तीतोस 3:13 - ॱलोवा

¹³ ठीम्‍पो़न जेनास धाङ आपोल्‍लोसगी डुला, ख्‍यी़ घी थुक्‍तु रोवा झ्‍यी। धेनी खुङक्‍याला घीन्‍दा ॱमेछाङगीन माझ्‍युङास्‍योक।

तीतोस 3:13 Iomraidhean Croise

मेथा 22:35

धेनी खुङक्‍याने ठीम्‍पो़न च्‍यीकगी खोङबाला छो़ झ्‍यीयेला ढीवा च्‍यीक श्‍यी़वालाक,

लुका 10:25

ङीमा च्‍यीक क्षो़ठीमगी ॱलोपो़न च्‍यीकगी, येशुला छो़ता झ्‍यीयेला लारी ॱनेवालाक, “ॱलोपो़न ला, थामेपे छेसोक थोप्‍येला ङी घी झ्‍यीघो़गुले?”

लुका 11:45

धेनी क्षो़ठीमगी ॱलोपो़न च्‍यीकगी खोङबाला श्‍यी़वालाक, “ॱलोपो़न ला, खेराङगी देक्‍या सुङा जेदी हेक्‍यालाः ॱमेटा पाबा जेदी।”

लुका 11:52

“ख्‍ये क्षो़ठीमगी ॱलोपो़नक्‍या ॱङ्याली! घीझ्‍येरी ॱनाना खेक्‍याई स्‍येरापगी धीमीकगो ठोक्‍पालाक। धेनी खेराङक्‍याः माजुवालाक धेनी जुगीनक्‍यालाः काक्‍पालाक।”

लुका 14:3

येशुगी क्षो़ठीमगी ॱलोपो़नक्‍या धाङ फारुसीपाक्‍याला ढीवा कुला जेपालाक, “ङासुगीन ङीमाला क्षो़ठीमला चो़गा झ्‍यीना, ढीयाले याङना मीढीयाले?”

लुका 7:30

हीना फारुसीपाक्‍या धाङ क्षो़ठीमगी ॱलोपो़नक्‍याई खोने ठी़सो़ मालेन्‍बा, को़न्‍क्षोकगी थुकोङ राङगी क्षीला खेमालेन्‍बालाक।

जेपा 15:3

क्षो़छोकने झाजा मी देक्‍या फोनीके धाङ सामारीयाने झ्‍युरी, याहुदापा मेन्‍गीन मीरीकगी मीक्‍याः को़न्‍क्षोकला धेपा झ्‍यीगीन झ्‍यु हो़तालाक ॱनेरी स्‍येदी सोवालाक। दे लाब घोरती धेपा-झ्‍यीगीनक्‍या ॱमीच्‍यीकी ङ्यामो घेवालाक।

जेपा 18:24

होदे घुङला आलेक्‍जेन्‍डीयागी मी आपोल्‍लोस ॱनागीन, याहुदापा च्‍यीक एफीसुदु ॱलेप्‍पालाक। खो ॱमीच्‍यीकी घा लाब ताङ थुप्‍कीन धाङ क्षो़ठीमगी कोरला ॱमीच्‍यीकी खेवा हो़तालाक।

जेपा 19:1

आपोल्‍लोस कोरीन्‍थुरु हो़ती घाङला, पाउलु एशीयागी घुङने झ्‍युरी एफीसु ग्‍याजाला ॱलेप्‍पालाक। होदुरु खी़ धेपा-झ्‍यीगीन रीङगा थुक्‍पालाक।

जेपा 21:5

घीहीन्‍ना, धी़न्‍डा च्‍यीक जोक्‍ती हेक्‍या खुङक्‍याने घोङपा श्‍युरी डोये झ्‍येवी। धेनी धेपा-झ्‍यीगीन आज्‍यो-नो, ईजी-नुमु धाङ टुवा घीरी हेक्‍याला, ग्‍याजा फी थुक्‍पे क्‍यारु होवालाक। धेनी हेक्‍या घीरी ग्‍याछोगी थामारु पीमु चुक्‍ती ॱमो़लाम ग्‍याप्‍पी।

जेपा 28:10

होदे मीक्‍याई हेक्‍याला घुस्‍याप झ्‍येरी धेनी हेक्‍या डी़ घाङला, हीकी डुला घो़गीन घीरी तेरसुङ।

रोमापा 15:24

ङा स्‍पेनला डोदी़ खेक्‍याला थुक्‍येगी रेवा श्‍याक्‍हो़क। धेनी ङा खीकीमुला धी़चो़ तीते च्‍यीक ङ्याम्‍ढेलगी घाटो लेन्‍सारती, खेक्‍याने ङी होदे डुला घो़गीन रोक्‍रामगो, थोप्‍येगी रेवा ङी श्‍याक्‍हो़क।

१ कोरीन्‍थुपा 16:11

होझ्‍येरी सी़याः खोला थोङछुङ मीझ्‍यीयास्‍योक। धेनी खो ङीचारु लोक्‍येगी क्षीदु, खोला श्‍यीदेगी गोने खोरी लाम्‍दु झोङ। घीझ्‍येरी ॱनाना खो पी़नक्‍याईमुला हुङगुलाक ॱनेरी, ङा घुक्‍ती धेहो़क।

१ कोरीन्‍थुपा 16:12

धा होरी पी़न आपोल्‍लोसगी कोरला ॱनाना, खोला पी़न श्‍येम्‍माक्‍यामुला खीकीचारु डोयेला, ङी ॱमीच्‍यीकी उजुक ग्‍याप्‍पी हीना धान्‍दा खो डोयेला फुक्‍की दो़पा मीझ्‍यीदा। धेनी घुकाप जोराराङ खो हुङगीलाक।