༡ པེ་ཏྲོ། 4:13 - གློ་བ།

¹³ ཡིན་ནའང་མཱ་ཤི་ཀ་གཟི་བརྗིད་ལ་མངོན་ཏེ་གང་ལ། ཁྱེད་ཀྱ་དམི་ཅིག་གི་ཉམ་དགའ་དང་། དགའ་སྤྲོ་སྐྱེས་ཡས་ཀྱི་ཕྱིར་ལ། ད་ལྟ་ཁྱེད་ཀྱ་མཱ་ཤི་ཀའི་སྡུག་པོ་མུ་ལ་འཁུར་རི་གང་ལ་ཉམ་དགའ་བྱེད།

༡ པེ་ཏྲོ། 4:13 Iomraidhean Croise

མད་ཐཱ། 16:27

གི་བྱས་རེ་སྨྲ་ན་མིའི་བུ་ནི་རང་གི་བང་ཆེན་ཀྱ་མུ་ལ་རང་གི་ཡབ་ཀྱི་གཟི་བརྗིད་ལ་ཕེབས་ཀྱི་ལགས། དེ་ནས་མི་རེ་རེ་ལ་རང་གི་བྱ་བ་ལ་མཐུན་གྱིན་ལན་གནང་གི་ལགས།

མད་ཐཱ། 25:21

བདག་པོ་ཡིས་ཁོ་ལ་སྨྲས་བ་ལགས། གཡོག་པོ་བཟང་པོ་དང་བློ་བཀལ་ཐུབ་ཀྱིན། ཁྱོས་དམི་ཅིག་གི་དགའ་བྱས་འདུག། ཁྱོས་ཉུང་ང་ལ་དྲང་པོ་བྱས་རེ། ད་ང་ཁྱོད་ལ་མང་ང་ཡི་འགན་སྟེར་ར་ཡིན། ད་ངའི་མུ་ལ་དགའ་སྤྲོ་གཏང་དུ་ཤོག།

མད་ཐཱ། 25:23

བདག་པོ་ཡིས་ཁོ་ལ་སྨྲས་བ་ལགས། གཡོག་པོ་བཟང་པོ་དང་བློ་བཀལ་ཐུབ་ཀྱིན། ཁྱོས་དམི་ཅིག་གི་དགའ་བྱས་འདུག།ཁྱོས་ཉུང་ང་ལ་དྲང་པོ་བྱས་རེ། ད་ང་ཁྱོད་ལ་མང་ང་ཡི་འགན་སྟེར་ར་ཡིན། ད་ངའི་མུ་ལ་དགའ་སྤྲོ་གཏང་དུ་ཤོག

མད་ཐཱ། 25:31

མིའི་བུ་རང་གི་བང་ཆེན་ཀྱ་མུ་ལ་རང་གི་གཟི་བརྗིད་ལ་ཕེབས་བའི་གང་ལ། རང་གི་གཟི་བརྗིད་ལྡན་པའི་བཞུགས་ཁྲི་ལ་བཞུགས་ཀྱི་ལགས།

མད་ཐཱ། 25:34

དེ་ནས་རྒྱལ་བོ་ཡིས་རང་གི་གཡས་ཕྱོགས་ལ་གསུངས་ཀྱི་ལགས། ངའི་ཡབ་ནས་བྱིན་རླབས་ཐོབ་ཐ་ཁྱེད་ཀྱ་ཤོག།འཇིག་རྟེན་བཀོད་ནས་ཧ་ལ་ཁྱེད་ཀྱི་ཕྱིར་ལ་བཤམས་ཤ་རྒྱལ་སྲིད་གོ་ལེན།

མད་ཐཱ། 5:12

ནམ་མཁའི་ཞིང་ཁམས་དུ་ཁྱེད་ཀྱ་ཡི་ཕྱིར་ལ་བྱ་དགའ་ཆེ་འོད་ད་ལགས། འོ་བྱས་རེ་དགའ་དགའ་སྐྱིད་སྐྱིད་བྱེད། གི་བྱས་རེ་སྨྲ་ན་ཁྱེད་ཀྱ་ཡི་ཨེན་ལ་འོད་ཀྱིན་མངོན་ཤེས་མཁན་ཀྱ་ལ་ཁོང་ཀྱ་ཡིས་དེ་རེ་རང་བྱས་རེ་སྡུག་པོ་བཏང་བ་ལགས།

