तीतोस 2:13 - ॱलोवा

¹³ धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

तीतोस 2:13 Iomraidhean Croise

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मेथा 26:64

येशुगी खोला सुवालाक, “खेराङगीराङ सुजुङ। हीना ङा खेराङला ॱनाहीन, देने ॱहाला खेराङगी मी-भु कुवाङगी क्षाक ॱयेला श्‍युक्‍कीन धाङ ॱनामगी ॱरीङगी खाला फेप्‍कीनगो थोङगीलाक।”

मारकु 14:62

येशुगी सुवालाक, “ङा हीन। धेनी खेक्‍याई मी-भु कुवाङगी क्षाक ॱयेरु श्‍युकश्‍या, धाङ नाम्‍खाने ॱरीङक्‍यामुला भाप्‍कीनगो थोङगीलाक।”

मारकु 8:38

दे लोक्‍येम धाङ धीक्‍चेनगी मीराप दोङला, सी़ ङा धाङ ङी काला ङोजा झ्‍यीदी, होदेक्‍याला मी-भु राङगी यापगी शीजेगी नाङने, धाम्‍पे भाङछेनक्‍यामुला फेई घाङला, खी़या ङोजा झ्‍यीगीलाक।”

जेपा 24:15

धेनी देक्‍याई यीच्‍चे झ्‍यीगीन च्‍योक्‍रे, को़न्‍क्षोकगी मी शाङपो धाङ मी ङेन्‍पा घीरीला छीवाने सो़न्‍पो जेगीलाक ॱनागीन लाब देला, ङाः रेवा झ्‍यीदाहीन।

रोमापा 15:13

धा धाम्‍पे थुक्‍ङीगी नी़थुने खेक्‍याई रेवा मेछो़ली फेयेगी क्षीदु, रेवागी को़न्‍क्षोकगी खेक्‍याला धेपागी थोक्‍ने, घाटो धाङ श्‍यीदे हो़लेगी खाङवास्‍योक।

रोमापा 5:5

धेनी रेवागी होराङला ॱलो फाम्‍दु ॱमीच्‍युक्‍वालाक घीझ्‍येरी ॱनाना होराङला ॱनाङना धाम्‍पे थुक्‍ङीगी गोने, को़न्‍क्षोकगी झाम्‍पा होरी सेम नाङला ॱलुक हो़तालाक।

रोमापा 8:18

ङी साम्‍बाला धान्‍दागी दुङाक्‍या माउपारगी धी़ला, होराङला ॱङो़न्‍ये हीन्‍गीन शीजेमुला दुरना घीया मालाक।

१ कोरीन्‍थुपा 1:7

होझ्‍येरी होरी चोवो येशु मास्‍यीका ॱङो़न्‍सुमदु ज्‍यायेला, खेक्‍या घुक्‍ती धेताराङ खीकी नाङ सेम्‍ङीगी ॱनाङज्‍यीन घीया ॱमेछाङगीन मेयोङगीलाक।

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

कोलोसेपा 1:27

को़न्‍क्षोकगी ढाङमेगी शीजेगी साङवा दे, याहुदापा मेन्‍गीन मीरीकगी क्षीला ॱमीच्‍यीकी चाक्षे हीन्‍गीनगो, राङगी धाम्‍पे मीक्‍याला ॱङो़न्‍दु जेयेगो, को़न्‍क्षोकगी थुक घेवालाक। साङवा दे नी, मास्‍यीका खेक्‍याई नाङ हो़तालाक धेनी खोङ नी शीजेगी रेवागो लाक।

कोलोसेपा 1:5

धेपा धाङ चेवा दे, खीकी दो़न्‍दु नाम्‍खे श्‍यीङखामदु श्‍याकश्‍या रेवागी झ्‍येरी लाक। दी कोरला खेक्‍याई धेन्‍पे कागी ताम्‍शाङने एन्‍दुरु घोर हो़तालाक।

कोलोसेपा 3:4

धेनी खेक्‍याई छेसोक हीन्‍गीन मास्‍यीका ॱङो़न्‍दी घाङला, खेक्‍याः खोङबामुला शीजे नाङदु ॱङो़न्‍गीलाक।

