༡ པེ་ཏྲོ། 2:9 - གློ་བ།

⁹ ཡིན་ནའང་ཁྱེད་ཀྱ་ནི་བདམས་ད་བརྒྱུད་པ་དང་། རྒྱལ་བོ་རིགས་ཀྱི་མཆོད་དཔོན་དང་། མི་རིགས་དམ་པ་དང་། དཀོན་མཆོག་གི་རང་གི་མི་ཀྱ་ལགས། དེ་ནས་ཁོང་པ་ཡི་ཧང་སང་གིན་གྱི་ཕྱག་ལས་ཀྱ་གསལ་བསྒྲགས་བྱེད་ཡས་ལ། མུན་ནག་ནས་ཁོང་གི་ཧང་སང་གིན་གྱི་འོད་ནང་ལ་ཁྱེད་ཀྱ་བོས་བ་ལགས།

༡ པེ་ཏྲོ། 2:9 Iomraidhean Croise

མད་ཐཱ། 4:16

མུན་ནག་པ་ལ་བསྡད་ད་མི་ཀྱ་ཡིས་འོད་ཆེ་གཅིག་མཐོང་འདུག དེ་ནས་འཆི་བའི་གྲིབ་ཇག་གི་ཡུལ་ལ་བསྡད་ཀྱིན་མི་ཀྱ་ལ། འོད་གཅིག་ཤར་འདུག

མད་ཐཱ། 5:16

དེ་རེ་བྱས་རེ་རང་ཁྱེད་ཀྱ་ཡི་ལས་བཟང་གོ་མི་ཀྱ་ཡིས་མཐོང་རེ་ནམ་མཁའི་ཞིང་ཁམས་དུ་བཞུགས་ཀྱིན་ཁྱེད་ཀྱི་ཡབ་ལ་བསྟོད་པ་འབུལ་ཡས་ལ། ཁྱེད་ཀྱ་ཡི་འོད་མི་ཀྱ་ཡི་གདོང་དུ་ཤར་དུ་ཆུག

ལུ་ཀ། 1:79

དེ་ནས་མིན་ནག་པ་དང་ཤི་བའི་གྲིབ་ཇག་ལ་བསྡད་མཁན་ཀྱ་ལ་ཐར་བའི་འོད་འཐོབ་ཀྱི་ལགས། དེ་ནས་འོ་རང་ལ་ཞི་བདེའི་ལམ་ལ་འཁྲིད་ཀྱི་ལགས།

ཡོ་ཧ་ནན། 17:19

ཁོང་ཀྱའང་བདེན་པ་ཡི་སྒོ་ནས་དམ་པ་འབྱུང་ཡས་ཀྱི་ཕྱིར་ལ། ཁོང་ཀྱ་ཡིས་ཕྱིར་དུ་ངས་ང་རང་ལ་དམ་པ་བཟོས་འོད།

མཛད་པ། 20:28

ད་ཁྱེད་རང་ཀྱ་རང་སྤྱང་རྫེ་བྱས་རེ་སྡོད། དེ་ནས་དམ་པའི་ཐུགས་ཉིད་ཀྱིས་ཁྱེད་ཀྱ་ལ་རྩིས་བརྒྱབ་སྟེ་བཞག་ཞ་ལུག་ཀྱ་ལ་ག་མོ་མ་སྲུངས། དཀོན་མཆོག་གི་ཆོས་ཚོགས་ཀྱི་ལུག་རྫི་བཟང་པོ་གཅིག་འབྱུང་རེ་སྡོད། གི་བྱས་རེ་སྨྲ་ན་འོ་དེ་མི་ཀྱ་གཙོ་བོ་ཡེ་ཤུ་ཡི་སྐུ་ཁྲག་གིས་བླུས་རེ་ཉོས་མཛད་པ་ལགས།

མཛད་པ། 26:18

ང་ཁྱོད་ལ་ཁོང་ཀྱ་ཡི་མིག་པེ་རེ་ཁོང་ཀྱ་ལ་མུན་ནག་པ་ནས་འོད་ཕྱོགས་ལ་འཁྲིད་དེ་འོངས་ཡས་དང་། བདུད་ཀྱི་དབང་ཆ་ནས་དཀོན་མཆོག་རྩ་རུ་འཁྲིད་དེ་འོངས་ཡས་ལ་བརྫངས་ང་ཡིན། དེ་ནས་ང་ལ་དད་པ་བྱས་རེ་ཁོང་ཀྱ་ལ་ཁོ་རི་སྡིག་པ་ཡི་དགོངས་པ་རག་གི་ལགས། དེ་ནས་ཁོང་ཀྱ་ལའང་དཀོན་མཆོག་གི་མི་ཀྱ་མུ་ལ་བསྡད་ཡས་རག་གི་ལགས།

མཛད་པ། 26:28

དེ་ནས་ཨག་རི་པཱ་ཡིས་སྨྲས་བ་ལགས། དེ་རེ་དུས་ཚོད་ཏི་མེ་ལ་ཁྱོད་ང་ལ་མཱ་ཤི་ཀ་བ་བཟོ་ཡས་བསམས་བའི་འོད་དེ།

