༡ པེ་ཏྲོ། 1:3 - གློ་བ།

³ དཀོན་མཆོག་འོ་རི་གཙོ་བོ་ཡེ་ཤུ་མཱ་ཤི་ཀའི་ཡབ་ལ་བསྟོད་པ་འབུལ་ལོ། ཁོང་པ་ཡི་སྙིང་རྗེ་ཆེན་པོས་ཡེ་ཤུ་མཱ་ཤི་ཀ་འཆི་བ་ནས་གསོན་པོ་མཛད་དེ། འདིའི་ཐོག་ནས་འོ་རང་ཀྱ་ལ་རེ་བ་གསོན་པོ་འཐོབ་ཡས་ཀྱི་ཆེད་དུ། འོ་རང་ཀྱ་ལ་ཚེ་གསར་པ་གནང་འོད་ད་ལགས།

༡ པེ་ཏྲོ། 1:3 Iomraidhean Croise

ཡོ་ཧ་ནན། 1:13

དེ་ནས་ཁོང་ཀྱ་གོ་ཕ་མ་དང་། ལུས་དང་། ཁྱོ་ག་ཡི་འདོད་པའི་ཐོག་ནས་སྐྱེས་བ་མིན་ད། དཀོན་མཆོག་གི་ཐུགས་དགོངས་ནས་བྱུང་བ་ལགས།

རོ་མཱ་པ། 12:12

དེ་ནས་རེ་བ་ལ་བརྟེན་ཏེ་དགའ་སྤྲོ་བྱེད། དེ་ནས་སྡུག་པོ་མྱངས་བའི་གང་ལ་བཟོད་པ་བྱེད། དེ་ནས་ཙོག་བའི་སྨོན་ལམ་ཞུས།

རོ་མཱ་པ། 15:13

ད་དམ་པའི་ཐུགས་ཉིད་ཀྱི་ནུས་མཐུ་ནས་ཁྱེད་ཀྱ་ཡི་རེ་བ་མོད་ཚོ་ལི་འཕེལ་ཡས་ཀྱི་ཆེད་དུ། རེ་བ་ཡི་དཀོན་མཆོག་གིས་ཁྱེད་ཀྱ་ལ་དད་པ་ཡི་ཐོག་ནས་དགའ་སྤྲོ་དང་ཞི་བདེ་འོད་ལེ་ཡིས་ཁང་བར་ཤོག།

རོ་མཱ་པ། 4:25

འོ་རི་སྡིག་པ་ཀྱ་ཡིས་བྱས་རེ་ཡེ་ཤུ་འཆི་བ་ལ་སྟེར་པ་ལགས། དེ་ནས་འོ་རང་ལ་དྲང་པོ་མཛད་ཡས་ཀྱི་ཆེད་དུ་ཁོང་སྐུ་གསོན་པོ་བཞེངས་དུ་བཅུག་པ་ལགས།།

རོ་མཱ་པ། 5:10

གི་བྱས་རེ་སྨྲ་ན་འོ་རང་དཀོན་མཆོག་གི་དགྲ་འོད་དེ་གང་ལ། ཁོང་པ་ཡི་སྲས་གྲོངས་ཀྱིན་གྱི་ཐོག་ནས་ཁོང་པ་མུ་ལ་འོ་རང་བསྡུམས་མ་མཛད་འོད་ན ། ད་བསྡུམས་མ་མཛད་ཚར་ཏེ་མཱ་ཤི་ཀའི་ཚེའི་ཐོག་ནས་འོ་རང་ཡོལ་ལེ་མང་ང་ཐར་གྱི་ལགས།

རོ་མཱ་པ། 8:11

དེ་ནས་ཡེ་ཤུ་ལ་འཆི་བ་ནས་སྐུ་གསོན་པོ་མཛད་མཁན་གྱི་ཐུགས་ཉིད་ཁྱེད་ཀྱ་ཡི་ནང་བཞུགས་འོད་ན། མཱ་ཤི་ཀ་ཡེ་ཤུ་ལ་འཆི་བ་ནས་སྐུ་གསོན་པོ་མཛད་མཁན་གྱིས་ཁྱེད་ཀྱ་ཡིས་ནང་བཞུགས་ཀྱིན་དམ་པའི་ཐུགས་ཉིད་ཀྱི་ཐོག་ནས། ཁྱེད་ཀྱི་འཆི་བའི་ལུས་ལའང་ཚེ་སྲོག་གནང་གི་ལགས།

