तीतोस 3:5 - ॱलोवा

⁵ होरी ले शाङपो झ्‍येरी मेन्‍दा, खोङबागी ॱङीङजेगी झ्‍येरी होराङला क्‍योप जेपालाक। धाम्‍पे थुक्‍ङीगी थोक्‍ने खोङबागी होरी धीक्‍पा ठी़सो़ जेदी, होराङला धाब्‍ले केरु च्‍युक्‍ती मीछे साबा ॱनावालाक।

तीतोस 3:5 Iomraidhean Croise

मेथा 3:11

“खेक्‍या धीक्‍पाने ग्‍युरास्‍योक ॱनेरी, ङा खेक्‍याला क्षुगी ठी़सो़ तेराहीन हीना ङी स्‍याम्‍ला फेप्‍गीनगो, ङाने वाङक्षे हो़तालाक। ङा खोङबागी श्‍याप्‍हाम खेरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने, ठी़सो़ ॱनाङगीलाक।

लुका 1:50

खोङबाला चीगीनक्‍याला खोङबागी थुक्‍जे, मीरापने मीराप थुक्‍पे ख्‍यावा जेगीलाक।

लुका 1:54

खोङबागी होरी धाङबी फामाक्‍याला धाम्‍चा जेजा च्‍योक्‍रे, आब्‍राहाम धाङ खी़ ग्‍युपाक्‍याला, थामेपे थुक्‍जे शीक्‍येगो ढेन्‍सो़ जेदी, राङगी ॱयोक्‍पो ईस्‍राएलला रोक्‍राम जे हो़तालाक।”

लुका 1:72

खोङबागी होरी धाङबी मेमेक्‍याला ॱङीङजे जेये, धाङ राङगी धाम्‍पे धाम्‍चागो ढेन्‍सो़ जेयेला,

लुका 1:78

होरी को़न्‍क्षोकगी झाम ॱङीङजेगी झ्‍येरी, खोङबागी थारवे हो़क नाम्‍खे श्‍यीङखामने ताङा जेगीलाक,

रोमापा 11:14

देरे झ्‍यीगीनगी ङी रेवा नी, ङाराङगी याहुदापा मीरीकक्‍याला ठादोक लाङदु च्‍युक्‍ये धाङ खुङक्‍याने रीङगाला क्‍योप थुक्‍ये लाक।

रोमापा 11:6

धा दे थुक्‍जेगी थोक्‍ने हीन्‍ना, मीगी लेगाला राली़दी झ्‍युवामालाक। देरे हीन्‍ना थुक्‍जेगो नी, थुक्‍जे ॱङोन्‍ने मालाक।

रोमापा 12:2

धेनी दे जीक्‍तेनगी लुक्‍सो़ला माडे, हीना को़न्‍क्षोकला ख्‍यो़री सेम्‍बा ग्‍युरा जेदी, ख्‍यो़ला मी साबा च्‍यीक जेदु च्‍युक। धेनी को़न्‍क्षोकगी थुकोङ नी, शाङपो धाङ थुक्‍ङेउ धाङ फी़न्‍सुम छोक्‍पा हीन्‍गीनगो, खेक्‍याई स्‍येगीलाक।

रोमापा 3:20

होझ्‍येरी क्षो़ठीमगी लेगाने सुवा, को़न्‍क्षोकगी डुङदु ढाङपो चीगीमालाक। हीना क्षो़ठीमगी थोक्‍ने होरी, धीक्‍पा झ्‍यीगीनगो स्‍येरु च्‍युक्‍वालाक।

रोमापा 3:28

घीझ्‍येरी ॱनाना क्षो़ठीमगी सुङगीन च्‍योक्‍रे, लेगा झ्‍येरी मेन्‍दा हीना धेपागी थोक्‍ने मीक्‍या को़न्‍क्षोकगी डुङदु ढाङपो झ्‍युङालाक ॱनेरी, होराङ चीलालाक।

रोमापा 4:5

हीना लेगा मीझ्‍यीगीन धाङ क्षो़ ॱमीचीगीनक्‍याला ढाङपो जेगीन को़न्‍क्षोकला, धेपा झ्‍यीना होदे मीगी धेपागो ढाङपो चीलालाक।

रोमापा 9:11

धेनी टु छीब्‍रु दे ॱङीउ ॱमाके एन्‍लाराङ धेनी शाङा-ङेन्‍पा घीया माझ्‍ये एन्‍ला, को़न्‍क्षोकगी राङगी थुकोङला तेन्‍दी रेबीकाला देरे सुवालाक, “भीजा क्षेगी च्‍युङाला श्‍याप्‍ची श्‍युगीलाक।” दी दो़न नी, खोङगी दामा जेगीनगो लेने मेन्‍दा हीना राङगी भो़ जेगीनला तेन्‍दी डुप्‍येगी क्षीदु लाक।

रोमापा 9:16

होझ्‍येरी दे नी मीगी दो़पा याङना थापस्‍यीला रा मीली़दा, हीना ॱङीङजे जेगीन को़न्‍क्षोकला रा ली़दालाक।

रोमापा 9:30

धा ॱहाना होराङ घी ॱनाये? ढाङतेनला ॱमेचागीन याहुदापा मेन्‍गीनक्‍याला ढाङतेन थोप्‍दुक। धेनी दे ढाङतेन नी, धेपागी थोक्‍ने थोप्‍दुक।

