༡ ཡོ་ཧ་ནན། 3:3 - གློ་བ།

³ དེ་ནས་ཁོང་པ་གཙང་མ་འོད་ཀྱིན་ཅོག་རེ་ཁོང་གི་ཁར་ལ་དེ་རེ་རེ་བ་བཞག་གིན་གི་རི་ཡིས་རང་ལ་གཙང་མ་བཞག་བ་ལགས།

༡ ཡོ་ཧ་ནན། 3:3 Iomraidhean Croise

མད་ཐཱ། 5:48

འོ་བྱས་རེ་ནམ་མཁའི་ཞིང་ཁམས་དུ་བཞུགས་ཀྱིན་ཁྱོའི་ཡབ་ཕུན་སུམ་ཚོགས་པ་འོད་ཀྱིན་ཅོག་རེ། ཁྱོད་འང་ཕུན་སུམ་ཚོགས་པ་འབྱུང་དགོས་གུ་ལགས།།

ལུ་ཀ། 6:36

ཁྱིད་ཀྱི་ཡབ་སྙིང་རྗེ་ཅན་འོད་ཀྱིན་ཅོག་རེ་ཁྱེད་ཀྱ་སྙིང་རྗེ་ཅན་འབྱུང་།

ཡོ་ཧ་ནན། 17:19

ཁོང་ཀྱའང་བདེན་པ་ཡི་སྒོ་ནས་དམ་པ་འབྱུང་ཡས་ཀྱི་ཕྱིར་ལ། ཁོང་ཀྱ་ཡིས་ཕྱིར་དུ་ངས་ང་རང་ལ་དམ་པ་བཟོས་འོད།

མཛད་པ། 15:9

དེ་ནས་ཁོང་ཀྱ་ཡི་དད་པ་ཡིས་བྱས་རེ་ཁོང་ཀྱ་ཡི་སྡིག་པ་གོའང་དཀོན་མཆོག་གིས་གཙང་མ་བཟོས་མཛད་པ་ལགས། ཁོང་པ་ཡིས་ཁོང་ཀྱ་དང་འོ་རང་ལ་གཅིག་ཅོག་རེ་བརྩིས་བཏང་མཛད་ད་ལགས།

རོ་མཱ་པ། 15:12

དེ་ནས་ཡང་ཡེ་ཤ་ཡཱ་ཡིས་གསུངས་ང་ལགས། ཡེ་སེའི་བརྒྱུད་པ་ནས་མི་གཅིག་ཕེབས་ཀྱི་ལགས། ཁོང་གིས་ཡ་ཧུ་དཱ་པ་མིན་མཁན་ཀྱ་ཡི་ཁར་ལ་དབང་མཛད་ཀྱི་ལགས། དེ་ནས་ཁོང་ཀྱ་ཡིས་ཁོང་པ་ཁར་ལ་རེ་བ་བཞག་གི་ལགས།

༢ ཀོ་རིན་ཐུ་པ། 7:1

གཅེས་བའི་སྤུན་ཀྱ་བོ། འོ་རང་ཀྱ་ལ་དམ་བཅའ་དེ་ཀྱ་འོད་ཀྱིན་བྱས་རེ། འོ་རང་ཀྱ་རང་གི་ལུས་དང་སེམས་ཉིད་ལ་མེད་གཙང་ང་བཟོ་གིན་གི་རི་ནས་རང་ལ་གཙང་མ་བཟོ་བོ། དེ་ནས་དཀོན་མཆོག་ལ་བསྙེན་བཀུར་བྱས་རེ་དམ་པའི་ནང་ཕུན་སུམ་ཚོག་པ་བྱུང་རེ་སོང་།