རོ་མཱ་པ། 8:24

ད་རེ་བ་འདིའི་བྱས་རེ་རང་འོ་རང་ལ་ཐར་པ་ཐོབ་པ་ལགས། ཡིན་ནའང་མིག་གིས་མཐོང་གིན་རེ་བ་ནི་རེ་བ་རང་མ་ལགས། མིག་གིས་མཐོང་གིན་ལ་སུས་རེ་བ་བྱེད་ཀྱི་ལགས་སེ།

༡ ཀོ་རིན་ཐུ་པ། 13:13

དེ་ནས་ད་དད་པ་དང་། རེ་བ་དང་། བྱམས་པ་གསུམ་གནས་ཀྱི་ལགས། ཡིན་ནའང་དེ་ཀྱ་ནང་ནས་གལ་ཆེ་ཤོས་གོ་བྱམས་པ་ལགས།།

༡ ཀོ་རིན་ཐུ་པ། 15:20

ཡིན་ནའང་མཱ་ཤི་ཀ་དངོས་གནས་རང་འཆི་བ་ནས་སྐུ་གསོན་པོ་བཞེངས་ང་མཛད་པ་ལགས། དེ་ནས་ཁོང་ནི་གྲོངས་རེ་སོང་ས་ཀྱ་ནས་གསོན་གྱིན་འབྲས་བུ་དང་པོ་གོ་ལགས།

༢ ཀོ་རིན་ཐུ་པ། 1:3

འོ་རི་གཙོ་བོ་ཡེ་ཤུ་མཱ་ཤི་ཀའི་དཀོན་མཆོག་དང་ཡབ་ལ་བསྟོད་པར་འོང་བར་ཤོག། དེ་ནས་སྙིང་རྗེ་ཅན་གྱི་ཡབ་དང་སེམས་གསོ་གི་རིའི་དཀོན་མཆོག་ལ་བསྟོད་པ་འོང་བར་ཤོག།

ག་ལ་ཏི་ཡཱ་པ། 6:16

ད་འདི་ཁྲིམས་ལ་བརྩིས་རེ་རྒྱུག་མཁན་གི་རི་དང་དཀོན་མཆོག་གི་མི་རིགས་ཡིས་ར་ཨེལ་ལ། ཞི་བདེ་དང་སྙིང་རྗེ་བབ་པར་ཤོག།

ཨེ་ཕེ་སུ་པ། 1:17

དེ་ནས་འོ་རི་གཙོ་བོ་ཡེ་ཤུ་མཱ་ཤི་ཀའི་དཀོན་མཆོག་གཟི་བརྗིད་ཆེ་ཡབ་ཀྱིས་རང་གི་སྐོར་ལ། ཁྱེད་ཀྱ་ཡིས་གི་རི་ཧ་གོ་ཡས་ཀྱི་ཕྱིར་ལ་སེམས་ཉིད་ཀྱི་ཤེས་རབ་དང་། གསལ་སྟོན་གནང་བར་ཤོག་སྨྲས་རེ་ང་སྨོན་ལམ་ཞུས་འོད།

ཨེ་ཕེ་སུ་པ། 1:3

འོ་རི་གཙོ་བོ་ཡེ་ཤུ་མཱ་ཤི་ཀའི་ཡབ་དཀོན་མཆོག་ལ་བསྟོད་པར་ཤོག མཱ་ཤི་ཀའི་ཐོག་ནས་ཁོང་པ་ཡིས་འོ་རང་ཀྱ་ལ་ནམ་མཁའི་ཞིང་ཁམས་ཀྱི་སེམས་ཉིད་ཀྱི་བྱིན་རླབས་འོད་ལེ་གོ་གནང་འོད་ད་ལགས།

