༡ པེ་ཏྲོ། 1:7 - གློ་བ།

⁷ དེ་ཀྱ་ནི་ཁྱེད་ཀྱི་དད་པ་དངོས་གནས་ཡིན་གྱིན་གྱི་དཔང་པོ་སྟོན་ཡས་དང་། ཡེ་ཤུ་མཱ་ཤི་ཀ་མངོན་ཏེ་གང་ལ་ཁྱེད་ཀྱ་ལ་བསྟོད་པ་དང་། གཟི་བརྗིད་དང་། བཀུར་སྟི་འཐོབ་ཡས་ཆེད་དུ་འོང་ང་ལགས། དཔེ་ལ་ལྟ་ན་མེད་ད་ལ་འགྲོ་གིན་གསེར་ཀྱ་མེ་ལ་བསྲགས་ཏེ་གཙང་ང་བཟོ་བ་ལགས། ཡིན་ནའང་ཁྱེད་ཀྱ་ཡི་དད་པ་གསེར་ལས་རྩ་ཆེ་ལགས།

༡ པེ་ཏྲོ། 1:7 Iomraidhean Croise

མད་ཐཱ། 19:28

ཡེ་ཤུ་ཡིས་ཁོང་ཀྱ་ལ་གསུངས་བ་ལགས། ང་ཁྱེད་ཀྱ་ལ་བདེན་པ་རང་སྨྲ་ཡིན། གི་རི་གསར་པ་བཀོད་ལི་གང་ལ། མིའི་བུ་རང་གི་གཟི་བརྗིད་ཀྱི་བཞུགས་ཁྲི་ལ་བཞུགས་བའི་གང་ལ། ཁྱེད་ཀྱ་ངའི་གཤམ་པ་ལ་འབྲང་གིན་ཀྱ་བཞུགས་ཁྲི་བཅུ་གཉིས་ཁར་ལ་བསྡད་དེ། ཡིས་ར་ཨེལ་གྱི་ཚོ་ཁག་བཅུ་གཉིས་ཁར་ལ་ཁྲིམས་བཅད་ཀྱི་ལགས།

མད་ཐཱ། 25:21

བདག་པོ་ཡིས་ཁོ་ལ་སྨྲས་བ་ལགས། གཡོག་པོ་བཟང་པོ་དང་བློ་བཀལ་ཐུབ་ཀྱིན། ཁྱོས་དམི་ཅིག་གི་དགའ་བྱས་འདུག། ཁྱོས་ཉུང་ང་ལ་དྲང་པོ་བྱས་རེ། ད་ང་ཁྱོད་ལ་མང་ང་ཡི་འགན་སྟེར་ར་ཡིན། ད་ངའི་མུ་ལ་དགའ་སྤྲོ་གཏང་དུ་ཤོག།

མད་ཐཱ། 25:23

བདག་པོ་ཡིས་ཁོ་ལ་སྨྲས་བ་ལགས། གཡོག་པོ་བཟང་པོ་དང་བློ་བཀལ་ཐུབ་ཀྱིན། ཁྱོས་དམི་ཅིག་གི་དགའ་བྱས་འདུག།ཁྱོས་ཉུང་ང་ལ་དྲང་པོ་བྱས་རེ། ད་ང་ཁྱོད་ལ་མང་ང་ཡི་འགན་སྟེར་ར་ཡིན། ད་ངའི་མུ་ལ་དགའ་སྤྲོ་གཏང་དུ་ཤོག

ལུ་ཀ། 12:33

ཁྱོད་རི་རྒྱུ་ནོར་བཙོངས་རེ་དབུལ་སྤྲེ་ཀྱ་ལ་སྦྱིན་པ་གཏོང་། ཁྱོད་རི་ཕྱིར་ལ་རྙིང་པ་ལ་མེད་འགྲོ་གིན་ཁུག་མ་བཟོས། འོ་དེ་ནང་དུ་ནམ་མའང་མེད་རྫོགས་ཀྱིན་རྒྱུ་ནོར་ནམ་མཁའི་ཞིང་ཁམས་དུ་བསགས་ཏེ་ཞོག། འོ་དུ་རུ་རྐུན་མོ་མེད་ཡོང་ང་ལགས། དེ་ནས་མུག་པས་མེད་ཟ་ལགས།

