तीतोस 1:5 - ॱलोवा

⁵ लेगा लेरी धेतागो डुप्‍तु च्‍युक्‍ये धाङ ग्‍याजा घीरीदु, ङी ॱनेना च्‍योक्‍रे गोठीक्‍या दाम्‍येला, ङी ख्‍यो़ला केरेटदु भोरपे।

तीतोस 1:5 Iomraidhean Croise

जेपा 11:30

देरे झ्‍येरी होदे आलेगो क्षो़छोकगी गोठीक्‍याला पुयेला, बारनाबा धाङ साउलगी लागाला कुरपालाक।

जेपा 14:23

खुङक्‍याई क्षो़छोक घीरीला गोठीक्‍या को़वालाक धेनी ॱङ्युङनेला श्‍युक्‍ती सोवा ग्‍याप्‍ती, होदे ङेनेक्‍याला, खोरी धेपा झ्‍येजा चोवोगी क्षाकला पुवालाक।

जेपा 2:11

याहुदापा धाङ याहुदापा क्षो़ला ग्‍युरग्‍युवा मीक्‍या ॱङीगारा धाङ केरेट धाङ आराब ग्‍याखापने, होवा मीक्‍या लाक। को़न्‍क्षोकगी जेजा ॱहाङसागीन क्षालेक्‍याई कोरला, खुङक्‍याई होरी केकला स्‍येगीनगो होराङक्‍याई घोरी।”

जेपा 27:12

धेनी होदे डुखाङ तेन्‍पोला घुङगा धे थुक्‍ये मेगीन झ्‍युरी, माङक्षेगी होदेने फोनीक्‍स ग्‍याजाला डोना घागुलाक ॱनेरी साम्‍लो तावालाक। होदे ग्‍याजा दे ल्‍हो-नुप धाङ झाङ-नुप स्‍योकला, खा लोक्‍ला केरेटगी डुखाङ च्‍यीक लाक।

जेपा 27:13

ल्‍हो स्‍योकने ॱलुङबु ज्‍याम्‍बो ग्‍याई घाङला, डुपाक्‍याई धा खोराङक्‍या डो थुक्‍ये दुक साम्‍दी खुङक्‍याई तीङधोगो तो़न्‍दी, केरेटगी डामने सोवालाक।

जेपा 27:21

मी सी़या श्‍याक्‍मो ॱमीच्‍यीकी माङा थुक्‍पे घीन्‍दा माशे हो़तालाक। धेनी पाउलु खुङक्‍या खोक्‍दु लारी ॱनेवालाक, “खेक्‍याई एन्‍लाराङ ङी खाला ङेन्‍दी केरेटदुराङ धेहो़ना, धान्‍दा दे क्‍यो़न धाङ ग्‍योङ घीरी ङ्याङ घोये मेतालाक।

जेपा 27:7

श्‍याक्‍मो घाजीङने हेक्‍या घाली-घाली डु तावालाक धेनी ॱमीच्‍यीकी काल्‍ले झ्‍येरी केनेदुरु ॱलेप्‍जुङ। धेनी होदुरु याङ ॱलुङबु ग्‍याप्‍ती, हेक्‍याला होदेने ॱहाला डोरु ॱमाच्‍युक्‍जुङ। होझ्‍येरी ॱलुङबुने थारयेला, हेक्‍या केरेट ॱलीङठेनगी डामने झ्‍युरी, सालमोनेगी थाकोरने कोरती सोवी।

१ कोरीन्‍थुपा 11:34

धेनी मुला जोमाराङ खेक्‍याला ठीम ॱमेफोक्‍येगी क्षीला, खेक्‍याने तोक्‍कीन रे हो़ना होदेगी राङगी खीमदु शाघो़। धेनी दो़न श्‍येम्‍माक्‍याई कोरला, ङा हुङाराङ खेक्‍याला ॱलापच्‍या तेरयेहीन।

१ कोरीन्‍थुपा 14:40

हीना घीरी घामोमा झ्‍येरी, ढीक्‍लामगी थोक्‍ने झ्‍युङघो़।

१ कोरीन्‍थुपा 4:17

धेनी होझ्‍येरीराङ चोवोगी नाङ ॱलो का थुप्‍कीन, ङी चेवे भु तीमोथेला, ङी खीकीचारु झाहो़क। धेनी साजा हो़लेदु क्षो़छोक घीरीला ङी क्षो़ स्‍येस्‍या च्‍योक्‍रे थी़न्‍गीन, मास्‍यीका येशुगी नाङ ङी मीछे घारे हो़गीनगो, खी़ खेक्‍याला ढेन्‍सो ॱलाङगीलाक।

कोलोसेपा 2:5

घीझ्‍येरी ॱनाना ङा ली़गी थोक्‍ने खीकी घुङदु मेनाः, सेम्‍ङीगी थोक्‍ने खीकीमुला हो़क। धेनी खेक्‍याई थी़न्‍डील धाङ मास्‍यीकागी खाला खीकी धेपा तेन्‍पो हो़गीनगो ॱहाघोरती, ङा ङ्यामो घी हो़क।

१ तीमोथेउ 1:3

ङा माकेडोनीया युदु डी़ घाङला, ङी ख्‍यो़ला श्‍यी़गीन च्‍योक्‍रे होदुरु हो़गीन तावा शोक्‍पोगी क्षो़ ॱलाप्‍कीनक्‍याला ङेन्‍ता ताङयेला, ख्‍यो़ एफीसु ग्‍याजारु राङ धो़क।

२ तीमोथेउ 2:2

धेनी पाङपो माङागी दोङदु ङाने घोरकीन ङी ॱलाप्‍ला लाबक्‍या, श्‍येम्‍माक्‍याला ॱलाप थुप्‍कीन, ॱलो का थुप्‍कीन केवे-भुक्‍याला चो।

तीतोस 1:12

खुङक्‍याई ॱङो़न स्‍येगीन च्‍यीक्‍कीयाः लेमो च्‍यीक देरे ॱने हो़तालाक, “केरेटगी मीक्‍या नाम्‍हीना शोक स्‍येदालाक। खुङक्‍या सेम्‍चेन दुकच्‍या च्‍योक्‍रे धाङ लेमेलाम्‍गीन फोक्‍चाङा हुङालाक।”