༡ པེ་ཏྲོ། 2:5 - གློ་བ།

⁵ དཀོན་མཆོག་གིས་ཁྱེད་ཀྱ་ལའང་རྡོ་གསོན་པོ་ཀྱ་ཅོག་རེ་ཐུགས་ཉིད་ཀྱི་ཕོ་བྲང་རྩིག་ཡས་ལ་བེད་སྤྱོད་མཛད་དུ་ཆུག། དེ་ནས་ཁྱེད་ཀྱ་དམ་པའི་མཆོད་དཔོན་བྱུང་རེ་མཱ་ཤི་ཀ་ཡེ་ཤུའི་བརྒྱུད་ནས། དཀོན་མཆོག་ལ་ཐུགས་མཉེས་བོ་བྱུང་གིན་སེམས་ཉིད་ཀྱི་མཆོད་པ་ཁྱེད་ཀྱ་ཡིས་ཕུལ།

༡ པེ་ཏྲོ། 2:5 Iomraidhean Croise

རོ་མཱ་པ། 12:1

འོ་བྱས་རེ་སྤུན་ཀྱ་བོ། དཀོན་མཆོག་གིས་ཁྱེད་ཀྱ་ལ་སྙིང་རྗེ་གཟིགས་བ་མཛད་དེ། ཁོང་གི་དྲུང་དུ་དམ་པ་དང་ཐུགས་མཉེས་བོ་འབྱུང་ཡས་ལ། རང་གི་ལུས་གོ་མཆོད་པ་གསོན་པོ་ཅོག་རེ་ཕུལ་སྨྲས་རེ་ང་ཁྱེད་ཀྱ་ལ་ཞུ་བ་འབུལ་ལ་ཡིན། དེ་རང་ཁྱེད་ཀྱ་ཡིས་ཁོང་པ་ལ་འབུལ་དགོས་ཀྱིན་ཕྱག་མཆོད་པ་བདེན་པ་གོ་ལགས།

རོ་མཱ་པ། 15:16

ཡ་ཧུ་དཱ་པ་མིན་མཁན་ཀྱ་ཡི་ཆེད་དུ་མཱ་ཤི་ཀ་ཡེ་ཤུའི་ཞབས་ཕྱི་པ་འབྱུང་ཡས་ལགས། དེ་ནས་དམ་པའི་ཐུགས་ཉིད་ཀྱིས་ཡ་ཧུ་དཱ་པ་མིན་མཁན་ཀྱ་ལ་དམ་པ་མཛད་དེ། ཁོང་ཀྱ་དཀོན་མཆོག་ལ་ཐུགས་མཉེས་བོ་འོང་གིན་མཆོད་པ་འབྱུང་ཡས་ཀྱི་ཕྱིར་ལ། དཀོན་མཆོག་གི་གཏམ་བཟང་བཤད་ཡས་ཀྱི་མཆོད་དཔོན་གཅིག་གི་ལས་འགན་གོ་ང་ལ་གནང་འོད་ད་ལགས།

༡ ཀོ་རིན་ཐུ་པ། 3:16

ཁྱེད་ཀྱ་ནི་དཀོན་མཆོག་གི་མཆོད་ཁང་ཡིན་གྱིན་དང་། དཀོན་མཆོག་གི་ཐུགས་ཉིད་ཁྱེད་ཀྱི་ནང་བཞུགས་ཀྱིན་གོ་ཁྱེད་ཀྱ་ལ་ཤེས་ཡས་མེད་དེ།

༡ ཀོ་རིན་ཐུ་པ། 3:9

གི་བྱས་རེ་སྨྲ་ན་འེ་ཀྱ་ནི་དཀོན་མཆོག་གི་ལས་རོགས་ཀྱ་ཡིན། དེ་ནས་ཁྱེད་ཀྱ་གོ་དཀོན་མཆོག་གི་ཞིང་དང་བཞུགས་ཁང་ལགས།

