तीतोस 3:2 - ॱलोवा

² सी़या कोरला लाब ङेन्‍पा ॱमास्‍ये धेनी धुगा ॱमाताङ धेनी ज्‍याम्‍बो धाङ च्‍यो़ शाङा धेन्‍पा तो़न ॱनेरी, खुङक्‍याला स्‍यो़क।

तीतोस 3:2 Iomraidhean Croise

मेथा 11:29

ङी ॱङ्यास्‍यीङ खुर धेनी ङाने झ्‍योङ घीझ्‍येरी ॱनाना ङा सेमला शाङा धाङ ॱङ्यामच्‍युङ हो़क धेनी खेक्‍याई सेमक्‍याला ङासु थोप्‍कीलाक।

जेपा 23:5

धेनी पाउलुगी ॱनेवालाक, “पी़नक्‍याओ, खोङबाराङ चो क्षो़पो़न लाक ॱनेरी ङाला स्‍येयेमेक। ‘राङगी पो़न्‍पोक्‍याई कोरला लाब आ ॱमाताङ’ ॱनेरी सुङरापला ढीक हो़तालाक।”

१ कोरीन्‍थुपा 6:10

याङना कुमा कुगीनक्‍या याङना ॱहाम्‍बा झ्‍यीगीनक्‍या याङना शीरी ग्‍युक्‍कीनक्‍या याङना ॱमेबेप ताङगीनक्‍या याङना ॱली़गीनक्‍याला, को़न्‍क्षोकगी ग्‍यासीगी थोप्‍ताङ ॱमेथोप्‍कीलाक।

१ कोरीन्‍थुपा 9:19

ङा मी सी़याः होकदु मेनाः हीना मी माङागी सेम क्‍योप्‍येगी क्षीदु, ङा ङाराङ घीरीगी ॱयोक्‍पो झ्‍युहो़क।

२ कोरीन्‍थुपा 10:1

धा ङा पाउलु ङाराङ मास्‍यीकागी ॱङ्यामच्‍युङ धाङ झामगी गोने, खेक्‍याला श्‍योवा पुलाहीन। खेक्‍याई दोङदु ङा ॱङ्यामच्‍युङ धाङ खेक्‍याने थाक्‍रीङा हो़ताराङ ॱलोगोक क्षे हो़क।

२ कोरीन्‍थुपा 12:20

घीझ्‍येरी ॱनाना ङा हुङाराङ ङी दो़गीन च्‍योक्‍रे, खेक्‍या मेगीन धाङ खीकी दो़गीन च्‍योक्‍रे ङा मेगीनगो थुक्‍टु ॱनेरी, ङा जीक्‍ई। च्‍यीक झ्‍यीना होदुरु धुगा धाङ ठादोक धाङ खोङडो धाङ राङदो़ धाङ ॱमेबेप धाङ ठामा धाङ ङागेल धाङ ॱङ्योक्‍टाक्‍या झ्‍युङहुङ।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

गालातीयापा 6:1

पी़नक्‍याओ, मी च्‍यीकगी झ्‍यावा ङेन्‍पा झ्‍यीगीनगो थेम्‍ना, खे धाम्‍पे थुक्‍ङीला ॱनेगीनक्‍याई झाम्‍बो झ्‍येरी, मी देला लाम ढाङपोला ठीक। धेनी खेक्‍याराङ होदेने ॱमीली़येगी क्षीला राङला शाप-शाप झ्‍यी।

गालातीयापा 6:10

होझ्‍येरी घुकाप जोरी घाङला होराङ मी घीरीला शाङा झ्‍येरी डो, धेनी ॱङोन्‍ने झ्‍यीना होरी धेपागी मीजाङक्‍याला झ्‍यी।

एफीसुपा 4:2

धेनी ॱङ्यामच्‍युङ धाङ श्‍यीझाम धाङ शो़गोम घीरीने, झाम्‍पागी गोने च्‍यीकगी च्‍यीकला शो़पा घोम्‍दी,

एफीसुपा 4:31

ङेन्‍सेम घीरी धाङ खोङडो धाङ स्‍येताङ घीरी, धेनी थाप्‍चो़ धाङ ॱमेबेप घीरी धाङ ठादोक ॱनाछोकक्‍या पोङ।

फीलीप्‍पीपा 4:5

खीकी च्‍यो़पा ॱङ्यामच्‍युङ हो़गीनगो, मी घीरीला स्‍येरु च्‍युक। चोवो फेप्‍ये हीन्‍गीनगो ङ्येदुक।

