༡ པེ་ཏྲོ། 1:14 - གློ་བ།

¹⁴ ཁྱེད་ཀྱ་ཕྲུ་བ་ཁ་ལ་ཉན་པོ་ཀྱ་ཅོག་རེ། ཨེན་མ་ཁྱེད་ཀྱིས་མ་ཤེས་བ་ལ་བྱས་བྱ་འདོད་ཆགས་ཀྱ་ལ་ཡང་ཁྱེད་ཀྱ་མ་འདྲེ།

༡ པེ་ཏྲོ། 1:14 Iomraidhean Croise

མཛད་པ། 17:30

ཨེན་མ་ཨེན་མ་མི་ཀྱ་ཡིས་དཀོན་མཆོག་ལ་ངོ་མེད་ཤེས་ཀྱིན་དུས་ཚོད་གོ་དཀོན་མཆོག་གིས་ཡ་མ་བྱས་བ་ལགས། ཡིན་ནའང་ད་ལྟ་ཁོང་པ་ཡིས་མི་གི་རི་ལ་རང་རང་གི་སྡིག་པ་ལ་འགྱོད་པ་བྱས་རེ་ཁོང་པ་ཕྱོགས་ལ་ལོག་སྨྲས་རེ་བཀའ་གནང་བ་ལགས།

རོ་མཱ་པ། 12:2

དེ་ནས་འདི་འཇིག་རྟེན་གྱི་ལུགས་སྲོལ་ལ་མ་འདྲེ། ཡིན་ནའང་དཀོན་མཆོག་ལ་ཁྱོད་རི་སེམས་པ་བསྒྱུར་ར་མཛད་དེ། ཁྱོད་ལ་མི་གསར་པ་གཅིག་མཛད་དུ་ཆུག། དེ་ནས་དཀོན་མཆོག་གི་ཐུགས་དགོངས་ནི་བཟང་པོ་དང་། ཐུགས་མཉེས་བོ་དང་། ཕུན་སུམ་ཚོགས་པ་ཡིན་གྱིན་གོ་ཁྱེད་ཀྱ་ཡིས་ཤེས་ཀྱི་ལགས།

རོ་མཱ་པ། 6:4

འོ་བྱས་རེ་འོ་རི་ཁྲུས་གསོལ་གྱི་ཐོག་ནས་འོ་རང་ཀྱ་ཁོང་པ་མུ་ལ་འཆི་བའི་ནང་དུར་ཁྲོད་དུ་བས་བ་ལགས། དེ་ནི་ཡབ་ཀྱི་གཟི་བརྗིད་ཅན་གྱི་ནུས་མཐུའི་ཐོག་ནས་མཱ་ཤི་ཀ་འཆི་བ་ནས་སྐུ་གསོན་པོ་བཞེངས་ཀྱིན་ཅོག་རེ། འོ་རང་ཀྱའང་ཚེ་གསར་པའི་ནང་འཚོ་བ་བསྐྱལ་ལ་ཤོག་སྨྲས་རེ་ལགས།

ཨེ་ཕེ་སུ་པ། 2:2

འོ་དེ་གང་ལ་ཁྱེད་ཀྱ་འཇིག་རྟེན་གྱི་ལུགས་སྲོལ་ངན་པ་ཀྱ་བསྲུངས་རེ། བར་སྣང་ཁམས་ཀྱི་ནུས་མཐུ་ཀྱ་ལ་དབང་བྱེད་མཁན་ལ་བརྩིས་རེ་འོ་རེ་མི་ཚེ་བསྐྱལ་ལ་ལགས། དེ་ནས་སེམས་ཉིད་འདི་ཡིས་རང་ད་ལྟ་དཀོན་མཆོག་གི་བཀའ་ལ་མེད་ཉན་གྱིན་མི་ཀྱ་ཡི་ཁར་ལ་དབང་བྱེད་ད་ལགས།

ཨེ་ཕེ་སུ་པ། 5:6

ཁྱེད་ཀྱ་ལ་སུས་འང་ཁུངས་མེད་ཀྱིན་ལབ་ཀྱ་བཏང་རེ་མ་བསླུས་བར་ཤོག། གི་བྱས་རེ་སྨྲ་ན་དེ་རེ་ཀྱ་ཡིས་བྱས་རེ་དཀོན་མཆོག་གི་ཐུགས་ཁྲོ་བཀའ་ལ་མེད་ཉན་གྱིན་ཀྱ་ཡི་ཁ་ལ་འཕོག་བ་ལགས།

༡ པེ་ཏྲོ། 1:2

ཡབ་དཀོན་མཆོག་གིས་ཨེན་མ་ནས་རང་ཁྱེད་ཀྱ་ལ་མཁྱེན་ད་མཛད་དེ་བདམས་མ་མཛད་པ་ལགས། དེ་ནས་ཁོང་པ་ཡི་ཐུགས་ཉིད་ཀྱི་ཐོག་ནས་ཁྱེད་ཀྱ་ལ་དམ་པ་མཛད་པ་ལགས། འོ་བྱས་རེ་ཁྱེད་ཀྱ་ཡིས་ཡེ་ཤུ་མཱ་ཤི་ཀའི་བཀའ་ལ་བརྩིས་རེ། ཁོང་པ་ཡི་སྐུ་ཁྲག་གི་ཐོག་ནས་ཁྱེད་ཀྱ་གཙང་མ་བྱུང་འོད་ད་ལགས། དཀོན་མཆོག་གིས་ཁྱེད་ཀྱ་ལ་ཐུགས་རྗེ་དང་ཞི་བདེ་མོད་ཆོ་ལི་གནང་བར་ཤོག།