མར་ཀུ། 8:38

དེ་ལོག་གཡེམ་དང་སྡིག་ཅན་གྱི་མི་རབས་གདོང་ལ་སུས་ང་དང་ངའི་བཀའ་ལ་ངོ་ཚ་བྱེད་འདིག། འོ་དེ་ཀྱ་ལ་མིའི་བུ་རང་གི་ཡབ་ཀྱི་གཟི་བརྗིད་ཀྱི་ནང་ནས། དམ་པའི་བང་ཆེན་ཀྱ་མུ་ལ་ཕེབས་བའི་གང་ལ་ཁོས་འང་ངོ་ཚ་བྱེད་ཀྱི་ལགས།།

ལུ་ཀ། 17:30

ད་མིའི་བུ་མངོན་དུ་མཛད་ཀྱིན་ཉིན་མ་གོ་ལ་དེ་རེ་རང་འབྱུང་གི་ལགས།

མཛད་པ། 16:25

ད་མཚན་གྱི་ཏིག་ཏིག་ལ་པའུ་ལུ་དང་སིལ་བ་ནུ་གསོལ་བ་བརྒྱབ་སྟེ། དཀོན་མཆོག་ལ་བསྟོད་གླུ་ཕུལ་རེ་བསྡད་པ་ལགས། དེ་ནས་གཞན་མ་བཙོན་པ་ཀྱ་མཉན་ཏེ་བསྡད་འོད་ད་ལགས།

མཛད་པ། 5:41

ཡེ་ཤུ་ཡི་མཚན་གྱི་ཕྱིར་ལ་སྡུག་པོ་མྱངས་རིན་ཁ་ཡས་འོད་ཀྱིན་དཀོན་མཆོག་གིས་ཁོང་ཀྱ་ལ་གནང་སོང་སྨྲས་རེ། ཉམ་མོ་དགའི་དགའི་ཁོང་ཀྱ་འོ་དེ་ཚོགས་པ་ཆེ་ནས་ལོག་སྟེ་སོང་བ་ལགས།

རོ་མཱ་པ། 5:3

དེ་ཚོད་གཅིག་ཀ་མིན་ད། འོ་རང་འོ་རི་སྡུག་བསྔལ་ལ་དགའ་སྤྲོ་བྱེད་ད་ལགས། གི་བྱས་རེ་སྨྲ་ན་སྡུག་བསྔལ་གྱིས་བཟོད་པ།

རོ་མཱ་པ། 8:17

དེ་ནས་འོ་རང་སྲས་དང་སྲས་མོ་ཡིན་ན། འོ་རང་བརྒྱུད་འཛིན་གོའང་ལགས། འོ་རང་དཀོན་མཆོག་གི་བརྒྱུད་འཛིན་དང་། མཱ་ཤི་ཀ་མུ་ལ་བརྒྱུད་འཛིན་གྱི་རོགས་བ་ལགས། དེ་ནས་འོ་རང་མཱ་ཤི་ཀ་མུ་ལ་སྡུག་པོ་མྱངས་ན། ཁོང་གི་གཟི་བརྗིད་གོའང་མུ་ལ་བགོ་ཡས་རག་གི་ལགས།

རོ་མཱ་པ། 8:18

ངའི་བསམ་པ་ལ་ད་ལྟའི་སྡུག་ང་ཀྱ་མ་འོངས་པའི་དུས་ལ། འོ་རང་ལ་མངོན་ཡས་ཡིན་གྱིན་གཟི་བརྗིད་མུ་ལ་བསྡུར་ན་གིའང་མ་ལགས།

༢ ཀོ་རིན་ཐུ་པ། 1:5

གི་བྱས་རེ་སྨྲ་ན་འོ་རང་མཱ་ཤི་ཀའི་སྡུག་བསྔལ་ལ་ག་ཚོད་མང་ང་འཐད་འདུག་བའི། འོ་དེ་རེ་རང་བྱས་རེ་མཱ་ཤི་ཀའི་ཐོག་ནས་དཀོན་མཆོག་གིས་འོ་རང་ལ་སེམས་གསོ་མོད་ཆོ་ལི་གནང་གི་ལགས།

