तीतोस 1:9 - ॱलोवा

⁹ मी श्‍येम्‍माक्‍याला तावा ॱङोन्‍नेला ॱलोप्‍चुङ ग्‍याप्‍ये धाङ ग्‍यापक्‍येल झ्‍यीगीनक्‍याला ॱलापच्‍या तेरयेला, खोराङला ॱलाप्‍ला का धेन्‍पागोला, खो तेन्‍पो धे घो़गीलाक।

तीतोस 1:9 Iomraidhean Croise

जेपा 18:28

घीझ्‍येरी ॱनाना खी़ सुङरापने येशुराङ मास्‍यीका लाक ॱनेरी पाङपो तेरती, याहुदापाक्‍याला मीमाङक्‍या दोङदु ॱमीच्‍यीकी वाङक्षे लाब तावालाक।

१ कोरीन्‍थुपा 14:24

हीना घीरी ॱङो़न स्‍येदी धेती घाङला, धेपा मीझ्‍यीगीन याङना फीदी मीक्‍या होदुरु हुङना, खीकी लाबक्‍या घोरती खुङक्‍याला खोरी धीक्‍पाक्‍या सावो झ्‍युङगीलाक धेनी खुङक्‍याला ठीम्‍चो़ फोक्‍कीलाक।

१ थेसालोनीकेपा 5:21

हीना घीरीला छो़ता झ्‍यी धेनी शाङागोला तेन्‍पोमा शीम्‍दी धो़क।

२ थेसालोनीकेपा 2:15

होझ्‍येरी पी़न्‍दाक्‍याओ, तेन्‍पो झ्‍येरी धो़क धेनी हीकी खाने ॱनेना तामक्‍या याङमेना ढीक्‍टा यीक्‍याने, खेक्‍याला तेरता ॱलापच्‍याक्‍या तेन्‍पो झ्‍येरी ॱरुङ।

१ तीमोथेउ 1:10

लोक्‍येम्‍पाक्‍या धाङ फोला चो़गीन धेनी मी ढेन्‍योकला चोङगीन धाङ शोक स्‍येगीनक्‍या धेनी ॱना ॱमीचीगीन धाङ झ्‍यीलापचेनगी को़न्‍क्षोकगी, ङाला ॱनाङगीन शीजेचेनगी ताम्‍शाङगी तावा ढाङपोला ॱमीथी़न्‍गीन, घीरीगी क्षीला लाक।

१ तीमोथेउ 1:15

“मास्‍यीका येशु नी, धीक्‍चेनक्‍याला क्‍योप्‍येला जीक्‍तेनदु फेप्‍पालाक।” ॱनागीन दे ॱलो का थुप्‍कीन धाङ घीरीगी थोक्‍ने खेलेन झ्‍यीघोगीन दुक। होदे धीक्‍चेनक्‍याने ङागो चो हीन।

१ तीमोथेउ 1:19

रीङगागी राङगी स्‍येराप शाङपोला मेङेन्‍दा, राङगी धेपाराङ मेताला तावालाक।

१ तीमोथेउ 4:9

दे ताम दे, ॱलो का थुप्‍कीन धाङ घीरीगी थोक्‍ने खेलेन झ्‍यीघोगीन दुक।

१ तीमोथेउ 6:3

होरी चोवो येशु मास्‍यीकाई क्‍यो़न मेगीन, सुङ धाङ क्षो़सेमला थी़न्‍गीन ॱलापच्‍याक्‍याला खेमेलेन्‍दा, तावा श्‍येम्‍माक्‍या ॱलाप्‍ना,

२ तीमोथेउ 1:13

मास्‍यीका येशुगी नाङ हो़गीन धेपा धाङ झाम्‍पागी गोने, ख्‍यो़ ङाने घोरकीन ॱलापच्‍या धेन्‍पाक्‍या तेन्‍पो ॱरुङ च्‍यीक।

२ तीमोथेउ 2:2

धेनी पाङपो माङागी दोङदु ङाने घोरकीन ङी ॱलाप्‍ला लाबक्‍या, श्‍येम्‍माक्‍याला ॱलाप थुप्‍कीन, ॱलो का थुप्‍कीन केवे-भुक्‍याला चो।

२ तीमोथेउ 2:25

धेनी राङगी स्‍योकला मेगीनक्‍याला ज्‍याबोमा ॱलोप्‍तो़न झ्‍यी थुप्‍कीन हुङघोवालाक। देरे झ्‍यीना को़न्‍क्षोकगी खुङक्‍याला धीक्‍पा पारी सेम ग्‍युरये धाङ धेन्‍पाला ॱहा घोथुप्‍कीनगी सेम ॱनाङगीलाक।

२ तीमोथेउ 3:14

हीना होदे ॱलापच्‍याक्‍या सुने ज्‍याजागो ख्‍यी़राङ स्‍येलालाक। घीझ्‍येरी ॱनाना ख्‍यो़ राङगी ॱलाप्‍ला ॱलापच्‍याक्‍या धाङ तेन्‍पो झ्‍येरी झ्‍येजा धेपाला ॱनेती धो़क।

२ तीमोथेउ 4:3

घीझ्‍येरी ॱनाना मीक्‍याई तावा ढाङतेनगी ॱलापच्‍याला ङेन्‍ङी मेदो़दा, राङगी ङेन्‍ङी दो़गीन लाबक्‍या धाङ राङगी थेगीन ॱलोपो़नक्‍या चायेगी धी़ स्‍यारकीलाक।

तीतोस 1:11

खुङक्‍या आलेगी स्‍याबाला ग्‍युक्‍वालाक धेनी ॱलापच्‍या शोक्‍पोक्‍या तेरती, नाङमी घीरीला ठुक्‍तु च्‍युक्‍वालाक। होझ्‍येरी खेक्‍या खुङक्‍याई खा काक घो़गुलाक।

तीतोस 2:1

हीना ख्‍यो़, तावा ढाङपोला घी थी़न्‍दी, होदेगो स्‍यो़क।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।

ॱङो़न्‍पा 2:25

हीना ङा माहुङगीन थुक्‍पे, खेक्‍याला हो़गीनगो तेन्‍पो ॱरुरी धो़क।

ॱङो़न्‍पा 3:11

ङा ग्‍योक्‍जे हुङाहीन। धेनी ख्‍यी़ चो़पेनगो सी़या ठोक ॱमीथुक्‍येगी क्षीदु, ख्‍यी़मुला घी हो़गीनगो तेन्‍पोमा झ्‍येरी ॱरुङ।

ॱङो़न्‍पा 3:3

होझ्‍येरी ख्‍यो़ला घी थोप्‍था धाङ ख्‍यी़ घी घोरकागोला तेन्‍पोमा ॱरुङ धेनी राङगी धीक्‍पा पारी सेम ग्‍युरवा तोङ। धेनी ख्‍यो़ ॱङीने ॱमेसो़ना, ङा ख्‍यो़चारु कुमा च्‍योक्‍रे हुङयेहीन धेनी ङा हुङगीनगी धी़चो़गो ख्‍यी़ ॱमेस्‍येगीलाक।