तीतोस 1:4 - ॱलोवा

⁴ ङीमुला धेपा च्‍यीक्‍पा हो़गीन, ङी ॱङोन्‍नेगी भीजा तीतोसला, दे यीक ढीयाहीन। याप को़न्‍क्षोक धाङ होराङला थारपा ॱनाङगीन येशु मास्‍यीकागी, ख्‍यो़ला थुक्‍जे धाङ श्‍यीदे ॱनाङास्‍योक।

तीतोस 1:4 Iomraidhean Croise

लुका 2:11

धीरीङ दावीद ग्‍यावुगी ग्‍याजाला, खेराङक्‍याई क्षीदु क्‍याम्गो़न च्‍यीक ठुङदुक। खोङबा नी चोवो मास्‍यीकागो लाक।

योहान्‍ना 4:42

धेनी खुङक्‍याई होदे केमीगोला ॱनेवालाक, “धा ख्‍यी़ ॱनागीनगोला मेन्‍दा, हीकी राङगी घोरती धेपा झ्‍यीदाहीन। धेनी ॱङोन्‍नेराङ खोङबा जीक्‍तेनगी क्‍याम्‍गो़नगो लाक ॱनेरी हेक्‍याई स्‍येजुङ।”

रोमापा 1:12

दुक झ्‍येरी खेक्‍याने ङाला धेनी ङाने खेक्‍याला राङ-राङगी धेपागी थोक्‍ने, ॱहाला-छुला सेमस्‍युक थोप्‍कीलाक।

रोमापा 1:7

खे रोम ढोङखेरदु हो़गीन, को़न्‍क्षोकगी झाम्‍पा जेजाक्‍या धाङ को़न्‍क्षोकगी मी झ्‍युङयेला भो़पा घीरीला, होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

२ कोरीन्‍थुपा 12:18

ङी तीतोसला खीकीचारु डोयेला च्‍याक ग्‍याप्‍ती, खी़मुला पी़न च्‍यीकला झावी। धा तीतोसगी खेक्‍याने खेब्‍साङ रे शेजे? हे ॱङीउ सेम्‍ङी च्‍यीक धाङ चो़लाम च्‍यीकगी गोने माग्‍युक्‍जे?

२ कोरीन्‍थुपा 2:13

हीना होदुरु ङी पी़न तीतोसला ॱमाथुक्‍पा, ङी सेम कीदा माझ्‍युजुङ। होझ्‍येरी ङा खुङक्‍याने घोङपा श्‍यी़री, माकेडोनीयारु सोवी।

२ कोरीन्‍थुपा 4:13

सुङरापला देरे ढीक्‍टा “ङी धेपा झ्‍येवी होझ्‍येरी ङी लाब तावी।” सुरी सुङगीन, धेपागी थुक्‍ङी च्‍यीक्‍पागो हीकी नाङ हो़गीन झ्‍येरी हेक्‍याः धेपा झ्‍यीदीहो़क। होझ्‍येरी हेक्‍या लाब ताङाहीन।

२ कोरीन्‍थुपा 7:6

हीना ॱलो फाम्‍बाक्‍याला सेम्‍सो ॱनाङगीन को़न्‍क्षोकगी, तीतोस ॱलेप्‍ती खी़ थोक्‍ने हेक्‍याला सेम्‍सो ॱनाङजुङ।

२ कोरीन्‍थुपा 8:16

हीना ङी खेक्‍याला दो़नाङ तेरकीन च्‍योक्‍रे, तीतोसगी सेम नाङदु खीकी क्षीला होदे दो़नाङ ॱनाङा जेगीन, को़न्‍क्षोकला काटीन्‍क्षे श्‍युवाहीन।

२ कोरीन्‍थुपा 8:23

धेनी तीतोस नी, रोवा धाङ खेक्‍याला श्‍याप्‍तोक पुयेगी क्षीदु ङी लेरोक लाक। धेनी होरी पी़न श्‍येम्‍माक्‍या नी, मास्‍यीकागी शीजे हीन्‍गीन क्षो़छोकक्‍याई भाङछेनक्‍या लाक।

२ कोरीन्‍थुपा 8:6

होझ्‍येरी तीतोसगी एम्‍मा लेगा दे गो चुक्‍चा झ्‍येरी, धा खेक्‍याई खोक्‍दु थुक्‍जेगी लेगा दे डुप घो़गुलाक ॱनेरी, हेक्‍याई खोला च्‍याक ग्‍याप्‍पी।