རོ་མཱ་པ། 9:24

དེ་ནས་འོ་རང་ཀྱ་ལའང་བོས་མཛད་པ་ལགས། དེ་ནས་ཡ་ཧུ་དཱ་པ་ཀྱ་ལ་གཅིག་ཀ་མིན་ད། ཡ་ཧུ་དཱ་པ་མིན་མཁན་ཀྱ་ལའང་བོས་མཛད་པ་ལགས།

༡ ཀོ་རིན་ཐུ་པ། 3:17

དཀོན་མཆོག་གི་མཆོད་ཁང་གཏིབ་མཁན་ལ་དཀོན་མཆོག་གིས་རང་མེད་ད་ལ་བཏང་ང་མཛད་ཀྱི་ལགས། གི་བྱས་རེ་སྨྲ་ན་དཀོན་མཆོག་གི་མཆོད་ཁང་དམ་པ་འོང་ང་ལགས། དེ་ནས་ཁྱེད་ཀྱ་རང་འོ་དེ་མཆོད་ཁང་ལགས།

ཨེ་ཕེ་སུ་པ། 1:14

དེ་ནས་དཀོན་མཆོག་གིས་རང་གི་མི་ཀྱ་ལ་ཐར་པ་མ་གནང་གིན་ཐུག་པའི། དམ་པའི་ཐུགས་ཉིད་ནི་འོ་རང་ལ་ཐོབ་དགོས་ཡས་ཡིན་གྱིན་རྒྱུན་འཛིན་གྱི་འགན་ལེན་གོ་ལགས། དེ་ནི་དཀོན་མཆོག་གི་གཟི་བརྗིད་ཀྱི་བསྟོད་པ་འོང་ཡས་ཀྱི་ཆེད་དུ་ལགས།

ཨེ་ཕེ་སུ་པ། 1:6

ད་དཀོན་མཆོག་གི་གཟི་བརྗིད་ཅན་གྱི་ཐུགས་རྗེའི་ཕྱིར་ལ་ཁོང་པ་ལ་བསྟོད་པར་ཤོག།གི་བྱས་རེ་སྨྲ་ན་ཐུགས་རྗེ་དེ་ཁོང་པ་ཡི་གཅེས་བའི་སྲས་ཀྱི་སྒོ་ནས་འོ་རང་ལ་ཕངས་མེད་དུ་གནང་བ་ལགས།

ཨེ་ཕེ་སུ་པ། 3:21

ཆོས་ཚོགས་དང་མཱ་ཤི་ཀ་ཡེ་ཤུའི་ཐོག་ནས་མི་རབས་ནས་མི་རབས་ཐུག་པའི་རྒྱུན་ནས་རྒྱུན་དུ་བསྟོད་པ་འོང་བར་ཤོག།ཨ་མེན།།

ཕི་ལིབ་པཱི་པ། 3:14

མཱ་ཤི་ཀ་ཡེ་ཤུའི་ནང་དཀོན་མཆོག་གིས་ནམ་མཁའི་ཞིང་ཁམས་ནས་བོས་པ་བྱ་དགའ་འཐོབ་ཡས་ཀྱི་ཕྱིར་ལ། ང་དམིགས་ཡུལ་དེ་ལ་ཤུགས་བརྒྱབ་སྟེ་འགྲོའི་འོད།

ཀོ་ལོ་སཱེ་པ། 1:13

དཀོན་མཆོག་གིས་འོ་རང་ལ་མུན་ནག་གི་དབང་ནས་ཐར་པ་མཛད་དེ། རང་གི་གཅེས་བའི་སྲས་ཀྱི་རྒྱལ་སྲིད་ནང་དུ་འོ་རང་ལ་ཁྲིད་བ་མཛད་པ་ལགས།

༢ ཏི་མོ་ཐེའུ། 1:9

ཁོང་པ་ཡིས་འོ་རང་ལ་ཐར་པ་མཛད་དེ། དེ་ནས་དམ་པ་འབྱུང་ཡས་ལ་འོ་རི་ལས་ཀ་ཡིས་མིན་ད། ཁོང་པ་རང་གི་ཐུགས་དགོངས་དང་ཐུགས་རྗེ་ཡིས་ཐོག་ནས་འོ་རང་ལ་བོས་མཛད་པ་ལགས། ཐུགས་རྗེ་འདི་ནི་ཨེན་མ་ཀ་བ་མ་ཚུགས་ཨེན་ལ་རང་མཱ་ཤི་ཀ་ཡེ་ཤུའི་སྒོ་ནས་འོ་རང་ལ་གནང་བ་ལགས།

ཏི་ཏོས། 2:14

དེ་ནས་འོ་རི་སྡིག་པ་གི་རི་ནས་ཐར་པ་གནང་ཡས་ལ་དང་། འོ་རང་ལ་གཙང་མ་བཟོས་རེ་ཁོང་པ་ཁོ་རང་གི་ཕྱིར་ལ་མི་རིགས་མཛད་ཡས་ལ་དང་། ལས་ཀ་དྲང་པོ་བྱེད་ཡས་ལ་ཁས་ལེན་བྱེད་ཀྱིན་འབྱུང་ཡས་ལ། མཱ་ཤི་ཀ་ཡིས་རང་གི་སྐུ་སྲོག་འོ་རི་ཕྱིར་ལ་བློས་བཏང་བ་ལགས།