ཨེ་ཕེ་སུ་པ། 1:7

དཀོན་མཆོག་གི་གྲངས་མེད་ཀྱི་ཐུགས་རྗེ་ལ་བརྟེན་ཏེ། མཱ་ཤི་ཀའི་སྐུ་ཁྲག་གི་ཐོག་ནས་འོ་རང་ལ་ཐར་པ་འོད་ད་ལགས། དེ་ནས་འོ་རི་སྡིག་པ་ཀྱའི་དགོངས་ཡངས་འོད་ད་ལགས།

ཨེ་ཕེ་སུ་པ། 2:4

ཡིན་ནའང་སྙིང་རྗེ་ལ་ཕུན་སུམ་ཚོགས་པ་འོད་ཀྱིན་དཀོན་མཆོག་གིས་རང་གི་བྱམས་པ་རྒྱ་ཆེའི་ཐོག་ནས་འོ་རང་ལ་བརྩེ་བ་མཛད་པ་ལགས།

ཨེ་ཕེ་སུ་པ། 3:20

ད་འོ་རི་ནང་དུ་ལས་སྒྲུབ་ཀྱིན་ནུས་མཐུའི་སྒོ་ནས་འོ་རི་ཞུ་གིན་དང་། བསམས་ཀྱིན་ནས་ལྷག་མོད་ཆོ་ལི་མཛད་ཐུབ་ཀྱིན་དཀོན་མཆོག་ལ།

ཀོ་ལོ་སཱེ་པ། 1:23

འོ་བྱས་རེ་ཁྱེད་ཀྱ་ཡིས་གོ་གིན་གཏམ་བཟང་ནས་ཐོབ་ཐ་རེ་བ་གོ་མེད་སྤོང་ང་མུ་མཐུད་ནས་དད་པ་ལ་བརྟན་པོ་གནས་དགོས། གཏམ་བཟང་དེ་ནམ་མཁའི་ཞིང་ཁམས་ཀྱི་འོག་ཏུ་འཇིག་རྟེན་དུ་འོད་མཁན་གི་རི་ལ་བཤད་འོད་ད་ལགས། དེ་ནས་ང་པའུ་ལུ་དེའི་ཞབས་ཏོག་པ་གཅིག་ཡིན།

ཀོ་ལོ་སཱེ་པ། 1:27

དཀོན་མཆོག་གི་གྲངས་མེད་ཀྱི་གཟི་བརྗིད་ཀྱི་གསང་བ་དེ། ཡ་ཧུ་དཱ་པ་མིན་མཁན་མི་རིགས་ཀྱི་ཕྱིར་ལ་དམི་ཅིག་གི་རྩ་ཆེ་ཡིན་གྱིན་གོ། རང་གི་དམ་པའི་མི་ཀྱ་ལ་མངོན་དུ་མཛད་ཡས་གོ། དཀོན་མཆོག་གི་ཐུགས་དགྱེས་བ་ལགས། གསང་བ་དེ་ནི་མཱ་ཤི་ཀ་ཁྱེད་ཀྱ་ཡི་ནང་འོད་ད་ལགས། དེ་ནས་ཁོང་ནི་གཟི་བརྗིད་ཀྱི་རེ་བ་གོ་ལགས།

༡ ཐེ་ས་ལོ་ནི་ཀེ་པ། 1:3

འོ་རི་ཡབ་དཀོན་མཆོག་གི་དྲུང་དུ་ཁྱེད་ཀྱ་ཡི་དད་པའི་ལས་ཀ་དང་། བྱམས་པའི་དཀའ་ལས་དང་། འོ་རི་གཙོ་བོ་ཡེ་ཤུ་མཱ་ཤི་ཀའི་ཁར་ལ་རེ་བ་བརྟན་པོ་གོ་ལ། འེ་ཀྱ་ཡིས་སྨོན་ལམ་ལ་མེད་ཆད་ད་དྲན་ཏེ་འོད།