༡ ཀོ་རིན་ཐུ་པ། 6:19

ཁྱེད་ཀྱི་ནང་བཞུགས་མཁན་དང་། དཀོན་མཆོག་ནས་ཁྱེད་ཀྱ་ལ་ཐོབ་ཐ་དམ་པའི་ཐུགས་ཉིད་ཀྱི་མཆོད་ཁང་ནི། ཁྱེད་ཀྱི་ལུས་ཡིན་གྱིན་གོ་ཁྱེད་ཀྱ་ལ་ཤེས་ཡས་མེད་དེ། ཁྱེད་ཀྱ་ཁྱེད་རི་རང་གི་མ་ལགས།

༢ ཀོ་རིན་ཐུ་པ། 6:16

དཀོན་མཆོག་གི་མཆོད་ཁང་དང་ལྷ་སྐུ་འདྲ་ཀྱ་འབྲེལ་བ་གི་འོད་ད་ལེ། གི་བྱས་རེ་སྨྲ་ན་འོ་རང་སྐུ་གསོན་པོ་དཀོན་མཆོག་གི་མཆོད་ཁང་ལགས། འོ་བྱས་རེ་དཀོན་མཆོག་གིས་དེ་རེ་གསུངས་འོད་ད་ལགས། ང་ཁོང་ཀྱ་ཡི་གུང་དུ་གནས་ཡས་ཡིན། དེ་ནས་ཁོང་ཀྱ་མུ་ལ་བརྒྱུག་ཡས་ཡིན། དེ་ནས་ང་ཁོང་ཀྱ་ཡི་དཀོན་མཆོག་འབྱུང་ཡས་ཡིན། དེ་ནས་ཁོང་ཀྱ་ངའི་མི་རྒྱུད་འབྱུང་གི་ལགས།

ག་ལ་ཏི་ཡཱ་པ། 6:10

འོ་བྱས་རེ་གོ་སྐབས་འབྱོར་རི་གང་ལ། འོ་རང་མི་གི་རི་ལ་བཟང་ང་བྱས་རེ་འགྲོ། དེ་ནས་དངོས་གནས་བྱེད་ན་འོ་རི་དད་པ་ཡི་མི་ཚང་ཀྱ་ལ་བྱེད།

ཕི་ལིབ་པཱི་པ། 1:11

དེ་ནས་དཀོན་མཆོག་གི་གཟི་བརྗིད་དང་བསྟོད་པའི་ཆེད་དུ། ཡེ་ཤུ་མཱ་ཤི་ཀའི་ཐོག་ནས་ཐོབ་ཀྱིན་དྲང་བདེན་གྱི་འབྲས་བུ་ཡིས་ཁྱེད་ཀྱ་ཁང་བར་ཤོག།

ཕི་ལིབ་པཱི་པ། 2:17

ཡིན་ནའང་ཁྱེད་ཀྱ་ཡི་དད་པའི་མཆོད་པ་དང་བསྙེན་བཀུར་འགྲུབ་ཡས་ཀྱི་ཕྱིར་ལ། ངའི་ཕྲག་ནི་གསེར་སྐྱེམས་ཅོག་རེ་འབུལ་དགོས་ཡས་ཡིན་ན། ང་ཉམ་མོ་དགའི། དེ་ནས་ཁྱེད་ཀྱ་གི་རི་མུ་ལ་དགའ་སྤྲོ་བྱེད་ཡས་ཡིན།

ཕི་ལིབ་པཱི་པ། 4:18

ང་ལ་འཐོབ་དགོས་ཀྱིན་ནས་མང་ང་གི་རི་ཐོབ་འོད། དེ་ནས་ཨེ་པབ་རོ་དི་ཏོ་ནས་ཁྱེད་ཀྱ་ཡིས་བསྐུར་ཀ་རྔན་པ་གོ་ཐོབ་སྟེ། ད་ད་ལྟ་ང་ལ་གི་རི་ཚང་གིན་འོད། དེ་ནས་འོ་དེ་རྔན་པ་ནི་དྲི་ཞིམ་གྱི་མཆོད་པ་ཅོག་རེ་དཀོན་མཆོག་གི་དྲུང་དུ། ཐུགས་མཉེས་བོ་དང་ཐུགས་བསྣུམས་མ་མཛད་ཐུབ་ཀྱིན་འདུག།