ཀོ་ལོ་སཱེ་པ། 1:5

དད་པ་དང་བརྩེ་བ་དེ་ཁྱེད་ཀྱི་དོན་དུ་ནམ་མཁའི་ཞིང་ཁམས་དུ་བཞག་ཞ་རེ་བ་ཡིས་བྱས་རེ་ལགས། འདིའི་སྐོར་ལ་ཁྱེད་ཀྱ་ཡིས་བདེན་པའི་བཀའ་ཡི་གཏམ་བཟང་ནས་ཨེན་དུ་རུ་གོ་འོད་ད་ལགས།

༢ ཐེ་ས་ལོ་ནི་ཀེ་པ། 2:16

ད་འོ་རང་ལ་བརྩེ་བ་གནང་རེ་ཐུགས་རྗེའི་ཐོག་ནས་མཐའ་མེད་ཀྱིན་སེམས་ཀྱི་བདེ་བ་དང་། རེ་བ་བཟང་པོ་གནང་མཁན་གཙོ་བོ་ཡེ་ཤུ་མཱ་ཤི་ཀ་ཁོང་པ་དང་འོ་རི་ཡབ་དཀོན་མཆོག་གིས།

ཏི་ཏོས། 3:7

དེ་རེ་བྱས་རེ་ཁོང་པ་ཡི་ཐུགས་རྗེ་ཡི་ཐོག་ནས། དཀོན་མཆོག་གི་དྲུང་དུ་འོ་རང་དྲང་པོ་བྱུང་བ་ལགས། དེ་ནས་འོ་རང་གིས་རེ་བ་བྱེད་ཀྱིན་མཐའ་མེད་པའི་ཚེ་སྲོག་གི་བརྒྱུད་འཛིན་བསྐོས་མཛད་པ་ལགས།

ཨིབ་རི་པ། 12:14

མི་གི་རི་མུ་ལ་མཐུན་ཏེ་བསྡད་ཡས་དང་དམ་པ་འབྱུང་ཡས་ལ་ཐབས་ཤེས་བྱེད། དེ་ནས་དམ་པ་མེད་ན་མི་སུས་འང་གཙོ་བོ་ལ་མཇལ་མི་ཐུབ་ཀྱི་ལགས།

ཨིབ་རི་པ། 6:18

དཀོན་མཆོག་གི་འགྱུར་བ་མེད་ཀྱིན་དམ་བཅའ་དང་། མནའ་གཉིས་ཀ་ར་གནང་ང་མཛད་པ་ལགས། གི་བྱས་རེ་སྨྲ་ན་དཀོན་མཆོག་གིས་ཟོག་གསུངས་ང་མེད་མཛད་ད་ལགས། འོ་བྱས་རེ་འོ་རང་ཁོང་པ་ནས་སྐྱབས་ཐོབ་ཐ་ཀྱ་འོ་རི་གདོང་དུ་འོད་ཀྱིན་རེ་བ་གོ་ལ། བརྟན་པོ་མ་སྲུང་ཡས་ལ་སེམས་ཤུགས་ཆེ་ཐོབ་འོད་ད་ལགས།

ཨིབ་རི་པ། 7:26

དེ་ནས་དམ་པ་དང་། སྐྱོན་མེད་ཀྱིན་དང་། གཙང་མ་དང་། སྡིག་ཅན་ཀྱ་ནས་ཁ་བྲལ་བྲ་དང་། ནམ་མཁའི་ཞིང་ཁམས་ནས་མཐོ་བ་མཛད་ཛ་གཙོ་མཆོད་དཔོན་གཅིག་འོ་རང་ལ་འོང་དགོས་ཡས་འོད་ད་ལགས།

ཡ་ཀོབ། 4:8

ཁྱེད་ཀྱ་དཀོན་མཆོག་གི་ཉེ་ལ་ཤོག། དེ་ནས་ཁོང་པ་ཁྱེད་ཀྱི་ཉེ་རུ་ཕེབས་ཀྱི་ལགས། སྡིག་ཅན་ཀྱ་བོ། རང་གི་ལག་པ་གཙང་མ་བཟོས། བསམ་བློ་གཉིས་བཏང་མཁན་ཀྱ་བོ། རང་གི་སེམས་གཙང་མ་བཟོས།