ལུ་ཀ། 17:30

ད་མིའི་བུ་མངོན་དུ་མཛད་ཀྱིན་ཉིན་མ་གོ་ལ་དེ་རེ་རང་འབྱུང་གི་ལགས།

ཡོ་ཧ་ནན། 12:26

སུས་ང་ལ་ཞབས་ཏོག་ཞུས། འོ་དེས་ངའི་གཤམ་ལ་འབྲང་དགོས་གུ་ལགས། དེ་ནས་ང་ག་རུ་འོད་ས་རུ་ངའི་ཞབས་ཕྱི་གོའང་ཡོང་གི་ལགས། སུས་ང་ལ་ཞབས་ཏོག་ཞུ་ན། འོ་དེ་ལ་ཡབ་ཀྱིས་བཀུར་སྟི་མཛད་ཀྱི་ལགས།

ཡོ་ཧ་ནན། 5:44

དཀོན་མཆོག་གཅིག་པོ་ནས་འབྱུང་གིན་བཀུར་སྟི་གོ་མེད་བཙལ་ལ། ཁྱེད་ཀྱ་ཕན་ཚུན་གྱི་ནང་དུ་བཀུར་སྟི་བཙལ་གྱིན་བྱེད་རེ། ཁྱེད་ཀྱ་གང་གི་བྱས་རེ་དད་པ་བྱེད་ཐུབ་ཀྱི་ལེ།

མཛད་པ། 8:20

ཡིན་ནའང་པེ་ཏྲོ་ཡིས་ཁོ་ལ་སྨྲས་བ་ལགས། ཁོས་དཀོན་མཆོག་གི་གནང་སྦྱིན་གོ་ཨ་ལེ་གྱིས་ཉོས་རེ་ཐོབ་གྲོ་སྨྲས་རེ་བསམས་ཏེ་ཁྱོད་དང་ཁོའི་ཨ་ལེ་མེད་ད་ལ་འགྲོ་བར་ཤོག།

རོ་མཱ་པ། 2:10

ཡིན་ནའང་ལས་བཟང་ང་བྱེད་མཁན་གི་རི་ལ་གཟི་བརྗིད་དང་། བཀུར་སྟི་དང་ཞི་བདེ་འཐོབ་ཀྱི་ལགས། དང་པོ་གོ་ཡ་ཧུ་དཱ་པ་ཀྱ་ལ། དེ་ནས་ཡ་ཧུ་དཱ་པ་མིན་མཁན་ཀྱ་ལ།

རོ་མཱ་པ། 2:29

ཡིན་ནའང་ཡ་ཧུ་དཱ་པ་དངོས་གནས་གོ་སེམས་ནང་ནས་ཡ་ཧུ་དཱ་པ་ཡིན་མཁན་གོ་ལགས། དེ་ནས་ལྤགས་བོ་བཅད་ཀྱིན་སྲོལ་དངོས་གནས་གོ་བྲིས་བྲ་ཆོས་ཁྲིམས་ནས་མིན་ད། དམ་པའི་ཐུགས་ཉིད་ཀྱི་ཐོག་ནས་བྱུང་གིན་སེམས་ཉིད་ཀྱི་ལབ་ལགས། དེ་རེ་མིའི་བསྟོད་སྒྲ་ནི་མི་ནས་མིན་ད། དཀོན་མཆོག་ནས་འབྱུང་གི་ལགས།།

རོ་མཱ་པ། 2:7

དེ་ནས་བཟོད་པའི་སྒོ་ནས་ལས་བཟང་ང་བྱས་རེ་གཟི་བརྗིད་དང་། བཀུར་སྟི་དང་། འཆི་བ་མེད་ཀྱིན་ཚེ་བཙལ་མཁན་མི་ཀྱ་ལ་ཁོང་གིས་མཐའ་མེད་པའི་ཚེ་སྲོག་གནང་གི་ལགས།

རོ་མཱ་པ། 8:19

གི་བྱས་རེ་སྨྲ་ན་བཀོད་པ་གི་རི་དཀོན་མཆོག་གི་སྲས་ཀྱ་མངོན་ཡས་ལ་དམི་ཅིག་གི་རེ་བ་ཆེ་བྱས་རེ་སྒུག་སྟེ་བསྡད་འོད་ད་ལགས།

