༡ པེ་ཏྲོ། 2:8 - གློ་བ།

⁸ དེ་ནས་ཐོགས་ཏེ་སྒྱེལ་གྱིན་རྡོ་ཧྲུག་དང་། སྒྱེལ་རུ་བཅུག་གིན་ཕོང་གིན་ལ་འགྱུར། ཁོང་ཀྱ་སྒྱེལ་ལ་ལགས། གི་བྱས་རེ་སྨྲ་ན་ཁོང་ཀྱ་བཀའ་ལ་མེད་ཉན་ད་ལགས། དེ་ནས་ཁོང་ཀྱ་ཡི་ཕྱིར་ལ་དེ་རེ་རང་འབྱུང་ཡས་ལ་ཨེན་མ་ནས་རང་ཐག་བཅད་མཛད་འོད་ད་ལགས།

༡ པེ་ཏྲོ། 2:8 Iomraidhean Croise

ལུ་ཀ། 2:34

དེ་ནས་སི་མེ་ཡོན་གྱིས་ཁོང་གཉིས་བོ་ལ་བྱིན་རླབས་གནང་རེ་བི་ཛའི་ཨ་མ་མིར་ཡམ་ལ་སྨྲས་བ་ལགས། འདི་བི་ཛ་དེ་ཡིས་ར་ཨེལ་དུ་མི་མང་ང་ལ་རྫོགས་དུ་བཅུག་ཡས་དང་། མི་མང་ང་ལ་སྐྱོབས་ཡས་ལ་དཀོན་མཆོག་གིས་བདམས་མ་མཛད་པ་ལགས། དེ་ནས་ངོ་ལོག་བྱེད་ཀྱིན་གྱི་རྟགས་ཀྱི་ཕྱིར་ལ་བདམས་མ་མཛད་པ་ལགས།

རོ་མཱ་པ། 9:22

དེ་རེ་རང་བྱས་རེ་དཀོན་མཆོག་ལ་ཐུགས་ཁྲོ་དང་ནུས་མཐུ་སྟོན་ཡས་ཀྱི་དབང་ཆ་འོད་ན། ཁོང་གི་ཐུགས་ཁྲོ་བབ་སྟེ་མེད་ད་ལ་འགྲོ་ཡས་ཡིན་མཁན་མི་ཀྱ་མུ་ལ་ཁོང་པ་ཡིས་བཟོད་སྒོམ་མཛད་འོད་ན་གི་འདུག་སེ།

༡ ཀོ་རིན་ཐུ་པ། 1:23

ཡིན་ནའང་ཡ་ཧུ་དཱ་པ་ཀྱ་ཡི་ཆེད་དུ་བཀག་རྡོ་དང་། ཡ་ཧུ་དཱ་པ་མིན་མཁན་ཀྱ་ཡི་ཆེད་དུ་ཆོ་མེད་ཀྱིན་ལབ་ཡིན་གྱིན་རྒྱང་ཤིང་ཁར་ལ་བརྐྱངས་ཀྱ། མཱ་ཤི་ཀ་ལ་འོ་རང་གསལ་བསྒྲགས་བྱེད་ད་ལགས།

༢ ཀོ་རིན་ཐུ་པ། 2:16

དྲི་བཟང་དེ་གཅིག་གིས་ཕྱིར་ལ་འཆི་བའི་དྲི་མ་ངན་པ་དང་། གཞན་མའི་ཕྱིར་ལ་ཚེའི་དྲི་བཟང་ལགས། ད་དེ་རེ་ལས་ཀ་སུས་བྱེད་ཐུབ་བ་ལེ།

ག་ལ་ཏི་ཡཱ་པ། 5:11

ཡིན་ནའང་སྤུན་ཀྱ་བོ། ང་དོ་རང་འང་ལྤགས་བོ་བཅད་ཀྱིན་སྲོལ་གོ་རྩི་དགོས་ཀྱི་ལགས་སྨྲས་རེ་བཤད་ན། ང་ལ་གཞན་མ་ཀྱ་ཡིས་གི་བྱས་རེ་གནོད་བསྐྱལ་ལ་ལེ། དེའི་སྐོར་ལ་ངས་བཤད་འོད་ན། མཱ་ཤི་ཀའི་རྒྱང་ཤིང་གི་སྐོར་ལ་ངས་བཤད་ཀྱིན་གྱིས་གིའང་གནོད་བསྐྱལ་ཡས་མེད་ད་ལགས།