༡ པེ་ཏྲོ། 1:15

ཡིན་ནའང་ཁྱེད་ཀྱ་ལ་བོས་གནང་མཁན་གོ་དམ་པ་ཡིན་གྱིན་ཅོག་རེ། ཁྱེད་ཀྱ་རང་གི་སྤྱོད་ལམ་གི་རི་ལ་དམ་པ་འབྱུང་།

༡ པེ་ཏྲོ། 1:3

དཀོན་མཆོག་འོ་རི་གཙོ་བོ་ཡེ་ཤུ་མཱ་ཤི་ཀའི་ཡབ་ལ་བསྟོད་པ་འབུལ་ལོ། ཁོང་པ་ཡི་སྙིང་རྗེ་ཆེན་པོས་ཡེ་ཤུ་མཱ་ཤི་ཀ་འཆི་བ་ནས་གསོན་པོ་མཛད་དེ། འདིའི་ཐོག་ནས་འོ་རང་ཀྱ་ལ་རེ་བ་གསོན་པོ་འཐོབ་ཡས་ཀྱི་ཆེད་དུ། འོ་རང་ཀྱ་ལ་ཚེ་གསར་པ་གནང་འོད་ད་ལགས།

༢ པེ་ཏྲོ། 1:4

དེ་ནས་ཁོང་པ་ཡི་གཟི་བརྗིད་དང་ཐུགས་བཟང་པོའི་སྒོ་ནས། འོ་རང་ལ་ཁོང་གིས་དམ་བཅའ་ཁག་ཆེ་ཀྱ་དང་རྩ་ཆེ་ཀྱ་གནང་འོད་ད་ལགས། དེ་ཀྱ་སྒོ་ནས་འདོད་པ་ངན་པ་ཀྱ་ཡིས་བྱས་རེ་འཇིག་རྟེན་ནང་འོད་ཀྱིན་ངན་པ་ཀྱ་ནས་ཐར་ཏེ། ཁྱེད་ཀྱ་དཀོན་མཆོག་གི་བླ་ན་མེད་པའི་རང་གཤིས་ལ་ཐེ་ཡས་རག་འོད་ད་ལགས།

༢ པེ་ཏྲོ། 3:14

འོ་བྱས་རེ་གཅེས་བའི་ཀྱ་བོ། ཁྱེད་ཀྱ་དོན་དེ་ཀྱ་ལ་སྒུག་སྟེ་བསྡད་ཀྱིན་བྱས་རེ། དཀོན་མཆོག་གི་དྲུང་དུ་དྲི་མ་མེད་ཀྱིན་དང་། སྐྱོན་མེད་ཀྱིན་དང་། ཞི་བདེ་ལ་ཐུག་ཡས་ཀྱི་ཆེད་དུ་གི་ཐུབ་ཐུབ་ཐབས་ཤེས་བྱེད།

༡ ཡོ་ཧ་ནན། 2:6

ཁོང་པ་ཡི་ནང་གནས་འོད་མཁན་གྱིས་ཡེ་ཤུའི་སྤྱོད་ལམ་ཅོག་རེ་སྤྱོད་ལམ་བྱེད་དགོས།

༡ ཡོ་ཧ་ནན། 4:17

འདིའི་ཐོག་ནས་བྱམས་པ་ནི་འོ་རང་ཀྱ་ཡི་ཁོག་ཏུ་ཚང་གོ་བྱུང་ང་ལགས། དེ་ནས་འོ་བྱས་རེ་ཁྲིམས་གཅོད་ཀྱི་ཉིན་མ་ལ་འོ་རང་ལ་བློ་ཁོག་སྐྱེས་ཀྱི་ལགས། གི་བྱས་རེ་སྨྲ་ན་འདི་འཇིག་རྟེན་དུ་ཡེ་ཤུ་ག་རེ་ཡིན་གྱིན་གོ་ཅོག་རེ་འོ་རང་ལགས།