༡ ཀོ་རིན་ཐུ་པ། 3:13

ཁོང་ཀྱ་རེ་རེའི་ལས་ཀ་གོ་གསལ་བོ་མཐོང་གི་ལགས། གི་བྱས་རེ་སྨྲ་ན་ཁྲིམས་གཅོད་ཀྱི་ཉིན་མ་ཡིས་འོ་དེ་མངོན་གྱི་ལགས། འོ་དེ་ནི་མིའི་སྒོ་ནས་མངོན་གྱི་ལགས། དེ་ནས་མི་རེ་རེའི་ལས་ཀ་ག་རེ་འོད་ཀྱིན་གོ་མེ་ཡིས་རང་བརྟག་དཔྱད་བྱེད་ཀྱི་ལགས།

༡ ཀོ་རིན་ཐུ་པ། 4:5

འོ་བྱས་རེ་བཀོད་ཀ་དུས་གོ་མ་བབས་ཀྱིན་ཨེན་ལ་མི་སུའི་འང་ཁྲིམས་མ་བཅད། དེ་ནས་གཙོ་བོ་ཕེབས་ཀྱིན་ཐུག་པའི་གུག་སྟེ་སྡོད། ཁོང་པ་ཡིས་མུན་ནག་གི་ནང་སྦས་རེ་བཞག་ཞ་ལབ་གི་རི་འོད་ལ་མངོན་མཛད་ཀྱི་ལགས། དེ་ནས་མིའི་སེམས་པའི་འཆར་གཞི་ཀྱ་མངོན་མཛད་ཀྱི་ལགས། དེ་ནས་འོ་དེ་གང་ལ་མི་རེ་རེའི་དཀོན་མཆོག་ནས་རང་གི་བསྟོད་པ་འཐོབ་ཀྱི་ལགས།

ཡ་ཀོབ། 1:12

སྡུག་པོ་མྱངས་བའི་གང་ལ་བཟོད་པ་བྱེད་མཁན་མི་བྱིན་རླབས་ཆེ་ལགས། གི་བྱས་རེ་སྨྲ་ན་ཚོད་ལྟ་ནས་ཁོ་ཐར་ཚར་ཏེ་དཀོན་མཆོག་གིས་རང་ལ་བརྩེ་བ་བྱེད་མཁན་ཀྱ་ལ་དམ་བཅའ་མཛད་ཛ་མི་ཚེའི་ཅོད་པན་གོ་ཁོ་ལ་འཐོབ་ཀྱི་ལགས།

༡ པེ་ཏྲོ། 1:13

འོ་བྱས་རེ་ཁྱེད་ཀྱ་རང་གི་སེམས་གྲ་སྒྲིག་བྱེད། དེ་ནས་སྤྱང་རྫེ་བྱས་རེ་སྡོད། དེ་ནས་ཡེ་ཤུ་མཱ་ཤི་ཀ་མངོན་ཏེ་གང་ལ། ཁྱེད་ཀྱ་ལ་གནང་ཡས་ཡིན་གྱིན་ཐུགས་རྗེ་གོ་ལ་རེ་བ་ཚང་གོ་བྱས་རེ་སྡོད།

༡ པེ་ཏྲོ། 1:5

དེ་ནས་ཁྱེད་ཀྱི་དད་པའི་སྒོ་ནས་དཀོན་མཆོག་གི་ནུས་མཐུ་ཡིས། ཁྱེད་ཀྱ་ལ་མཐའ་མའི་དུས་ལ་མངོན་ཡས་ཡིན་གྱིན་ཐར་པའི་ཆེད་དུ་སྲུང་རེ་བཞག་འོད་ད་ལགས།

༡ པེ་ཏྲོ། 2:4

དེ་ནས་མི་ཡིས་སྤངས་པ་ཡིན་ནའང་དཀོན་མཆོག་གི་དམིགས་བ་རུ་ཁོང་པ་བདམས་ད་དང་། རྩ་ཆེ་ཡིན་གྱིན་རྡོ་གསོན་པོ་ཡིན་གྱིན་གཙོ་བོའི་དྲུང་དུ་ཁྱེད་ཀྱ་འོང་བའི་གང་ལ།