༡ ཐེ་ས་ལོ་ནི་ཀེ་པ། 5:9

གི་བྱས་རེ་སྨྲ་ན་དཀོན་མཆོག་གིས་འོ་རང་ལ་ཁོང་པ་ཡི་ཐུགས་ཁྲོ་མྱངས་ཡས་ལ་བདམས་མ་མ་མཛད་པ་ལགས། ཡིན་ནའང་གཙོ་བོ་ཡེ་ཤུ་མཱ་ཤི་ཀ་ནས་ཐར་པ་འཐོབ་ཡས་ཀྱི་ཕྱིར་ལ་བདམས་མ་མཛད་པ་ལགས།

༡ པེ་ཏྲོ། 2:6

གི་བྱས་རེ་སྨྲ་ན་དམ་པའི་གསུང་རབ་ལ་དེ་རེ་གསུངས་འོད་ད་ལགས། ལྟོས་དང་། ང་སི་ཡོན་གྱི་ནང་ལ་རྡོ་གཅིག་བཞག་བ་ཡིན། བདམས་ད་དང་རྩ་ཆེ་ཡིན་གྱིན་ཟུར་རྡོ་གཅིག། ཁོང་ལ་དད་པ་བྱེད་མཁན་སུའང་ངོ་ཚ་རུ་མི་ཆུག

༡ པེ་ཏྲོ། 2:7

འོ་བྱས་རེ་ཁྱེད་དད་པ་བྱེད་མཁན་ཀྱ་ཡི་ཆེད་དུ་ཁོང་རྩ་ཆེ་ལགས། ཡིན་ནའང་དད་པ་མི་བྱེད་མཁན་ཀྱ་ཡི་ཆེད་དུ། རྩིག་དཔོན་ཀྱ་ཡིས་སྤངས་པ་རྡོ་གོ། ཟུར་རྡོ་བྱུང་འདུག

༢ པེ་ཏྲོ། 2:3

དེ་ནས་ཁོང་ཀྱ་ཡིས་ཧམ་པ་བྱས་རེ་ཁྱེད་ཀྱ་ལ་ཟོག་པོ་གཏམ་ཀྱ་རྩོམ་ཏེ་མགོ་སྐོར་བཏང་གི་ལགས། ཁོང་ཀྱ་ལ་ཕོག་ཡས་ཡིན་གྱིན་ཁྲིམས་གོ་ཨེན་མ་ནས་ཐག་བཅད་ཚར་འོད་ད་ལགས། དེ་ནས་ཁོང་ཀྱ་ལ་མེད་ད་ལ་བཏང་མཁན་གོ་གཉིད་ལ་མ་ཤོར་འོད་ད་ལགས།

ཡུ་དཱ། 1:4

གི་བྱས་རེ་སྨྲ་ན་ཨེན་མ་ནས་ཧ་ལ་ཉེས་པ་ཕོག་ཡས་ལ་ཐག་བཅད་ཅ་མི་རིང་འགའ། ཁྱེད་ཀྱ་ཡི་ཁོག་ཏུ་གསང་བ་ནས་འཛུལ་འདུག། ཁོང་ཀྱ་དཀོན་མཆོག་ལ་མི་རྩི་གིན་མི་ལགས། ཁོང་ཀྱ་ཡིས་འོ་རི་དཀོན་མཆོག་གི་ཐུགས་རྗེ་ལ་གཡོས་རེ་འདོད་ཆགས་ལ་བསྒྱུར་འདུག། དེ་ནས་འོ་རི་བདག་པོ་དང་གཙོ་བོ་གཅིག་ཀ་ར་ཡིན་མཁན་མཱ་ཤི་ཀ་ཡེ་ཤུ་ལ་ཁས་ལེན་མི་བྱེད་ད་ལགས།