༡ པེ་ཏྲོ། 1:2

ཡབ་དཀོན་མཆོག་གིས་ཨེན་མ་ནས་རང་ཁྱེད་ཀྱ་ལ་མཁྱེན་ད་མཛད་དེ་བདམས་མ་མཛད་པ་ལགས། དེ་ནས་ཁོང་པ་ཡི་ཐུགས་ཉིད་ཀྱི་ཐོག་ནས་ཁྱེད་ཀྱ་ལ་དམ་པ་མཛད་པ་ལགས། འོ་བྱས་རེ་ཁྱེད་ཀྱ་ཡིས་ཡེ་ཤུ་མཱ་ཤི་ཀའི་བཀའ་ལ་བརྩིས་རེ། ཁོང་པ་ཡི་སྐུ་ཁྲག་གི་ཐོག་ནས་ཁྱེད་ཀྱ་གཙང་མ་བྱུང་འོད་ད་ལགས། དཀོན་མཆོག་གིས་ཁྱེད་ཀྱ་ལ་ཐུགས་རྗེ་དང་ཞི་བདེ་མོད་ཆོ་ལི་གནང་བར་ཤོག།

༡ པེ་ཏྲོ། 2:5

དཀོན་མཆོག་གིས་ཁྱེད་ཀྱ་ལའང་རྡོ་གསོན་པོ་ཀྱ་ཅོག་རེ་ཐུགས་ཉིད་ཀྱི་ཕོ་བྲང་རྩིག་ཡས་ལ་བེད་སྤྱོད་མཛད་དུ་ཆུག། དེ་ནས་ཁྱེད་ཀྱ་དམ་པའི་མཆོད་དཔོན་བྱུང་རེ་མཱ་ཤི་ཀ་ཡེ་ཤུའི་བརྒྱུད་ནས། དཀོན་མཆོག་ལ་ཐུགས་མཉེས་བོ་བྱུང་གིན་སེམས་ཉིད་ཀྱི་མཆོད་པ་ཁྱེད་ཀྱ་ཡིས་ཕུལ།

༡ པེ་ཏྲོ། 4:11

དོན་གི་རིའི་ཐོག་ནས་ཡེ་ཤུ་མཱ་ཤི་ཀའི་ཐོག་ནས་དཀོན་མཆོག་གི་གཟི་བརྗིད་འབྱུང་ཡས་ཀྱི་ཆེད་དུ། ཁྱེད་ཀྱ་ནས་ཆོས་བཤད་མཁན་གྱིས་དཀོན་མཆོག་གི་བཀའ་གསུངས་ཀྱིན་ཅོག་རེ་བཤད་དགོས། དེ་ནས་ཁྱེད་ཀྱ་ནས་ཞབས་ཕྱི་ཞུ་མཁན་གྱིས་དཀོན་མཆོག་གིས་གནང་ན་སྟོབས་ཀྱི་སྒོ་ནས་ཞབས་ཕྱི་ཞུ་དགོས། དུས་གཏན་དུ་གཟི་བརྗིད་དང་དབང་ཁོང་པ་ཡི་ལགས། ཨ་མེན།

མངོན་པ། 1:6

དེ་ནས་འོ་རང་ལ་ཁོང་གི་ཡབ་དཀོན་མཆོག་ལ་ཞབས་ཕྱི་ཞུ་ཡས་ལ་རྒྱལ་སྲིད་དང་། མཆོད་དཔོན་མཛད་ཀྱིན་ཁོང་པ་ལ་གཟི་བརྗིད་དང་། དབང་རྒྱུན་ནས་རྒྱུན་དུ་འོང་བར་ཤོག། ཨ་མེན།

མངོན་པ། 20:6

སླར་གསོན་པོ་དང་པོ་བྱུང་མཁན་ཀྱ་བྱིན་རླབས་ཆེ་དང་དམ་པ་ལགས། ཁོང་ཀྱ་ལ་འཆི་བ་གཉིས་བ་ཡིས་དབང་བྱེད་མི་ཐུབ་ཀྱི་ལགས། ཡིན་ནའང་ཁོང་ཀྱ་དཀོན་མཆོག་དང་མཱ་ཤི་ཀའི་མཆོད་དཔོན་བྱུང་རེ། མཱ་ཤི་ཀ་མུ་ལ་ལོ་གཅིག་སྟོང་ཐུག་པའི་དབང་བསྒྱུར་བྱེད་ཀྱི་ལགས།

མངོན་པ། 5:10

དེ་ནས་ཁོང་ཀྱ་ལ་འོ་རི་དཀོན་མཆོག་གི་ཆེད་དུ་རྒྱལ་ཁབ་དང་མཆོད་དཔོན་ཀྱ་བཀོད་མཛད་པ་ལགས། དེ་ནས་ཁོང་ཀྱ་ཡིས་འཇིག་རྟེན་དུ་དབང་བྱེད་ཀྱི་ལགས།