ཀོ་ལོ་སཱེ་པ། 3:17

དེ་ནས་ཚིག་དང་ལས་ཀྱི་ཐོག་ནས་ཁྱེད་ཀྱ་ཡིས་གི་བྱེད་ན། གི་རི་གཙོ་བོ་ཡེ་ཤུའི་མཚན་ནས་ཡབ་དཀོན་མཆོག་ལ་ཁོང་གི་ཐོག་ནས་བཀའ་དྲིན་ཆེ་ཞུས་རེ་བྱེད།

༡ ཏི་མོ་ཐེའུ། 3:15

ཡིན་ནའང་ང་ཕི་རག་ན། ཁྱེད་ཀྱི་གསོན་པོ་དཀོན་མཆོག་གི་ནང་ལ་སྤྱོད་པ་ག་རེ་བྱེད་དགོས་ཡས་གོ་ཤེས་ལ་བྱེད་ཡས་ཀྱི་ཕྱིར་ལ་བྲིས་པའི། ནང་འདི་ནི་གསོན་པོ་དཀོན་མཆོག་གི་ཆོས་ཚོགས་དང་། བདེན་པ་ཉིད་ཀྱི་ཀ་བ་དང་རྨང་གཞི་ཡིན།

ཨིབ་རི་པ། 3:6

ཡིན་ནའང་མཱ་ཤི་ཀ་ནི་དཀོན་མཆོག་གི་ནང་མི་ཁར་ལ་སྲས་ཅོག་རེ་བློ་གཏད་ཆོག་པ་འོད་ད་ལགས། ད་འོ་རི་རེ་བ་ལ་འོ་རང་སྙིང་ཆེ་བྱས། དེ་ནས་བློ་གཏད་བརྟན་པོ་བཞག་ན། འོ་རང་དཀོན་མཆོག་གི་ནང་མི་ལགས།

༡ པེ་ཏྲོ། 2:9

ཡིན་ནའང་ཁྱེད་ཀྱ་ནི་བདམས་ད་བརྒྱུད་པ་དང་། རྒྱལ་བོ་རིགས་ཀྱི་མཆོད་དཔོན་དང་། མི་རིགས་དམ་པ་དང་། དཀོན་མཆོག་གི་རང་གི་མི་ཀྱ་ལགས། དེ་ནས་ཁོང་པ་ཡི་ཧང་སང་གིན་གྱི་ཕྱག་ལས་ཀྱ་གསལ་བསྒྲགས་བྱེད་ཡས་ལ། མུན་ནག་ནས་ཁོང་གི་ཧང་སང་གིན་གྱི་འོད་ནང་ལ་ཁྱེད་ཀྱ་བོས་བ་ལགས།

༡ པེ་ཏྲོ། 4:11

དོན་གི་རིའི་ཐོག་ནས་ཡེ་ཤུ་མཱ་ཤི་ཀའི་ཐོག་ནས་དཀོན་མཆོག་གི་གཟི་བརྗིད་འབྱུང་ཡས་ཀྱི་ཆེད་དུ། ཁྱེད་ཀྱ་ནས་ཆོས་བཤད་མཁན་གྱིས་དཀོན་མཆོག་གི་བཀའ་གསུངས་ཀྱིན་ཅོག་རེ་བཤད་དགོས། དེ་ནས་ཁྱེད་ཀྱ་ནས་ཞབས་ཕྱི་ཞུ་མཁན་གྱིས་དཀོན་མཆོག་གིས་གནང་ན་སྟོབས་ཀྱི་སྒོ་ནས་ཞབས་ཕྱི་ཞུ་དགོས། དུས་གཏན་དུ་གཟི་བརྗིད་དང་དབང་ཁོང་པ་ཡི་ལགས། ཨ་མེན།