༡ ཐེ་ས་ལོ་ནི་ཀེ་པ། 4:13

ཡིན་ནའང་སྤུན་ཟླ་ཀྱ་བོ། རེ་བ་མེད་ཀྱིན་མི་གཞན་མ་ཀྱ་ཅོག་རེ་སྡུག་ང་མ་བྱེད་བར་ཤོག་སྨྲས་རེ་མཱ་ཤི་ཀ་བ་རེ་གྲོངས་ན། འོ་དེའི་སྐོར་ལ་ཁྱེད་ཀྱ་ལ་བདེན་པ་བྱས་རེ་ཤེས་ཡས་ལ་འེ་ཀྱ་ཡི་འདོད་པ་འོད།

༢ ཐེ་ས་ལོ་ནི་ཀེ་པ། 2:16

ད་འོ་རང་ལ་བརྩེ་བ་གནང་རེ་ཐུགས་རྗེའི་ཐོག་ནས་མཐའ་མེད་ཀྱིན་སེམས་ཀྱི་བདེ་བ་དང་། རེ་བ་བཟང་པོ་གནང་མཁན་གཙོ་བོ་ཡེ་ཤུ་མཱ་ཤི་ཀ་ཁོང་པ་དང་འོ་རི་ཡབ་དཀོན་མཆོག་གིས།

༡ ཏི་མོ་ཐེའུ། 1:14

འོ་རི་གཙོ་བོ་ཡེ་ཤུའི་ཐུགས་རྗེ་མཱ་ཤི་ཀ་ཡེ་ཤུ་ནས་འབྱུང་གིན་དད་པ་དང་། བྱམས་པ་མུ་ལ་ང་ལ་མོད་ཆོད་ལི་གནང་ང་མཛད་སོང་།

ཏི་ཏོས། 2:13

དེ་ནས་འོ་རི་ཁག་ཆེ་དཀོན་མཆོག་དང་སྐྱབས་མགོན་ཡེ་ཤུ་མཱ་ཤི་ཀའི་གཟི་བརྗིད་མངོན་ཡས་ཡིན་གྱིན་ཉིན་མ་བྱིན་རླབས་ཆེ་གོ་ལ། འོ་རང་རེ་བ་བྱས་རེ་སྒུག་སྟེ་བསྡད་ད་ལགས།

ཨིབ་རི་པ། 3:6

ཡིན་ནའང་མཱ་ཤི་ཀ་ནི་དཀོན་མཆོག་གི་ནང་མི་ཁར་ལ་སྲས་ཅོག་རེ་བློ་གཏད་ཆོག་པ་འོད་ད་ལགས། ད་འོ་རི་རེ་བ་ལ་འོ་རང་སྙིང་ཆེ་བྱས། དེ་ནས་བློ་གཏད་བརྟན་པོ་བཞག་ན། འོ་རང་དཀོན་མཆོག་གི་ནང་མི་ལགས།

ཡ་ཀོབ། 1:18

ཁོང་པ་ཡིས་བཀོད་པ་གི་རི་ནས་ལོ་ཏོག་ཕུད་གོ་འོ་རང་འབྱུང་བར་ཤོག་སྨྲས་རེ། ཁོང་པ་རང་གི་ཐུགས་དགོངས་ཀྱི་བདེན་པའི་བཀའ་ཐོག་ནས་འོ་རང་ལ་སྐྱེ་བ་གསར་པ་གནང་ང་མཛད་པ་ལགས།

༡ པེ་ཏྲོ། 1:13

འོ་བྱས་རེ་ཁྱེད་ཀྱ་རང་གི་སེམས་གྲ་སྒྲིག་བྱེད། དེ་ནས་སྤྱང་རྫེ་བྱས་རེ་སྡོད། དེ་ནས་ཡེ་ཤུ་མཱ་ཤི་ཀ་མངོན་ཏེ་གང་ལ། ཁྱེད་ཀྱ་ལ་གནང་ཡས་ཡིན་གྱིན་ཐུགས་རྗེ་གོ་ལ་རེ་བ་ཚང་གོ་བྱས་རེ་སྡོད།

