तीतोस 1:3 - ॱलोवा

³ धेनी धी़चो़ ताक-ताकगोला, खोङबागी का दे तो़न्‍दा जेजुङ। दी गेनगो ङाला ॱनाजुङ धेनी होरी क्‍याम्‍गो़न को़न्‍क्षोकगी काला तेरी, ङा दे स्‍येदाहीन।

तीतोस 1:3 Iomraidhean Croise

मारकु 1:15

खोङबागी सुवालाक, “धा धी़चो़ ॱलेप्‍सालाक धेनी को़न्‍क्षोकगी ग्‍यासी ङ्ये ॱलेप्‍दुक। सेम ग्‍युरवा तोङ धेनी ताम्‍शाङला धेपा झ्‍यी।”

मारकु 13:10

धेनी थागी धी़चो़ हुङये एन्‍ला, ताम्‍शाङ दे मीरीक घीरीला स्‍येघो़गीलाक।

मारकु 16:15

धेनी येशुगी खुङक्‍याला सुवालाक, “जाम्‍बुलीङ घीरीदु सोङ धेनी मी घीरीला ताम्‍शाङगो स्‍यो़क।

लुका 1:47

को़न्‍क्षोक ङी क्‍याम्‍गो़नला, ङी सेम घावा।

जेपा 10:36

येशु मास्‍यीकागी थोक्‍ने, को़न्‍क्षोकमुला श्‍यीदे हो़गीन ताम्‍शाङ दे, को़न्‍क्षोकगी ईस्‍राएल्‍पाक्‍याला ॱनाङना का दे, खेराङक्‍याला क्षा हो़तालाक। धेनी येशु मास्‍यीका घीरीगी चोवो लाक।

जेपा 17:26

खोङबागी मी च्‍यीकने, जाम्‍बुलीङ नाङगी मीरीक घीरी को़ ॱनाङजुङ। खोङबागीराङ होदे मीक्‍याई पी़घोगीन मीछेगी धी़चो़ धाङ धेघोगीन साजा एम्‍मानेराङ को़ जे हो़तालाक।

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

रोमापा 16:26

हीना ॱङो़नस्‍येखेनक्‍याई एम्‍मा ॱङोई सुरी, ढीक्‍टा धाङ थामेपे को़न्‍क्षोकगी कागी थोक्‍ने, साङवा दे याहुदापा मेन्‍गीन घीरीला ॱङो़न हो़तालाक। दे नी घीरीगी धेपा झ्‍येरी, खोङबागी काला चीलास्‍योक ॱनेरी लाक।

रोमापा 5:6

होराङ थापक्‍योवा हो़ती घाङलाराङ मास्‍यीका धीक्‍चेनक्‍याई क्षीदु, को़न्‍क्षोकगी दामा जेजा धी़ तीक-तीकगोला ढोङा जेपालाक।

१ कोरीन्‍थुपा 9:17

घीझ्‍येरी ॱनाना ङा ङारी थेदी ताम्‍शाङ स्‍येना, ङाला ज्‍यागा हो़क। हीना ङी ङारी थेदी मेन्‍नाः, ताम्‍शाङ स्‍येयेगी गेन दे ङाला चोवालाक।

गालातीयापा 4:4

हीना धी़चो़ ताक्‍तागो होसारती, को़न्‍क्षोकगी राङगी से ताङा जेपालाक। धेनी क्षो़ठीमगी होकदु हो़गीन, होराङक्‍याला थारपा जेये धाङ होराङ खोङगी से धाङ सेमो झ्‍युङयेला, खोङबा भोमो च्‍यीकने क्षो़ठीमगी होकदु ठुङवालाक।

एफीसुपा 1:10

धेनी खोङबागी थुकोङगी धी़ तीक-तीकगो भावी घाङला, ॱनाम्‍सा ॱङीला हो़गीन घीरी च्‍यीकदु मास्‍यीकागी वाङला धी़ये लाक।

एफीसुपा 2:17

खोङबा फेप्‍ती खे थाक्‍रीङा धाङ ङ्ये हो़गीनक्‍याला, श्‍यीदेगी ताम्‍शाङ सुङा जेपालाक।

फीलीप्‍पीपा 1:13

दी दोक्‍पो नी, फोडाङगी ॱरुङमाकक्‍या धाङ श्‍येम्‍मा घीरीला ङा मास्‍यीकागी दो़नला, चो़न्‍खाङदु छी़गीनगो सावो झ्‍युदुक।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

कोलोसेपा 1:6

ताम्‍शाङ दे खीकी घुङदु ॱलेप्‍सालाक धेनी जीक्‍तेन घीरीदु ढेबु केरी फेली। होझ्‍येरीराङ खीकी घुङदुवाः खेक्‍याई ताम्‍शाङ घोरकीन धाङ को़न्‍क्षोकगी थुक्‍जेगी कोरला ॱङोन्‍ने ॱहाघोरकीन, ङीमानेराङ दे फेरी डी़।

१ थेसालोनीकेपा 2:4

हीना ताम्‍शाङ दे हीकी खाला ॱलो कायेला, को़न्‍क्षोकगी हेक्‍याला थाक्‍चो़ जेदी, हेक्‍या मीगी घाटोगी क्षीला मेन्‍दा, होरी ॱङीङगी छो़ शीक्‍कीन को़न्‍क्षोकला थुक्‍ङेउ हुङयेला स्‍येदाहीन।

१ तीमोथेउ 1:1

होरी क्‍याम्‍गो़न को़न्‍क्षोक धाङ होरी रेवा मास्‍यीका येशुगी काला तेन्‍ती, मास्‍यीका येशुगी कुछाप ङा पाउलुने,

१ तीमोथेउ 2:3

दे नी होरी क्‍याम्‍गो़न को़न्‍क्षोकगी चेनङारदु, शाङपो धाङ थुक्‍ङेउ दुक।

१ तीमोथेउ 4:10

दो़न देगी क्षीला होराङक्‍या दुक्‍पु ङ्यारी काल्‍ले ग्‍यालाक। घीझ्‍येरी ॱनाना होरी रेवा सो़न्‍पो को़न्‍क्षोकला ॱनेलालाक। खोङबा नी, मी घीरी धाङ ॱमीक्‍सेदु धेपा झ्‍यीगीनक्‍याई क्‍याम्‍गो़न लाक।

२ तीमोथेउ 4:17

हीना ङी थोक्‍ने ताम्‍शाङ छाङबो स्‍येयेला धेनी याहुदापा मेन्‍गीन मीरीक घीरीगी ॱहाघोरयेगी क्षीला, चोवो ङीमुला श्‍युक्‍ती ङाला स्‍युक ॱनाङजुङ। धेनी छीवे खाने ङाला क्‍योप जेजुङ।

तीतोस 2:10

लाक्‍पा चाङमा धाङ ॱलो का थुप्‍कीन झ्‍युरी, तो़न घो़गीलाक। धेनी होरी क्‍योप्‍खेन को़न्‍क्षोकगी कोरला ॱलापच्‍या तेरतागोला, घारु हीन्‍ना खुङक्‍याई घुस्‍याप झ्‍यीगीलाक।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

ॱङो़न्‍पा 14:16

होझ्‍येरी ॱरीङबा खाला श्‍युक्‍कीनगी राङगी शोरा साश्‍यी खाला ग्‍यावा जेपालाक धेनी साश्‍यीगी तो़न धी़वालाक।