༡ པེ་ཏྲོ། 4:17

གི་བྱས་རེ་སྨྲ་ན་དཀོན་མཆོག་གི་ནང་མི་ནས་རང་འགོ་འཛུགས་ཏེ་ཁྲིམས་བཅད་ཡས་ཀྱི་དུས་བབ་འདུག། དེ་ནས་དེ་འོ་རང་ཀྱ་ནས་འགོ་བཙུགས་ན་དཀོན་མཆོག་གི་གཏམ་བཟང་མི་བརྩིས་མཁན་ཀྱ་ཡི་འབྲས་བུ་གོ་གི་འབྱུང་བའི་འོད་གྲོ།

མངོན་པ། 1:6

དེ་ནས་འོ་རང་ལ་ཁོང་གི་ཡབ་དཀོན་མཆོག་ལ་ཞབས་ཕྱི་ཞུ་ཡས་ལ་རྒྱལ་སྲིད་དང་། མཆོད་དཔོན་མཛད་ཀྱིན་ཁོང་པ་ལ་གཟི་བརྗིད་དང་། དབང་རྒྱུན་ནས་རྒྱུན་དུ་འོང་བར་ཤོག། ཨ་མེན།

མངོན་པ། 20:6

སླར་གསོན་པོ་དང་པོ་བྱུང་མཁན་ཀྱ་བྱིན་རླབས་ཆེ་དང་དམ་པ་ལགས། ཁོང་ཀྱ་ལ་འཆི་བ་གཉིས་བ་ཡིས་དབང་བྱེད་མི་ཐུབ་ཀྱི་ལགས། ཡིན་ནའང་ཁོང་ཀྱ་དཀོན་མཆོག་དང་མཱ་ཤི་ཀའི་མཆོད་དཔོན་བྱུང་རེ། མཱ་ཤི་ཀ་མུ་ལ་ལོ་གཅིག་སྟོང་ཐུག་པའི་དབང་བསྒྱུར་བྱེད་ཀྱི་ལགས།

མངོན་པ། 3:12

དེ་ནས་སུ་རྒྱལ་ལི། འོ་དེ་གོ་ལ་ང་འོ་དེའི་ཕྱིར་ལ་ངའི་དཀོན་མཆོག་གི་མཆོད་ཁང་ནང་དུ་ཀ་བ་གཅིག་བཙུགས་ཡས་ཡིན། དེ་ནས་ཁོ་འོ་དེ་ནས་ནམ་མའང་ཐོན་དགོས་གུ་མ་ལགས། ང་ཁོའི་ཁར་ལ་ངའི་དཀོན་མཆོག་གི་མཚན་འབྲི་ཡས་ཡིན། དེ་ནས་ནམ་མཁའི་ཞིང་ཁམས་ནས་མ་ལ་ཕེབས་ཀྱིན་ངའི་དཀོན་མཆོག་གི་རྒྱལ་སའི་མིང་ཡེ་རུ་ཤ་ལེམ་གསར་པ་འབྲི་ཡས་ཡིན། དེ་ནས་ང་རི་མིང་གསར་པ་གོའང་ཁོའི་ཁར་ལ་འབྲི་ཡས་ཡིན།

མངོན་པ། 5:10

དེ་ནས་ཁོང་ཀྱ་ལ་འོ་རི་དཀོན་མཆོག་གི་ཆེད་དུ་རྒྱལ་ཁབ་དང་མཆོད་དཔོན་ཀྱ་བཀོད་མཛད་པ་ལགས། དེ་ནས་ཁོང་ཀྱ་ཡིས་འཇིག་རྟེན་དུ་དབང་བྱེད་ཀྱི་ལགས།