པ། 4:5

གི་བྱས་རེ་སྨྲ་ན་འེ་ཀྱ་རང་གི་སྐོར་ལ་མིན་ད། ཡིན་ནའང་འེ་ཀྱ་ཡེ་ཤུའི་ཆེད་དུ་ཁྱེད་ཀྱ་ཡི་ཞབས་ཕྱི་པ་བྱུང་རེ། ཡེ་ཤུ་མཱ་ཤི་ཀ་རང་གཙོ་བོ་ཡིན་སྨྲས་རེ་གསལ་བསྒྲགས་བྱེད་ད་ཡིན།

ཕི་ལིབ་པཱི་པ། 3:17

སྤུན་ཀྱ་བོ། ང་ལ་དཔེ་བཞག་སྟེ་མི་ཚེ་པུད། དེ་ནས་འི་ཀི་མི་ཚེ་ལ་ཁྱེད་ཀྱ་ཡིས་མཐོང་ཐ་དཔེ་ཅོག་རེ་མི་ཚེ་པུད་མཁན་ཀྱ་ལ་ཞིབ་ལྟ་བྱེད།

ཕི་ལིབ་པཱི་པ། 4:9

ཁྱེད་ཀྱ་ཡིས་ང་ནས་གི་སྦྱངས་ཀྱིན་དང་། ཁས་ལེན་བྱས་ཀྱིན་དང་། ཉན་གྱིན་དང་། མཐོང་གིན་ལབ་ཀྱ་རང་གི་མི་ཚེ་ལ་ལག་ལེན་བྱེད། དེ་ནས་ཞི་བདེའི་དཀོན་མཆོག་ཁྱེད་ཀྱ་མུ་ལ་བཞུགས་བ་མཛད་ཀྱི་ལགས།

༡ ཐེ་ས་ལོ་ནི་ཀེ་པ། 1:7

འོ་བྱས་རེ་མ་ཀེ་དོན་ཡཱ་དང་ཨ་ཀ་ཡི་ཡཱ་རུ་འོད་མཁན་དད་པ་བྱེད་མཁན་གི་རིའི་ཕྱིར་ལ་ཁྱེད་ཀྱ་དཔེ་བྱུང་འདུག

༢ ཐེ་ས་ལོ་ནི་ཀེ་པ། 3:9

འེ་ཀྱ་འོ་རེ་བྱེད་ཆོག་ཡས་ལ་དབང་ཆ་མེད་ཀྱིན་མ་ལགས། ཡིན་ནའང་ཁྱེད་ཀྱ་འི་ཀི་ལད་མོ་བྱེད་ཡས་ལ་དཔེ་སྟོན་ཡས་ལ་བྱས་བའི།

༡ ཏི་མོ་ཐེའུ། 4:12

ཁྱོད་གཞོན་པ་བྱས་རེ་སུས་འང་ཁྱོད་ལ་མཐོང་ཆུང་བྱེད་དུ་མ་ཆུག། ཡིན་ནའང་དད་པ་བྱེད་མཁན་ཀྱ་ཡི་གདོང་དུ་ཁྱོའི་ངག་དང་། སྤྱོད་པ་དང་། བྱམས་པ་དང་། དད་པ་དང་། གཙང་མའི་སྒོ་ནས་རང་ལ་དཔང་པོ་གཅིག་སྟོན།

ཏི་ཏོས། 2:7

ལབ་གི་རི་ལ་རང་རང་ལ་ལས་བཟང་པོའི་དཔེ་སྟོན། ཁྱོད་རི་བསླབ་བྱ་གོ་དྲང་པོ་དང་ཡ་རབས།

༡ པེ་ཏྲོ། 2:9

ཡིན་ནའང་ཁྱེད་ཀྱ་ནི་བདམས་ད་བརྒྱུད་པ་དང་། རྒྱལ་བོ་རིགས་ཀྱི་མཆོད་དཔོན་དང་། མི་རིགས་དམ་པ་དང་། དཀོན་མཆོག་གི་རང་གི་མི་ཀྱ་ལགས། དེ་ནས་ཁོང་པ་ཡི་ཧང་སང་གིན་གྱི་ཕྱག་ལས་ཀྱ་གསལ་བསྒྲགས་བྱེད་ཡས་ལ། མུན་ནག་ནས་ཁོང་གི་ཧང་སང་གིན་གྱི་འོད་ནང་ལ་ཁྱེད་ཀྱ་བོས་བ་ལགས།