༡ པེ་ཏྲོ། 2:7 - གློ་བ།

⁷ འོ་བྱས་རེ་ཁྱེད་དད་པ་བྱེད་མཁན་ཀྱ་ཡི་ཆེད་དུ་ཁོང་རྩ་ཆེ་ལགས། ཡིན་ནའང་དད་པ་མི་བྱེད་མཁན་ཀྱ་ཡི་ཆེད་དུ། རྩིག་དཔོན་ཀྱ་ཡིས་སྤངས་པ་རྡོ་གོ། ཟུར་རྡོ་བྱུང་འདུག

༡ པེ་ཏྲོ། 2:7 Iomraidhean Croise

མད་ཐཱ། 21:42

ཡེ་ཤུ་ཡིས་ཁོང་ཀྱ་ལ་གསུངས་བ་ལགས། ཁྱེད་ཀྱ་ཡིས་གསུང་རབ་ལ་འདི་མ་སྒྲོགས་འོད་དེ། རྩིག་དཔོན་ཀྱ་ཡིས་སྤངས་རེ་བཞག་ཞ་རྡོ་གོང་གོ། ཟུར་གྱི་རྡོ་གོང་གཙོ་གོ་བྱུང་འདུག། འདི་ནི་གཙོ་བོ་ཡིས་མཛད་སྟངས་ལགས། དེ་ནས། འདི་འོ་རི་དམིགས་བ་ལ་ཡམ་སངས་ང་འདུག

ལུ་ཀ། 2:32

ཁོང་ནི་ཡ་ཧུ་དཱ་པ་མིན་མཁན་ཀྱ་ཡི་ཕྱིར་ལ་ཁྱེད་རང་གི་ཐུགས་དགོངས་མངོན་ཡས་དང་། ཁྱེད་རང་གི་མི་རིགས་ཡིས་ར་ཨེལ་པ་ཀྱ་ཡི་ཆེད་དུ་གཟི་བརྗིད་འབྱུང་ཡས་འོད་གོ་ལགས།

ལུ་ཀ། 2:34

དེ་ནས་སི་མེ་ཡོན་གྱིས་ཁོང་གཉིས་བོ་ལ་བྱིན་རླབས་གནང་རེ་བི་ཛའི་ཨ་མ་མིར་ཡམ་ལ་སྨྲས་བ་ལགས། འདི་བི་ཛ་དེ་ཡིས་ར་ཨེལ་དུ་མི་མང་ང་ལ་རྫོགས་དུ་བཅུག་ཡས་དང་། མི་མང་ང་ལ་སྐྱོབས་ཡས་ལ་དཀོན་མཆོག་གིས་བདམས་མ་མཛད་པ་ལགས། དེ་ནས་ངོ་ལོག་བྱེད་ཀྱིན་གྱི་རྟགས་ཀྱི་ཕྱིར་ལ་བདམས་མ་མཛད་པ་ལགས།

ལུ་ཀ། 20:17

དེ་ནས་ཡེ་ཤུ་ཡིས་ཁོང་ཀྱ་ལ་གཟིགས་ཏེ་གསུངས་བ་ལགས། དེ་རེ་ཡིན་ན། དེ་རེ་བྲིས་བྲ་འདིའི་དོན་དག་གི་ལེ། རྩིག་ཙོ་བ་ཀྱ་ཡིས་གཡུགས་ཏེ་བཞག་ཞ་རྡོ་གོང་གོ་ཟུར་རྡོ་བྱུང་འདུག

ཡོ་ཧ་ནན། 4:42

དེ་ནས་ཁོང་ཀྱ་ཡིས་འོ་དེ་སྐྱེས་དམན་གོ་ལ་སྨྲས་བ་ལགས། ད་ཁྱོས་སྨྲ་གིན་གོ་ལ་མིན་ད་འི་ཀིས་རང་གི་གོ་སྟེ་དད་པ་བྱེད་ད་ཡིན། དེ་ནས་དངོས་གནས་རང་ཁོང་པ་འཇིག་རྟེན་གྱི་སྐྱབས་མགོན་གོ་ལགས་སྨྲས་རེ་འེ་ཀྱ་ཡིས་ཤེས་སོང་།

མཛད་པ། 26:19

རྒྱལ་བོ་ཨག་རི་པཱ། ནམ་མཁའི་ཞིང་ཁམས་ནས་མཐོང་ཐ་འདི་མཐོང་སྣང་ལ་ངས་ཁ་ལོག་སྟེ་བསྡད་མ་ཐུབ་སོང་།

རོ་མཱ་པ། 10:21

ཡིན་ནའང་ཡིས་ར་ཨེལ་གྱི་སྐོར་ལ་ཁོང་གིས་དེ་རེ་གསུངས་ང་ལགས། བཀའ་ལ་མེད་ཉན་གྱིན་དང་ངོ་ལོག་བྱེད་ཀྱི་མི་ཀྱ་ཡི་ཆེད་དུ། ངས་ང་རི་ལག་པ་ཉིན་གང་བརྐྱངས་བའི།།