༡ པེ་ཏྲོ། 2:7

འོ་བྱས་རེ་ཁྱེད་དད་པ་བྱེད་མཁན་ཀྱ་ཡི་ཆེད་དུ་ཁོང་རྩ་ཆེ་ལགས། ཡིན་ནའང་དད་པ་མི་བྱེད་མཁན་ཀྱ་ཡི་ཆེད་དུ། རྩིག་དཔོན་ཀྱ་ཡིས་སྤངས་པ་རྡོ་གོ། ཟུར་རྡོ་བྱུང་འདུག

༡ པེ་ཏྲོ། 4:12

གཅེས་བའི་ཀྱ་བོ། ཁྱེད་ཀྱ་ལ་ཆོད་ལྟ་བྱེད་ཡས་ལ་མེ་ཅོག་རེ་སྡུག་པོ་ཁྱེད་ཀྱི་ཁར་ལ་བབ་ན། ཁྱེད་ཀྱ་ལ་མཁྱན་ཚ་གཅིག་བྱུང་གིན་ཅོག་རེ་ཧང་མ་སང་།

༡ པེ་ཏྲོ། 4:13

ཡིན་ནའང་མཱ་ཤི་ཀ་གཟི་བརྗིད་ལ་མངོན་ཏེ་གང་ལ། ཁྱེད་ཀྱ་དམི་ཅིག་གི་ཉམ་དགའ་དང་། དགའ་སྤྲོ་སྐྱེས་ཡས་ཀྱི་ཕྱིར་ལ། ད་ལྟ་ཁྱེད་ཀྱ་མཱ་ཤི་ཀའི་སྡུག་པོ་མུ་ལ་འཁུར་རི་གང་ལ་ཉམ་དགའ་བྱེད།

༡ པེ་ཏྲོ། 5:1

ང་རང་ཆོས་ཚོགས་ཀྱི་འགོ་ཁྲིད་གཅིག་ཡིན་གྱིན་བྱས་རེ། དེ་ནས་མཱ་ཤི་ཀའི་སྡུག་པོ་མྱངས་ཀྱིན་གྱི་དཔང་པོ་དང་། གཤམ་ལ་མངོན་ཡས་ཡིན་གྱིན་གཟི་བརྗིད་ལ་མུ་ལ་ཐེ་ཡས་ཡིན་གྱིན་གཅིག་བྱས་རེ། ང་ཁྱེད་ཀྱ་ནང་ནས་འགོ་ཁྲིད་ཀྱ་ལ་ཞུ་བ་འབུལ་ལ་ཡིན།

༢ པེ་ཏྲོ། 1:1

ཡེ་ཤུ་མཱ་ཤི་ཀའི་བྲན་གཡོག་དང་སྐུ་ཚབ་སི་མོ་ཡོན་པེ་ཏྲོ་ནས། འོ་རི་དཀོན་མཆོག་དང་སྐྱབས་མགོན་ཡེ་ཤུ་མཱ་ཤི་ཀའི་དྲང་བདེན་ལ་འེ་ཀྱ་ལ་ཅོག་རེ་རྩ་ཆེ་དད་པ་ཐོབ་ཐ་ཀྱ་ལ།

༢ པེ་ཏྲོ། 1:4

དེ་ནས་ཁོང་པ་ཡི་གཟི་བརྗིད་དང་ཐུགས་བཟང་པོའི་སྒོ་ནས། འོ་རང་ལ་ཁོང་གིས་དམ་བཅའ་ཁག་ཆེ་ཀྱ་དང་རྩ་ཆེ་ཀྱ་གནང་འོད་ད་ལགས། དེ་ཀྱ་སྒོ་ནས་འདོད་པ་ངན་པ་ཀྱ་ཡིས་བྱས་རེ་འཇིག་རྟེན་ནང་འོད་ཀྱིན་ངན་པ་ཀྱ་ནས་ཐར་ཏེ། ཁྱེད་ཀྱ་དཀོན་མཆོག་གི་བླ་ན་མེད་པའི་རང་གཤིས་ལ་ཐེ་ཡས་རག་འོད་ད་ལགས།

༢ པེ་ཏྲོ། 3:14

འོ་བྱས་རེ་གཅེས་བའི་ཀྱ་བོ། ཁྱེད་ཀྱ་དོན་དེ་ཀྱ་ལ་སྒུག་སྟེ་བསྡད་ཀྱིན་བྱས་རེ། དཀོན་མཆོག་གི་དྲུང་དུ་དྲི་མ་མེད་ཀྱིན་དང་། སྐྱོན་མེད་ཀྱིན་དང་། ཞི་བདེ་ལ་ཐུག་ཡས་ཀྱི་ཆེད་དུ་གི་ཐུབ་ཐུབ་ཐབས་ཤེས་བྱེད།

