तीतोस 3:11 - ॱलोवा

¹¹ देरे मीक्‍या धेन्‍पाने ग्‍याप लोक्‍ला धाङ राङगी धीक्‍पागी क्षेपा फोक्‍पालाक ॱनेरी, ख्‍यो़ला क्षा हो़तालाक।

तीतोस 3:11 Iomraidhean Croise

लुका 19:22

ग्‍यावुगी खोला ॱनेवालाक, ‘ॱयोक्‍पो ङेन्‍पा ख्‍यो़, ख्‍यी़ छीकक्‍यानेराङ ङा ख्‍यो़ला ठीम ताङयेहीन। ङा माश्‍याक्‍कीनने लेन्‍गीन धाङ ॱमाताप्‍कीनने ॱङागीन मी ग्‍योङा च्‍यीक लाक ॱनेरी ख्‍यी़ स्‍येरीयाः

लुका 7:30

हीना फारुसीपाक्‍या धाङ क्षो़ठीमगी ॱलोपो़नक्‍याई खोने ठी़सो़ मालेन्‍बा, को़न्‍क्षोकगी थुकोङ राङगी क्षीला खेमालेन्‍बालाक।

योहान्‍ना 3:18

खोङबाला धेपा झ्‍यीगीनला ठीम ॱमेफोक्‍कीलाक हीना खोङबाला धेपा मीझ्‍यीगीनगोला, एन्‍दुरु ठीम फोक्‍सालाक घीझ्‍येरी ॱनाना खी़ को़न्‍क्षोकगी से च्‍यीक्‍पोगी छेनला धेपा माझ्‍येवालाक।

जेपा 13:46

हीना पाउलु धाङ बारनाबागी ॱयोल्‍ले जीक्‍टा ॱमीझ्‍यीदा ॱनेवालाक, “खेक्‍याचारु एन्‍ला को़न्‍क्षोकगी का स्‍येघोये हो़क हीना खेराङक्‍याई माङेन्‍बालाक। खेराङक्‍या राङला थामेगीन छेसोकगो थोप्‍ये मेगीन शो़वालाक, होझ्‍येरी हेक्‍या श्‍येम्‍मा मीरीकगी मीक्‍याचारु डोवालाक।

जेपा 15:24

हेक्‍या खोक्‍ने सोसा मी रीङगागी ॱलापच्‍या शोक्‍पो तेरती, खेराङक्‍याला दुक्‍पु तेरपालाक ॱनागीन लाब हेक्‍याई ॱहाघोहो़क। हीना हेक्‍याई होदे मीक्‍याला झावा मालाक।

जेपा 23:25

धेनी खी़ पो़न्‍पोला देरे यीक च्‍यीक ढीक्‍ती कुरपालाक,

रोमापा 3:19

धा क्षो़ठीमगी घी सुङगीन घीरी, क्षो़ठीमगी वाङ होकला हो़गीनक्‍याला सुङालाक ॱनेरी, होरी स्‍येलालाक। दे नी, मी घीरीगी खा काक्‍ये धाङ जीक्‍तेनगी मी हो़ले, को़न्‍क्षोकगी ठीम्‍चो़ होकदु ठीक्‍ती हुङयेगी क्षीदु लाक।

२ तीमोथेउ 2:14

खुङक्‍याला देक्‍याई ढेन्‍सो़ ॱलोङ। मीला ॱमेफेन्‍गीन हीना ङेन्‍गीनक्‍याला ॱनो़ क्‍यागीन छीकक्‍याई कोरला, चो़लीङ माझ्‍यी ॱनेरी, को़न्‍क्षोकगी डुङदु ॱलापच्‍या तेर।

तीतोस 1:11

खुङक्‍या आलेगी स्‍याबाला ग्‍युक्‍वालाक धेनी ॱलापच्‍या शोक्‍पोक्‍या तेरती, नाङमी घीरीला ठुक्‍तु च्‍युक्‍वालाक। होझ्‍येरी खेक्‍या खुङक्‍याई खा काक घो़गुलाक।

तीतोस 1:14

याहुदापाक्‍याई ॱरुङक्‍या धाङ लाब धेन्‍पाला खा लोक्‍ला मीक्‍याई शो़सा, ठीमक्‍याला या झ्‍यीगीमालाक।

ईब्‍रीपा 10:26

घीझ्‍येरी ॱनाना धेन्‍पागी स्‍येयो़न थोप्‍तीयाः, धोराङा होराङक्‍याई काङ चुक्‍ती धीक्‍पा झ्‍यीना, धीक्‍पा सेयेगी ॱमारछो़ श्‍येम्‍मा ल्‍हाक मेतालाक।