༡ པེ་ཏྲོ། 4:3 - གློ་བ།

³ གི་བྱས་རེ་སྨྲ་ན་ཁྱེད་ཀྱ་ཡིས་ཨེན་མ་དད་པ་མི་བྱེད་མཁན་མི་ཀྱ་ཅོག་རེ་ལོག་གཡེམ་དང་། འདོད་ཆགས་དང་། ར་བཟི་གིན་དང་། ཆོ་མེད་ཀྱིན་ལྟད་མོ་དང་། ཆང་ཨ་རག་གི་ཐུགས་སྤྲོ་དང་། ཨམ་ལོག་བ་ལྷ་སྐུ་འདྲ་ལ་མཆོད་ཀྱིན་ལས་ཀ་ཀྱ་ལ་དུས་ཚོད་མང་ང་བསྐྱལ་བ་ལགས།

༡ པེ་ཏྲོ། 4:3 Iomraidhean Croise

མར་ཀུ། 7:22

ལོག་གཡེམ་དང་། ཧམ་པ་དང་། ངན་པ་དང་། མགོ་སྐོར་དང་། འདོད་ཆགས་དང་། ཕྲག་དོག་དང་། ཕྲ་མ་དང་། ང་རྒྱལ་དང་། གླེན་པ་ཀྱ་འཐོན་ད་ལགས།

མཛད་པ། 17:30

ཨེན་མ་ཨེན་མ་མི་ཀྱ་ཡིས་དཀོན་མཆོག་ལ་ངོ་མེད་ཤེས་ཀྱིན་དུས་ཚོད་གོ་དཀོན་མཆོག་གིས་ཡ་མ་བྱས་བ་ལགས། ཡིན་ནའང་ད་ལྟ་ཁོང་པ་ཡིས་མི་གི་རི་ལ་རང་རང་གི་སྡིག་པ་ལ་འགྱོད་པ་བྱས་རེ་ཁོང་པ་ཕྱོགས་ལ་ལོག་སྨྲས་རེ་བཀའ་གནང་བ་ལགས།

རོ་མཱ་པ། 13:13

ཉིན་མོ་ཅོག་རེ་འོ་རང་སྤྱོད་པ་བཟང་པོ་བྱེད་དགོས། སྤྱོད་པ་མེད་ཀྱིན་བཞུགས་གྲལ་ཀྱ་དང་། བཟི་ཡས་དང་། ལོག་གཡེམ་དང་། འདོད་ཆགས་དང་། ཕྲུག་པ་དང་། ཕྲག་དོག་བྱེད་ཡས་མ་ལགས།

༡ ཀོ་རིན་ཐུ་པ། 12:2

དེ་ནས་ཁྱེད་ཀྱ་དད་པ་མི་བྱེད་འདིག་གང་ལ་ཐབས་ཤེས་མང་ང་ཡི་ཐོག་ནས། ལབ་བཏང་མི་ཐུབ་ཀྱིན་ལྷ་སྐུ་འདྲ་ཀྱ་ཕྱོགས་ལ་ཁྱེད་ཀྱ་ཕྱག་མཆོད་པ་འབུལ་ཡས་ལ། གཡོས་རེ་སོང་ས་གོ་ཁྱེད་ཀྱ་ཡིས་ཤེས་ལ་ལགས།

༡ ཀོ་རིན་ཐུ་པ། 6:11

དེ་ནས་ཁྱེད་ཀྱ་ནང་ནས་རིང་འགའ་ཨེན་མ་དེ་རེ་འོད་ད་ལགས། ཡིན་ནའང་གཙོ་བོ་ཡེ་ཤུ་མཱ་ཤི་ཀའི་མཚན་དང་། འོ་རི་དཀོན་མཆོག་གི་ཐུགས་ཉིད་ཀྱི་ཐོག་ནས་ཁྱེད་ཀྱ་གཙང་མ་དང་། དམ་པ་དང་། དྲང་པོ་མཛད་པ་ལགས།

༢ ཀོ་རིན་ཐུ་པ། 12:21

ང་ཡང་འོང་བའི་གང་ལ་ཁྱེད་ཀྱི་གུང་དུ་ངའི་དཀོན་མཆོག་གིས་ང་ལ་དམའ་བ་མཛད་གྲོ་སྨྲས་རེ་ང་འཇིགས་བའི། དེ་ནས་མི་མང་ང་ཡིས་ཨེན་མ་བྱས་བྱ་སྡིག་པ་ཀྱ་དང་། ཁོང་ཀྱ་ཡིས་བྱས་བྱ་མེད་གཙང་ང་དང་། ལོག་གཡེམ་དང་། འདོད་ཆགས་ནས་འགྱོད་པ་མི་བྱེད་ད་མི་འགྱུར་གྱིན་གོ་ལ་ང་སེམས་སྐྱོ་དགོས་གྲོ།།