गालातीयापा 2:3

धा ङीमुला हो़गीन तीतोस गीरीक मी हीन्‍ना, खोला सी़या पाउ चेगीन ॱरो ॱरुङ ॱनेरी उजुक माझ्‍येजुङ।

गालातीयापा 3:26

घीझ्‍येरी ॱनाना मास्‍यीका येशुला धेपा झ्‍येरी, खेक्‍या घीरी को़न्‍क्षोकगी से धाङ सेमो लाक।

गालातीयापा 3:28

धा देने ॱहाला खेक्‍या याहुदापा धाङ गीरीक, ढेन्‍योक धाङ राङवाङ हो़गीन धेनी फो धाङ मो ॱनेरी ॱयेवा मेन्‍दा, मास्‍यीका येशुगी थोक्‍ने घीरी च्‍यीक्‍पा लाक।

एफीसुपा 1:2

होरी याप को़न्‍क्षोक धाङ चोवो येशु मास्‍यीकाने थुक्‍जे धाङ श्‍यीदे, खेक्‍याला थोप्‍पास्‍योक।

कोलोसेपा 1:2

कोलोसे ग्‍याजारु हो़गीन मास्‍यीकाला ॱलो का थुप्‍कीन धाम्‍पे पी़नक्‍याला, होरी याप को़न्‍क्षोकने थुक्‍जे धाङ श्‍यीदे, खेक्‍याला थोप्‍पास्‍योक।

१ तीमोथेउ 1:12

ङाला स्‍युक ॱनाङगीन, होरी चोवो मास्‍यीका येशुला ङा थुक्‍चीछे पुलाहीन। घीझ्‍येरी ॱनाना एम्‍मा, ङा को़न्‍क्षोकला कुरवा धेप्‍कीन च्‍यीक धाङ दुक्‍जोङ ताङगीन धाङ मी चुपो च्‍यीक झ्‍येरीयाः, खोङबागी श्‍याप्‍चीला ङाला को़ जेदी, खोङबागी ङाला ॱलोते जेसोङ।

२ तीमोथेउ 1:1

मास्‍यीका येशुगी नाङ हो़गीन छेगी धाम्‍चा च्‍योक्‍रे, को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने,

२ तीमोथेउ 1:2

ङी चेवे भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भाबास्‍योक।

२ तीमोथेउ 4:10

घीझ्‍येरी ॱनाना देमा, जीक्‍तेन देला छाक्‍ती ङाला पारी थेसालोनीकेरु लाजुङ। धेनी कारेसीकेन नी, गालातीया यु स्‍योकदु लाजुङ धेनी तीतोस नी दालमातीया यु स्‍योकदु लाजुङ।

तीतोस 1:3

धेनी धी़चो़ ताक-ताकगोला, खोङबागी का दे तो़न्‍दा जेजुङ। दी गेनगो ङाला ॱनाजुङ धेनी होरी क्‍याम्‍गो़न को़न्‍क्षोकगी काला तेरी, ङा दे स्‍येदाहीन।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

२ पेटो 1:11

धेनी होझ्‍येरी खेक्‍याला होरी चोवो धाङ क्‍याम्‍गो़न येशु मास्‍यीकागी, थामेपे ग्‍यासी नाङदु सी़याङ खाक्‍क्षे थोप्‍कीलाक।

२ पेटो 2:20

होरी चोवो धाङ क्‍याम्‍गो़न येशु मास्‍यीकाला ङोस्‍येरी, दे जीक्‍तेनगी ङेन्‍पाक्‍याने थार सारतीयाः याङ धाब्‍ले होदेगी वाङ होकदु छी़ना, हुरे मीक्‍याई ॱनेछुगो एम्‍माले श्‍युकला दुक्‍वा झ्‍युङगीलाक।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।

२ पेटो 3:2

धाम्‍पे ॱङो़नस्‍येखेनक्‍याई एम्‍मा ॱनाङना ॱङो़नस्‍येक्‍या धाङ होरी चोवो धाङ क्‍याम्‍गो़नगी कुछापक्‍याई थोक्‍ने ॱनाङना काक्‍या, खेक्‍याई ढेन्‍सो़ झ्‍यीगीनगो ङा दो़दीहो़क।

१ योहान्‍ना 5:14

को़न्‍क्षोकगी थुकोङला तेन्‍ती, होरी घी श्‍यी़ना खोङगी होराङला सेन्‍दालाक ॱनेरी, होराङला खोङगी खाला ॱलोते हो़तालाक।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।