तीतोस 3:14 - ॱलोवा

¹⁴ ॱहाताक्‍पाला घो़गीनक्‍याला रोवा झ्‍यी थुक्‍येला, होरी मीक्‍या ले शाङा झ्‍यीयेला राङ-राङगी धी़चो़गो लाक्‍लेन झ्‍यी घो़गीलाक। धेनी खुङक्‍या फेन ॱमेथोक्‍कीन झ्‍युङगीमालाक।

तीतोस 3:14 Iomraidhean Croise

मेथा 21:19

लाम्‍गागी शुरला सेयापगी दोङबो शीक्‍ती, खोङबा होदे डामदु फेप्‍पालाक हीना होदुरु लोमा माना श्‍येम्‍मा घीया ॱमाङेबालाक। धेनी खोङबागी होदेला सुवालाक, “देने ॱहाला ढेबु नामाः ॱमाकेया स्‍योक!” धेनी लाम्‍साङ होदे सेयापगी दोङबोगो काम्‍बालाक।

मेथा 7:19

ढेबु शाङपो ॱमेकेगीन स्‍यीङदोङ घीरी, च्‍येदी मेला ॱयुक्‍वालाक।

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 15:8

खेक्‍याला ढेबु माङा क्षाक्‍ती, ङी ङेने हीन्‍गीनगो पाङपो झ्‍यीना, दी गोनेराङ ङी यापगी शीजे झ्‍युङगीलाक।

जेपा 18:3

होदे मीक्‍या घुर शोगीन लेगा झ्‍येरी मीछे पी़लालाक। धेनी पाउलु खोराङ घुर शोगीन मी झ्‍येरी, खोवा खुङक्‍यामुला धेदी लेगा झ्‍येवालाक।

जेपा 20:35

देरे झ्‍येरी ‘लेन्‍गीनक्‍यानेः तेरकीनक्‍याला माङा झ्‍यीलाप हो़तालाक’ ॱनेरी, चोवो येशु खोङबा राङगी सुङसा लाब देला ढेन्‍सो़ झ्‍येरी, मी क्‍योवाक्‍याला काल्‍ले झ्‍येरी रोवा झ्‍यी थुप्‍कीनगो झ्‍यीघोये लाब, दे ङी लेगा घीरीला तो़न्‍हो़क।”

रोमापा 12:13

मास्‍यीकावा पी़नक्‍या नाङ मेगीनगोला, रोक्‍राम झ्‍यी। धेनी डो़न्‍बोक्‍याला फेप्‍सु श्‍यी़।

रोमापा 15:28

होझ्‍येरी दे लेगा दे शीम्‍दी, खुङक्‍याई क्षीदु धी़दा श्‍यान्‍देप दे लाक्‍पाला ची ग्‍याप सारती, ङा खेक्‍याचारु थुक्‍ती स्‍पेनला डोयेहीन।

एफीसुपा 4:28

कुगीनगी धा ॱमाकुवास्‍योक। हीना खी़ काल्‍ले ग्‍यास्‍योक। खी़ राङगी लाक्‍पा ॱङीगी ढाङपो झ्‍येरी, काल्‍ले ग्‍यास्‍योक धेनी घो़गीनक्‍याला झ्‍यीम्‍बा ताङास्‍योक।

फीलीप्‍पीपा 1:11

धेनी को़न्‍क्षोकगी शीजे धाङ तो़पागी क्षीदु, येशु मास्‍यीकागी थोक्‍ने थोप्‍कीन ढाङतेनगी ढेबुगी, खेक्‍या खाङास्‍योक।

फीलीप्‍पीपा 4:16

घीझ्‍येरी ॱनाना ङा थेसालोनीकेरु हो़ताराङ, खेक्‍याई थेङ च्‍यीकने माङा ङाला घो़गीनगो कुरजुङ।

फीलीप्‍पीपा 4:17

ङा खीकी ॱङेन्‍बागी रेवा झ्‍यीदामेन हीना खीकी तेरकीनगोला, झ्‍यीलाप माङा रास्‍योक ॱनेरी, ङा दो़दीहो़क।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

१ थेसालोनीकेपा 2:9

पी़न्‍दाक्‍याओ, खेक्‍याला को़न्‍क्षोकगी ताम्‍शाङ स्‍येदी घाङला, सुलाः घाक्‍वा माझ्‍युवास्‍योक ॱनेरी, हीकी ङीन-छेन लेगा झ्‍येवी धेनी हीकी काल्‍ले धाङ दुक्‍पु खेक्‍याला स्‍येये हो़तालाक।

२ थेसालोनीकेपा 3:8

धेनी रीङ माज्‍यावा हीकी सुने शामा माशे। हीना खेक्‍याला काल्‍ले मेयोङास्‍योक ॱनेरी, हेक्‍याई ङीन-छेन काल्‍ले ग्‍याप्‍ती लेगा झ्‍येवी।

तीतोस 2:8

धाङ क्‍यो़न चुक ॱमीथुक्‍कीन लाब धेन्‍पा तो़न। देरे झ्‍यीना ख्‍यी़ ग्‍याप लोक्‍कीनक्‍याला ङोजा झ्‍युङालाक घीझ्‍येरी ॱनाना खुङक्‍याला होरी कोरला ङेन्‍पा ॱनाये घीया मेयोङालाक।

तीतोस 3:8

दे लाब दे धेन्‍पा लाक। धेनी को़न्‍क्षोकला धेपा झ्‍यीगीन मीक्‍या ले शाङा झ्‍यीयेला दो़पा हुङास्‍योक, ॱनेरी दे ॱलापच्‍याक्‍याला, ख्‍यो़ स्‍युक ग्‍याप्‍येला ङी दो़पा हो़क। देक्‍या मीक्‍याला शाङपो धाङ फेन थोक्‍वा दुक।

२ पेटो 1:8

घीझ्‍येरी ॱनाना दो़न देक्‍या खीकी नाङ हो़ना धेनी फेरी डोना, खेक्‍या होरी चोवो येशु मास्‍यीकागी स्‍येयो़नला फेन मेगीन धाङ ढेबु मेगीन झ्‍युङयेने, देक्‍याई क्‍योप्‍कीलाक।