१ कोरीन्‍थुपा 6:11

धेनी खेक्‍या नाङने रीङगा एम्‍मा देरे हो़तालाक। हीना चोवो येशु मास्‍यीकागी छेन धाङ होरी को़न्‍क्षोकगी थुक्‍ङीगी थोक्‍ने, खेक्‍या चाङमा धाङ धाम्‍पा धाङ ढाङपो जेपालाक।

गालातीयापा 2:16

हीना क्षो़ठीमगी लेक्‍याने ढाङपो मीग्‍युरा, येशु मास्‍यीकाला धेपा झ्‍यीना ढाङपो ग्‍युरालाक ॱनेरी, होराङक्‍या स्‍येलालाक। होझ्‍येरी क्षो़ठीमगी लेने सुवा ढाङपो मीग्‍युरकीन झ्‍येरी, लेगाने मेन्‍दा मास्‍यीकाला धेपा झ्‍येरी ढाङपो ग्‍युरयेगी क्षीला, होराङक्‍यागीया येशु मास्‍यीकाला धेपा झ्‍येवालाक।

एफीसुपा 2:4

हीना ॱङीङजेला फी़न्‍सुम छोक्‍पा हो़गीन, को़न्‍क्षोकगी राङगी झाम्‍पा ग्‍याक्षेगी थोक्‍ने, होराङला चेवा जेपालाक।

एफीसुपा 4:23

धेनी राङगी सेम्‍ङीदु साबा झ्‍युङ।

एफीसुपा 5:26

दीगी दो़नगो, क्षो़छोकला धाम्‍पा जेयेगी क्षीला कागी थोक्‍ने, क्षुगी ठी़री चाङमा जेपालाक।

कोलोसेपा 3:10

धेनी स्‍यीका साबा दे खेलेन हो़तालाक। धेनी दे नी, खेक्‍याई को़पापोगी कोरला स्‍येराप छाङघोगो थोप्‍येगी क्षीदु, खेक्‍याला खोङबाराङगी स्‍यीकाला साबा जेदी हो़तालाक।

२ तीमोथेउ 1:9

खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।

तीतोस 3:4

हीना होरी क्‍याम्‍गो़न को़न्‍क्षोकगी ॱङीङजे धाङ मीक्‍याला झाम्‍पा तो़न्‍दी घाङला,

ईब्‍रीपा 10:22

होरी सेम नाङगी साम्‍लो ङेन्‍पाक्‍या, मास्‍यीकागी कुठाक तोरती दाक्‍ता धाङ होरी ली़ क्षु चाङमागी ठी़री, होराङ सेम ढाङपो धाङ यीच्‍चे तेन्‍पोगी खारी, होराङ को़न्‍क्षोकगी डुङदु डो।

ईब्‍रीपा 4:16

होझ्‍येरी घो़गीन धी़चो़ला रोक्‍राम झ्‍युङगीन, ॱङीङजे धाङ थुक्‍जेगो होराङला थोप्‍येगी क्षीला को़न्‍क्षोकगी श्‍युक्‍ठीगी डुङदु ॱलोगोक क्षे झ्‍येरी डो।

ईब्‍रीपा 6:6

धेपाने लोक्‍ना याङदा सेम ग्‍युरती, ग्‍यो़पा झ्‍यीरु च्‍युक्‍ये दे हुङथुक्‍येराङ मेतालाक। घीझ्‍येरी ॱनाना हुरे मीक्‍याई को़न्‍क्षोकगी सेला धाब्‍ले ग्‍याङस्‍यीङ खाला क्‍याङगीन च्‍योक्‍रे लाक धेनी घीरीगी दोङदु खोङबागी ङोजा पावालाक।

१ पेटो 1:3

को़न्‍क्षोक, होरी चोवो येशु मास्‍यीकागी यापला तो़पा पुलो। खोङबागी ॱङीङजे क्षेम्‍बोगी, येशु मास्‍यीका छीवाने सो़न्‍पो जेदी, दी थोक्‍ने होराङक्‍याला रेवा सो़न्‍पो थोप्‍येगी क्षीदु, होराङक्‍याला छे साबा ॱनाङ हो़तालाक।

१ पेटो 2:10

धी़ च्‍यीकला खेक्‍या को़न्‍क्षोकगी मी मालाक हीना धान्‍दा खेक्‍या को़न्‍क्षोकगी मी लाक। धेनी धी़ च्‍यीकला खेक्‍याला ॱङीङजे ॱमाथोप हो़तालाक हीना धान्‍दा, खेक्‍याला ॱङीङजे थोप हो़तालाक।

१ पेटो 3:21

क्षु दे नी खेक्‍याला धान्‍दा क्‍योप्‍कीन, ठी़सो़गी ताक लाक। दे नी ली़गी ढीमाक ठुगीन च्‍योक्‍रे मालाक हीना साम्‍लो ॱनाम्‍पा दाक्‍पागी क्षीला, को़न्‍क्षोकगी डुङदु धाम्‍चा च्‍यीक लाक। येशु मास्‍यीका छीवाने कुसो़न्‍पो ग्‍युरकीनगी थोक्‍ने, ठी़सो़गी खेक्‍याला क्‍योप्‍कीलाक।