२ थेसालोनीकेपा 2:16

धा होराङला चेवा ॱनारी थुक्‍जेगी थोक्‍ने, थामेगीन सेमगी धेवा धाङ रेवा शाङपो ॱनाङगीन, चोवो येशु मास्‍यीका खोङबा धाङ होरी याप को़न्‍क्षोकगी,

२ थेसालोनीकेपा 2:8

धेनी ठीमने डागीन मी दे तो़न्‍गीलाक धेनी चोवो येशुगी राङगी, श्‍यालगी उपगी खोला सेगीलाक धेनी खोङबा फेप्‍कीनगी वाङगी खोला मेताला ताङगीलाक।

१ तीमोथेउ 1:1

होरी क्‍याम्‍गो़न को़न्‍क्षोक धाङ होरी रेवा मास्‍यीका येशुगी काला तेन्‍ती, मास्‍यीका येशुगी कुछाप ङा पाउलुने,

२ तीमोथेउ 1:2

ङी चेवे भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भाबास्‍योक।

२ तीमोथेउ 4:1

को़न्‍क्षोकगी दोङदु धाङ सो़न्‍पो धाङ स्‍यीम्‍बु ॱङीगी ठीम्‍चो़ जेगीन, मास्‍यीका येशुगी दोङदु धेनी खोङबागी धाब्‍ले फेप्‍सु धाङ ग्‍यासीला तेन्‍दी, ङा ख्‍यो़ला देरे च्‍याक ग्‍याहीन।

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

तीतोस 1:2

होदे लाब धेन्‍पागो, को़न्‍क्षोकगी एम्‍माने जेजा धाम्‍चा थामेपे छेसोकगी रेवागो लाक। को़न्‍क्षोक नामा शोक ॱमीसुङालाक।

तीतोस 1:4

ङीमुला धेपा च्‍यीक्‍पा हो़गीन, ङी ॱङोन्‍नेगी भीजा तीतोसला, दे यीक ढीयाहीन। याप को़न्‍क्षोक धाङ होराङला थारपा ॱनाङगीन येशु मास्‍यीकागी, ख्‍यो़ला थुक्‍जे धाङ श्‍यीदे ॱनाङास्‍योक।

तीतोस 3:4

हीना होरी क्‍याम्‍गो़न को़न्‍क्षोकगी ॱङीङजे धाङ मीक्‍याला झाम्‍पा तो़न्‍दी घाङला,

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

१ पेटो 1:3

को़न्‍क्षोक, होरी चोवो येशु मास्‍यीकागी यापला तो़पा पुलो। खोङबागी ॱङीङजे क्षेम्‍बोगी, येशु मास्‍यीका छीवाने सो़न्‍पो जेदी, दी थोक्‍ने होराङक्‍याला रेवा सो़न्‍पो थोप्‍येगी क्षीदु, होराङक्‍याला छे साबा ॱनाङ हो़तालाक।

१ पेटो 1:7

देक्‍या नी, खीकी धेपा ॱङोन्‍ने हीन्‍गीनगी पाङपो तो़न्‍ये धाङ येशु मास्‍यीका ॱङो़न्‍दी घाङला, खेक्‍याला तो़पा धाङ शीजे धाङ कुरती थोप्‍ये क्षीदु हुङालाक। पेला ताना मेताला डोगीन सेरक्‍या, मेला ॱराक्‍ती चाङा शोवालाक हीना खेक्‍याई धेपा सेर ले चाक्षे लाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।

१ योहान्‍ना 4:14

धेनी यापगी राङगी से जीक्‍तेनगी क्‍याम्‍गो़न झ्‍युङयेगी क्षीदु ॱङाक्‍कीनगो, हीकी थोवालाक धेनी पाङपो झ्‍यीदाहीन।

युदा 1:21

राङला को़न्‍क्षोकगी झाम्‍पाला ॱनेती श्‍योक धेनी थामेपे छेसोकला ठीक्‍कीन, होरी चोवो येशु मास्‍यीकागी ॱङीङजेला घुक्‍ती धो़क।

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।