तीतोस 3:8 - ॱलोवा

⁸ दे लाब दे धेन्‍पा लाक। धेनी को़न्‍क्षोकला धेपा झ्‍यीगीन मीक्‍या ले शाङा झ्‍यीयेला दो़पा हुङास्‍योक, ॱनेरी दे ॱलापच्‍याक्‍याला, ख्‍यो़ स्‍युक ग्‍याप्‍येला ङी दो़पा हो़क। देक्‍या मीक्‍याला शाङपो धाङ फेन थोक्‍वा दुक।

तीतोस 3:8 Iomraidhean Croise

मेथा 20:4

धेनी खी़ खुङक्‍याला ॱनेवालाक, ‘खेक्‍याः घुन्‍डुमगी दुम्‍रादु सोङ धेनी ॱला तेर घो़गीनगो, ङी खेक्‍याला तेरु।’

योहान्‍ना 12:44

धेनी येशुगी सुङकेक क्षेगी थोक्‍ने सुवालाक, “ङाला धेपा झ्‍यीगीनगी ङाला मेन्‍दा, ङाला ॱङाक्‍कीनला धेपा झ्‍यीदालाक।

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

जेपा 12:15

खुङक्‍याई मोला “ख्‍यो़ ॱङ्यो़वा माले?” ॱनेरी ॱनेवालाक। हीना मो होदे पेटोराङ लाक ॱनेरी था पी़दी धेदी खुङक्‍याई मोला ॱनेवालाक, “होदे खी़ भाङछेन हीन्‍ढु।”

रोमापा 4:5

हीना लेगा मीझ्‍यीगीन धाङ क्षो़ ॱमीचीगीनक्‍याला ढाङपो जेगीन को़न्‍क्षोकला, धेपा झ्‍यीना होदे मीगी धेपागो ढाङपो चीलालाक।

२ कोरीन्‍थुपा 4:13

सुङरापला देरे ढीक्‍टा “ङी धेपा झ्‍येवी होझ्‍येरी ङी लाब तावी।” सुरी सुङगीन, धेपागी थुक्‍ङी च्‍यीक्‍पागो हीकी नाङ हो़गीन झ्‍येरी हेक्‍याः धेपा झ्‍यीदीहो़क। होझ्‍येरी हेक्‍या लाब ताङाहीन।

एफीसुपा 4:28

कुगीनगी धा ॱमाकुवास्‍योक। हीना खी़ काल्‍ले ग्‍यास्‍योक। खी़ राङगी लाक्‍पा ॱङीगी ढाङपो झ्‍येरी, काल्‍ले ग्‍यास्‍योक धेनी घो़गीनक्‍याला झ्‍यीम्‍बा ताङास्‍योक।

१ तीमोथेउ 1:15

“मास्‍यीका येशु नी, धीक्‍चेनक्‍याला क्‍योप्‍येला जीक्‍तेनदु फेप्‍पालाक।” ॱनागीन दे ॱलो का थुप्‍कीन धाङ घीरीगी थोक्‍ने खेलेन झ्‍यीघोगीन दुक। होदे धीक्‍चेनक्‍याने ङागो चो हीन।

१ तीमोथेउ 2:8

साज्‍या घीरीदु केवे-फोक्‍याई श्‍येताङ धाङ चो़पा ॱमालाङा, लाक्‍पा चाङमा याला क्‍याङदी ॱमो़लाम धेप्‍येला, ङा दो़दीहो़क।

१ तीमोथेउ 5:10

धेनी मी़ टुवाक्‍या सो़क्‍योङ झ्‍येजा धाङ डो़न्‍बोक्‍याला झाम्‍पा झ्‍येजा धाङ धेपा झ्‍यीगीन धाम्‍पा मीक्‍याई श्‍याप ठी़ठा धाङ दुक्‍पु ङ्याङगीनक्‍याला रोवा झ्‍येजा धाङ ले शाङा घीरीला दो़नाङ तेरता, देरे ले शाङाक्‍याई क्षीला मी़ मीङडाक क्षे हुङ घोगुलाक।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

तीतोस 1:9

मी श्‍येम्‍माक्‍याला तावा ॱङोन्‍नेला ॱलोप्‍चुङ ग्‍याप्‍ये धाङ ग्‍यापक्‍येल झ्‍यीगीनक्‍याला ॱलापच्‍या तेरयेला, खोराङला ॱलाप्‍ला का धेन्‍पागोला, खो तेन्‍पो धे घो़गीलाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

तीतोस 2:7

लाब घीरीला राङ-राङला ले शाङपोगी पे तो़न। ख्‍यो़री ॱलापच्‍यागो ढाङपो धाङ याराप

तीतोस 3:1

पो़न्‍पोक्‍या धाङ आङजा हो़गीन मीक्‍याई होकला धो़क। काला ङेन धेनी ले शाङपो झ्‍यीयेला नाम्‍हीना झ्‍यी छोक-छोक झ्‍येरी धो़क, ॱनेरी खुङक्‍याला ढेन्‍सो़ ॱलोङ।

तीतोस 3:14

ॱहाताक्‍पाला घो़गीनक्‍याला रोवा झ्‍यी थुक्‍येला, होरी मीक्‍या ले शाङा झ्‍यीयेला राङ-राङगी धी़चो़गो लाक्‍लेन झ्‍यी घो़गीलाक। धेनी खुङक्‍या फेन ॱमेथोक्‍कीन झ्‍युङगीमालाक।

फीलेमोन 1:11

एम्‍मा खो ख्‍यो़ला फेन ॱमाथोक्‍पालाक। हीना धान्‍दा, खो ख्‍यो़ धाङ ङा ॱङीगारागी क्षीला फेन थोवा झ्‍युदुक।

ईब्‍रीपा 10:24

झाम्‍पा धाङ लेशाङगी क्षीदु, होराङ च्‍यीकगी च्‍यीकला सेमस्‍युक पारयेला साम्‍लो ताङघो़।

१ पेटो 1:21

धेनी खेक्‍या खोङबागी गोनेराङ, को़न्‍क्षोकला धेपा केवालाक। को़न्‍क्षोकगी खोङला छीवाने सो़न्‍पो जेदी, खोङला शीजे जेपालाक। होझ्‍येरी खेक्‍या को़न्‍क्षोकला धेपा झ्‍येरी रेवा झ्‍यीदालाक।