ཡུ་དཱ། 1:24

ད་ཁྱེད་ཀྱ་ལ་སྡིག་པའི་ནང་དུ་ཆུད་ཡས་ནས་སྐྱོབ་མཛད་ཐུབ་ཀྱིན་དང་། ཁྱེད་ཀྱ་ལ་དགའ་སྤྲོ་ཆེའི་ཐོག་ནས་ཁོང་པའི་གཟི་བརྗིད་ཀྱི་དྲུང་དུ་ཁྱེད་ཀྱ་ལ་སྐྱོན་མེད་ཀྱིན་སྟོན་མཛད་མཁན།

མངོན་པ། 1:7

ལྟོས་དང་། ཁོང་པ་སྲིང་པ་ཀྱ་ཡི་ཁོག་ནས་ཕེབས་བའི། དེ་ནས་མིག་གི་རི་ཡིས་ཁོང་ལ་མཇལ་གྱི་ལགས། དེ་ནས་ཁོང་པ་ལ་མདུང་བཙུགས་མཁན་ཀྱ་ཡིས་འང་མཇལ་གྱི་ལགས། དེ་ནས་འཇིག་རྟེན་གྱི་མི་གི་རི་ཁོང་པ་ཡི་དོན་དུ་ངུ་བརྡ་བརྒྱབ་ཀྱི་ལགས། གཏམ་དེ་བདེན་པ་འབྱུང་བར་ཤོག། ཨ་མེན།

མངོན་པ། 2:10

ད་ཁྱོས་མྱངས་ཡས་ཡིན་གྱིན་སྡུག་པོ་ཀྱ་ནས་མ་འཇིགས། ལྟོས་དང་། ཁྱེད་ཀྱ་ལ་ཚོད་ལྟ་བྱེད་ཡས་ཀྱི་ཆེད་དུ་བདུད་ཀྱིས་ཁྱེད་ཀྱ་ནས་རིང་འགའ་ལ་བཙོན་ཁང་དུ་བཅུག་གི་ལགས། དེ་ནས་ཞག་མོ་བཅུ་ཐུག་པའི་ཁྱོད་ལ་སྡུག་པོ་འབྱུང་གི་ལགས། ཁྱོད་ཤི་དགོས་ན་དད་པ་ལ་བརྟན་པོ་སྡོད། དེ་ནས་ངས་ཁྱོད་ལ་ཚེ་སྲོག་གི་ཅོད་པན་སྟེར་རོ།

མངོན་པ། 3:10

ཁྱེད་ཀྱ་ཡིས་བཟོད་པ་བྱེད་དགོས་ཀྱིན་ངའི་བཀའ་གོ་བསྲུངས་སྲ་བྱས་རེ། ང་ཁྱོད་ལ་ས་གཞི་རུ་འོད་ཀྱིན་མི་གི་རི་ལ་ཚོད་ལྟ་བྱེད་ཡས་ལ། འཛམ་བུ་གླིང་དུ་འོང་ཡས་ཡིན་གྱིན་འོ་དེ་ཚོད་ལྟའི་དུས་ཚོད་ནས་སྐྱོབ་ཡས་ཡིན།

མངོན་པ། 3:18

འོ་བྱས་རེ་ཁྱོད་ཕྱུག་པོ་འབྱུང་ཡས་ཀྱི་ཆེད་དུ་ང་ནས་མེ་ཡིས་གཙང་མ་བཟོས་ཟ་གསེར་དང་། རང་གི་དམར་ཧྲང་ང་བྱུང་བྱ་ཡི་ངོ་ཚ་བཀབ་ཡས་ཀྱི་ཆེད་དུ། གོས་དཀར་བོ་དང་ཁྱོད་མཐོང་ཐུབ་ཡས་ཀྱི་ཆེད་དུ་ཁྱོའི་མིག་ལ་སྨན་ང་ནས་ཉོས་སྨྲས་རེ་ང་ཁྱོད་ལ་བསླབ་བྱ་སྟེར་ར་ཡིན།