ག་ལ་ཏི་ཡཱ་པ། 5:19

ད་སྡིག་ཅན་རང་གཤིས་ཀྱི་ལས་ཀ་ཀྱ་གསལ་བོ་འོད་ད་ལགས། དེ་ཀྱ་ལོག་གཡེམ་དང་། འདོད་ཆགས་ཀྱི་ལས་ཀ་དང་། འདོད་ཆགས་དགའ་གིན་དང་།

ག་ལ་ཏི་ཡཱ་པ། 5:21

སྙིང་ནག་དང་། ར་བཟི་གིན་དང་། སྤྱོད་པ་མེད་ཀྱིན་བཞུགས་གྲལ་དང་། དེ་རེ་ཅོག་རེ་ལས་ཀ་ཀྱ་ལགས། དེ་རེ་བྱེད་མཁན་ཀྱ་ལ་དཀོན་མཆོག་གི་རྒྱལ་སྲིད་ཀྱི་རྒྱུད་འཛིན་ཐུབ་ཀྱི་མ་ལགས་སྨྲས་རེ་ངས་ཨེན་ལ་ཁྱེད་ཀྱ་ལ་སྨྲས་བའི། དེ་ནས་ད་ལྟའང་སྨྲ་ཡིན།

ཨེ་ཕེ་སུ་པ། 5:18

དེ་ནས་མི་ཚེ་འཕྲོ་བརླག་བཏང་གིན། རྒུན་ཆང་གིས་བཟི་རེ་མ་རྒྱུགས། ཡིན་ནའང་དམ་པའི་ཐུགས་ཉིད་ཀྱིས་ཁངས་རེ།

ཏི་ཏོས། 3:3

ཐེངས་གཅིག་ལ་འོ་རང་ཀྱའང་བླུན་པོ་དང་། ཁ་ལ་མེད་ཉན་གྱིན་དང་། མགོ་འཁོར་ཏེ་བསྡད་ད་དང་། འདོད་པ་དང་འདོད་ངན་སྣ་ཚོགས་ཀྱི་དབང་དུ་ཤོར་ཤ་དང་། དམི་ཅིག་གི་ངན་པ་དང་ཕྲག་དོག་གིས་ཁངས་ཁ་འོད་ད་ལགས། མི་གི་རི་ཡིས་འོ་རང་ལ་སྡང་ང་བྱས་བ་ལགས། དེ་ནས་འོ་རང་ནང་དུ་གཅིག་གིས་གཅིག་ལ་སྡང་ང་བྱས་བ་ལགས།

༡ པེ་ཏྲོ། 1:14

ཁྱེད་ཀྱ་ཕྲུ་བ་ཁ་ལ་ཉན་པོ་ཀྱ་ཅོག་རེ། ཨེན་མ་ཁྱེད་ཀྱིས་མ་ཤེས་བ་ལ་བྱས་བྱ་འདོད་ཆགས་ཀྱ་ལ་ཡང་ཁྱེད་ཀྱ་མ་འདྲེ།

ཡུ་དཱ། 1:4

གི་བྱས་རེ་སྨྲ་ན་ཨེན་མ་ནས་ཧ་ལ་ཉེས་པ་ཕོག་ཡས་ལ་ཐག་བཅད་ཅ་མི་རིང་འགའ། ཁྱེད་ཀྱ་ཡི་ཁོག་ཏུ་གསང་བ་ནས་འཛུལ་འདུག། ཁོང་ཀྱ་དཀོན་མཆོག་ལ་མི་རྩི་གིན་མི་ལགས། ཁོང་ཀྱ་ཡིས་འོ་རི་དཀོན་མཆོག་གི་ཐུགས་རྗེ་ལ་གཡོས་རེ་འདོད་ཆགས་ལ་བསྒྱུར་འདུག། དེ་ནས་འོ་རི་བདག་པོ་དང་གཙོ་བོ་གཅིག་ཀ་ར་ཡིན་མཁན་མཱ་ཤི་ཀ་ཡེ་ཤུ་ལ་ཁས་ལེན་མི་བྱེད་ད་ལགས།