༡ པེ་ཏྲོ། 1:21

དེ་ནས་ཁྱེད་ཀྱ་ཁོང་པ་ཡི་སྒོ་ནས་རང་དཀོན་མཆོག་ལ་དད་པ་སྐྱེས་བ་ལགས། དཀོན་མཆོག་གིས་ཁོང་ལ་འཆི་བ་ནས་གསོན་པོ་མཛད་དེ་ཁོང་ལ་གཟི་བརྗིད་མཛད་པ་ལགས། འོ་བྱས་རེ་ཁྱེད་ཀྱ་དཀོན་མཆོག་ལ་དད་པ་བྱས་རེ་རེ་བ་བྱེད་ད་ལགས།

༡ པེ་ཏྲོ། 1:23

གི་བྱས་རེ་སྨྲ་ན་ཁྱེད་ཀྱ་མེད་ད་ལ་འགྲོ་གིན་ས་ང་ནས་མིན་ད། རྒྱུན་ནས་རྒྱུན་དུ་གནས་ཀྱིན་ས་ང་ཡིན་གྱིན་དཀོན་མཆོག་གི་གསོན་པོ་དང་། རྟག་ཏུ་གནས་ཀྱིན་བཀའི་ཐོག་ནས་ལྡབ་ལེ་སྐྱེས་བ་ལགས།

༡ པེ་ཏྲོ། 2:2

དེ་ནས་ཁྱེད་ཀྱ་ཐར་པའི་ཐོག་ནས་འཚར་ལོངས་འབྱུང་ཡས་ལ་ཕྲུ་སྨ་ཉག་ཀྱ་ཅོག་རེ། སེམས་ཉིད་ཀྱི་འོ་མ་འཐུང་ཡས་ལ་འདོད་པ་བྱེད།

༡ པེ་ཏྲོ། 3:15

ཡིན་ནའང་རང་གི་སེམས་ནང་ནས་མཱ་ཤི་ཀ་ལ་ཁྱེད་རི་གཙོ་བོ་བརྩིས་རེ་སྙིང་བཀུར་བྱེད། དེ་ནས་ཁྱེད་ཀྱ་ལ་འོད་ཀྱིན་རེ་བའི་སྐོར་ལ་དྲི་བ་བྱེད་མཁན་ཀྱ་ལ་ལན་སྟེར་ཡས་ལ་ཙོག་བའི་གྲ་སྒྲིག་སྡོད། ཡིན་ནའང་ལན་སྟེར་རེ་གང་ལ་འཇམ་པོ་མ། དེ་ནས་གུས་ཞབས་དང་།

༡ པེ་ཏྲོ། 3:21

ཆུ་འདི་ནི་ཁྱེད་ཀྱ་ལ་ད་ལྟ་སྐྱོབ་ཀྱིན་ཁྲུས་གསོལ་གྱི་རྟགས་ལགས། འདི་ནི་ལུས་ཀྱི་དྲི་མ་འཁྲུད་ཀྱིན་ཅོག་རེ་མ་ལགས། ཡིན་ནའང་བསམ་བློ་ནམ་པ་དག་པ་ཡི་ཕྱིར་ལ་དཀོན་མཆོག་གི་དྲུང་དུ་དམ་བཅའ་གཅིག་ལགས། ཡེ་ཤུ་མཱ་ཤི་ཀ་འཆི་བ་ནས་སྐུ་གསོན་པོ་འགྱུར་གྱིན་གྱི་ཐོག་ནས་ཁྲུས་གསོལ་གྱིས་ཁྱེད་ཀྱ་ལ་སྐྱོབ་ཀྱི་ལགས།

༡ པེ་ཏྲོ། 3:5

གི་བྱས་རེ་སྨྲ་ན་དེ་རེ་རང་བྱས་རེ་དཀོན་མཆོག་ལ་རེ་བ་བྱེད་མཁན་ཨེན་མའི་དམ་པའི་སྐྱེས་དམན་ཀྱ། རང་གི་ཁྱོ་ག་ཀྱ་ཡི་འོག་ལ་བསྡད་དེ་རང་ལ་མཛེས་བ་བཟོ་བ་ལགས།