༢ ཀོ་རིན་ཐུ་པ། 1:7

དེ་ནས་ཁྱེད་ཀྱ་ཡི་ཆེད་དུ་འི་ཀི་རེ་བ་བརྟན་པོ་འོད། གི་བྱས་རེ་སྨྲ་ན་ཁྱེད་ཀྱ་འི་ཀི་སྡུག་པོ་མུ་ལ་མྱངས་ཀྱིན་ཅོག་རེ་རང་། འེ་ཀྱ་ལ་ཐོབ་ཐ་སེམས་གསོ་གོ་ཁྱེད་ཀྱ་ལ་འཐོབ་ཀྱི་ལགས་སྨྲས་རེ་འེ་ཀྱ་ལ་ཤེས་ཡས་འོད།

༢ ཀོ་རིན་ཐུ་པ། 4:10

དེ་ནས་ཡེ་ཤུའི་ཚེ་སྲོག་འི་ཀི་ལུས་ལ་མངོན་ད་ཤོག་སྨྲས་རེ། འེ་ཀྱ་ཙོག་བའི་ཁོང་པའི་འཆི་བ་གོ་འེ་རི་ལུས་ལ་འཁྱེར་ཏེ་རྒྱུག་བའི་འོད།

༢ ཀོ་རིན་ཐུ་པ། 4:17

གི་བྱས་རེ་སྨྲ་ན་ཡུན་ཐུང་ང་ཡི་སྡུག་པོ་ཡང་ང་འདིའི། འེ་ཀྱ་ཡི་ཆེད་དུ་སྡུར་ཡས་མེད་ཀྱིན་མཐའ་མེད་པའི་གཟི་བརྗིད་གོ་གྲ་སྒྲིག་བྱེད་འདིག་འོད་ད་ལགས།

ཕི་ལིབ་པཱི་པ། 3:10

ངའི་འདོད་པ་ནི་མཱ་ཤི་ཀ་ལ་ངོ་ཤེས་ཡས་དང་། ཁོང་འཆི་བ་ནས་སླར་གསོན་པོ་བྱུང་གིན་གྱི་ནུས་མཐུ་ཤེས་ཡས་ལགས། དེ་ནས་ཁོང་གི་མྱངས་ཀྱིན་སྡུག་བསྔལ་ཅོག་རེ་མྱངས་ཡས་དང་། ཁོང་གྲོངས་ཀྱིན་ཅོག་རེ་གྲོངས་ཡས།

ཀོ་ལོ་སཱེ་པ། 1:24

ད་ངས་ཁྱེད་ཀྱ་ཡི་དོན་ལ་མྱངས་ཀྱིན་དཀའ་བསྔལ་ལ་ང་དགའ་སྤྲོ་བྱེད་འདིག་འོད། མཱ་ཤི་ཀའི་སྐུ་སྲོག་ཡིན་གྱིན་ཆོས་ཚོགས་ཀྱི་ཆེད་དུ་ཁོང་གི་སྡུག་བསྔལ་ལྷག་མ་དེ་ངའི་ལུས་ལ་རྫོགས་བ་བྱེད་ད་ཡིན།

༢ ཏི་མོ་ཐེའུ། 2:12

འོ་རང་བརྟན་པོ་གནས་རེ་བསྡད་ན། ཁོང་པ་མུ་ལ་རང་རྒྱལ་སྲིད་ཀྱི་དབང་བྱེད་ཀྱི་ལགས། འོ་རི་ཁོང་པ་ལ་རྒྱབ་ལོག་ན། ཁོང་པ་ཡིས་འང་འོ་རང་ལ་རྒྱབ་ལོག་བ་མཛད་ཀྱི་ལགས།

༡ པེ་ཏྲོ། 1:13

འོ་བྱས་རེ་ཁྱེད་ཀྱ་རང་གི་སེམས་གྲ་སྒྲིག་བྱེད། དེ་ནས་སྤྱང་རྫེ་བྱས་རེ་སྡོད། དེ་ནས་ཡེ་ཤུ་མཱ་ཤི་ཀ་མངོན་ཏེ་གང་ལ། ཁྱེད་ཀྱ་ལ་གནང་ཡས་ཡིན་གྱིན་ཐུགས་རྗེ་གོ་ལ་རེ་བ་ཚང་གོ་བྱས་རེ་སྡོད།