རོ་མཱ་པ། 15:31

ཡུ་དེ་ཡཱ་རུ་འོད་ཀྱིན་དད་པ་མི་བྱེད་མཁན་ཀྱ་ནས་ང་ལ་སྐྱོབ་ཡས་དང་། ཡེ་རུ་ཤ་ལེམ་དུ་ངས་ཁྱེར་ཏེ་འགྲོ་གིན་རོགས་རམ་གོ། དཀོན་མཆོག་གི་མི་ཀྱ་ཡིས་ཁས་ལེན་ད་ཤོག་སྨྲས་རེ་སྨོན་ལམ་རྒྱོབ།

༢ ཀོ་རིན་ཐུ་པ། 2:16

དྲི་བཟང་དེ་གཅིག་གིས་ཕྱིར་ལ་འཆི་བའི་དྲི་མ་ངན་པ་དང་། གཞན་མའི་ཕྱིར་ལ་ཚེའི་དྲི་བཟང་ལགས། ད་དེ་རེ་ལས་ཀ་སུས་བྱེད་ཐུབ་བ་ལེ།

ཀོ་ལོ་སཱེ་པ། 2:10

དེ་ནས་མཱ་ཤི་ཀའི་ནང་ཁྱེད་ཀྱ་ཕུན་སུམ་ཚོགས་པ་མཛད་འོད་ད་ལགས། ཁོང་ནི་དཔོན་པོ་གི་རི་དང་དབང་བསྒྱུར་བྱེད་མཁན་གི་རིའི་དབུ་ལགས།

ཏི་ཏོས། 3:3

ཐེངས་གཅིག་ལ་འོ་རང་ཀྱའང་བླུན་པོ་དང་། ཁ་ལ་མེད་ཉན་གྱིན་དང་། མགོ་འཁོར་ཏེ་བསྡད་ད་དང་། འདོད་པ་དང་འདོད་ངན་སྣ་ཚོགས་ཀྱི་དབང་དུ་ཤོར་ཤ་དང་། དམི་ཅིག་གི་ངན་པ་དང་ཕྲག་དོག་གིས་ཁངས་ཁ་འོད་ད་ལགས། མི་གི་རི་ཡིས་འོ་རང་ལ་སྡང་ང་བྱས་བ་ལགས། དེ་ནས་འོ་རང་ནང་དུ་གཅིག་གིས་གཅིག་ལ་སྡང་ང་བྱས་བ་ལགས།

ཨིབ་རི་པ། 11:31

དད་པའི་སྒོ་ནས་གཞང་འཚོང་མ་ར་ཧབ་ཀྱིས་མི་སོ་བ་ཀྱ་ལ་ག་མོ་མ་བྱས་རེ་ཕེབས་བསུ་ཞུས་ཞ་བྱས་རེ། བཀའ་ལ་མེད་ཉན་མཁན་ཀྱ་མུ་ལ་མོ་མ་ཤི་བ་ལགས།

ཨིབ་རི་པ། 4:11

འོ་བྱས་རེ་ཁོང་ཀྱ་ཡིས་དཀོན་མཆོག་གི་བཀའ་ལ་མ་ཉན་པ་ནོར་གྱིན་ཅོག་རེ་སུས་འང་མ་ནོར་བ་ཤོག་སྨྲས་རེ། འོ་རང་འོ་དེ་ངལ་གསོ་ནང་འཛུལ་ཡས་ལ་ཐབས་ཤེས་འོད་ལེ་བྱེད་དགོས།

༡ པེ་ཏྲོ། 1:8

ཁྱེད་ཀྱ་ཡིས་ཁོང་པ་ལ་མཇལ་མ་མྱོང་འོད་ན། ཁོང་ལ་བརྩེ་བ་བྱེད་ད་ལགས། དེ་ནས་ད་ལྟ་ཁྱེད་ཀྱ་ཡིས་ཁོང་པ་ལ་མི་མཇལ་ནའང་ཁྱེད་ཀྱ་ཁོང་པ་ལ་དད་པ་བྱེད་ད་ལགས། དེ་ནས་ཁྱེད་ཀྱ་བཤད་མི་ཐུབ་ཀྱིན་དང་གཟི་བརྗིད་ཀྱིས་ཁངས་ཁ་དགའ་སྤྲོ་ཆེ་བྱེད་ད་ལགས།

༡ པེ་ཏྲོ། 2:4

དེ་ནས་མི་ཡིས་སྤངས་པ་ཡིན་ནའང་དཀོན་མཆོག་གི་དམིགས་བ་རུ་ཁོང་པ་བདམས་ད་དང་། རྩ་ཆེ་ཡིན་གྱིན་རྡོ་གསོན་པོ་ཡིན་གྱིན་གཙོ་བོའི་དྲུང་དུ་ཁྱེད་ཀྱ་འོང་བའི་གང་ལ།

༡ པེ་ཏྲོ། 2:8

དེ་ནས་ཐོགས་ཏེ་སྒྱེལ་གྱིན་རྡོ་ཧྲུག་དང་། སྒྱེལ་རུ་བཅུག་གིན་ཕོང་གིན་ལ་འགྱུར། ཁོང་ཀྱ་སྒྱེལ་ལ་ལགས། གི་བྱས་རེ་སྨྲ་ན་ཁོང་ཀྱ་བཀའ་ལ་མེད་ཉན་ད་ལགས། དེ་ནས་ཁོང་ཀྱ་ཡི་ཕྱིར་ལ་དེ་རེ་རང་འབྱུང་ཡས་ལ་ཨེན་མ་ནས་རང་ཐག་བཅད་མཛད་འོད་ད་ལགས།