༡ ཡོ་ཧ་ནན། 2:29

ཁོང་དྲང་པོ་ཡིན་མཁན་གོ་ཁྱེད་ཀྱ་ཡིས་ཧ་གོ་འོད་ན། དྲང་པོ་བྱེད་མཁན་གི་རི་ཁོང་གི་ཐོག་ནས་སྐྱེས་བ་ལགས་སྨྲས་རེ་ཁྱེད་ཀྱ་ཡིས་ཧ་གོ་ར་ལགས།།

༡ ཡོ་ཧ་ནན། 3:3

དེ་ནས་ཁོང་པ་གཙང་མ་འོད་ཀྱིན་ཅོག་རེ་ཁོང་གི་ཁར་ལ་དེ་རེ་རེ་བ་བཞག་གིན་གི་རི་ཡིས་རང་ལ་གཙང་མ་བཞག་བ་ལགས།

༡ ཡོ་ཧ་ནན། 3:9

དཀོན་མཆོག་ནས་སྐྱེས་ཀྱ་སུས་འང་སྡིག་པ་བྱེད་ཇིག་བྱས་རེ་མེད་བསྡད་ད་ལགས། གི་བྱས་རེ་སྨྲ་ན་དཀོན་མཆོག་གི་ས་ང་ཁོང་ཀྱ་ནང་བཞུགས་བ་ལགས། དེ་ནས་ཁོང་ཀྱ་དཀོན་མཆོག་ནས་སྐྱེས་ཀྱ་བྱས་རེ་ཁོང་ཀྱ་སྡིག་པ་བྱེད་ཇིག་བྱེད་མི་ཐུབ་བ་ལགས།

༡ ཡོ་ཧ་ནན། 4:7

ངའི་གཅེས་བའི་ཀྱ་བོ། འོ་རང་ཀྱ་གཅིག་གིས་གཅིག་ལ་བྱམས་པ་བྱེད་དོ། གི་བྱས་རེ་སྨྲ་ན་བྱམས་པ་ནི་དཀོན་མཆོག་ནས་ལགས། དེ་ནས་བྱམས་པ་བྱེད་མཁན་གི་རི་དཀོན་མཆོག་ནས་སྐྱེས་བ་ལགས། དེ་ནས་དཀོན་མཆོག་ལ་ངོ་ཤེས་ལ་ལགས།

༡ ཡོ་ཧ་ནན། 5:1

ཡེ་ཤུ་ནི་མཱ་ཤི་ཀ་ལགས་སྨྲས་རེ་དད་པ་བྱེད་མཁན་གི་རི་དཀོན་མཆོག་ནས་སྐྱེས་བ་ལགས། དེ་ནས་ཡབ་ལ་བརྩེ་བ་བྱེད་མཁན་གི་རི་ཡིས་ཁོང་ནས་སྐྱེས་ཀྱ་ཕྲུ་བ་ཀྱ་ལའང་བརྩེ་བ་བྱེད་ད་ལགས།

༡ ཡོ་ཧ་ནན། 5:18

དཀོན་མཆོག་ནས་སྐྱེས་ཀྱ་ཡིན་མཁན་གྱིས་སྡིག་པ་བྱེད་ཇིག་མི་བྱེད་ད་ལགས་སྨྲས་རེ་འོ་རང་ལ་ཤེས་ཡས་འོད་ད་ལགས། དཀོན་མཆོག་ནས་འཁྲུངས་མཁན་གྱིས་ཁོ་ལ་སྐྱོབ་ཀྱི་ལགས། དེ་ནས་བདུད་ཀྱིས་ཁོ་ལ་གནོད་བསྐྱལ་མི་ཐུབ་ཀྱི་ལགས།

༡ ཡོ་ཧ་ནན། 5:4

གི་བྱས་རེ་སྨྲ་ན་དཀོན་མཆོག་ནས་སྐྱེས་ཀྱ་གི་རི་ཡིས་འཇིག་རྟེན་འདི་ལ་རྒྱལ་ག་ཐོབ་པ་ལགས། དེ་ནས་འཇིག་རྟེན་དེ་ཐར་ཏེ་རྒྱལ་ག་ཐོབ་ཐ་གོ་འོ་རི་དད་པ་ལགས།