༡ པེ་ཏྲོ། 2:21

ཁྱེད་ཀྱ་དོན་འདིའི་ཕྱིར་ལ་རང་བོས་བ་ལགས། གི་བྱས་རེ་སྨྲ་ན་མཱ་ཤི་ཀའི་གཤམ་ལ་འབྲང་ཡས་ཀྱི་ཕྱིར་ལ། མཱ་ཤི་ཀ་ཁྱེད་ཀྱི་དོན་དུ་སྡུག་པོ་མྱངས་རེ་ཁོང་གིས་ཁྱེད་ཀྱ་ཡི་ཕྱིར་ལ་དཔེ་གཅིག་བཞག་མཛད་པ་ལགས།

༡ པེ་ཏྲོ། 5:1

ང་རང་ཆོས་ཚོགས་ཀྱི་འགོ་ཁྲིད་གཅིག་ཡིན་གྱིན་བྱས་རེ། དེ་ནས་མཱ་ཤི་ཀའི་སྡུག་པོ་མྱངས་ཀྱིན་གྱི་དཔང་པོ་དང་། གཤམ་ལ་མངོན་ཡས་ཡིན་གྱིན་གཟི་བརྗིད་ལ་མུ་ལ་ཐེ་ཡས་ཡིན་གྱིན་གཅིག་བྱས་རེ། ང་ཁྱེད་ཀྱ་ནང་ནས་འགོ་ཁྲིད་ཀྱ་ལ་ཞུ་བ་འབུལ་ལ་ཡིན།

༡ པེ་ཏྲོ། 5:10

དེ་ནས་ཁྱེད་ཀྱ་ཡིས་དུས་ཏི་ཏེ་གཅིག་སྡུག་པོ་མྱངས་ཀྱིན་གཤམ་ལ། མཱ་ཤི་ཀའི་ནང་མཐའ་མེད་པའི་གཟི་བརྗིད་ལ་ཁྱེད་ཀྱ་ལ་འབོད་གནང་མཁན་དང་། ཐུགས་རྗེ་ཆེན་པོ་དཀོན་མཆོག་གིས་རང་ཁྱེད་ཀྱ་ལ་སླར་གསོ་ཡས་དང་། བརྟན་པོ་མཛད་ཡས་དང་། སྟོབས་ཤུགས་གནང་ཡས་དང་། ཡིད་ཆེས་ཀྱི་རྨང་གཞི་བརྟན་པོ་མཛད་ཀྱི་ལགས།

ཡུ་དཱ། 1:24

ད་ཁྱེད་ཀྱ་ལ་སྡིག་པའི་ནང་དུ་ཆུད་ཡས་ནས་སྐྱོབ་མཛད་ཐུབ་ཀྱིན་དང་། ཁྱེད་ཀྱ་ལ་དགའ་སྤྲོ་ཆེའི་ཐོག་ནས་ཁོང་པའི་གཟི་བརྗིད་ཀྱི་དྲུང་དུ་ཁྱེད་ཀྱ་ལ་སྐྱོན་མེད་ཀྱིན་སྟོན་མཛད་མཁན།

མངོན་པ། 1:7

ལྟོས་དང་། ཁོང་པ་སྲིང་པ་ཀྱ་ཡི་ཁོག་ནས་ཕེབས་བའི། དེ་ནས་མིག་གི་རི་ཡིས་ཁོང་ལ་མཇལ་གྱི་ལགས། དེ་ནས་ཁོང་པ་ལ་མདུང་བཙུགས་མཁན་ཀྱ་ཡིས་འང་མཇལ་གྱི་ལགས། དེ་ནས་འཇིག་རྟེན་གྱི་མི་གི་རི་ཁོང་པ་ཡི་དོན་དུ་ངུ་བརྡ་བརྒྱབ་ཀྱི་ལགས། གཏམ་དེ་བདེན་པ་འབྱུང་བར་ཤོག། ཨ་མེན།

མངོན་པ། 1:9

ཡེ་ཤུའི་ཐོག་ནས་སྡུག་པོ་དང་། དཀོན་མཆོག་གི་རྒྱལ་སྲིད་དང་། བཟོད་པའི་ནང་ལ་ཁྱེད་ཀྱ་ཡི་རོགས་བ་དང་སྤུན་ང་ཡོ་ཧ་ནན་ཡིན། ང་ནི་དཀོན་མཆོག་གི་བཀའ་དང་། ཡེ་ཤུ་ལ་དཔང་པོ་བྱས་བྱ་ཡི་རྐྱེན་གྱིས་པད་མོ་ཟེར་སྨྲ་གིན་གླིང་ཕྲན་དུ་འོད་ད་ལགས།