१ थेसालोनीकेपा 2:7

हीना आमागी राङगी टु क्‍योङगीन च्‍योक्‍रे, खेक्‍याई खोकला हेक्‍या जाबो झ्‍येरी धेपी।

१ तीमोथेउ 3:11

खुङक्‍याई केमीक्‍या होझ्‍येरीराङ याराप धाङ ठामा मीझ्‍यीगीन धाङ साम्‍लो थोङा धाङ घीरीला ढाङपो हुङघो़गीलाक।

१ तीमोथेउ 3:3

धेनी क्षाङदुवा मेगीन, चुक्‍वा मेगीन हीना श्‍यीवा हो़गीन धेनी चो़पा मेग्‍याप्‍कीन धाङ ॱङुला ॱमेक्षाक्‍कीन हुङ घो़गुलाक।

याकोब 3:17

हीना को़न्‍क्षोकने झ्‍युङगीन स्‍येराप नी, धाङपो चाङमा धाङ फीनसुम्‍चेन धाङ क्‍यो़न मेगीन धाङ साम्‍लो थोङा धाङ ॱङीङजे धाङ ढेबु शाङपोक्‍या तेरकीन धेनी क्षोक्‍री मेगीन धाङ शोक मेगीन हुङालाक।

याकोब 4:11

पी़नक्‍याओ, च्‍यीकगी च्‍यीकला छीक ङेन्‍पा ॱमाना। राङगी पी़नला छीक ङेन्‍पा ॱनागीन याङना राङगी पी़नला क्‍यो़न चुक्‍कीनगी़ क्षो़ठीमगी कोरला ङेन्‍पा ॱनालाक धेनी क्‍यो़न चुक्‍वालाक। धा ख्‍यी़ क्षो़ठीमला क्‍यो़न चुक्‍ना, ख्‍यो़ क्षो़ठीम ॱरुङगीन मेन्‍दा क्षो़ठीमगी पो़न्‍पो झ्‍युङालाक।

१ पेटो 2:1

होझ्‍येरी ङेन्‍सेम धाङ गोकोर धाङ शोक धाङ ठादोक धाङ ॱमेटा ताङये घीरी, खेक्‍याई पोङ।

१ पेटो 3:10

घीझ्‍येरी ॱनाना “राङगी ॱरोकला चेवा झ्‍यीये, धाङ कीपे ङीमाक्‍या थोङङी दो़गीनक्‍याई, राङगी च्‍येमोला ङेन्‍पा, धाङ राङगी खाला, गो कोरकीन लाबक्‍याने ॱरुङघो़।

१ पेटो 3:8

थामाला, खेक्‍या घीरी सेम थी़न्‍पा धाङ ॱङीङजे धाङ फेन्‍छुनला झाम्‍पा धाङ चेसेम धाङ ॱङ्यामच्‍युङ झ्‍युङघो़।

१ पेटो 4:4

धा धान्‍दा खेक्‍या खुङक्‍यामुला क्षोमेगीन च्‍यो़पा ङेन्‍पाला ॱमेथेगीन झ्‍येरी, खुङक्‍या ॱहालेरी खेक्‍याला ॱमेटा ताङालाक।

२ पेटो 2:10

धेनी ॱमीक्‍सेदु मीला नोगीन दो़क्षाकला क्षाक्‍कीन धाङ आङजाला थोङछुङ झ्‍यीगीनक्‍याला, चोवोगी ठीम्‍चो़गी ङीमा थुक्‍पे छेपा होकदु श्‍या जेगीलाक। देक्‍या नी, पोबा क्षे धाङ ग्‍योङा झ्‍येरी शीजेचेनक्‍याला ॱमेटा ताङयेला, खुङक्‍या जीक्‍टा मीझ्‍यीदालाक।

युदा 1:10

हीना दे मीक्‍या राङगी ॱमेस्‍येगीन लाबक्‍या, घीरीला कुरवा धेबालाक धेनी रीक्‍पा मेगीन धी़डोक्‍या च्‍योक्‍रे राङगी थेगीनगोराङ झ्‍येरी, खुङक्‍या मेताला डुगीलाक।

युदा 1:8

दुक झ्‍येरीराङ देरे मीक्‍या राङगी ॱमीक्‍लामला तेन्‍दी, राङगी ली़ला ॱमेचाङा झ्‍यीदालाक धेनी चोवोगी आङजा खेमेलेन्‍दालाक धेनी नाम्‍खे भाङछेनक्‍याला कुरवा धेबालाक।