༡ པེ་ཏྲོ། 4:12 - གློ་བ།

¹² གཅེས་བའི་ཀྱ་བོ། ཁྱེད་ཀྱ་ལ་ཆོད་ལྟ་བྱེད་ཡས་ལ་མེ་ཅོག་རེ་སྡུག་པོ་ཁྱེད་ཀྱི་ཁར་ལ་བབ་ན། ཁྱེད་ཀྱ་ལ་མཁྱན་ཚ་གཅིག་བྱུང་གིན་ཅོག་རེ་ཧང་མ་སང་།

༡ པེ་ཏྲོ། 4:12 Iomraidhean Croise

༡ ཀོ་རིན་ཐུ་པ། 10:13

མི་ཀྱ་ལ་བབ་ཀྱིན་ཚོད་ལྟ་མ་ན། ཁྱེད་ཀྱ་གཞན་མ་ཚོད་ལྟ་ལ་ཆུད་མ་མྱོང་འོད་ད་ལགས། ཡིན་ནའང་དཀོན་མཆོག་ནི་བློ་གཏད་ཆོག་པ་འོད་ད་ལགས། དེ་ནས་ཁོང་པ་ཡིས་ཁྱེད་ཀྱ་ཡི་སྒོམ་མི་ཐུབ་ཀྱིན་ཚོད་ལྟ་ནང་དུ་ཆུད་དུ་བཅུག་བ་མཛད་ཀྱི་མ་ལགས། ཡིན་ནའང་ཁྱེད་ཀྱ་ཚོད་ལ་ཆུད་ནའང་ཁྱེད་ཀྱ་ཡི་སྒོམ་ཐུབ་པར་ཤོག་སྨྲས་རེ། ཁོང་པ་ཡིས་ཁྱེད་ཀྱ་ལ་ཚོད་ལྟ་ནས་འཐར་གྱིན་ལམ་གོའང་སྟོན་ད་མཛད་ཀྱི་ལགས།

༡ ཀོ་རིན་ཐུ་པ། 3:13

ཁོང་ཀྱ་རེ་རེའི་ལས་ཀ་གོ་གསལ་བོ་མཐོང་གི་ལགས། གི་བྱས་རེ་སྨྲ་ན་ཁྲིམས་གཅོད་ཀྱི་ཉིན་མ་ཡིས་འོ་དེ་མངོན་གྱི་ལགས། འོ་དེ་ནི་མིའི་སྒོ་ནས་མངོན་གྱི་ལགས། དེ་ནས་མི་རེ་རེའི་ལས་ཀ་ག་རེ་འོད་ཀྱིན་གོ་མེ་ཡིས་རང་བརྟག་དཔྱད་བྱེད་ཀྱི་ལགས།

༢ ཏི་མོ་ཐེའུ། 3:12

དངོས་གནས་བྱེད་ན་མཱ་ཤི་ཀ་ཡེ་ཤུ་ལ་རྟེན་ཏེ་ཆོས་ལ་མཐུན་གྱིན་མི་ཚེ་སྐྱོང་ཉིད་འདོད་མཁན་གི་རི་ཡིས་སྡུག་པོ་མྱངས་རང་དགོས་ཀྱི་ལགས།

༡ པེ་ཏྲོ། 2:11

གཅེས་བའི་རོགས་བ་ཀྱ་བོ། ང་ཁྱེད་ཀྱ་ལ་ཞུ་བ་འབུལ་ལ་ཡིན། ཁྱེད་ཀྱ་གནས་ཚང་གཡར་ཏེ་བསྡད་ཀྱིན་དང་ངོ་མེད་ཤེས་ཀྱི་མི་ཀྱ་བྱས་རེ། རང་གི་སེམས་ཉིད་ཀྱི་དགྲ་ལ་འོད་ཀྱིན་ལུས་ཀྱི་འདོད་ཆགས་ཀྱ་སྤོངས།

༡ པེ་ཏྲོ། 4:4

ད་ད་ལྟ་ཁྱེད་ཀྱ་ཁོང་ཀྱ་མུ་ལ་ཆོ་མེད་ཀྱིན་སྤྱོད་པ་ངན་པ་ལ་མེད་ཐེ་གིན་བྱས་རེ། ཁོང་ཀྱ་ཧ་ལས་རེ་ཁྱེད་ཀྱ་ལ་སྨད་སྤྲ་བཏང་ང་ལགས།

༡ པེ་ཏྲོ། 5:9

རང་གི་དད་པ་ལ་བརྟན་པོ་བྱུང་རེ་བདུད་ཀྱི་ངོ་ལོག་བྱེད། གི་བྱས་རེ་སྨྲ་ན་འཇིག་རྟེན་འོད་ལེ་རུ་ཁྱེད་ཀྱི་སྤུན་ཀྱ་ཡིས་འང་དེ་རེ་སྡུག་པོ་རང་མྱངས་བའི་འོད་ད་ལགས།